ДӘРС 13

Кʹара Готара Хԝә Нишан кә

(Мәтʹәлок 3:21)

ФЬКЬРЕД СӘРӘКӘ: Али гӧһдаред хԝә бькә ԝәки әԝана фәʹм бькьн, кӧ чаԝа тʹема тә ль сәр жийина ԝан һʹӧкӧм дькә, у чь щурʹәйи әԝ бона ԝан керһати йә.

Дәрһәԛа гӧһдаред хԝә бьфькьрә. Бьфькьрә һәла чьма гӧһдаред тәрʹа әв тʹема лазьм ә, у хут чь дькарә али ԝан бькә.
Ԝәʹде тʹема хԝә, гӧһдарарʹа нишан кә, ԝәки әԝана чь гәрәке бькьн. Һәма жь дәстпека готара тә, гӧһдар гәрәке тедәрхьн, кӧ әв һәма әԝ ә чь кӧ ԝанарʹа лазьм ә. Чахе тӧ һәр фькьрәкә сәрәкә шьроԝәдьки, нишан кә кӧ чаԝа әве бьдьнә хәбате. Ӧса хәбәр дә, ԝәки гӧһдарарʹа фәʹмдари бә, тӧ чь дьхԝази бежи.

Принсипед Кʹьтеба Пироз бь һʹьзкьрьн шеԝьр кә у бьра бе кʹьфше, ԝәки тӧ гӧһдаред хԝә рʹьнд фәʹм дьки. Паши тʹема тә, гәрәке гӧһдар хԝә нәһәԛ тʹәхмин нәкьн, ле дәԝсе ԝе баш бә, ԝәки тӧ һʹьзкьрьн, баԝәри у һевийа ԝан ԛәԝи ки. Әв йәк ԝе ԝана һелан кә, тьштед рʹаст бькьн.