К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • mwbr19 Мьждар рʹупʹ. 1–8
  • Кани бона «Бәрнама Щьвине, Бьжин у Хьзмәт кьн»

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Кани бона «Бәрнама Щьвине, Бьжин у Хьзмәт кьн»
  • Кани Бона «Бәрнама Щьвине, Бьжин у Хьзмәт кьн» (2019)
  • Бьнсәри
  • 4-10 МЬЖДАРЕ
  • ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ЙУҺʹӘННА 1-5
  • «Дьнйайе Һ′ьз Нәкьн, нә жи Ԝан Тьштед кӧ Дьнйайеда нә»
  • ԝ05 1/1 10 ¶13
  • Чʹәʹв Бьдә Иса
  • ԝ13 15/8 27 ¶18
  • Һун Гәрәке Мәрьвнә Чь Щурʹәйи бьн
  • Хьзна Кʹьтеба Пироз Бьгәрʹьн
  • ԝ13 15/9 10 ¶14
  • Ширәтед Йаһоԝа Керһати нә
  • it-1 862 ¶5
  • Бахшандьн
  • Хԝәндьна Кʹьтеба Пироз
  • 11-17 МЬЖДАРЕ
  • ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ЙУҺʹӘННА 1-ЩЬҺУДА
  • «Һәр Тьшти Бькьн кӧ Рʹастийеда Бьминьн»
  • ԝ04 15/9 11-12 ¶8-9
  • «Йәктийа Хӧданда Ԛәԝат бьн»
  • Хьзна Кʹьтеба Пироз Бьгәрʹьн
  • it-2 279
  • Мәсрәфед Һʹьзкьрьне
  • it-2 816
  • Зьнар
  • ԝp17.1 12 ¶1
  • «Әԝ ль Хԝәде Хԝәш Һатьбу»
  • ԝp17.1 12 ¶3
  • «Әԝ ль Хԝәде Хԝәш Һатьбу»
  • Хԝәндьна Кʹьтеба Пироз
  • 18-24 МЬЖДАРЕ
  • ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 1-3
  • «Әз Һаш жь Кьред тә . . . Һәмә»
  • ԝ12 15/10 14 ¶8
  • Һун Чь Рʹӧһʹи Дьдьнә Кʹьфше?
  • ԝ12 15/4 29 ¶11
  • Йаһоԝа бона Хьлазбуне, Мә Хԝәй Дькә
  • ԝ01 15/1 20-21 ¶20
  • Тʹәви Тʹәшкиләта Йаһоԝа Бьмәшә
  • Хьзна Кьтеба Пьроз Бьгәрʹьн
  • kr 226 ¶10
  • Пʹадшатийа Хԝәде, Дьжмьна Рʹәт Дькә
  • ԝ09 15/1 31 ¶1
  • Фькьред Сәрәкә жь Кʹьтеба Әʹйанти
  • Хԝәндьна Кʹьтеба Пироз
  • 25 МЬЖДАРЕ-1 КАНУНА ПЕШЬН
  • ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 4-6
  • «Дәркʹәтьна Чар Сийара»
  • ԝp17.3 4 ¶3
  • Чар Сийар бь Расти Ки нә?
  • ԝp17.3 4 ¶5
  • Чар Сийар бь Расти Ки нә?
  • ԝp17.3 5 ¶2
  • Чар Сийар бь Расти Ки нә?
  • ԝp17.3 5 ¶4-5
  • Чар Сийар бь Расти Ки нә?
  • ԝp17.3 5 ¶8-10
  • Чар Сийар бь Расти Ки нә?
  • Хьзна Кʹьтеба Пироз Бьгәрʹьн
  • rе 76-77 ¶8
  • Тʹәхте Йаһоԝайи Әʹзмен йе Һәри Жорьн
  • rе 80 ¶19
  • Тʹәхте Йаһоԝайи Әʹзмен йе Һәри Жорьн
  • cf 36 ¶5-6
  • «Ва Шере жь Ԛәбила Щьһуда»
  • Хԝәндьна Кʹьтеба Пироз
Кани Бона «Бәрнама Щьвине, Бьжин у Хьзмәт кьн» (2019)
mwbr19 Мьждар рʹупʹ. 1–8

Кани бона «Бәрнама Щьвине, Бьжин у Хьзмәт кьн»

4-10 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ЙУҺʹӘННА 1-5

«Дьнйайе Һ′ьз Нәкьн, нә жи Ԝан Тьштед кӧ Дьнйайеда нә»

(1 Йуһʹәнна 2:15, 16) Дьнйайе һ′ьз нәкьн, нә жи ԝан тьштед кӧ дьнйайеда нә. Һәгәр йәк дьнйайе һ′ьз дькә, һ′ьзкьрьна Баве нава ԝида т′ӧнә. 16 Чьмки һәр тьштед кӧ дьнйайеда нә, дьлһавьжи, ч′ә′вһавьжи у к′ӧбар-бабахийа ви ә′мьри йә, әԝ нә жь Баве нә, ле жь ве дьнйайе нә.

ԝ05 1/1 10 ¶13

Чʹәʹв Бьдә Иса

13 Һьнәк мәрьв дькарьн бежьн, ԝәки нә һʹәму тьштед ве дьнйайе хьраб ьн. Һәрге ӧса бә жи, әв дьнйа у тьштед ԝе дькарьн дина мә жь хьзмәткьрьна Йаһоԝарʹа бькʹьшиньн сәр хԝә у нькарьн мә незики Хԝәде кьн. Ләма жи һәрге әм дәстпекьн тьштед дьнйайе һʹьз кьн, илаһи әԝ чь кӧ нә хьраб ьн жи, ӧса әм дькарьн хԝә бькьнә ԛәзийе (1 Тимотʹейо 6:9, 10). Хенщи ԝе йәке, гәләк тьштед ве дьнйайе, әв зӧлми нә у дькарьн сәр мә хьраб һʹӧкӧм кьн. Һәрге әм синәма дьньһерʹьн йан жи бәрнәмед телевизийоне, кʹидәре кӧ бенамуси, зӧлми у пʹәрәһʹьзи кʹьфш дьбә, әв зӧлми бона мә дькарә бьбә ча тьштәкә тʹәбийәти у әме бькʹәвьн бәр байе ԝе. Ле һәрге әм һәвалтийе дькьн тʹәви ԝан мәрийа, сәва кʹижана һәбун дьһа ԛимәт ә у әԝана һʹьзрәта бизнесе нә, һьнге нетед ԝан дькарьн сәр мә жи һʹӧкӧм бьн (Мәтта 6:24; 1 Корьнтʹи 15:33).

(1 Йуһʹәнна 2:17) Дьнйайе жи дәрбаз бә, һавьжийа ԝе жи, ле әԝе кӧ ә′мьре Хԝәде дьԛәдинә ԝе һ′әта-һ′әтайе бьминә.

ԝ13 15/8 27 ¶18

Һун Гәрәке Мәрьвнә Чь Щурʹәйи бьн

18 Диса тьштәк дькарә али мә бькә, ԝәки мьԛабьли «тьштед кӧ дьнйайеда нә» дәрен әԝ гьлийе Йуһʹәнна нә: «Дьнйайе жи дәрбаз бә, һавьжийа ԝе жи, ле әԝе кӧ ә′мьре Хԝәде дьԛәдинә ԝе һ′әта-һ′әтайе бьминә» (1 Йн. 2:17). Дьнйа Шәйтʹан ӧса те кʹьфше, кӧ те бежи әв ԝе һʹәта-һʹәтайе бьминә. Ле рʹожәке әԝе кʹӧта бә. Һәрге әм фәʹм дькьн, кӧ һәр тьштед дьнйа Шәйтʹан ԝәʹдәлу нә, әв йәк ԝе али мә бькә нәкʹәвьн тʹәлькед ԝи.   

