Кани бона «Бәрнама Щьвине, Бьжин у Хьзмәт кьн»
2-8 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБРАНИ 7-8
«Мина Мәлкʹисәдәк Һʹәта-Һʹәтайе Кʹаһин ә»
(Ибрани 7:1, 2) Мәлк′и-Садьԛ п′адшайе Шәлиме бу, к′аһине Хԝәдейе Һәри Жорьн. Гава Бьраһим жь п′адша ԛьр′кьрьне вәдьгәр′ийа, Мәлк′и-Садьԛ пешийа ԝида чу у дӧа ль ԝи кьр. 2 Бьраһим жи жь һ′әму т′алане хԝә дәһәк да ԝи. (Пешийе наве Мәлк′и-Садьԛ шьровәдьбә: «П′адше Р′астийе» у алики дьнва жи әԝ «П′адше Шәлиме» бу, аԝа готи наве ԝи те фә′мкьрьне «П′адше Ә′дьлайийе».)
it-2 366
Мәлкʹисәдәк
Мәлк′исәдәк, пʹадше бажаре Шәлиме бу, у «к′аһине Хԝәдейе Жорьн» демәк к′аһине Йаһоԝа бу (Дсп. 14:18, 22). Мәлкʹисәдәк к′аһине пешьн бу, дәрһәԛа кʹижани кӧ Ньвисаред Пирозда те готьне. Әԝ һʹәта незики сала 1933 Б.Д.М., ԛӧльхе хԝәда бу. Әԝ пʹадше Шәлиме бу, чь кӧ те һʹәсабе «Әʹдьлайи», ләма жи Паԝлосе шанди ԝи нав дькә «П′адше Ә′дьлайийе», у ль гора мә′на наве ԝи «П′адше Р′астийе» (Ибр. 7:1, 2). Һʹәсаб дькьн, ԝәки Шәлима бәре әв һәбу һʹиме бажаре Оршәлиме, йа кӧ паше һатә ава кьрьне. Наве «Шәлим», наве «Оршәлимева» гьредайи йә, у щарна жи дәԝса ԝи те хәбьтандьне (Зб. 76:2).
Чахе Абрам (Бьраһим) алт кьр К′ьдорлаһомәр у пʹадшед дьн, әԝ һатә дәшта Шаве йан жи «Дәшта П′адше». Мәлкʹисәдәк «нан у шәраб» ани у Бьраһим кʹәрәм кьр: «Бьра бьмбарәк бә Абрам жь алийе Хԝәдейе Жорьн, хԝәйе ә′рд у ә′зменда, у шькьр жь Хԝәдейе Жорьнр′а, кӧ дьжмьнед тә данә дәсте тә!» Һьнге Бьраһим жь «һәр тьшти дәһәк» кӧ әԝи зәфт кьр ԝәʹде шәʹр, да Мәлкʹисәдәк (Дсп. 14:17-20; Ибр. 7:4).
(Ибрани 7:3) Әԝ бе бав, бе де у бе р′ьк′ьнйат бу, нә р′ожа буйина ԝи ә′йан бу, нә жи хьлазийа ә′мьре ԝи. Әԝ мина Кӧр′е Хԝәде бу у т′ьме к′аһин дьминә.
it-2 367 ¶4
Мәлкʹисәдәк
Чь щурʹәйи «нә р′ожа буйина» Мәлкʹисәдәк ә′йан бу, «нә жи хьлазийа ә′мьре ԝи»?
Дәрһәԛа Мәлк′исәдәк, Паԝлос тьштәкә әʹщебмайи кʹьфш кьр: «Әԝ бе бав, бе де у бе р′ьк′ьнйат бу, нә р′ожа буйина ԝи ә′йан бу, нә жи хьлазийа ә′мьре ԝи. Әԝ мина Кӧр′е Хԝәде бу у т′ьме к′аһин дьминә» (Ибр. 7:3). Ча һәр мәрьв, Мәлкʹисәдәк һатә буйине у мьр. Ле Кʹьтеба Пирозда нә дәрһәԛа наве де-баве ԝи, нә кал-баве ԝи, нә зӧрʹәта ԝи, нә жи дәрһәԛа дәстпек у хьлазйа әʹмьре ԝи те готьне. Ләма жи Мәлкʹисәдәк бь симболик дькарьбу р′ьнд Иса ә′йан кьра, чьмки Иса жи ча кʹаһин хьзмәт дькә у дәԝса ԝи тʹӧ кәс нагьрә. Ча Ньвисаред Пирозда те кʹьфше, нә пешийа Мәлк′исәдәк кʹәсәк кʹаһин бу, нә жи паши ԝи. Анәгори ве йәке, пешийа Иса сәрәккʹаһин тʹӧнә бу, у ча Кʹьтеба Пироз дьбежә тʹӧ кәс ԝе дәԝса ԝи нәгьрә. Иса бәрәка Щьһуда ль рʹеза рʹькʹьнйата Даԝьдда һатә буйине, ләма жи кʹаһинтийа ԝи рʹькʹьнйата ԝива гьредайи нибу. У әв йәк, кӧ әԝ һьм кʹаһин бу, һьм жи пʹадша, жь рʹькʹьнйата ԝи ԝирʹа нәһатьбу дайине. Әве к′ьфшкьрьне, әԝи жь Йаһоԝа станд, йе кӧ ԝирʹа соз дабу.
(Ибрани 7:17) Чьмки ньвисар шә′де ве готьне йә кӧ: «Тӧ һ′әта-һ′әтайе к′аһин и, мина Мәлк′и-Садьԛ».
it-2 366
Мәлкʹисәдәк
Әʹйанкьрьна Иса ча Кʹаһин. Дь пʹехәмбәртийеда кӧ дәрһәԛа Мәсиһ бу, Йаһоԝа соз да «Хԝәдане» Даԝьд: «Тӧ һʹәта-һʹәтайе Кʹаһин и, мина Мәлкʹи-Садьԛ» (Зб. 110:1, 4). Әԝ зәбур, бона Щьһуйа бу һʹиме ве йәке, ԝәки Мәсиһе создайи гәрәке һьм кʹаһин бә, һьм жи пʹадша. Паԝлосе шанди нәма хԝәйә Ибранийарʹа нишан дькә, ԝәки ве пʹехәмбәртийеда дәрһәԛа кʹе те готьне. Әԝ дәрһәԛа Иса дьбежә: «Әԝ буйә сәрәкк′аһине һ′әта-һ′әтайе мина Мәлк′и-Садьԛ» (Ибр. 6:20; 5:10 бьньһерʹә ПӘЙМАН).
Хьзна Кʹьтеба Пироз Бьгәрʹьн
(Ибрани 8:3) Һәр сәрәкк′аһинәк бона ԛӧрбан у һ′әдидайине к′ьфшкьри йә, аԝа гәрәке тьштәки ви жи һәбуйа кӧ бьда.
ԝ00 15/8 14 ¶11
Ԛӧрʹбанед кӧ Хԝәде Ԛәбул Дькьр
11 Паԝлосе шанди дьбежә: «Һәр сәрәкк′аһинәк бона ԛӧрбан у һ′әдидайине к′ьфшкьри йә» (Ибрани 8:3). Дина хԝә бьдьн ԝәки Паԝлос һ′әдидайине, кʹижан кӧ сәрәкк′аһине Исрайела бәре, гәрәке бьһанийа, дькә дӧ пʹара. Демәк сәр «ԛӧрбан» у «һ′әдидайин» йан жи ԛӧрбана бәр гӧнава дайи (Ибрани 5:1). Мәсәлә бь пʹешкʹеша, һʹьзкьрьн у рʹазибуна хԝә дьдьнә кʹьфше, ӧса жи дькарьн һәвалтийа хԝә тʹәви кәсәки ԛәԝи кьн у жь мәрийа ԛәʹдьр ԛазанщ кьн (Дәстпебун 32:20; Мәтʹәлок 18:16). Бь ви щурʹәйи гәләк һ′әдидайин, йед кӧ бь Ԛануне кʹьфшкьри бун, дькарьн һʹәсаб кьн ча «пʹешкʹеш» Хԝәдерʹа, йед кӧ тиньн ԝәки ԛәбулкьрьна ԝи бьстиньн. Жь ԝан мәрийа, ки кӧ Ԛанун дьтʹәрʹьбандьн, дәʹԝа дькьрьн ԝәки пеш зьрар дайине «ԛӧрбана бәр гӧна бьдә», сәва кӧ гӧне ԝи бе бахшандьне. Дь пенщ кʹьтебед Мусада, илаһи кʹьтеба Дәркʹәтьн, Ԛануна Кʹаһинтийе у Жьмарда тенә шьровәкьрьне дәрһәԛа щурʹә-щурʹә ԛӧрбан у һ′әдидайина. Һеса нинә ԝан һәр тьшта фәʹм кьн у бира хԝәда хԝәй кьн, ле ԝе баш бә дина хԝә бьдьн һьнә дәрәщед сәрәкә дәрһәԛа ван һ′әдидайина.
(Ибрани 8:13) Гава Хԝәде бона пәйманәкә «ну» гот, йа пешьн кәвьн кьр у чь кӧ кәвьн у пир дьбә, бәр ӧндабуне йә.
it-1 523 ¶5
Пәйман
Чь щурʹәйи пәймана Ԛануне бьбу «кәвьн»?
Пәймана Ԛануне ча бежи бьбу «кәвьн», гава бь Йерәмйа пʹехәмбәр Хԝәде гот, ԝәки пәймана тʹәзә ԝе пешда бе (Йер. 31:31-34; Ибр. 8:13). Дь сала 33-да. Д.М., пәймана ԛануне, ль сәр һʹиме мьрьна Мәсиһ сәр стуна щәфайе, һатә һьлдане (Кл. 2:14), дәԝса ве пәймане, пәймана тʹәзә пешда һат (Ибр. 7:12; 9:15; Кр.Шн. 2:1-4).