Хьзна Кʹьтеба Пироз Бьгәрʹьн

(1 Йуһʹәнна 2:7, 8) Дәлално, нә кӧ т′әмикә ну әз ԝәр′а дьньвисьм, ле ԝе т′әмийа кәвьнә кӧ һун бәре пешда заньн. Т′әмийа кәвьн әԝ хәбәр ә, йа кӧ ԝә пешда бьһистийә. 8 Ле бәле т′әмикә ну әз ԝәр′а дьньвисьм, кӧ р′астийа ԝе йәке чаԝа нава ԝида хӧйа дьбә, ӧса жи нава ԝәда. Чьмки тә′ри дәрбаз дьбә у р′онайа р′аст иди р′онайе дьдә.   

ԝ13 15/9 10 ¶14

Ширәтед Йаһоԝа Керһати нә

14 Ньвисаред Йунанида, гәләк щар ширәтәкә ӧса те дайине, кӧ һәвдӧ һʹьз бькьн. Иса гот, ԝәки тʹәмийа дӧда йа сәрәкә әв ә: «Һәвале хԝә ԝәкә хԝә һ′ьз бькә» (Мт. 22:39). Ӧса жи бьре Иса, Аԛуб һʹьзкьрьн нав кьр ча «ԛануна П′адшатийе» (Аԛб. 2:8). Йуһʹәннайе шанди ньвиси: «Дәлално, нә кӧ т′әмикә ну әз ԝәр′а дьньвисьм, ле ԝе т′әмийа кәвьнә кӧ һун бәре пешда заньн» (1 Йн. 2:7, 8). Йуһʹәннайе шанди чь дьхԝәст бьгота, гава гот «тʹәмийа кәвьн»? Әԝи дьхԝәст бьгота дәрһәԛа ве тʹәмийе кӧ һәв һʹьз бькьн. Әԝ бь ве нете «кәвьн бьбу», чьмки Иса бь дәһа сала пешда дабу. Ле әв ӧса жи «ну бу», чьмки һелан дькьр бь дьл һʹьзкьрьне бьдьнә кʹьфше, кʹижан кӧ ԝе дәрәщед тʹәзәда кери шагьрта бьһата. Ләма жи әм ча шагьртед Мәсиһ, ԛимәт дькьн ширәтед ԝи, кӧ али мә дькьн хԝә бьпарезьн жь хԝәһʹьзийа ве дьнйайе. Чьмки әв хԝәһʹьзи дькарә һʹьзкьрьна мә һьндава һәвалед мәда, бьтәмьринә.

(1 Йуһʹәнна 5:16, 17) Һәгәр йәк бьбинә кӧ бьре ԝи гӧнәк кьрийә, ле набә бәрбь мьрьне, бьра бона ԝи дӧа бькә у Хԝәде ԝе жийине бьдә ԝи. Әз ве йәке һьндава ԝанда дьбежьм, к′ижанед кӧ гӧне бәрбь мьрьне накьн. Гӧнә һәйә кӧ дьбә бәрбь мьрьне. Әз набежьм, кӧ бона ве йәке дӧа бькьн. 17 Һ′әму нәһәԛи гӧнә йә, ле гӧнә һәйә кӧ набә бәрбь мьрьне.

it-1 862 ¶5

Бахшандьн

Фәрз ә кӧ әм Хԝәдерʹа дӧа бькьн, ԝәки әԝ гӧнед мәрьва бьбахшинә, у ӧса жи гӧнед тʹәмамийа щьвате. Мәсәлә, Муса сәва щьмәʹта Исраеле Хԝәдерʹа дӧа дькьр, у лавайа ԝи дькьр кӧ гӧнед ԝан бьбахшинә. Йаһоԝа дӧайе ԝи бьһист (Жм. 14:19, 20). Ԝәʹде тʹәсмилкьрьна пʹарьстгәһе жи, Сьлеман дӧакьрьнеда готә Йаһоԝа, кӧ әԝ бьбахшинә щьмәʹта хԝә, һәрге әԝана гӧна бькьн у паше гӧнед хԝә биньн рʹийе хԝә (1 Пʹд. 8:30, 33-40, 46-52). Әзра жь наве Щьһуйед кӧ жь дилтийе вәгәрʹийа бун, Хԝәдерʹа дӧа кьр у сәва гӧнед ԝан бахшандьн хԝәст. Дӧайе ԝийи бь дьл у хәбәрдана ԝи тʹәви Щьһуйа, щьмәʹт һелан кьр, бахшандьне бьхԝазьн (Әз. 9:13-10:4, 10-19, 44). Аԛуб, мәрьве рʹӧһʹанида сьст, һелан дькьр, ԝәки әԝ гази рʹуспийед щьвате кә, сәва кӧ әԝана сәр ԝида дӧа бькьн. У «һәгәр гӧнәк жи кьрьбә, ԝе ԝи бе бахшандьне» (Аԛб. 5:14-16). Чь жи һәбә «гӧнә һәйә кӧ дьбә бәрбь мьрьне», кʹижан кӧ мьԛабьли рʹӧһʹе пироз ә. Демәк гӧне кӧ мәрьв бь һʹәмде хԝә дькә у сәва кʹижани кӧ бахшандьн тʹӧнә. Бона мәрьвед ӧса Мәсиһи гәрәке дӧа нәкьн (1 Йн. 5:16; Мт. 12:31; Ибр. 10:26, 27; бьньһерʹә ГӦНӘ, РʹӦҺʹ).

Хԝәндьна Кʹьтеба Пироз

(1 Йуһʹәнна 1:1-2:6) Әм сәр ԝе йәке ԝәр′а дьбежьн, чь кӧ сәре серида һәбу, мә әԝ йәк бьһист, бь ч′ә′ве хԝә дит, ль ԝи ньһер′и у дәст данә ԝи: Әԝ Хәбәра жийине йә. 2 Жийин ә′йан бу, мә әԝ дит, әм шә′дәтийе дьдьн у бона ԝе жийина һ′әта-һ′әтайе ԝәр′а дьбежьн, йа кӧ щәм Баве бу у мәва ә′йан бу. 3 Әԝ тьште кӧ мә дит у бьһист әм ԝәр′а жи дьбежьн, ԝәки һун жи мәва т′әвгьредайи бьн у әв т′әвгьредана мә жи т′әви Бав у Кӧр′е ԝи Иса Мәсиһ ә. 4 Әм ван тьшта ԝәр′а дьньвисьн, ԝәки шабуна мә* т′әмам бә. 5 Әв ә әԝ готьна кӧ мә жь ԝи бьһист у ә′лами ԝә дькьн, кӧ Хԝәде р′онайи йә у т′ӧ тә′ри ԝида т′ӧнә. 6 Һәгәр әм бежьн: «Әм Хԝәдева т′әвгьредайи нә», ле тә′рийеда бьгәр′ьн, әм дәрәԝа дькьн у р′астийе накьн. 7 Ле һәгәр әм р′онайеда бьгәр′ьн, чаԝа кӧ әԝ р′онайеда йә, әме һәвва т′әвгьредайи бьн у хуна Исайе Кӧр′е ԝи ԝе мә жь һ′әму гӧна паԛьж кә. 8 Һәгәр әм бежьн: «Гӧне мә т′ӧнә», әм хԝәха хԝә дьхапиньн у р′асти нава мәда т′ӧнә. 9 Ле һәгәр әм гӧнед хԝә бьдьнә р′уйе хԝә, әԝ хԝәйе созе хԝә йә у һәԛийе дькә, ԝе гӧнед мә бьбахшинә у мә жь һ′әму нәһәԛийа паԛьж кә. 10 Һәгәр әм бежьн: «Мә гӧнә нәкьрийә», әм ԝи дәрәԝин дәрдьхьн у хәбәра ԝи нә нава мәда йә.

2 Зар′окед мьн, әз ве йәке ԝәр′а дьньвисьм, ԝәки һун гӧна нәкьн, ле һәгәр йәк гӧнә бькә, ль щәм Баве пьштгьре мә, Иса Мәсиһ, Йе Һәԛ һәйә. 2 Әԝ ә мәщала бахшандьна гӧнед мә у нә кӧ т′әне гӧнед мә, ле гӧнед т′әмамийа дьнйайе жи. 3 Бь ԝе йәке әм заньн кӧ әм ԝи нас дькьн, һәгәр әм т′әмийед ԝи бьԛәдиньн. 4 Йе кӧ дьбежә: «Әз ԝи нас дькьм», ле т′әмийед ԝи наԛәдинә, әԝ дәрәԝин ә у р′асти нава ԝида т′ӧнәйә. 5 Ле йе кӧ хәбәра ԝи дьԛәдинә, һ′ьзкьрьна Хԝәде р′аст нава ԝида т′әмам ә. Бь ве йәке әм заньн кӧ әм нава ԝида нә: 6 Әԝе кӧ дьбежә: «Әз нава ԝида мә», гәрәке ӧса бьжи, чаԝа Иса жит.

11-17 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ЙУҺʹӘННА 1-ЩЬҺУДА

«Һәр Тьшти Бькьн кӧ Рʹастийеда Бьминьн»

(Щьһуда 3) Дәлално! Гава мьн дьл кьр, кӧ әз бона ве хьлазбуна мәйә т′омәри ԝәр′а бьньвисьм, һьнге мьн р′е тер′а дит бона ве йәке ԝәр′а бьньвисьм у дьл бьдьмә ԝә, ԝәки һун бона ԝе баԝәрийа кӧ щарәке бона һәр т′ьм щьмә′та Хԝәдер′а һатийә дайине, шәр′е хԝә бькьн.

ԝ04 15/9 11-12 ¶8-9

«Йәктийа Хӧданда Ԛәԝат бьн»

8 Әм һаш жь һʹӧнӧред Шәйтʹан һәнә, чьмки Ньвисаред Пироз тʹәлькед ԝи әʹшкәрә дькьн (2 Корьнтʹи 2:11). Мәсәлә Шәйтʹан гәләк ԛәзи ани сәре Ибо. Алийе аборийеда һʹале ԝи гәләк хьраб бу, әԝи ӧса жи мәрьвед хԝәйә незик ӧнда кьр, алийе малбәта хԝәда рʹасти мьԛабьлибуне һат, гьран нәхԝәш кʹәт, һьм жи әԝ мәщбур бу гӧһ бьдә һәвалед хԝә йед кӧ ԝи рʹәзил дькьрьн. Ибо гәләк дьлтәнг бу, у әԝи тʹьре Хԝәде әԝ һиштийә (Ибо 10:1, 2). Һәмьки әм нькарьн бежьн, ԝәки проблемед ви щурʹәйида тʹьме Шәйтʹан нәһәԛ ә. Тәʹли-тәнгийед ви щурʹәйи тенә сәре гәләк Мәсиһийа, у Мире-щьна әве йәке сәва кʹара хԝә дьдә хәбате.

9 Ван рʹожед ахьрийеда баԝәрийа мә һʹәму алийава те щерʹьбандьне. Әм дьжин дьнйакә ӧсада, кʹидәре кӧ мәрьв гәләк дина хԝә дьдьнә тьштед материали у ԛә дәрһәԛа рʹӧһʹани нафькьрьн. Телевизийонеда у рʹожнәмада, тьштед бенамуси ча тьштед һʹәԝас әʹйан дькьн, кӧ йанчь мәрийа бәхтәԝар дькьн, ле әʹйан накьн кӧ бь рʹасти әԝ чьԛас кӧл-дәрда у еше тинә. У һʹәчʹи зәʹф мәрьв жи бунә «р′ьһ′әтиһ′ьз, нә кӧ Хԝәдеһ′ьз» (2 Тимотʹейо 3:1-5). Сәва кӧ әв ньһерʹандьна нәрʹаст ль сәр рʹӧһʹанийа мә һʹӧкӧм нәбә, әм гәрәке баԝәрийа хԝә бьпарезьн (Щьһуда 3).

Хьзна Кʹьтеба Пироз Бьгәрʹьн

(Щьһуда 4) Чьмки чәнд мәрьв дьзива к′әтьнә нава ԝә, кӧ дәрһәԛа диԝана ԝанда һе пешда ньвисар бу. Әԝед нәп′ак бьн наве к′әрәма Хԝәдейе мә хԝә данә бенамусийе у Хӧдане мә Иса Мәсиһ Хԝәйики бешьрики-беһәвал инк′ар кьрьнә.

(Щьһуда 12) Әвана мәсрәфед һ′ьзкьрьна* ԝәда ләк′ә нә, т′әви ԝә бе хоф дьхԝьн-вәдьхԝьн, т′әне зьке хԝә дьч′ериньн. Йед һа, ә′ԝред беавә жь бәр бе чуйи нә, даред пайизейә бебәр ьн, р′аԝава р′акьри, дӧ щар һ′ьшк буйи,   

it-2 279

Мәсрәфед Һʹьзкьрьне

Дь Кʹьтеба Пирозда найе шьровәкьрьне кӧ әԝ мәсрәф чь щурʹәйи у чьԛас щар дәрбаз дьбун (Щьһуда 12). Нә Хӧдан Иса Мәсиһ нә жи шагьрта тʹәми нәдабун, ԝәки ԝан мәсрәфа дәрбаз кьн. Ләма жи нә әʹсәйи бу әв йәк бькьрана ԛәйдә. Ль гора ньһерʹандьна һьнәка, әв мәсрәф дьһатьнә һʹәсабе вәкьрьна сьфьра, кʹижан кӧ Мәсиһийед дәԝләти дькьрьн у баԝәрмәндед хԝәйә кʹәсиб тʹәглиф дькьрьн. Ԝедәре етʹим, жьнәби, дәԝләти у кʹәсиб дькарьбун тʹәвайи бьхԝарана у тʹәви һәв шабун бьстандана.

it-2 816

Зьнар

Хәбәра Йунанийә дьн, спилас, те һʹәсабе зьнаре бьне бәʹре. Щьһуда әве хәбәре дьдә хәбате, гава хәбәр дьдә дәрһәԛа мәрьвед, кӧ кʹәтьбун щьвата Мәсиһийа у ль сәр йед дьнена хьраб һʹӧкӧм дьбун. Мина зьнаред бьне бәʹре, кʹижан кӧ бона гәмийа хоф ьн, әԝ мәрьв жи бона щьвате хоф бун. Щьһуда дәрһәԛа ԝана дьбежә: «Әвана мәсрәфед һ′ьзкьрьна ԝәда ләк′ә нә, т′әви ԝә бе хоф дьхԝьн-вәдьхԝьн» (Щьһуда 12).