Хԝәндьна Кʹьтеба Пироз
(Ибрани 7:1-17) Мәлк′и-Садьԛ п′адшайе Шәлиме бу, к′аһине Хԝәдейе Һәри Жорьн. Гава Бьраһим жь п′адша ԛьр′кьрьне вәдьгәр′ийа, Мәлк′и-Садьԛ пешийа ԝида чу у дӧа ль ԝи кьр. 2 Бьраһим жи жь һ′әму т′алане хԝә дәһәк да ԝи. (Пешийе наве Мәлк′и-Садьԛ шьровәдьбә: «П′адше Р′астийе» у алики дьнва жи әԝ «П′адше Шәлиме» бу, аԝа готи наве ԝи те фә′мкьрьне «П′адше Ә′дьлайийе».) 3 Әԝ бе бав, бе де у бе р′ьк′ьнйат бу, нә р′ожа буйина ԝи ә′йан бу, нә жи хьлазийа ә′мьре ԝи. Әԝ мина Кӧр′е Хԝәде бу у т′ьме к′аһин дьминә. 4 Аԝа дина хԝә бьдьне, кӧ әԝ йәки чаԝайи мәзьн бу, кӧ Бьраһиме бавә′шир жи жь т′алед дәһәк дайе. 5 У зӧр′әта Леԝийә кӧ дьбьнә к′аһин, бона ԝан т′әми Ԛанунеда һәйә кӧ жь щьмә′те дәһәке бьстиньн, аԝа готи жь мьләте хԝә, һәгәр әԝ бәдәна Бьраһим ьн жи. 6 Ле Мәлк′и-Садьԛ нә жь р′ьк′ьнйата Леԝи бу, әԝи жь Бьраһим жи дәһәк станд у дӧа ль ԝи кьр, йе кӧ жь Хԝәде соз стандьбу. 7 Әва йәка фә′мдари йә, кӧ йе бьч′ук жь йе мәзьн дӧа-дьрозга дьстинә. 8 Ви алийе к′аһинтийеда, мәрьвед кӧ дьмьрьн дәһәке дьстиньн, ле алийе Мәлк′и-Садьԛ, йе кӧ дәһәке дьстинә бона ԝи ньвисар дьбежә, кӧ әԝ сах ә. 9 У һ′әта әм дькарьн ве йәке жи бежьн, Леԝийе кӧ зӧр′әта ԝи дәһәке һьлдьдә, ԝи хԝәха жи бь дәсте Бьраһим дәһәк да Мәлк′и- Садьԛ. 10 Чьмки әԝ һе бәдәна баве хԝәда бу, гава Мәлк′и- Садьԛ пешийа ԝида чу. 11 Аԝа һәгәр к′амьлбун бь дәсте к′аһинтийа леԝийа бьбуйа, (чаԝа щьмә′та Исраеле сәр ԝи һ′ими Ԛанун стандьбу), иди чь лазьм бу кӧ к′аһинәки дьн мина Мәлк′и- Садьԛ р′абуйа у нә кӧ мина Һарун? 12 Чьмки гава к′аһинти те гӧһастьне, гәрәке ԛанун жи бе гӧһастьне. 13 У бона к′ижани кӧ әв йәк те готьне, әԝ жь ԛәбиләкә дьн бу, жь к′ижане т′ӧ кәси горигәһер′а хьзмәтк′ари нәкьрийә. 14 У чаԝа ә′йан ә Хӧдане мә жь ԛәбила Щьһуда бу у Муса дәрһәԛа к′аһинтийа ԝе ԛәбиледа т′ӧ тьшт нәготийә. 15 У әва һәла һе ә′йан ә, гава к′аһинәки дьн мина Мәлк′и-Садьԛ р′адьбә, 16 йе кӧ нә алийе ԛәйдә-ԛануна пьрса зӧр′әтийеда бу к′аһин, ле алийе ԛәԝата жийина кӧ хьлазийа ԝе т′ӧнә. 17 Чьмки ньвисар шә′де ве готьне йә кӧ: «Тӧ һ′әта-һ′әтайе к′аһин и, мина Мәлк′и-Садьԛ».
9-15 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБРАНИ 9-10
«Сийа Кʹәрәмед Ахьрийе»
(Ибрани 9:12-14) Әԝ нә кӧ пе хуна щанәга у нерийа, ле бь хуна хԝә щарәке бона һәр т′ьм к′әтә Щийе Һәри Пироз у азабуна һ′әта- һ′әтайе дәст ани. 13 Һәгәр хуна щанәга, нерийа у к′озийа ногьна кӧ дьр′әшандьн, йед кӧ ль гора ә′дәт һ′әр′ьми бун, дәрвава әԝ паԛьж дькьрьн, 14 ле чьԛас зедә хуна Мәсиһ, кӧ бь дәсте Р′ӧһ′е һ′әта-һ′әтайе хԝә чаԝа ԛӧрбана беԛӧсур да Хԝәде, ԝе исафа мә жь кьред кӧ әм дьбьрьнә бәрбь мьрьне паԛьж бькә, ԝәки әм хьзмәтк′арийе Хԝәдейе сахр′а бькьн?
it-1 862 ¶1
Бахшандьн
Ль гора Ԛануна Хԝәде, кʹижан кӧ Исраелийарʹа һатьбу дайине, һәрге мәрьв бәр Хԝәде гӧнә бькьра, йан жи бәр мәрьве хԝәйи незик, һьнге бона бахшандьна гӧне хԝә, әԝи гәрәке пешийе ль гора Ԛануне, ван шашийед хԝә рʹаст кьра. Паше жи ниве зәʹф дәрәщада гәрәке һәдйайе бь хун Йаһоԝарʹа бьанийа (Ԛн.Кʹһ. 5:5–6:7). Жь бо ве йәке, Паԝлос принсип ньвиси: «Бәле анәгори Ԛануне п′ьр′анийа һәр тьшти пе хуне паԛьж дьбу у бейи хунр′етьн бахшандьн нәдьбу» (Ибр. 9:22). Ле бь рʹасти хуна һʹәйԝана нькарьбу бь тʹәмами гӧне ԝи бьда һьлдане у исафа ԝи тʹәмьз кьра (Ибр. 10:1-4; 9:9, 13, 14). Пәймана тʹәзә йа кӧ һатьбу пʹехәмбәртикьрьне, рʹе вәкьр бона афукьрьна рʹаст, һʹиме кʹижани кӧ ԛӧрбана Иса бу (Йер. 31:33, 34; Мт. 26:28; 1 Кр. 11:25; Әф. 1:7). Чахе Иса һәла һе сәр әʹрʹде бу, нишан кьр, кӧ ԛәԝата ԝи һәйә гӧна бьбахшинә, гава йәки шьлушәʹт ԛәнщ кьр (Мт. 9:2-7).
(Ибрани 9:24-26) Чьмки Мәсиһ нә кӧ к′әтә пирозгәһа пе дәста чекьри мина сурәте йа р′аст, ле һәма хут к′әтә ә′змен, ԝәки ньһа бона мә ль бәр Хԝәде бьсәкьнә. 25 Нә жи бона кӧ гәләк щара хԝә бькьра ԛӧрбан дьк′әтә пирозгәһе, чаԝа кӧ сәрәкк′аһин һәр сал нә бь хуна хԝә дьк′әве. 26 Һәгәр аһа буйа, әԝи гәрәке гәләк щара пәй ә′фьрандьна дьнйайер′а щәфа бьк′ьшанда. Ле ньһа ахьрийа дәԝрада әԝи хԝә да к′ьфше у щарәке бона һәр т′ьм пе хԝәԛӧрбанкьрьне гӧнә һьлдан.
cf 183 ¶4
Бәрдәԝам кә ль пәй Мьн Ԝәрә
4 Ньвисаред Пирозда тʹӧ щийа найе готьне, ԝәки гава Иса чу ль әʹзмана, чь щурʹәйи мәләк рʹасти ԝи һатьн у чаԝа әԝ бь шабун рʹасти Баве хԝә һат. Ле Кʹьтеба Пирозда пешда һатьбу готьне, ԝәки паши вәгәрʹандьна Иса сәр әʹзмана, ԝе чь бьԛәԝьмә. Панздәһ ԛьрнә зедәтьр, щьмәʹта Исраели сале щарәке дьбу шәʹде ԛәԝьмандьнәкә фәрз у пироз. Рʹожа Рʹожийа сәрәккʹаһин дькʹәтә щийе Һәри Пироз у ль бәр сьндоԛа пәймане, хуна һʹәйԝанед ԛӧрбанкьри дьрʹәшанд. Ве р′оже сәрәккʹаһин бь симболик дьһатә һ′әсабе Иса. Гава Иса вәгәрʹийа әʹзмана, әԝи щарәки бона һәртʹьм ани сери п′ехәмбәртийа ве ԛәԝьмандьне. Әԝ бәр т′әхте Йаһоԝа сәкьни, щийе һәри пироз сәр ә′змана у ԛимәта ԛӧрбана хԝә ани бәр Йаһоԝа (Ибр. 9:11, 12, 24). Ле Йаһоԝа ԛәбул кьр?