(Щьһуда 14, 15) Һәнох жи кӧ пәй Адәмр′а баве һ′әфта бу, бона ван мәрьва п′ехәмбәрти кьр у гот: «Ва йә Хӧдан т′әви пирозед хԝәйә беһ′әсаб те, 15 ԝәки диԝана һ′әмуйа бькә у һ′әму нәп′ака нәһәԛ кә, бона һ′әму кьред ԝанә нәп′ак у бона ԝан һ′әму готьнед хьраб, кӧ нәп′акед гӧнәк′ар һьндава ԝида хәбәр дан».

ԝp17.1 12 ¶1

«Әԝ ль Хԝәде Хԝәш Һатьбу»

Ле пʹехәмбәртийа Һәнох дәрһәԛа чь бу? Әм дьхуньн: «Ва йә, Хӧдан бь дәһ һʹәзаред хԝә йед пирозва һат, да кӧ диԝана һʹәмуйан бькә у жь бо һʹәму кьрьнед нәпʹак кӧ ԝан бь нәпʹакийе кьрьнә у жь бо һʹәму тьштед һьшкйед кӧ гӧнәһкʹаред нәпʹак ль һәмбәр Хӧдан готьнә, бала һәр йәки бькʹьшинә сәр суще ԝи» (Щьһуда 14, 15, ИМ). Дьбә кӧ ԝә дина хԝә дайе, кӧ Һәнох ԝәʹде дәрбазбуйида хәбәр дайә, ча бежи Хԝәде ида һатийә у нета хԝә тинә сери. Әԝ мәсәла ԝе йәке йә кӧ һʹәму пʹехәмбәртийед дьн жи гәрәке бьһатана сери. Нета ԝе йәке әԝ ә: Пʹехәмбәр хәбәр дьдә дәрһәԛа тьштәки кӧ гәрәке бьԛәԝьмә, ле ӧса гьли дькә ча бежи ида һатийә сери (Ишайа 46:10).

ԝp17.1 12 ¶3

«Әԝ ль Хԝәде Хԝәш Һатьбу»

Баԝәрийа Һәнох дькарә мә һелан кә жь хԝә бьпьрсьн, һәла әм сәр ве дьнйайе ӧса дьньһерʹьн, чаԝа кӧ Хԝәде дьньһерʹә. Әʹламәтийа кӧ Һәнох дәрһәԛа кʹӧтакьрьна дьнйа зӧлм гот, һʹәта иро ԛәԝатеда нә. Ль гора әʹламкьрьна Һәнох, Йаһоԝа Селав ани сәр дьнйа бехԝәдети ԝәде Нӧһда. Ле әв кʹӧтакьрьн, бу мәсәлә сәва кʹӧтакьрьна мәзьн кӧ ԝе бьбә (Мәтта 24:38, 39; 2 Пәтрус 2:4-6). Чаԝа бәре, ԝәʹде мәда жи Хԝәде тʹәви һʹәзаред хԝәйә пироз ԝе әве дьнйа бехԝәде сущдар кә. Һәр кәс жь мә гәрәке гьлийед Һәнох һьлдә һʹәсаб у йед дьненарʹа жи әʹлам кә. Дьбә кӧ малбәт у һәвалед мә ԝе тʹәви мә ԛайил нибьн. Щарна дьбәкә әм жи хԝә тʹәне тʹәхмин кьн. Йаһоԝа тʹӧ щара Һәнох нәһиштьбу; әԝе нә жи хьзмәткʹаред хԝәйи амьн иро бьһелә!

Хԝәндьна Кʹьтеба Пироз

(2 Йуһʹәнна 1-13) Жь бәрпьрсийаре щьвине, Ханьма бьжарти у зар′ед ԝер′а, к′ижана кӧ әз бь р′астийе һ′ьз дькьм, нә кӧ т′әне әз, ле әԝ һ′әму жи, йед кӧ р′астийе нас дькьн, 2 чьмки әԝ р′асти нава мәда дьминә у һ′әта-һ′әтайе ԝе т′әви мә бә. 3 Дә бьра р′ә′м, к′әрәм у ә′дьлайи жь Бав Хԝәде у Иса Мәсиһе Кӧр′е Баве, бь р′астийе у һ′ьзкьрьн мәр′а бә. 4 Әз п′ьр′ ша бум, кӧ мьн жь зар′ед тә һьнәк дитьн, йед кӧ нава р′астийеда дьжин, ль гора ԝе т′әмийа кӧ мә жь Баве стандийә. 5 Ньһа әз һиви жь тә дькьм, Ханьме, әз т′әмикә ну тәр′а наньвисьм, ле йа кӧ бәре пешда ль мә һәбу, кӧ әм һ′әму һәвдӧ һ′ьз бькьн. 6 Һ′ьзкьрьн әв ә, кӧ әм ль гора т′әмийед ԝи бьжин. Т′әми әԝ ә, йа кӧ ԝә һе бәре пешда бьһистийә, ԝәки һун һ′ьзкьрьнеда бьжин. 7 Гәләкед кӧ хәлԛе жь р′е дәрдьхьн һатьнә дьне, әԝ Иса Мәсиһ бь хун у гошт һати иԛрар накьн. Йед аһа хәлԛе жь р′е дәрдьхьн у әк′симәсиһ ьн. 8 Һун һаш жь хԝә һәбьн, ԝәки һун к′әда хԝә ӧнда нәкьн, ле һәԛе хԝә т′әмам бьстиньн. 9 Һәр кәсе кӧ хԝә пешда давежә у нава һинкьрьна Мәсиһда наминә, Хԝәдейе ԝи т′ӧнә. Йе кӧ нава һинкьрьна Мәсиһда дьминә, бона ԝи Бав жи һәйә, Кӧр′ жи һәйә. 10 Һәгәр йәк бе щәм ԝә у ве һинкьрьне нәйнә, һун ԝи ԛәбул нәкьнә малед хԝә у сьлаве нәдьнә ԝи. 11 Чьмки к′и сьлаве бьдә ԝи, әԝ т′әви кьред ԝийә хьраб дьбә. 12 Гәләк тьштед мьнә ньвисаре ԝәр′а һәнә, ле мьн нәхԝәст сәр к′ахазе бь һ′ӧбьре бьньвисьм, чьмки гӧмана мьн һәйә әзе хԝәха бемә щәм ԝә у р′у бь р′у т′әви ԝә хәбәр дьм, ԝәки әшԛа мә т′әмам бә. 13 Зар′ед хушка тәйә бьжарти ль тә сьлав дькьн.

18-24 МЬЖДАРЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 1-3

«Әз Һаш жь Кьред тә . . . Һәмә»

(Әʹйанти 1:20) Сӧр′а ван стәйрка, йед кӧ тә дәсте мьни р′астеда дитьн, ӧса жи һәр һ′әфт шәмданед зер′ин әв ә: Әԝ һәр һ′әфт стәйрк, мьлйак′әтед һәр һ′әфт щьвина нә у әԝ һәр һ′әфт шәмдан, һәр һ′әфт щьвин ьн.

ԝ12 15/10 14 ¶8

Һун Чь Рʹӧһʹи Дьдьнә Кʹьфше?

8 Сәва кӧ рʹӧһʹе ви щурʹәйи нав мәда пешда нәйе, әм гәрәке бир нәкьн, кӧ дь Кʹьтеба Пирозда, дәрһәԛа Иса те готьне, ԝәки «дәсте ԝийи р′астеда һ′әфт стәйрк» һәнә. «Стәйрк» әв һәнә Мәсиһийед бь рʹӧһʹ кʹьфшкьри, у әв һәнә рʹуспийед щьвата. Иса дькарә рʹебәрийа «стәйркед» кӧ дәсте ԝида ньн, ӧса бькә чаԝа кӧ дьхԝазә (Әʹйанти 1:16, 20). Демәк һʹәму сафикьрьнед рʹуспийа, бьн контрола Исада ньн, кʹижан кӧ һәйә сәре щьвата Мәсиһийа. Һәргә кәсәк жь рʹуспийа һʹәԝще рʹасткьрьне йә, һьнге әԝе, ч′ә′вед кʹижани кӧ «мина алава егьр» ә, ԝе әве йәке бьвинә у хәм бькә, кӧ ԝәʹдәда бь хԝәстьна Хԝәде ԝи рʹаст кә (Әʹйанти 1:14). Ле әм ԛәдьре ԝана дьгьрьн, кʹижан кӧ бь рʹӧһʹе пироз һатьнә кʹьфшкьрьне, чьмки Паԝлос ньвиси: «Гӧһдарийа р′ебәред хԝә бькьн у гӧр′а ԝанда бьн. Әԝана бона р′ӧһ′е ԝә хәԝе жь ч′ә′ве хԝә дькьн, чьмки ԝе бона ԝә щабдар бьн. Бьра әԝ ԝи шьхӧле хԝә әшԛ у ша бькьн, нә кӧ бь офә-офе, чьмки әԝ йәк к′аре надә ԝә» (Ибрани 13:17).

(Әʹйанти 2:1, 2) Мьлйак′әте щьвина Әфәсер′а бьньвисә беже: Әԝи кӧ һ′әфт стәйрк дәсте ԝийи р′астеда у нава һ′әфт шәмданед зер′инда дьгәр′ә, аһа дьбежә: 2 Әз һаш жь кьред тә, хәбата тә у сәбьра тә һәмә. Әз заньм кӧ тӧ нькари ль хьраба т′ә′мул ки. Тә әԝ жи щер′ьбандьн, йед кӧ хԝә шанди һ′әсаб дькьн, ле р′аст нә ӧса нә, тә дит кӧ әԝ дәрәԝин ьн.

ԝ12 15/4 29 ¶11

Йаһоԝа бона Хьлазбуне, Мә Хԝәй Дькә

11 Хәԝн-хәйаледа, кʹижан кӧ кʹьтеба Әʹйанти сәре 2 у 3-да һатийә ньвисаре, Иса Мәсиһйе рʹумәткьри, дина хԝә дьдә һʹале һʹәфт щьватед Асйа Бьч′ук. Жь ве хәйале кʹьфш ә, ԝәки Мәсиһ нә тʹәне педа шьхӧле щьвате дьвинә, ле һәр дәрәщәкә конкрет жи. Щарна әԝ һәла һе наве мәрийа жи һьлдьдә у һәр дәрәщәкеда сәва тьштәки пʹайе ԝан дьдә йан жи ширәтәкә лазьм дьдә. Әв йәк чь әʹйан дькә? Ль гора ве пʹехәмбәртийе, һʹәфт щьват тенә һʹәсабе Мәсиһийед бь рʹӧһʹ кʹьфшкьри, йед кӧ паши сала 1914 һатьнә кʹьфшкьрьне. Ле ширәтед кӧ ԝан һʹәфт щьватарʹа һатьнә дайине, иро бона һʹәму щьвата нә. Жь ве йәке әм дькарьн бежьн, кӧ Йаһоԝа бь сайа Кӧрʹе хԝә рʹебәрийе щьмәʹта хԝә дькә. Ле әм чь гәрәке бькьн, сәва әв йәк мәрʹа керһати бә?

ԝ01 15/1 20-21 ¶20

Тʹәви Тʹәшкиләта Йаһоԝа Бьмәшә

20 Сәва кӧ тʹәви тʹәшкиләта Йаһоԝа бьмәшьн, йа кӧ бь хирәт пешда дьчә, әм гәрәке рола Иса Мәсиһ ԛәбул кьн, кʹижани кӧ Хԝәде ԝәк «сәре щьвине» кʹьфш кьрийә (Әфәси 5:22, 23). Әм ӧса жи гәрәке дина хԝә бьдьнә ве йәке, чь те готьне Ишайа 55:4-да: «А вай, мьн [Йаһоԝа] ԝи бь шаһдәйи жь гәланрʹа, бь сәроканти у миранти да гәлан». Әʹшкәрә йә, Иса дькарә рʹебәрийе бькә. Әԝ бәрхед хԝә у кьред ԝан рʹьнд занә. Чахе әԝи дина хԝә дьда һʹәфт щьватед Асйа Бьчʹук, әԝи пенщ щара гот: «Әз һаш жь кьред тә . . . һәмә» (Әʹйанти 2:2, 19; 3:1, 8, 15). Иса, мина Баве хԝә Йаһоԝа, һаш һʹәԝщед мә жи һәйә. Иса пешийа кӧ шагьрт һинкьрана кӧ дӧа бькьн, гот: «Бәри хԝәстьна ԝә, Баве ԝә занә чь ԝәр′а лазьм ә» (Мәтта 6:8-13).

Хьзна Кьтеба Пьроз Бьгәрʹьн

(Әʹйанти 1:7) Ва йә ә′ԝрава әԝ те. Һәр ч′ә′ве ԝи бьбинә, һ′әта әԝед кӧ нәк′са ԝи ԛӧл кьрьн жи. Һ′әму мьләтед дьнйайе ԝе ль сәр ԝи шин у к′әдәр бьн. Бәле. Амин!

kr 226 ¶10

Пʹадшатийа Хԝәде, Дьжмьна Рʹәт Дькә

10 Әʹламкьрьна диԝанкьрьне. Һʹәму дьжмьнед Пʹадшатийа Хԝәде, ԝе мәщбур бьн бьвиньн ԛәԝьмандьнед, кʹижан кӧ ԝе ԝана һе дьлтәнг кьн. Иса гот: «Һьнге ԝе бьбиньн, Кӧр′е Инсан бь ԛәԝата мәзьн у р′умәт ә′ԝрава те» (Мԛ. 13:26). Әв ԛәԝата жорьн ԝе бе һʹәсабе, кӧ Иса һатийә диԝана ԝана бькә. Һе зедә бона ве диԝанкьрьне Иса пʹехәмбәртийа хԝәйә дәрһәԛа рʹожед ахьрийеда гьли кьр. Әв һәйә мәтʹәлок дәрһәԛа «пез» у «бьзьна» (Бьхунә Мәтта 25:31-33, 46.) Әԝ мәрьвед амьн кӧ пьштгьрийа Пʹадшатийа Хԝәде дькьн, ԝе бенә әʹламкьрьне ча «пәз». Әԝана ԝе сәре хԝә һьлбьрьн, чьмки ԝе фәʹм бькьн кӧ хьлазбуна ԝан ида незик ә (Лԛ. 21:28). Ле дьжмьнед Пʹадшатийе, ԝе бенә әʹламкьрьне ча «бьзьн». Әԝана ԝе фәʹм кьн, кӧ ԝе бенә кʹӧтакьрьне, ләма жи ԝе «шине бькьн» (Мт. 24:30; Әʹнт. 1:7).