(Ибрани 10:1-4) Ԛанун сийа ԝан тьштед ԛәнщ ә, к′ижанә кӧ тен, ле нә хут мина ԝан йәка йә. Бона ве йәке Ԛанун пе ԝан ԛӧрбанед кӧ һәр сал пәйһәв-пәйһәв тенә дайине нькарә ԝан к′амьл бькә, йед кӧ бь ԛӧрбандайине незики Хԝәде дьбьн. 2 Һәгәр паԛьж буна, ԝана ԝе дәст жь ԛӧрбандайине бьк′ьшанда, чьмки бь щарәке йед хԝәйиԛӧрбан ԝе бьһатана паԛьжкьрьне, жь ԝьр шунда бона гӧна исафа ԝан ԝе ль ԝан һьлнәһата. 3 Ле әԝ ԛӧрбан һәр сал гӧнед ԝан тиньнә бира ԝан. 4 Чьмки хуна щанәга у нерийа т′ӧ щар нькарә гӧна р′әсит кә.
it-2 602-603
Беԛьсурти
Беԛьсуртийа Ԛануна Муса. Дькʹәтә ве Ԛануна Мусада, кʹижан кӧ әԝи дабу Исраелийа, ӧса жи кʹьфшкьрьна кʹаһинтийе у ԛӧрбанкьрьна һʹәйԝана. Әв Ԛанун жь Хԝәде бу у ләма жи беԛьсур бу. Ле ча Паԝлосе шанди жь бина бәр Хԝәде ньвиси, нә Ԛанун, нә кʹаһинти у нә жи ԛӧрбанед һʹәйԝана, ԝан мәрьвед бьн Ԛануне нәдькьрьнә беԛьсур (Ибр. 7:11, 19; 10:1). Ԛанун жь гӧна у мьрьне аза нәдькьр, ле гӧнә һе әʹйан дькьр (Рʹм. 3:20; 7:7-13). Әв һʹәму тьшт бона ве нете бун, сәва чь жи Хԝәде әв кʹьфш кьрьбун. Ԛанун ча «тʹәрбәтдаре» мә, кʹижан кӧ сийа беԛьсур у «тьштед ԛәнщ ә», әм бәрбь Иса бьрьн (Гл. 3:19-25; Ибр. 10:1). Ле ча фәʹм бькьн хәбәред Паԝлос жь Рʹомайи 8:3, кʹижан кӧ дьбежә: «Ԛануне жь дәст бет′аԛәтийа бьнйат′а мәрьвайе нькарьбу бькьра»? Ча те кʹьфше Паԝлос һьлдьда һʹәсаб кӧ сәрәккʹаһине Щьһуйа (кʹижан кӧ бь Ԛануне щабдар бу бона ԛӧрбандайине у Рʹожа Рʹожийа, дькʹәтә щийе Һәри Пироз пе хуна ԛӧрбане) нькарьбу бь тʹәмами ԝан хьлаз кьра, кʹижанарʹа кӧ хьзмәт дькьр. Ве йәкеда әм избат дьбьн сәр һʹиме Ибрани 7:11, 18-28. Рʹаст ә әԝ ԛӧрбанед кӧ кʹаһинед жь рʹькʹнйата Бьраһим дьанин, али мәрийа дькьрьн бәр чʹәʹве Хԝәде һәԛ бьминин, ле диса жи әԝ ԛӧрбан бь тʹәмами «ԝе ль ԝан һьлнәһата». Шанди әԝ йәк дьдә кʹьфше, гава дьбежә кӧ ԛӧрбанед кʹьрʹине «нькарә ԝан к′амьл бькә», йане «исафа ԝан» кʹамьл бькә (Ибр. 10:1-4; 9:9). Сәрәккʹаһин нькарьбу кʹьрʹинәкә ӧса бәрва бьда, ԝәки бь тʹәмами жь гӧна аза кә. Азайа ви щурʹәйи те стандьне тʹәне бь сайа хьзмәта кʹаһинтийе йа Иса, кӧ һәр тʹьм те кьрьне у бь сайа ԛӧрбана ԝи йа кӧ щарәке бона һәртʹьм һатә дайине (Ибр. 9:14; 10:12-22).
Хьзна Кʹьтеба Пироз Бьгәрʹьн
(Ибрани 9:16, 17) Аԝа к′идәре ԝәсийат пәйманкьри йә, гәрәке ль ԝьр ә′сәйи ԝәсийатдар мьри бә. 17 Чьмки ԝәсийат пәй мьрьна ԝәсийатдарр′а ԛәԝат дькә. Һ′ӧкӧме ԝе т′ӧнә һ′әта кӧ ԝәсийатдар сах ә.
ԝ92 1/3 31 ¶4-6
Пьрсед Хԝәндәвана
Паԝлос гот, ԝәки мьрьн лазьм бу сәва кӧ пәймана ортʹа мәрьва у Хԝәде бькʹәта ԛәԝате. Пәймана Ԛануне мәсәла ве йәке йә. Муса ортʹәчийе ве бу, йе кӧ гәрәке бьанийа сери пәймана ортʹа Хԝәде у Исраелийа бәдәни. Би ԝи щурʹәйи Муса роләкә фәрз дьлист у пьштгьрийа ԝан дькьр, чахе әԝана кʹәтьнә пәймане. Ләма жи әԝ ча ортʹәчийе ве пәймане жь алийе Йаһоԝада һатьбу кʹьфш кьрьне. Ле гәло лазьм бу, ԝәки хуна Муса бьһата рʹетьне сәва кӧ пәймана Ԛануне бькʹәта ԛәԝате? На. Дәԝса ве йәкә хуна һʹәйԝана дьһатә ԛӧрбанкьрьне, демәк хуна ԝан дәԝса хуна Муса бу (Ибрани 9:18-22).
Ле чь дькарьн бежьн дәрһәԛа пәймана тʹәзә ортʹа Йаһоԝа у Исраела рʹӧһʹани. Иса рола фәрз дьлист ча ортʹәчи ортʹа Йаһоԝа у Исраела рʹӧһʹани. Рʹаст ә Йаһоԝа бу Сазкʹаре ве пәймане, ле һʹиме ве Иса Мәсиһ бу. Гава Иса сәр әʹрде бу, әԝи шьхӧлкʹари дькьр тʹәви ԝан, кʹи кӧ гәрәке йед пешьн буна кӧ бькʹәтана ве пәймане (Луԛа 22:20, 28, 29). Хенщи ве йәке тʹәне әԝи дькарьбу бьбуйа ԛӧрбан, сәва кӧ ԛәԝата ве пәймане һәбә. Әв ԛӧрбан нә бь һʹәйԝана бу, ле бь жийина мәрьве кʹамьл. Ләма жи Паԝлос дькарьбу дәрһәԛа Иса бьгота, ԝәки әԝ бу ортʹәчийе ве пәймана тʹәзә. Паше ве йәке ча «Мәсиһ. . . к′әтә ә′змен, ԝәки ньһа бона мә ль бәр Хԝәде бьсәкьнә» пәймана тʹәзә кʹәтә ԛәԝате (Ибрани 9:12-14, 24).
Чахе Паԝлос дәрһәԛа Муса у Иса ча дәрһәԛа ортʹәчийе мәрийа дьгот, әԝи бь ви фькьри нә дьгот, кӧ әԝана бун сазкʹаре ван пәймана. Әв пәйман Хԝәде тʹәви мәрийа гьреда бу. Ле ԝана ортʹәчийе дькьр ԝәки әв пәйман бькʹәвнә ԛәԝате йане дәстпекьн бенә сери. Ван һәрдӧ дәрәщада жи мьрьн лазьм бу, йа һʹәйԝана дәԝса йа Муса, у йа Иса, кʹижан кӧ бь рʹәзәдьли хуна хԝә бәрва да, сәва ԝан кʹи кӧ гәрәке бькʹәтана ве паймана тʹәзә.
(Ибрани 10:5-7) Ләма жи, гава Мәсиһ ԝе бьһата ве дьне, гот: «Тә ԛӧрбан у һ′әди нәхԝәстьн, ле тә бона мьн ԛальбәк һазьр кьр. 6 Ԛӧрбанед шәԝате у ԛӧрбанед бона гӧна ль тә хԝәш нәһатьн. 7 Һьнге мьн гот: ‹Ва мә йа Хԝәде, әз һатьм ә′мьре тә биньмә сери, чаԝа бона мьн к′ьтебеда ньвисар ә›».
it-1 249-250
Ньхӧмандьн
Луԛа дьбежә, ԝәки ԝәʹде ньхӧмадьне, Иса дӧа дькьр (Лԛ. 3:21). У нәмайа Ибранийарʹа те готоне, ԝәки чахе Иса Мәсиһ һатә «ве дьне» (нә һьнге гава әԝ һатә буйине, чьмки әԝи нькарьбу бьханда у бьгота ван хәбәред кӧ жере һатьнә дайине, ле һьнге гав әԝ ида һазьр бу бе ньхӧмадьне у хьзмәтийе дәстпекьр), хәбәр да бь ван хәбәред Зәбура 40:6-8 (ЛХХ): «Тә ԛӧрбан у һ′әди нәхԝәстьн, ле тә бона мьн ԛальбәк һазьр кьр. . . . Ва мә йа Хԝәде, әз һатьм ә′мьре тә биньмә сери, чаԝа бона мьн к′ьтебеда ньвисар ә» (Ибр. 10:5-9). Жь буйине Иса пʹара мьләта Щьһуйа бу, тʹәви кʹижани Хԝәде пәймана Ԛануне гьреда (Дрк. 19:5-8; Гл. 4:4). Чахе Иса һатә щәм Йуһʹәнна ԝәки бе ньхӧмандьне, әԝ ида тʹәви Йаһоԝа Хԝәде пәйманеда бу. Демәк Иса һе зедә кьр, нә кӧ чьԛас ԛанун жь ԝи дәʹԝа дькьр. Әԝи хԝә тʹәсмили Баве хԝә Йаһоԝа кьр, ԝәки ԛьрара ԝи бинә сери, Бав дьхԝәст ԝәки әԝ бәдәна хԝәйә һазьр бинә у бь ве йәке ԛӧрбанкьрьна һʹәйԝана йа кӧ Ԛанун дәʹԝа дькьр, бьдә һьлдане. Паԝлосе шанди гот: «Бь ви аԝайи Иса Мәсиһ ә′мьре Хԝәде ани сери, щарәке бона һәр т′ьм бәдәна хԝә кьрә ԛӧрбан, бь ве йәке әм паԛьж кьрьн» (Ибр. 10:10). Ӧса жи ԛьрара Бав бона Иса әԝ бу, кӧ дәрһәԛа Пʹадшатийе мәрьварʹа әʹйан кә, Иса бь рʹәзәдьли әв йәк жи кьр (Лԛ. 4:43; 17:20, 21). Йаһоԝа да кʹьфше ԝәки ԛәбул дькә рʹәзәдьлйа Иса, кӧ ԛьрара ԝи бинә сери, гава бь рʹӧһʹе пироз ԝи рʹун кьр у готе: «Тӧ йи Кӧр′е мьни дәлал, әз жь тә р′ази мә» (Мԛ. 1:9-11; Лԛ. 3:21-23; Мт. 3:13-17).