(Әʹйанти 2:7) Әԝе кӧ гӧһед ԝи һәнә, бьра бьбьһе кӧ Р′ӧһ′ чь дьбежә щьвина. Әԝе кӧ сәрк′әвә, әзе изьне бьдьмә ԝи, ԝәки жь ԝе дара жийине бьхԝә, йа кӧ бӧһьшта Хԝәдеда йә.

ԝ09 15/1 31 ¶1

Фькьред Сәрәкә жь Кʹьтеба Әʹйанти

2:7: Чь йә «бӧһьшта Хԝәде»? Һәмьки әв гьли бона йед бь рʹӧһʹ кʹьфшкьри те готьне. Ле хәбәра «бӧһьшт», ль вьр те һʹәсабе бӧһьшта әʹзмана, демәк щийе Хԝәде. Кʹьфшкьрийед амьн ԝе хәлате бьстиньн. Әԝана ԝе жь «дара жийине» бьхԝьн. Һьнге мьрьне ль сәр ԝан һʹӧкӧм нәбә (1 Кр. 15:53).

Хԝәндьна Кʹьтеба Пироз

(Әʹйанти 1:1-11) Әва ә′йантийа Иса Мәсиһ ә, к′ижан Хԝәде да ԝи, ԝәки әԝ ԝан тьштед кӧ гәрәке зутьрәке бьԛәԝьмьн, нишани хӧламед ԝи кә. Иса пе дәсте мьлйак′әте хԝә шанд у ә′лами хӧламе хԝә Йуһ′әнна кьр. 2 Йуһ′әнна жи шә′дәтийа һәр тьштед кӧ ԝи дитьбун да, аԝа готи шә′дәтийа готьна Хԝәде, ӧса жи шә′дәтийа ә′ламәтийа Иса Мәсиһә р′аст. 3 Хԝәзи ль ԝи, кӧ ве йәке бьхунә у хԝәзи ль ԝан, йед кӧ ван хәбәред п′ехәмбәртийе бьбьһен у тьштед кӧ веда һатьнә ньвисаре дьле хԝәда хԝәй кьн, чьмки ԝәхт незик ә. 4 Жь Йуһ′әнна, һәр һ′әфт щьвинар′а, йед кӧ ԛәза Асйайеда нә: К′әрәм у ә′дьлайийа ԝи ль ԝә бә, Йе кӧ һәйә, Йе кӧ һәбу, Йе кӧ ԝе бе у жь һәр һ′әфт р′ӧһ′ед кӧ ль бәр т′әхте ԝи нә, 5-6 ӧса жи жь Иса Мәсиһе шә′де амьн, ньхӧрийе жь нава мьрийа у сәрԝере п′адшед ә′рде. Дә бьра р′умәт у ԛӧдрәт ԝир′а бә һ′әта-һ′әтайе, йе кӧ мә һ′ьз дькә у әм пе хуна хԝә жь гӧнед мә аза кьрьн у әм кьрьн к′аһинед п′адшатийе, ԝәки Баве ԝи Хԝәдер′а әм хьзмәтк′арийе бькьн. Амин! 7 Ва йә ә′ԝрава әԝ те. Һәр ч′ә′ве ԝи бьбинә, һ′әта әԝед кӧ нәк′са ԝи ԛӧл кьрьн жи. Һ′әму мьләтед дьнйайе ԝе ль сәр ԝи шин у к′әдәр бьн. Бәле. Амин! 8 «Әз Алфа у Омега мә», Хӧдан Хԝәдейе Һ′әму Зорайийе дьбежә, Йе кӧ һәйә, Йе кӧ һәбу у Йе кӧ ԝе бе. «Йәки мина инсан» 9 Әз, Йуһ′әннайе бьре ԝә мә, йәктийа Исада һәвал-п′аре ԝе тәнгасийе, п′адшатийа ԝи у сәбьра ԝә мә. Әз бона хәбәра Хԝәде у шә′дәтийа бона Иса ԝе гьраведа бум, кӧ жер′а Патмос дьбежьн. 10 Р′ожа Хӧданда Р′ӧһ′е Пироз һатә сәр мьн у мьн ль пьшт хԝә дәнгәки бьльнди мина дәнге бор′ийе бьһист, 11 кӧ дьгот: «Чь тьште кӧ тӧ дьбини, к′ьтебеда бьньвисә у һәр һ′әфт щьвинар′а бьшинә, йед кӧ бажаред Әфәсе, Сьмирнайе, Пәргамайе, Тийатирайе, Сардәйсе, Фьладәлфйайе у Лаԝдькйайеда нә».

25 МЬЖДАРЕ-1 КАНУНА ПЕШЬН

ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 4-6

«Дәркʹәтьна Чар Сийара»

(Әʹйанти 6:2) Мьн дина хԝә дайе, ва һәспәки боз хӧйа бу, дәсте йе лесийарбуйида тиркәванәк һәбу, к′офик ԝир′а һатә дайине у әԝ чаԝа ә′гит чу, ԝәки сәрк′әвә.

ԝp17.3 4 ¶3

Чар Сийар бь Расти Ки нә?

Кʹи йә сийаре һʹәспе боз? Щаба ԝе йәке әм дьвиньн һәма ве кʹьтеба Әʹйантида, йе кӧ ԝи сийаре әʹзмани әʹйан дькә ча «Хәбәра Хԝәде» (Әʹйанти 19:11-13). Әв сәрнав демәк Хәбәр, сәр Иса Мәсиһ те готьне, чьмки әԝ ԝәк хәбәрване Хԝәде бу (Йуһʹәнна 1:1, 14). Әԝ ӧса жи әʹйан дьбә ча йәки «Амьн у Рʹаст» у те навкьрьне «Пʹадше Пʹадша у Хӧдане Хӧдана» (Әʹйанти 19:16). Зәлал ә кӧ һʹӧкӧмдарийа ԝи һәйә, сәва кӧ ԝәк пʹадша шәрʹа бькә. У әԝ һʹӧкӧмдарийа хԝә рʹаст дьдә хәбате. Ле йәкә һьнә пьрс пешда тен.

ԝp17.3 4 ¶5

Чар Сийар бь Расти Ки нә?

Гәло әԝ сийар чь чах дәркʹәт? Дина хԝә бьдьне кӧ сийаре пешьн демәк Иса, һьнге дәркʹәт чахе кʹофи йане тʹащ станд (Әʹйанти 6:2). Ле чь чах Иса ль әʹзмана ча Пʹадша һатьбу кʹьфшкьрьне? Әԝ йәк ԝи чахи нибу гава әԝ паши мьрьна хԝә вәгәрʹийа ль әʹзман. Ле Кʹьтеба Пироз нишан дькә, кӧ һьнге әԝе һе һьвийе бу (Ибрани 10:12, 13). Иса шагьртед хԝәрʹа нишан һиштьн, бь сайа чь жи ԝана дькарьбу тедәрхьстана кӧ чь чах әԝи ль әʹзмана дәстпекьр пʹадшатийе бькә. Әԝи гот кӧ дәстпека сәрԝертийа ԝи, һʹале дьнйайе ве даһа хьраб бә. Демәк ԝе шәрʹ, хәлайи-щәлайе у мина нәхԝәшийа һʹал ԝе һәбьн (Мәтта 24:3, 7; Луԛа 21:10, 11). Зутьрәке дь сала 1914-да паши Шәрʹе Һьмдьнйайейә I, зәлал бу кӧ инсанәт кʹәтийә зәманәки пʹьр хьраб, сәр кʹижани Кьтеба Пироз дьбежә «рʹожед ахьрийе» (2 Тимотʹейо 3:1-5).

(Әʹйанти 6:4-6) Һьнге һәспәки дьнейи р′әнге зәрда дәрк′әт у сийаре ԝир′а изьн һатә дайине, кӧ ә′дьлайийе жь дьнйайе һьлдә, ԝәки мәрьв һәвдӧ бькӧжьн. Шурәки мәзьн ԝир′а һатә дайине. 5 Чахе ԝи мора сьсийа вәкьр, мьн бьһист кӧ р′ӧһ′бәре сьсийа гот: «Ԝәрә». Мьн дина хԝә дайе, ва һәспәки р′әш у дәсте сийаре ԝида мезинәк һәбу. 6 Һьнге те бежи мьн дәнгәк бьһист, жь нава һәр чар р′ӧһ′бәра дьһат кӧ дьгот: «Чапәкә гәньмә бьч′ук пе зивәки у се чапед бьч′ук щәһ пе зивәки. Ле зьраре нәдә зәйт′е у шәраве».

ԝp17.3 5 ¶2

Чар Сийар бь Расти Ки нә?

Әԝ сийар те һʹәсабе шәрʹ. Дина хԝә бьдьне, кӧ әԝ әʹдьлайе дьдә һьлдане нә кӧ тʹәне нава чәнд мьләта, ле нава тʹәмамйа дьнйайе. Дь сала 1914-да, щара пешийе дь тʹәрихийеда шәрʹе һʹәмдьнйайе бу. Паши ԝе йәке шәрʹе һʹәмдьнйайейә дӧда ԛәԝьми, йе кӧ зийанәкә даһа мәзьн ани. Ль гора һʹәсабед һьнә щийа, жь бо шәрʹа у шәрʹ-дәԝед дьн, жь сала 1914 ԝәке 100 милиона мәрьва зедәтьр мьрьнә! Гәләк кәсед дьн жи чәрчьринә жь бо зийанед дьн кӧ стандьнә.

ԝp17.3 5 ¶4-5

Чар Сийар бь Расти Ки нә?

«Мьн дина хԝә дайе, ва һәспәки рʹәш у дәсте сийаре ԝида мезинәк һәбу. Һьнге те бежи мьн дәнгәк бьһист, жь нава һәр чар рʹӧһʹбәра дьһат кӧ дьгот: ‹Чапәкә гәньмә бьчʹук пе зивәки у се чапед бьчʹук щәһ пе зивәки. Ле зьраре нәдә зәйтʹе у шәраве›» (Әʹйанти 6:5, 6).

Әв сийар хәлайи-щәлайе дьдә кʹьфше. Жь рʹезед кʹьфшкьри те кʹьфше кӧ кемасийа хԝарьне ԝе һәбә. Мәсәлә чапәкә гәньмә бьчʹук (0.7 кило) ԝе зивәк бә, йе кӧ һәԛе тʹәмамйа рʹоже бу дь ԛьрна йәкеда! (Мәтта 20:2). Һәма пе ви зивәки дькарьбун се чапед бьчʹукә щәһ бькʹьрйана (2.1 кило). Гәньм һьмбәри щәһ, даһа баһа бу. Бь рʹасти жи чьԛас чәтьн бу малбәтәкә мәзьн тʹер кьн. Ләма жи ԝан чаха мәрьв нькарьбун гәләк хԝарьн хԝәра бькʹьрйана, һәла һе жи тьштед һәр рʹожи йед ӧса ча бьзьре зәйтʹуне у шәрав, чь кӧ ль гора култура ԝан гәрәки щәм ԝана һәбуйа.

(Әʹйанти 6:8) Мьн дина хԝә дайе, ва һәспәки шиноԛи, кӧ наве сийаре ԝи Мьрьн бу, Дийаре Мьрийа пәй ԝи дьһат. Һ′ӧкӧм ԝир′а һатә дайине сәр п′арәкә жь чар п′аред дьнйайе, ԝәки пе шур, хәлайийе, нәхԝәшийа һ′ал у р′ә′ԝьред дьнйайе ԝан бькӧжә.

ԝp17.3 5 ¶8-10

Чар Сийар бь Расти Ки нә?

Сийаре чара дьдә кʹьфше мьрьне жь бо сәбәба нәхԝәшийед һʹал у тьштед дьн. Паши сала 1914 нәхԝәшийа Испани бь 10 милиона мәрьв кӧшт. Ԝәкә 500 милион мәрьв бь ве нәхԝәшийе нәхԝәш кʹәтьн, демәк жь һәр се мәрьва йәк!

Ле нәхԝәшийа Испани әԝ тʹәне дәспек бу. Мәрьвед зандар дьбежьн кӧ ԝәкә 300 милион мәрьва зедәтьр дь ԛьрна 20-да мьрьн жь бо нәхԝәшийа хӧри. Һәта рʹожа иройин бь милиона мәрьв мьрьн ә жь бо нәхԝәшийа ӘИДЗЕ, тʹайе, у нәхԝәшийа зьрав. У тʹӧ медисина нькарә чʹарә ве йәке бькә.

Жь бо шәрʹа, хәлайи-щәлайе у нәхԝәшийа, гәләк мәрьв мьрьн. Дийаре мьрийа демәк мәзәл гәләк мәрьва һʹуфи хԝә дькә, ле әв мәзәл тʹӧ ахьрийе надә мәрийа.

Хьзна Кʹьтеба Пироз Бьгәрʹьн

(Әʹйанти 4:4) Ль дора ԝи т′әхти бист чар к′ӧрси һәбун у ль сәр ԝан к′ӧрсийа бист чар р′успи р′уньштьбун. К′ьнщед чилә-ԛәрԛаш ль ԝан бун у к′офийед зер′ин жи ль сәре ԝан бун.

(Әʹйанти 4:6) Ль бәр т′әхт тьштәки мина бә′рәкә шушә һәбу, кӧ мина хьрустале зәлал бу. Ль дора т′әхт, һәр алики чар р′ӧһ′бәр һәбун, кӧ пешийе у пашийева ч′ә′вава т′ьжи бун.

rе 76-77 ¶8

Тʹәхте Йаһоԝайи Әʹзмен йе Һәри Жорьн

8 Йуһʹәнна заньбу, ԝәки кʹаһин дьһатьнә кʹьфшкьрьне сәва конда хьзмәт кьн. Ләма жи әԝ әʹщебмайи ма гава дина хԝә дайе: «Ль дора ԝи т′әхти бист чар к′ӧрси һәбун у ль сәр ԝан к′ӧрсийа бист чар р′успи р′уньштьбун. К′ьнщед чилә-ԛәрԛаш ль ԝан бун у к′офийед зер′ин жи ль сәре ԝан бун» (Әʹйанти 4:4). Дәԝса кʹаһина әԝ ль сәр тʹәхт 24 рʹуспийа дьвинә, ль сәр сәре кʹижана кӧ тʹащ ә мина тʹаще пʹадша. Гәло кʹи нә әԝ рʹуспи? Һәмьки әв йед бь рʹӧһʹ кʹьфшкьри нә, йане әндәмед щьвата Мәсиһийа, йед кӧ бона жийина әʹзмани һатьнә сахкьрьне у ԝи щийи дьгьрьн, кʹижан кӧ Йаһоԝа ԝанарʹа соз дабу. Әм жь кʹӧ әве йәке заньн?