Хԝәндьна Кʹьтеба Пироз
(Ибрани 9:1-14) Р′аст ә ә′дәтед һ′әбандьна пәймана пешьн жи һәбун у пирозгәһа ве дьнйайе жи. 2 Кон бь дӧ гоза вәгьрти бу: Йа дәрр′а «пирозгәһ» дьготьн, теда һәбун шәмдан, сьфрә у нане Хԝәдер′а дайи. 3 Йа һьндӧр′да пьшта п′әр′де, жер′а «Щийе Һәри Пироз» дьготьн. 4 Теда бун горигәһа зер′ин бона шәԝьтандьна бьхуре, Сьндоԛа Пәймане, йа кӧ дәр у һьндӧр′ва зер′кьри бу. Ԝе сьндоԛеда һәбун щер′е зер′ин бь манава т′ьжи, шьва Һарунә кӧ гӧл да у сәлед кәвьрийә пәймане. 5 Сәр сьндоԛе, херубед р′умәта Хӧдан һәбун у сәр щийе кӧ гӧнә дьһатьнә бахшандьне, дькьрьнә си. Ньһа нә ԝәхт ә кӧ әм бона ԝан бь һур-гьли хәбәр дьн. 6 Әв тьшт аһа щикьри бун. К′аһин һәр гав дьк′әвьнә гоза дәр, хьзмәтк′арийа хԝә дькьн. 7 Ле гоза һьндӧр′ сале щарәке т′әне сәрәкк′аһин дьк′әве, ле нә бе хун, йа кӧ жь бәр гӧнед хԝә у щьмә′тева дьдә, к′ижан кӧ жь бефә′мийа хԝә дькьрьн. 8 Бь ве йәке Р′ӧһ′е Пироз дьдә к′ьфше, кӧ р′ийа Щийе Һәри Пироз нәвәкьрийә, һ′әта кӧ гоза дәр һәйә. 9 Әв йәк сурәтәк ә бона зәмане ньһа. Әва дьдә к′ьфше, кӧ гава һ′әди у ԛӧрбан тенә дайине, әвана нькарьн исафа йед кӧ дьһ′әбиньн паԛьж кьн, 10 ле әв йәк т′әне хԝарьн-вәхԝарьне у щур′ә-щур′ә шуштьн-вәшуштьнед ә′дәтва гьредайи нә. Әв ԛәйдә- ԛанунед дәрвайи нә, к′ижан кӧ һ′әта ԝи ԝәхте кӧ ԛануна ну те данине дьминьн. 11 Ле гава Мәсиһ һат, чаԝа сәрәкк′аһине тьштед ԛәнщә һати, коне һе мәзьн у к′амьлр′а дәрбаз бу, йе кӧ нә бь дәста һатийә чекьрьне, аԝа готи нә жь ве дьнйайе. 12 Әԝ нә кӧ пе хуна щанәга у нерийа, ле бь хуна хԝә щарәке бона һәр т′ьм к′әтә Щийе Һәри Пироз у азабуна һ′әта- һ′әтайе дәст ани. 13 Һәгәр хуна щанәга, нерийа у к′озийа ногьна кӧ дьр′әшандьн, йед кӧ ль гора ә′дәт һ′әр′ьми бун, дәрвава әԝ паԛьж дькьрьн, 14 ле чьԛас зедә хуна Мәсиһ, кӧ бь дәсте Р′ӧһ′е һ′әта-һ′әтайе хԝә чаԝа ԛӧрбана беԛӧсур да Хԝәде, ԝе исафа мә жь кьред кӧ әм дьбьрьнә бәрбь мьрьне паԛьж бькә, ԝәки әм хьзмәтк′арийе Хԝәдейе сахр′а бькьн?
16-22 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБРАНИ 11
«Баԝәри Гәләк Фәрз ә»
(Ибрани 11:1) Баԝәри әԝ ә, чахе әм дӧдьли ниньн, ԝәки чь кӧ әм һивийе нә, ԝе бе сери, у чахе бь сайа избатийа, әм дӧдьли ниньн ԝан тьштада йед кӧ найенә дитьн, ле бь р′астийе һәнә
ԝ16.10 27 ¶6
Созед Йаһоԝа Баԝәр Бькьн
6 Ибрани 11:1 шьровәдькә кӧ баԝәри чь йә. Ве рʹезеда әм дьхуньн: «Баԝәри әԝ ә, чахе әм дӧдьли ниньн, ԝәки чь кӧ әм һивийе нә, ԝе бе сери, у чахе бь сайа избатийа, әм дӧдьли ниньн ԝан тьштада йед кӧ найенә дитьн, ле бь рʹастийе һәнә, ДТʹ». Жь ве рʹезе әм педьһʹәсьн кӧ баԝәри дӧ тьштада те кʹьфше: 1) Чахе һивийа ԝан тьшта нә, чь кӧ баԝәр дькьн, бәʹса хәбәре, әм һивийа ԝан ԛәԝьмандьна нә, кӧ Хԝәде мәрʹа соз да, ле әԝ соз һе нәһатьнә сери. Мәсәлә, әм һивийе нә, чахе Хԝәде ԝе һʹәму зӧлми кʹӧта кә, у дьнйа тʹәзә ԝе бе. 2) Әм баԝәр дькьн тьштед кӧ һәнә, ле найенә дитьн. Ве рʹезеда хәбәра Йунани кӧ һатийә ԝәлгәрʹандьне ча «избатийа» ԝан тьшта, те һʹәсабе чахе мәрьв сәд сәләфи баԝәр дькә тьштәки, чь кӧ әԝ навинә. Мәсәлә, әԝ баԝәр дькә кӧ Йаһоԝа Хԝәде һәйә, Иса Мәсиһ, мьлйакʹәт, у ӧса жи Пʹадшатийа әʹзмана (Ибр. 11:3). Ле гәло ԝе чьда бе кʹьфше кӧ әм бь растийе созед Хԝәде баԝәр дькьн у ӧса жи тьштед кӧ әм нькарьн бьвиньн? Әԝ ԝе бе кʹьфше пе хәбәрдана мә у кьред мә. Бей ԝан тьшта, баԝәрийа мә пуч ә.
(Ибрани 11:6) У бе баԝәри т′ӧ щар набә кӧ инсан ль Хԝәде хԝәш бе, чьмки әԝе кӧ незики Хԝәде дьбә, гәрәке баԝәр бькә, кӧ Хԝәде һәйә у ԝе ԝан хәлат кә, к′ижан кӧ ль ԝи дьгәр′ьн.
ԝ13 1/11 11 ¶2-5
Әԝ Кʹәрәм Дькә Ԝан, Кʹи кӧ бь Дьл у Щан Ԝи Дьгәрʹә
Чь лазьм ә ԝәки Йаһоԝа хԝәш бен? Паԝлос ньвиси: «Бе баԝәри т′ӧ щар набә кӧ инсан ль Хԝәде хԝәш бе». Дина хԝә бьдьн Паԝлос набежә, ԝәки бе баԝәри чәтьн ә Хԝәде хԝәш бен. Әԝ дьбежә ԝәки т′ӧ щар набә. Бь гьлийе майин бежьн, баԝәри әʹсәйи лазьм ә, сәва кӧ Хԝәде хԝәш бен.
Ле баԝәри һьндава Хԝәде гәрәке чь щурʹәйи бә? Сәва ве йәке дӧ тьштед фәрз лазьм ә. Йа пешйе әм гәрәке баԝәр бькьн, кӧ Хԝәде һәйә. Ԝәлгәрандьнед дьнда жи те готьне баԝәр кьн, ԝәки әԝ йәки реали йә. Гәло әм дькарьн Йаһоԝа хԝәш бен, һәрге дӧдьли дьбьн кӧ әԝ һәйә? Баԝәрийа рʹаст һе зедә тьшт те һʹәсабе, чьмки һәла һе щьн жи баԝәр дькьн, ԝәки Йаһоԝа һәйә (Аԛуб. 2:19). Баԝәри һьндава ве йәке кӧ Хԝәде реали йә, гәрәке мә һелан кә бь ви щурʹәйи бьжин, кӧ Йаһоԝа хԝәш бен (Аԛуб 2:20, 26).
Йа дӧда, әм «гәрәке баԝәр» бьн, ԝәки Хԝәде ԝе мә «хәлат кә». Мәрьве пе баԝәрийа рʹаст бь тʹәмами избат ә, ԝәки чахе әԝ ԛәԝате дьдә хәбате кӧ бь жийина хԝәйә рʹаст Хԝәде хԝәш бе, щәфе ԝи ԝе бадиһәва нибә (1 Корьнтʹи 15:58). Чаԝа әм дькарьн Йаһоԝа хԝәш бен, һәрге әм дӧдьли дьбьн, кӧ әԝ дькарә йан дьхԝазә мә хәлат кә? (Аԛуб 1:17; 1 Пәтрус 5:7). Мәрьве кӧ баԝәр накә, ԝәки Хԝәде бона мәрийа хәм дькә, шекьрдар у мәрʹд ә, әԝ Хԝәдейе Кʹьтеба Пироз нас накә.
Йаһоԝа кʹе хәлат дькә? Паԝлосе шанди дьбежә: «К′ижан кӧ ль ԝи дьгәр′ьн». Кʹьтәбәкеда йа бона ԝәлгәред Кʹьтеба Пироз те готьне, ԝәки хәбәра Йунани «ԝи дьгәр′ьн» найе һʹәсабе һәрʹьн щики ԝи бьгәрʹьн, ле гәрәке бәрбь Хԝәде һәрʹьн кӧ ԝирʹа хьзмәт кьн. Кʹьтәбәкә дьнда жи те готьне, ԝәки әв хәбәр те һʹәсабе ве йәкеда хирәт бьн у ԛәԝате бьдьнә хәбате. Бәле, Йаһоԝа ԝан мәрийа хәлат дькә, баԝәрийа кʹижана ԝана һелан дькә бь дьл у щан ԝирʹа хьзмәт кьн (Мәтта 22:37).
(Ибрани 11:33-38) Йед кӧ бь баԝәрийе п′адшати бьндәст кьрьн, һәԛи кьрьн, соз стандьн, дәве шера данә гьртьне, 34 к′ура агьр тәмьрандьн, жь дәве шур хьлаз бун, жь бет′аԛәтийе ԛәԝат гьртьн, нава шәр′да бунә мерхас, бәри ордийед хәриб дан. 35 К′ӧлфәта мьрийед хԝә сахбуйи стандьн. Һьнәка жи азайи нәхԝәстьн у нава щәфада мьрьн, ԝәки жь мьрьне р′абьн бьгьһижьнә жийинәкә һе ԛәнщ. 36 Һьнәкед майин жи бәр ԛамчийа, нава ԛара, ӧса жи бь ԛәйд-зьнщира у кәлада һатьнә зерандьне. 37 Әԝ данә бәр кәвьра, бь бьр′әка һатьнә бьр′ине, бь шура һатьнә кӧштьне, п′остед пез у бьзьнада гәр′ийан, хәлайи-щәлайи, тәнгаси у щәфа к′ьшандьн. 38 Дьнйа нә лайиԛи ԝан бу! Әԝ ль бәр′и у ч′ийа дьгәр′ийан, шкәфт у нә′лада дьман.
ԝ16.10 23 ¶10-11
Бьра Баԝәрийа Ԝә сәр Тьштед кӧ Әм Һивийе нә, Һе Ԛәԝи бә
10 Ибрани сәре 11-да Паԝлос гьли дькә дәрһәԛа гәләк хьзмәткʹаред Хԝәде, йед кӧ рʹасти тәнгасийа һатьнә у Хԝәдерʹа амьн манә. Мәсәлә, әԝи гот дәрһәԛа жьнед амьн, кӧрʹед кʹижана мьрьбун, ле паше һатьнә сахкьрьне. Ԝана баԝәр дькьр созе Хԝәде кӧ мьри ԝе рʹабьн. Паше, Паԝлос гьли кьр дәрһәԛа әԝед кӧ «азайи нәхԝәстьн у нава щәфада мьрьн, ԝәки жь мьрьне рабьн бьгьһижьнә жийинәкә һе ԛәнщ» (Ибр. 11:35). Дьԛәԝьмә Паԝлос дьгот дәрһәԛа Набот у Зәкәрйа, кʹижан кӧ данә бәр кәвьра, чьмки ԝана гӧрʹа Хԝәде дькьр (1 Пʹадш. 21:3, 15; 2 Дир. 24:20, 21). Данийел у һәвалед ԝи жи бәр бьжартьне бун, һәла Хԝәдерʹа амьн бьминьн, йан жи сәре хԝә бәр хӧданед ԛәлп дайньн. Ԝана дькарьбу «азайи» бьжбарта, ле ԝана баԝәрийа хԝә Хԝәде дьанин у сәва ԝирʹа амьн бьминьн һазьр бун әʹмьре хԝә жи бьдьн. Данийел авитьнә нав шера, ле һәвалед ԝи авитьнә нава агьр. Йәкә ԝана ԛайим баԝәр дькьр, кӧ Хԝәде ԝе ԛәԝате бьдә ԝан у али ԝан бькә сәбьр кьн ԝан чәтьнайада (Ибр. 11:33, 34; Дан. 3:16-18, 20, 28; 6:13, 16, 21-23).
11 Гәләк пʹехәмбәред амьн, мәсәлә Миха у Йерәмйа, кәлада дьһатьнә «зерʹандьне», у һьн жи мәрьва ԛәрфе хԝә ԝана дькьрьн. Һьнәк жи мина Елйас, «ль бәри у чийа дьгәрийан, шкәфт у нәлада дьман». Һәр кәс жь ԝан Хԝәдерʹа амьн ман, чьмки дӧдьли нибун ԝәки созед Хԝәде ԝе әʹсә бенә сери (Ибр. 11:1, 36-38; 1 Пʹадш. 18:13; 22:24-27; Йерм. 20:1, 2; 28:10, 11; 32:2).
Хьзна Кьтеба Пьроз Бьгәрʹьн
(Ибрани 11:4) Бь баԝәрийе Һабил һ′әдикә жь һ′әдийа Ԛайин четьр да Хԝәде. Бь ԝе баԝәрийе әԝ һатә бәгәмкьрьне чаԝа йәки р′аст, чьмки һ′әдийед ԝи ль Хԝәде хԝәш һатьн. Р′аст ә Һабил мьр, ле бь баԝәрийа хԝә һе хәбәр дьдә.
it-1 804 ¶5
Баԝәри
Мәсәлед Баԝәрийе, йед Бәре. Баԝәрийа ԝан, кʹижана кӧ Паԝлос навкьр «әԝрәки әвԛас мәзьн йе шаһьдан» (Ибр. 12:1) сәр һиме баԝәрийа ԛәԝи бу. Мәсәлә Һабил рʹьнд заньбу созе Хԝәде дәрһәԛа «зӧрʹәт», Кʹижан кӧ ԝе сәре «мәʹр» бьһʹәнщьринә. Әԝи әшкәрә дьдит избатийа ве йәке, ԝәки щәзакьрьна кӧ бона де-баве ԝи Еденеда һатьбу готьне, дьһатә сери. Жь Едене дәр, Адәм у малбәта ԝи бь худана әʹнийа хԝә, нан дәстдьхьстьн, чьмки әʹрʹд ньфьрʹкьри бу у әв стьрийада тʹьжә бьбу. Һабил ӧса жи дьдит, ԝәки чʹәʹве Һеԝайе ль дәсте Адәм бу у әԝи жи һʹӧкӧме ль сәр ԝе дькьр. Дийа ԝи газьн дькьр сәр ешед һʹәмләбуна хԝә. Бәр бахче Едене жи херуб у шуре агьрийи кӧ һәр алийава дьвьрʹвьрʹи, һәбун (Дсп. 3:14-19, 24). Әв һʹәму тьшт бона Һабил бунә избатийед ве йәке, кӧ хьлазкьрьн бь сайа Зӧрʹәт ԝе бе. Ләма жи әԝи «бь баԝәрийе . . . һ′әдикә жь һ′әдийа Ԛайин четьр да Хԝәде» (Ибр. 11:1, 4).
(Ибрани 11:5) Бь баԝәрийе Һәнох жь дьне һатә һьлатьне, кӧ мьрьне нәбинә. Әԝ т′ӧ щийи к′ьфш нәбу, чьмки Хԝәде әԝ һьлдабу. Ньвисареда һатийә готьне, кӧ бәри һьлатьна ԝи, әԝ ль Хԝәде хԝәш һатьбу.
ԝp17.1 12-13
«Әԝ ль Хԝәде Хԝәш Һатьбу»
Ле чь щурʹәйи Һәнох һатә һьлдане у мьрьн жи нәдит? Йаһоԝа ӧса кьр, кӧ бе еш у чәрчьрандьне жийина Һәнох бе сәкьнандьне у ӧса әԝ жь дәсте дьжмьна хԝәй кьр йед кӧ дьхԝәстьн ԝи бькӧжьн. Ле пешийе Һәнохрʹа «шаһьди һат кьрьн кӧ әԝ ль Хԝәде хԝәш һатьбу». Гәло чь щурʹәйи? Пешийа мьрьна хԝә, Һәнох дьбә кӧ хәԝн-хәйаләк жь Хԝәде стандьбу, кʹидәре кӧ әԝи әʹрде щьнәте дитьбу. Паши ԝе нишана ԛәбулкьрьна Хԝәде, Һәнох бь хәва мьрьне рʹаза. Дәрһәԛа Һәнох у мер-жьнед амьнә дьн, Паԝлосе шанди ӧса ньвиси йә: «Әв һʹәму жи . . . баԝәрийеда мьрьн» (Ибрани 11:13). Дьбәкә дьжмьнед ԝи щьнийазе ԝи дьгәрʹийан, ле тʹӧ щийа «әԝ нәһат дитьн». Бь ве йәке Йаһоԝа әԝ пʹараст кӧ дьжмьн нькарьбьн ԛәрфе хԝә щьнийазе ԝи бькьн, йан жи сәва һʹәбандьна нәрʹаст бьдьнә хәбате.
Хԝәндьна Кʹьтеба Пироз
(Ибрани 11:1-16) Баԝәри әԝ ә, чахе әм дӧдьли ниньн, ԝәки чь кӧ әм һивийе нә, ԝе бе сери, у чахе бь сайа избатийа, әм дӧдьли ниньн ԝан тьштада йед кӧ найенә дитьн, ле бь р′астийе һәнә. 2 Бь баԝәрийе пешийед мә ль Хԝәде хԝәш һатьн. 3 Бь баԝәрийе мәва ә′йан ә кӧ дьнйа бь хәбәра Хԝәде ә′фьрийә у әԝ тьштед кӧ тенә дитьне жь ԝан тьштед кӧ найенә дитьне чебунә. 4 Бь баԝәрийе Һабил һ′әдикә жь һ′әдийа Ԛайин четьр да Хԝәде. Бь ԝе баԝәрийе әԝ һатә бәгәмкьрьне чаԝа йәки р′аст, чьмки һ′әдийед ԝи ль Хԝәде хԝәш һатьн. Р′аст ә Һабил мьр, ле бь баԝәрийа хԝә һе хәбәр дьдә. 5 Бь баԝәрийе Һәнох жь дьне һатә һьлатьне, кӧ мьрьне нәбинә. Әԝ т′ӧ щийи к′ьфш нәбу, чьмки Хԝәде әԝ һьлдабу. Ньвисареда һатийә готьне, кӧ бәри һьлатьна ԝи, әԝ ль Хԝәде хԝәш һатьбу. 6 У бе баԝәри т′ӧ щар набә кӧ инсан ль Хԝәде хԝәш бе, чьмки әԝе кӧ незики Хԝәде дьбә, гәрәке баԝәр бькә, кӧ Хԝәде һәйә у ԝе ԝан хәлат кә, к′ижан кӧ ль ԝи дьгәр′ьн. 7 Бь баԝәрийе Нӧһ бона тьштед кӧ һе нәдьһатьнә к′ьфше фәрман жь Хԝәде станд у бь хофа Хԝәде р′абу бона хьлазбуна мала хԝә гәми чекьр. Нӧһ бь ԝе баԝәрийе диԝана дьне кьр у бу хԝәйиԝаре ԝе р′астһ′әсаббуне, йа кӧ жь баԝәрийе те. 8 Бь баԝәрийе, гава Бьраһим һатә газикьрьне, гӧһдари кьр, кӧ һәр′ә ԝи щийе кӧ ԝе чаԝа ԝар бьстанда. У р′абу чу, ле ньзаньбу жи к′ӧда дьчә. 9 Бь баԝәрийе чаԝа фьрари ԝи ԝәлате хәрибда ма, йе кӧ Хԝәде жер′а соз дабу. У чадьрада т′әви Исһаԛ у Аԛуб ма, кӧ әԝ жи хԝәйийед ԝи ԝаре создайи бун. 10 Чьмки әԝ һивийа ԝи бажаре хԝәйир′ьк′ьне мьԛәр′м бу, йе кӧ ә′фьрандар у авакьре ԝе Хԝәде йә. 11 Бь баԝәрийе Бьраһим, кӧ заньбу Сәрайе зар′ нәдани, әԝе ԛәԝата бәре зька станд у ԝе мәзьнайийа ԝида зар′әк ԝир′а бу. Чьмки баԝәр кьр, кӧ йе ԝир′а соз дайә амьн ә. 12 У жь ԝи йәки, йе кӧ иди бәр мьрьне бу, ԝәкә стәйркед ә′змен у ԛума дәве бә′ре беһ′әсаб мәри дьне к′әтьн. 13 Әв һ′әму жи кӧ баԝәрийеда мьрьн, ле созед Хԝәде нәстандьн. Әԝана т′әне әԝ соз дурва дитьн, ша бун у хԝә мӧкӧр′ һатьн, кӧ әԝ мәринә хәриб у фьрари нә ль сәр дьне. 14 Әԝед кӧ тьштед аһа дьбежьн, дьдьнә к′ьфше кӧ әԝ ль ԝәлатәки бона хԝә дьгәр′ьн. 15 У һәгәр бона ԝи ԝәлати бир банина жь к′идәре кӧ әԝ дәрк′әтьбун, мәщала ԝан ԝе һәбуйа вәгәр′ийана ԝьр. 16 Ле жь бәр ԝева дәмана ԝәлатәки һе ԛәнщда бун, аԝа готи йе ә′змани. Ләма Хԝәде ве йәкеда шәрмийе набинә, кӧ әԝ жер′а Хԝәде бежьн, чьмки әԝи бона ԝан бажарәк һазьр кьрийә.
23-29 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ИБРАНИ 12-13
«Ширәткьрьн, Нишана Һʹьзкьрьна Йаһоԝа йә»
(Ибрани 12:5) Гәло ԝә әԝ дьлдайина бир кьрийә, йа кӧ Хԝәде ԝәр′а чаԝа т′әви зар′ед хԝә хәбәр да? «Лаԝе мьн, ширәта Хӧдан пьшт гӧһе хԝәва нәвежә у нә жи гава әԝ ль тә һьлте, ль бәр хԝә к′әвә.
ԝ12 15/3 29 ¶18
Тьштед Пьшт Хԝәва Һьшти, Бир Бькьм
18 Шьрәта кӧ дьл дьешинә. Дьԛәԝьмә әм ширәтәкә бәре дькьн бира хԝә, йа кӧ дьле мә ешанд. Әв йәк ԛәԝате жь мә дьстинә у мә дьлтәнг дькә. Жь бо ве йәке әм ширәте пьшт гӧһе хԝәва давежьн (Ибрн. 12:5). Һәрге әм ширәте бәр тʹӧ тьшти һʹәсаб накьн у инкʹар дькьн йан жи дьлтәнг дьбьн, ԝәки мә пешйе ширәт ԛәбул кьр ле паше нькарьбун бьдьнә хәбате, демәк әм рʹе дьгьрьн, кӧ әв шьрәт али мә бькә рʹаст бьн. Ԝе баш бә дина хԝә бьдьн гьлийе Сьлеман: «Ширәте мьн ԛәԝин бьгьрә у дәсте хԝә жь ԝе нәкә, тӧ ԝе хԝәй кә, чьмки әԝ ә әʹмьре тә» (Мәтʹлк. 4:13). Анәгори ажоване кʹижан кӧ дина хԝә дьдә нишанед сәр рʹе, әм жи гәрәке шьрәта ԛәбул кьн у бәрдәԝам кьн пешда һәрʹьн (Мәтʹлк. 4:26, 27; бьхунә Ибрани 12:12, 13).
(Ибрани 12:6, 7) Чьмки Хӧдан к′е һ′ьз дькә, ԝи ширәт дькә у к′ижани чаԝа лаԝ ԛәбул дькә, щәза дькә». 7 Һун ширәте сәбьр кьн, чьмки Хԝәде т′әви ԝә р′адьбә-р′удьни чаԝа т′әви зар′ед хԝә. Әԝ к′ижан зар′ ә, кӧ бав ԝи ширәт накә?
ԝ12 1/7 21 ¶3
«Гава Һун Дӧа Дькьн, Аһа Бежьн: ‹Баво›»
Баве бь һʹьзкьрьне тʹьжә, зарʹед хԝә ширәт дькә, чьмки ԝирʹа йәк нинә әԝана мәрьвнә ча мәзьн бьм (Әфәси 6:4). Әԝ бав дькарә хәйсәте хԝәда гьран бә гава зарʹед хԝә ширәт дькә, ле әԝе тʹӧ щар тʹәви ԝан сәрт нибә. Щарна Баве мәйи әʹзмана жи мә ширәт дькә. Ширәтед ԝи тʹьме бь һʹьзкьрьне нә у тʹӧ чар сәрт ниньн. Иса чʹәʹв дьда Баве хԝә у тʹӧ щар тʹәви шагьртед хԝә сәрт нибу, ви чахи жи гава ширәтед ԝи дәрберʹа һьлнәдьдан һʹәсаб (Мәтта 20:20-28; Луԛа 22:24-30).
(Ибрани 12:11) Р′аст ә һәр ширәтәк ԝе дәме дьле мәрийа ша накә, ле дешинә, ле бәле паше йед кӧ бь ԝе һинбуйи нә, бәре ә′дьлайийе жь жийина р′аст дьчьньн. Һаш жь хԝә һәбьн.
ԝ18.03 32 ¶18
«Гӧһ Бьдьнә Ширәта Һуне Сәрԝахт бьн»
Рʹаст ә чахе мә ширәт йан жи щәза дькьн, дьле мә дешә, ле жь ве еше хьрабтьр әԝ ә чахе әм ширәта ԛәбул накьн у зийане дьстиньн (Ибрн. 12:11). Дина хԝә бьдьнә мәсәла дӧ мәрьва, Ԛайин у Тсәдәкийа. Чахе Ԛайин дәстпекьр бьре хԝә Һабил нәфрʹәт кә, Хԝәде Ԛайин ширәт кьр у готе: «Тӧ чьма һерс кʹәтийи? У тә чьма сәре хԝә бәржер кьрийә? Һәгәр тӧ рʹастийе бьки, гәло те сәре хԝә бьльнд нәки? Ле ԝәки тӧ рʹастийе нәки ва йә гӧнә ль бәр дери кʹәтийә у хԝәха жи һʹәйра тәда йә, ле бькә кӧ тӧ һʹӧкӧми ль сәр бьки» (Дәстп. 4:6, 7). Ле Ԛайин гьлийед Хԝәде пьшт гӧһе хԝәва авит, у кʹәтә бьн һʹӧкӧме гӧнә. Ԛайин хԝәха ешәкә мәзьн у кӧл-дәрд хԝәрʹа ани (Дәстп. 4:11, 12). Һәрге әԝи гӧһ бьда ширәта Йаһоԝа, ԝе әԝ еш нәдита чь кӧ һе чәтьн бу, нә кӧ еша ширәткьрьне.
Хьзна Кʹьтеба Пироз Бьгәрʹьн
(Ибрани 12:1) Аԝа кӧ һаԛас ә′лаләта шә′дайә гьран дора мә гьртийә, дә ԝәрьн әм һ′әму гьранийе у ԝи гӧне кӧ р′ьһ′әт ль мә дьԝәлә жь хԝә дур хьн у бь тәйах ләщмәйдана пешийа хԝәда бьр′әвьн.
ԝ11 15/9 17-18 ¶11
Бь Мерхаси Ләйщмәйдане Бьрʹәвьн
11 Әԝед кӧ һатьнә навкьрьне «әԝрәки әвԛас мәзьн йе шаһьдан», нә тʹәне тʹәмашәван бун, кʹижан кӧ дина хԝә дьданә рʹәве йан жи сәркʹәтьна кʹома хԝә дьхԝәстьн. Әԝана хԝәха жи рʹәведа кʹар дькьрьн, у бь сәрфьнийази дьрʹәвийан сәрдькʹәтьн. Рʹаст ә әв мәрьв ида мьрьн ә, ле мәсәла ԝан рʹәвокед щерʹьбанди дькарьбу рʹәвокед тʹәзә, ԛәԝи кьра. Дә бьдьнә һʹәсабе хԝә, рʹәвок ԝе чаԝа хԝә тʹәхмин кьра, гава бьзаньбуйа, ԝәки рʹәвокед һәри навдар ԝи дьньһерʹьн. Һәмьки әԝе ԛәԝате бьда хәбате, ԝәки һе рʹьнд бьрʹәвийа у сәркʹәта. Шәʹдед бәре дькарьбун Мәсиһийед Ибрани бьдана баԝәркьрьне, ԝәки рʹасти чь чәтьнайа әԝана бьһатана жи, ԝе бькарьбуна ләйщмәйдана симболикда сәркʹәтана. Һәрге Мәсиһийед Ибрани йа ԛьрна йәке, бира хԝәда хԝәй кьрана «әԝрәки әвԛас мәзьн йе шаһьдан», әв дькарьбу ԝана ԛәԝи кьра, кӧ бь мерхаси ләйщмәйдане бьрʹәвьн. Әԝана бона мә жи мәсәләки баш ьн.
(Ибрани 13:9) Бәр байе щур′ә-щур′ә һинкьрьнед хәриб нәк′әвьн. Ԛәнщ ә кӧ дьл бь к′әрәма Хԝәде бьшьдә, нә кӧ бь ԛәйдә-ԛанунед хԝарьн-нәхԝарьне. Әԝед кӧ пәй тьштед аһа к′әтьн, т′ӧ кәси к′ар нәстанд.
ԝ89 15/12 22 ¶10
Ԛӧрбана Биньн, Кʹижан кӧ Хԝәде Хԝәш тен
10 Ләма жи Ибрани гәрәке хԝә дур бьгьртана жь ԝан һинкьрьна, кӧ Щьһудива гьредайи бун (Галати 5:1-6). «Дьл» ԛәԝи дьбә нә бь ԝан һинкьрьна, ле бь «ԛәнщийа Хԝәдейә нәһежа», ләма жи дькарьн ԛәԝи рʹастийеда бьминьн. Һьнәка дьԛәԝьмә дькʹәтьнә дәʹԝе сәва ԛӧрбана у хӧрәке, чьмки Паԝлос дьгот, кӧ дьл бь хӧрәк у ԛӧрбана ԛәԝи набә. Чахе мәрьв амьнийа хԝә һьндава Хԝәде хԝәй дькә, у рʹазибуна һьндава кʹьрине дьдә кʹьфше у ве йәкеда кʹара хԝә нагәрә, һьнге әв кʹарәкә мәзьн рʹӧһʹанида дьстинә (Рʹомайи 14:5-9). Хенщи ԝе йәке, бь ԛӧрбанбуна Мәсиһ, ԛӧрбана Левийа ида бош-бәтал бу (Ибрани 9:9-14; 10:5-10).
Хԝәндьна Кʹьтеба Пироз
(Ибрани 12:1-17) Аԝа кӧ һаԛас ә′лаләта шә′дайә гьран дора мә гьртийә, дә ԝәрьн әм һ′әму гьранийе у ԝи гӧне кӧ р′ьһ′әт ль мә дьԝәлә жь хԝә дур хьн у бь тәйах ләщмәйдана пешийа хԝәда бьр′әвьн. 2 Дә иди әм дина хԝә бьдьнә Иса, ԝи Пешик′еши у К′амьлкьре баԝәрийа мә, йе кӧ бона ԝе шабуна пешийа хԝә хач һьлани, шәрм бәр тьштәки һ′әсаб нәкьр, паше к′еләка Хԝәдейә р′асте сәр т′әхт р′уньшт. 3 Аԝа сәр ԝи бьфькьрьн, кӧ чаԝа ль ԝан гӧнәк′аред мьԛабьли хԝә сәбьр кьр. Һьнге һуне нәԝәстьн у жь илаще нәк′әвьн. 4 Ԝә һе һ′әта хунр′етьне мьԛабьли гӧна шәр′ нәкьрийә. 5 Гәло ԝә әԝ дьлдайина бир кьрийә, йа кӧ Хԝәде ԝәр′а чаԝа т′әви зар′ед хԝә хәбәр да? «Лаԝе мьн, ширәта Хӧдан пьшт гӧһе хԝәва нәвежә у нә жи гава әԝ ль тә һьлте, ль бәр хԝә к′әвә. 6 Чьмки Хӧдан к′е һ′ьз дькә, ԝи ширәт дькә у к′ижани чаԝа лаԝ ԛәбул дькә, щәза дькә». 7 Һун ширәте сәбьр кьн, чьмки Хԝәде т′әви ԝә р′адьбә- р′удьни чаԝа т′әви зар′ед хԝә. Әԝ к′ижан зар′ ә, кӧ бав ԝи ширәт накә? 8 Ле һәгәр һун нәйенә ширәткьрьне чаԝа һ′әму зар′ тенә ширәткьрьне, кӧ ӧса йә һун нә зар′ед һ′әлал ьн, ле йед жь зьнек′арийе нә. 9 Һәгәр әм кӧ жь бавед хԝәйә хун-гошт тенә ширәткьрьне вәдьк′ьшьн, һе чьԛас зедә гәрәке әм гӧр′а Баве р′ӧһ′е хԝәда бьн, ԝәки әм бьжин? 10 Бавед мәйә хун-гошт ԝәхтәки кьн ль гора дьле хԝә мә ширәт дькьн, ле Хԝәде бона к′ара мә, ԝәки әм жи мина ԝи бьбьн пироз. 11 Р′аст ә һәр ширәтәк ԝе дәме дьле мәрийа ша накә, ле дешинә, ле бәле паше йед кӧ бь ԝе һинбуйи нә, бәре ә′дьлайийе жь жийина р′аст дьчьньн. Һаш жь хԝә һәбьн 12 Аԝа ԛолане мьлед хԝәйә сьстбуйи у ԛӧдуме чокед хԝәйә бе т′аԛәт бьшьдиньн 13 у ньгед хԝә р′ийа р′астда бавежьн, кӧ йе дькӧлә һол нәбә, ле сәрда ԛәнщ бә. 14 Бькьн кӧ т′әви һ′әмуйа ә′дьл бьн у жийина пироз дәрбаз кьн. Бейи пирозийе т′ӧ кәс ԝе Хӧдан нәбинә. 15 Һаш жь хԝә һәбьн, нәбә кӧ жь ԝә йәк дәсте хԝә жь к′әрәма Хԝәде бькә у нәбә кӧ йәк нава ԝәда бьбә р′аԝәки тә′л тәнгасийе бьдә у гәләка жә′рдадайи кә. 16 Һаш жь хԝә һәбьн, нәбә кӧ йәк ч′ә′вдәр йан дьнеһ′ьз бә мина Әсаԝ, кӧ бона зькә нан ньхӧртийа хԝә фьрот. 17 Аԝа ԝәва ә′йан ә жи, паше гава әԝи бь һесьра хԝәст кӧ әԝ дӧайе ньхӧртийе ль ԝи жи бьбә, һатә т′әхсиркьрьне. Ч′арә дест нәк′әт, ԝәки әԝ тьште жь дәсте хԝә кьрьбу пашда бьстанда.
30 ИЛОНЕ-6 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | АԚУБ 1-2
«Чь Дьбә Бәрбь Гӧнә у Мьрьне»
(Аԛуб 1:14) Ле һәр кәс дьбә машоԛе дьлһавьжийед хԝә, дьхапә у те щер′ьбандьне.
g17.4 14
Щер′ьбандьн
Чахе мәрьв те щер′ьбандьне, һьнге дина ԝи дьк′ьшинә тьштәки, илаһи чахе әв тьштәкә нәрʹаст ә. Бьдьнә бәр ч′ә′ве хԝә, һун дьк′анеда ньн у дина ԝә дьчә сәр тьштәки, кӧ гәләк ԝә хԝәш һат. Һун дьфькьрьн: «Дькарьм дьзикава һьлдьм, йәкә кәсәк ԝе нәвинә». Ле исафа ԝә дьбежә: «На!» Һун фькьрен нәр′аст жь хԝә дур дьхьн у р′ийа хԝә бәрдәԝам дькьн. Ӧса ԝә әв щер′ьбандьн алт кьр.
К′ЬТЕБА ПИРОЗ ЧЬ ДЬБЕЖӘ
Һәрге һун дьк′әвьнә бәр байе щер′ьбандьна, әв найе һ′әсабе кӧ һун мәрьвәки хьраб бьн. К′ьтеба Пирозда те готьне, ԝәки һәр кәс те щер′ьбандьне (1 Корьнт′и 10:13). Фәрз әԝ ә, һәла ве дәрәщеда әм чаԝа хԝә дьдьнә к′ьфше. Һьнәк мәрьв дәстпедькьн сәр ԝан фькьред нәр′аст зә′ф бьфькьрьн, ләма жи зу йан дәрәнг әԝана дьк′әвьнә ве т′әльке. Йед дьн жи дәрбера фькьред нәщайиз жь хԝә дур дьхьн.
«Һәр кәс дьбә машоԛе дьлһавьжийед хԝә, дьхапә у те щер′ьбандьне» (Аԛуб 1:14).
(Аԛуб 1:15) Һьнге дьлһавьжи кәле хԝә дьстинә, гӧнә же дьфьрькә у гӧнә жи кӧ мәзьн дьбә, мьрьн же дьбә.
g17.4 14
Щерʹьбандьн
Кʹьтеба Пироз шьровәдькә, ԝәки чь дьбә бәрбь гӧнә. Аԛуб 1:15 дьбежә: «Дьлһавьжи [хԝәстьна нәр′аст] кәле хԝә дьстинә, гӧнә же дьфьрькә у гӧнә жи кӧ мәзьн дьбә, мьрьн же дьбә». Демәк һәрге мәрьв фькьред нәр′аст һ′ьше хԝәда дьгьрә, әԝ дькарә һеса бьк′әвә бәр байе фькьред хԝә у ԝе нькарьбә бәр гӧна хԝә бьгьрә. Һьнге ча к′ӧлфәта һʹәмлә, к′ижан кӧ нькарә хԝә бьгьрә кӧ зар′ нәйе буйине, ӧса жи мәрьв ԝе нькарьбә хԝә бьгьрә у ԝе гӧнә бькә. Бь р′асти ԝәва гьредайи йә һуне бьбьнә диле хԝәстьнед хԝә йан жи ахайед хԝәстьнед хԝә.
Хьзна Кʹьтеба Пироз Бьгәрʹьн
(Аԛуб 1:17) Һәр дайина ԛәнщ у һәр п′ешк′еша к′амьл жь жор ә, жь Бав, жь Ә′фьрандаре р′онайа те хԝаре, йе кӧ нә хԝәха те гӧһастьне, нә жи си бәр ԝи дадьгәр′ә.
it-2 253-254
Р′онайи
Йаһоԝа һәйә «Ә′фьрандаре р′онайа» (Аԛб. 1:17). Әԝи нә т′әне «бь р′оже р′онаһи бә р′ож дайә, бона бь шәве р′онаһи бә загона һәйв у стәйркан данийә» (Йер. 31:35), ле ӧса жи р′онайа р′ӧһ′ани дайә (2 Кр. 4:6). Ԛанун, хәбәр у сафикьрьнед Хԝәде рʹонайи нә бона ԝан мәрьва, кʹи кӧ бь ԝан рʹебәри дьбьн (Зб. 43:3; 119:105; Мтʹл. 6:23; Иш. 51:4). Зәбурбеж гот: «Рʹонаһийа тә рʹонаһийа мә йә» (Зб. 36:9; бәрәмбәр кә Зб. 27:1; 43:3). Ча рʹонайийа бәрбанге йа кӧ һеди-һеди дәрте, һʹәта кӧ тʹәмамийа рʹожә рʹонайи дьбә, ӧса жи рʹийа рʹаста кӧ бь биланийа Хԝәде рʹонайи дьбә, һеди-һеди дьбә рʹонайи (Мтʹл. 4:18). Гава әм сәр ве рʹе дьчьн, кʹижан кӧ Йаһоԝа нишани мә дькә, әв те һʹәсабе кӧ әм рʹонайа ԝида дьмәшьн (Иш. 2:3-5). Ле әԝе кӧ сәр һʹәму тьшти бь фькьр у нетед нәрʹаст дьньһерʹә, тәʹрийа рʹӧһʹанида нә. Иса гот: «Һәгәр ч′ә′ве тә хьраб ә, т′әмамийа бәдәна тәйе тә′ри бә. Аԝа һәгәр әԝ р′онайа кӧ нав тәда йә тә′ри йә, тә′ри ԝе чьԛас зедә бә!» (Мт. 6:23; бәрәмбәр кә Ԛн.Дщ. 15:9; 28:54-57; Мтʹл. 28:22; 2 Пт. 2:14).
(Аԛуб 2:8) Һәгәр һун ԛануна П′адшатийе бьԛәдиньн, ль гора ньвисара кӧ дьбежә: «Һәвале хԝә ԝәкә хԝә һ′ьз бькә», һун ԛәнщ дькьн.
it-2 222 ¶4
Ԛанун
«Ԛануна Пʹадшатийе». Ԝәк пʹадше нава мәрьва, «ԛануна пʹадшатийе» щийе фәрз у бьльнд дьгьрә нава ԛанунед дьн, йед кӧ һәләԛәтийа ортʹа мәрьва саз дькьн (Аԛб. 2:8). Һʹиме ве ԛануне һʹьзкьрьн бу, ле тʹәмийа «һәвале хԝә ԝәкә хԝә һ′ьз бькә», (ԛануна пʹадшатийе) йа дӧда бу, сәр кʹижани кӧ һ′әму ньвисаред п′ехәмбәра у Ԛануне гьредайи нә (Мт. 22:37-40). Рʹаст ә, Мәсьһи пәймана ԛанунеда ниньн, ле ль гора пәймана тʹәзә әԝана борщдар ьн гӧһ бьдьнә ԛануна Йаһоԝа у Кӧрʹе ԝи, Пʹадша Иса Мәсиһ.
Хԝәндьна Кʹьтеба Пироз
(Аԛуб 2:10-26) Әԝе кӧ т′әмамийа Ԛануне хԝәй дькә, ле тьштәки же бәр′дьдә, әԝ дьбә дәйндаре т′әмамийа Ԛануне. 11 Чьмки әԝе кӧ гот: «Зьнийе нәкә» ӧса жи гот: «Нәкӧжә». Аԝа һәгәр зьнийе нәки, ле бькӧжи, диса Ԛануне дьт′әр′ьбини. 12 Хәбәрдан у кьрьнед хԝәда ӧса бьн, чаԝа йед диԝана ԝане бь ԝе ԛануне бьбә, йа кӧ азайийе дьдә. 13 Чьмки бе р′ә′м ԝе диԝана бер′ә′ма бьбә, ле р′ә′м ль бәр диԝане р′успи дькә. 14 Чь фәйдә хушк-бьрайед мьн, һәгәр йәк бежә кӧ баԝәрийа ԝи һәйә, ле кьред ԝи т′ӧнәбьн? Гәло әва баԝәрийа дькарә ԝи хьлаз кә? 15 Мәсәлә, һәгәр бьрак йан хушкәк сьт′ар ле т′ӧнәбә йан һ′әԝще нане р′оже бә, 16 жь ԝә йәк ԝанр′а бежә: «Бь хер у сьламәт һәр′ьн, гәрм у т′ер бьн», ле тьштед кӧ әԝ һ′әԝщә бьн нәдә ԝан, чь фәйдә? 17 Ӧса жи баԝәри, һәгәр кьред ԝе т′ӧнәбьн, бь т′әне мьри йә. 18 Ле йәке бежә: «Баԝәрийа тә һәйә, кьред мьн һәнә». Ле әзе бежьм: К′а баԝәрийа хԝә бе кьрьна нишани мьн кә, әзе жи баԝәрийе бь кьрьнед хԝәва нишани тә кьм. 19 Тӧ баԝәр дьки, кӧ Хԝәде йәк ә. Ԛәнщ ә! Щьн жи баԝәр дькьн у дьбьздьн. 20 Ле тӧ дьхԝази әв йәк бе избаткьрьне, мәрьве беһ′ьш, ԝәки баԝәри бейи кьра мьри йә? 21 Нә Бьраһиме баве мә бь кьра р′аст һатә һ′әсабе, гава кӧр′е хԝә Исһаԛ дани сәр горигәһе, кӧ бькә ԛӧрбан? 22 Тӧ дьбини кӧ баԝәрийе т′әви кьред ԝи йа хԝә кьр у бь ԝан кьра баԝәрийе р′ийа хԝә ԛәданд? 23 У готьна ньвисаре һатә сери, кӧ дьбежә: «Бьраһим баԝәрийа хԝә Хԝәде ани у әԝ жер′а р′асти һатә һ′әсабе» у досте Хԝәде һатә готьне. 24 Һун дьбиньн кӧ мәрьв бь кьра р′аст те һ′әсабе, нә кӧ т′әне бь баԝәрийе? 25 Нә ӧса жи Р′әхаба ч′ә′вдәр бь кьра р′аст һатә һ′әсабе, гава щә′сус ԛәбул кьрьн у әԝ р′екә дьнва вәр′екьрьн? 26 Аԝа чаԝа ԛальб бе р′ӧһ′ мьри йә, ӧса жи баԝәри бейи кьра мьри йә.