rе 80 ¶19

Тʹәхте Йаһоԝайи Әʹзмен йе Һәри Жорьн

19 Әв әʹфрин чь тенә һʹәсабе? Хәйала кӧ пʹехәмбәре дьнрʹа йане Һәзәԛелрʹа һатьбу дайине, али мә дькә щаба ве пьрсе бьстиньн. Һәзәԛел дит Йаһоԝа ль сәр тʹәхт, кʹижан кӧ әʹрәба әʹзманида бу. Ле кʹеләка әʹрәбе әʹфрин бун, сьфәте кʹижана тинә бира мә ԝан әʹфрина, дәрһәԛа кʹижана Йуһʹәнна ньвисибу (Һәзәԛел 1:5-11, 22-28). Һьнә ԝәхт шунда Һәзәԛел диса щарәке әве әʹрәбе бь тʹәхт дьвинә, әʹфьринед зенди жи пәй дьчун. Ле ижар әԝ ԝана хәруб нав дькә (Һәзәԛел 10:9- 15). Чар әʹфьринед зенди, кʹижана кӧ Йуһʹәнна дьвинә, дьԛәԝьмә тенә һʹәсабе гәләк хәрубед Хԝәде, кʹижан кӧ тʹәшкиләта ԝийә рʹӧһʹанида щийе бьльнд дьгьрьн. Әʹшкәрә йә Йуһʹәнна әʹщебмайи нәма, кӧ хәруб ӧса незики Йаһоԝа сәкьнинә, чьмки дь коне Исраела бәреда, сәр сьндоԛе, йе кӧ тʹәхте Йаһоԝа дьһатә һʹәсабе, дӧ хәрубед зер› чекьри бун. Ортʹа ԝан хәрубарʹа дәнге Йаһоԝа дьһатә бьһистьне, кʹижан кӧ тʹәми дьда щьмәʹте (Дәркʹәтьн 25:22; Зәбур 80:1).

(Әʹйанти 5:5) Һьнге жь р′успийа йәки мьнр′а гот: «Нәгьри! Ва Шере жь ԛәбила Щьһуда, р′ьк′ьнйата Даԝьд сәрк′әт у дькарә һәр һ′әфт моред ԝе к′ьтебе же р′акә у вәкә».

cf 36 ¶5-6

«Ва Шере жь Ԛәбила Щьһуда»

5 Шер бь мерхасийа хԝә әʹйан ьн. Тӧ ԛә бәр шер сәкьнийи? Һәрге бәле, дьбә кӧ сурәкә ԛальм тӧ жь ԝи хԝәй дькьри у әв йәк дь бахче тәрәԝьлада бу. Чь жи һәбу йәкә дьле тә жь тьрса ԛайим дькʹӧта. Гава тӧ ль чʹәʹве ԝи тәрәԝьле мәзьн дьньһерʹи, у тʹәхмин дьки кӧ әԝ жи ль тә дьньһерʹә, чәтьн ә баԝәр бьки, ԝәки шер дькарә тьштәки бьтьрсә у бьрʹәвә. Дь Кʹьтеба Пирозда те готьне, ԝәки «шер, әʹгите һʹәйԝана йә, әԝ жь бәр тʹӧ тьшти нарʹәвә» (Мәтʹәлок 5:5). Һәма мерхасийа Иса йа ви щурʹәйи һәбу.

6 Ԝәрен әм шеԝьр кьн, кӧ чаԝа Иса «шере жь ԛәбила Щьһуда», мерхаси дьда кʹьфше, чахе пьштгьрийа рʹастийе дькьр, һәԛи избат дькьр у рʹасти пәйкʹәтьна дьһат. Әме ӧса жи пебьһʹәсьн, ԝәки һәр кәс жь мә, фьрԛи тʹӧнә мерхас ә йан на, йәкә дькарә мина Иса мерхасийе бьдә кʹьфше.

Хԝәндьна Кʹьтеба Пироз

(Әʹйанти 4:1-11) Пәй ван тьштар′а мьн дина хԝә дайе, ва ә′зменда дәрик вәкьри йә. У әԝ дәнге кӧ мьн бәре мина дәнге бор′ийе бьһистьбу мьнр′а гот: «Р′абә ԝәрә ве жоре, әзе ԝан тьштед кӧ гәрәке жь вьр шунда бьԛәԝьмьн, нишани тә кьм». 2 Һәма һьнге Р′ӧһ′е Пироз һатә сәр мьн, мьн дина хԝә дайе, ԝе т′әхтәк ль ә′змен һәбу у йәк ль сәр т′әхт р′уньшти бу. 3 У шәԝԛа диндара йе р′уньшти мина йа кәвьре йаспис у сардийон бу. У к′әскәсоре жи дора т′әхт гьртьбу, мина ишьԛа зьмруде. 4 Ль дора ԝи т′әхти бист чар к′ӧрси һәбун у ль сәр ԝан к′ӧрсийа бист чар р′успи р′уньштьбун. К′ьнщед чилә-ԛәрԛаш ль ԝан бун у к′офийед зер′ин жи ль сәре ԝан бун. 5 Жь т′әхт бьруск у дәнгед гӧр′инийа ә′ԝр-ә′змана дәрдьк′әтьн. Ль бәр т′әхт һ′әфт агьред алавпек′әти һәбун, кӧ әԝ һәр һ′әфт р′ӧһ′ед Хԝәде нә. 6 Ль бәр т′әхт тьштәки мина бә′рәкә шушә һәбу, кӧ мина хьрустале зәлал бу. Ль дора т′әхт, һәр алики чар р′ӧһ′бәр һәбун, кӧ пешийе у пашийева ч′ә′вава т′ьжи бун. 7 Р′ӧһ′бәре пешьн мина шер бу, р′ӧһ′бәре дӧда мина щанәга бу, р′ӧһ′бәре сьсийа р′уйе ԝи мина р′уйе мәрьва бу у р′ӧһ′бәре чара жи мина тәйре симьр′и кӧ дьфьр′ә. 8 Һәр чар р′ӧһ′бәр жи шәш баски бун, сәр у бьнва ч′ә′вава хьт-хьти бун. У шәв у р′ож дәнге хԝә нәдьбьр′ин дьготьн: «Пироз, пироз, пироз, Хӧдан Хԝәдейе Һ′әму Зорайийе, Йе кӧ һәбу, Йе кӧ һәйә у Йе кӧ ԝе бе». 9 Гава ԝан һәр чар р′ӧһ′бәра, р′умәт, һӧрмәт у шькьри дьданә Йе кӧ ль сәр т′әхт р′уньштийә у һ′әта-һ′әтайе сах ә, 10 әԝ һәр бист чар р′успи бәр Йе кӧ ль сәр т′әхт р′уньшти дәвәр′уйа дьчун, сәре хԝә бәр ԝи даданин, Йе кӧ һ′әта- һ′әтайе сах ә у к′офийед хԝә давитьнә бәр т′әхт у дьготьн: 11 «Йа Хӧдан Хԝәдейе мә, тӧ һежа йи кӧ р′умәт, һӧрмәте у ԛәԝате бьстини. Чьмки тә һәр тьшт ә′фьрандьн у бь хԝәстьна тә әԝ ә′фьрин у һәнә».

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн