Кани бона «Бәрнама Щьвине, Бьжин у Хьзмәт кьн»

4-10 ТИРМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 САМУЙЕЛ 18-19

«Барзиллай Мьлуктийеда Мәсәлә йә»

ԝ07 15/7 14 ¶5

Барзиллай Фәʹм Дькьр кӧ Ԛәԝата Ԝи Синоркьри йә

Бешьк, Даԝьд гәләк ԛимәт дькьр аликʹарийа Барзиллай у дьхԝәст ԝи хәлат кә бона ԛәнщийа ԝи. Ле Даԝьд нәдьхԝәст пе тьштед материали ԝи хәлат кә, чьмки Барзиллай дәԝләти бу у һʹәԝще ве йәке нибу. Әԝи дьхԝәст ԝи мәрьве әʹмьрда мәзьн бьвә ԛәсьра хԝә, чьмки хәйсәт-һʹӧнӧред ԝи, пʹьрʹ баш бун. Бона Барзиллай ԛәдьрәки мәзьн бу, ԝәки ԛәсьреда бьма у тʹәви пʹадше һәвалти бькьра.

ԝ07 15/7 14 ¶7

Барзиллай Фәʹм Дькьр кӧ Ԛәԝата Ԝи Синоркьри йә

Мәʹнийа пешьн кӧ чьма Барзиллай нәхԝәст тʹәви пʹадше һәрʹә ԛәсьре, әԝ бу, ԝәки әԝ ида әʹмьрда мәзьн бу у ԛәԝата ԝи синоркьри бу. Хенщи ԝе йәке, әԝи тʹәхмин дькьр кӧ ԝе дьреж нәжи (Зәбур 90:10). Әԝи һәр тьшт кьрьбу, кӧ пьштгьрийа Даԝьд бькә, ле фәʹм дькьр, ԝәки жь бо әʹмьре хԝәйи мәзьн ида гәләк тьшт нькарә бькә. Барзиллай нәһишт ԝәки фькьред дәрһәԛа нав-дәнгийе у ԛӧльха бьльнд, ньһерʹандьна ԝийә сәр ԛәԝата ԝи хьраб кьн. Барзиллай йәки билан у мьлук бу, нә мина Абшаломе хԝәһʹьз (Мәтʹәлок 11:2).

ԝ07 15/7 15 ¶1-2

Барзиллай Фәʹм Дькьр кӧ Ԛәԝата Ԝи Синоркьри йә

Сәрһатийа дәрһәԛа Барзиллай дьдә кʹьфше, кӧ чьԛас фәрз ә сәрԝахт бьн. Аликива әм гәрәке щабдарийед кӧ хьзмәтеда мәрʹа тенә дайине, инкʹар нәкьн сәва ԝе йәке кӧ рʹьһʹәт бьжин йан жи бьфькьрьн кӧ әме нькарьбьн ԝан щабдарийа биньн сери. Һәрге әм итʹбарийа хԝә Хԝәде биньн, ԛәԝате у биланийе жь ԝи бьхԝазьн, бешьк әԝе али мә бькә (Филипи 4:13; Аԛуб 4:17; 1 Пәтрус 4:11).

Ле алийе дьнва әм гәрәке фәʹм бькьн, ԝәки ԛәԝата мә синоркьри йә. Бәʹса хәбәре, Мәсиһик бь хирәт гәләк шьхӧле рʹӧһʹани дькә. Әԝ фәʹм дькә кӧ щабдарийед зедә дькарьн нәһельн, ԝәки әԝ щабдарийед хԝәйә дьн, мәсәлә хәмкьрьна бона малбәте, чь кӧ Кʹьтеба Пироз дәʹԝа дькә, рʹьнд биньнә сери. Чахе дәрәщед ӧсада мәрьв щабдарийед зедә ԛәбул накә, бь ԝе йәке мьлукти у сәрԝахтийа ԝи те кʹьфше (Филипи 4:5; 1 Тимотʹейо 5:8).

Хьзна Кʹьтеба Пироз

ԝ20.04 30 ¶19

Кʹижан Ләщеда Әм Дьрʹәвьн?

¹⁹ Һәрге сьһʹәт-ԛәԝата ԝә хьраб ә у һун нькарьн һаԛас бона Йаһоԝа бькьн чьԛас дьхԝазьн, у дьфькьрьн кӧ тʹӧ кәс ԝә фәʹм накә, сәрһатийа Мәфибошәт дькарә дьлбинийе бьдә ԝә (2 Сам. 4:4). Бьдьнә бәр чʹәʹве хԝә, дәрде ԝи бәси ԝи нибу кӧ әԝ сәԛәт бу, сәрда жи Даԝьд Пʹадша нәһәԛи ԝи кьр. Мәфибошәт нәһәԛ нибу ве йәкеда чь кӧ һатә сәре ԝи. Ле әԝи изьн нәда, ԝәки әв чәтьнайи ԝи бькьн зӧлм. Әԝ әʹмьре хԝәда рʹази бу бона тьштед ԛәнщ, у ԛәнщийа кӧ Даԝьд бәре һьндава ԝида кьрьбу, әԝи дьшекьранд (2 Сам. 9:6-10). Чахе Даԝьд һьндава ԝида нәһәԛи кьр, әԝи һәр тьшт һьлда һʹәсаб. Ләма әԝ жь бо шашийа Даԝьд һерс нәкʹәт. У әԝи нә жи Йаһоԝа нәһәԛ дькьр, кӧ чьрʹа Даԝьд ӧса сәре ԝи кьр. Мәфибошәт дькʹәтә һʹәйра пʹадша, демәк бьжартийе Йаһоԝа, у дьфькьри кӧ ча әԝ дькарә али ԝи бькә (2 Сам. 16:1-4; 19:24-30). Йаһоԝа рʹебәри кьр, ԝәки сәрһатийа Мәфибошәт бона кʹара мә Хәбәра Ԝида бе ньвисаре (Рʹом. 15:4).

(2 Самуйел 19:24-30, ИМ) Нәвийе Шаԝул Мәфибошет жи чу кӧ пешԝазийа пʹадша бькә. Жь рʹожа кӧ пʹадша чу у һʹәта бь хер у сьламәт вәгәрʹийа, льнге хԝә, щьлед хԝә нәшуштьбу, рʹьһе хԝә нәԛӧсандьбу. ²⁵ Дәма жь бо пʹадша пешԝази бькә жь Оршәлиме һатьбу, пʹадша ӧса пьрси: «Мәфибошет, тӧ чьма бь мьнрʹа нәһати?» ²⁶ Мәфибошет гот: «Йа хԝәйе мьн пʹадша! Хӧламе тә, жь бәр кӧ кӧләк бу мьн жь Сивайе хӧламе хԝәрʹа гот: ‹Кәре пʹалан бькә кӧ әз ле сьԝар бьбьм у бь пʹадшарʹа һәрʹьм› ле ԝи әз хапандьм. ²⁷ Һәрԝьһа ль бәр хԝәйе мьн пʹадша, чʹәʹврʹәши авет хӧламе тә. Ле тӧ йа хԝәйе мьн пʹадша, тӧ мина мьлйакʹәтәки Хԝәде йи. Йа кӧ дь чʹәʹвед тәда рʹаст ә бькә. ²⁸ Жь бәр кӧ һʹәму кәсед малбата кале мьн мьрьне һәԛ кьрьнә, тә ль сәр сьфрәйа хԝә щьһәки тʹайбәт да хӧламе хԝә. Жь ве бетʹьр ма һәԛе мьн кӧ тьштәки жь тә дахԝаз бькьм һәйә пʹадшайе мьн?» ²⁹ Пʹадша гот: «Нә лазьм ә дәрбаре кʹаре хԝәда тӧ зедәтьр бьахьви. Мьн бьрйара хԝә да кӧ тӧ у Сива әʹрде хԝә ль һәв пʹарвә бькьн.» ³⁰ Мәфибошет гот: «Мадәм хԝәйе мьн пʹадша, бь хер у сьламәт вәгәрʹийа ԛәсра хԝә, бьла тʹәваһийа әʹрд жь Сиварʹа бә.»

(Мәтта 21:31-46) Ньһа жь ван һәр дӧ кӧрʹа кʹижани гӧрʹа баве хԝә кьр?» Ԝана готә ԝи: «Йе мәзьн». Иса жи готә ԝан: «Әз рʹаст ԝәрʹа дьбежьм, кӧ хәрщгьр у чʹәʹвдәр ԝе бәри ԝә бькʹәвьнә Пʹадшатийа Хԝәде. ³² Чьмки Йуһʹәнна һат кӧ рʹийа рʹастийе нишани ԝә кә, ԝә баԝәрийа хԝә ԝи нәани, ле хәрщгьр у чʹәʹвдәра баԝәрийа хԝә ԝи анин. Ԝә әв тьшт дит жи, ле диса һун ль хԝә мӧкӧрʹ нәһатьн, кӧ ԝә баԝәрийа хԝә ԝи банийа. ³³ Мәсәләкә дьн жи бьбьһен. Мәрьвәки хԝәйимьлкʹ һәбу, рʹәзе тьрийа дани, дора ԝе сур кьр һʹәԝзәки тьриһʹьнщьрʹандьне теда кʹола, һеланәкә нобәдара чекьр у әԝ бь кʹьре да рʹәзвана, чу ԝәлатәки дьн. ³⁴ Гава ԝәхте бәрдайине незик бу, әԝи хӧламед хԝә шандьнә щәм рʹәзвана, ԝәки жь бәре рʹәзе ԝи жерʹа биньн. ³⁵ Рʹәзвана хӧламед ԝи гьртьн, йәк кʹӧтан, йе дьн кӧштьн у йәки дьн жи данә бәр кәвьра. ³⁶ Әԝи хӧламнә дьн шандьн, жь йед пешьн гәләктьр у ԝана ӧса жи анинә сәре ԝан. ³⁷ Ахьрийе, кӧрʹе хԝә шандә щәм ԝан у гот: ‹Һьлбәт ԝе жь кӧрʹе мьн шәрм бькьн›. ³⁸ Ле чахе рʹәзван чʹәʹв кӧрʹе ԝи кʹәтьн, һәврʹа готьн: ‹Әв ә ԝаре ԝи. Ԝәрьн әм ви бькӧжьн у бьбьнә хԝәйе миратʹа ԝи›. ³⁹ У әԝ гьртьн жь рʹәз дәрхьстьнә дәр у кӧштьн. ⁴⁰ Ле гава хԝәйе рʹәз бе, ԝе чь сәре ԝан рʹәзвана бькә?» ⁴¹ Готьнә ԝи: «Ԝе ԛьрʹа ԝан нәһәԛа бинә у рʹәз бьдә рʹәзванед ӧса, йед кӧ ԝе ԝәхтда бәре рʹәзе ԝи бьдьне». ⁴² Иса готә ԝан: «Ԝә ньвисареда ԛәт нәхԝәндийә? ‹Әԝ кәвьре кӧ һоста тʹәхсир кьр, әԝ бу сәре әʹнишке. Әв йәк жь алийе Хӧданда ԛәԝьми у ль бәр чʹәʹве мә һʹәйр-һʹӧжмәкʹар ә!› ⁴³ Бона ве йәке әз ԝәрʹа дьбежьм, кӧ Пʹадшатийа Хԝәде ԝе жь ԝә бе стандьне у мьләтәки ӧсарʹа бе дайине, ԝәки бона ԝи бәр бинә. ⁴⁴ Кʹи кӧ бькʹәвә сәр ви кәвьри, ԝе һурдәхԝәши бә у әԝ кәвьр бькʹәвә сәр кʹе, ԝе ԝи бьһʹьнщьрʹинә». ⁴⁵ Гава сәрәкед кʹаһина у ферьсийа мәсәлед ԝи бьһистьн, фәʹм кьрьн кӧ әԝ бона ԝан дьбежә. ⁴⁶ Кьрьн кӧ ԝи бьгьрьн, ле жь әʹлаләте тьрсийан, чьмки әԝ ԝәкә пʹехәмбәрәки ԛәбул дькьрьн.

11-17 ТИРМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 САМУЙЕЛ 20-21

«Йаһоԝа Хԝәдайе Һәԛийе йә»

it-1 932 ¶1

Гибәон

Рʹаст ә Шаԝул дьхԝәст Гибәонийа кʹӧта кә, ле әԝана бь ԛьрʹна ча мьләт диса һәбун. Гибәони бь сәбьр һивийе бун, һʹәта кӧ Йаһоԝа әве нәһәԛийе әшкәрә кә. У Хԝәде ӧса кьр, ԝәки ԝәʹде сәрԝертийа Даԝьд, хәлайи-щәлайи дәстпебу у се сала кʹьшанд. Даԝьд дәрһәԛа ве йәке жь Йаһоԝа пьрси у пеһʹәсийа, кӧ мәʹни хунрʹетьн бу. Паше әԝи гази Гибәонийа кьр, сәва кӧ пебьһʹәсә чь бькә, ԝәки гӧнә бе афукьрьне. Гибәонийа готьн, ԝәки әԝана «нә зерʹ нә жи зив дьхԝазьн». Әԝана рʹаст бун, чьмки ль гора Ԛануне дәԝса әʹмьре меркӧж гәрәке һәԛ нәстандана (Жм. 35:30, 31). Ԝана ӧса жи фәʹм дькьр, ԝәки бей изьна ԛануни гәрәке мәрьва нәкӧжьн. Ле чахе Даԝьд пьрси кӧ хԝәстьна ԝана чь йә, әԝана готьн ԝәки «һʹәфт кӧрʹен» Шаԝул бьдьнә дәсте ԝан. Шаԝул у ӧса жи тʹәмамийа малбәта ԝи хунрʹетьнеда нәһәԛ бун. Рʹаст ә әв йәк ль гора хԝәстьна Шаԝул бу, ле «кӧрʹен» ԝи жи ве хунрʹетьнеда нәһәԛ бун (2 См. 21:1-9). Әм дьвиньн, ԝәки мәʹнийа кӧ әԝана һатьнә кӧштьне, гӧне баве ԝан нибу (Ԛн.Дщ. 24:16). Щәзакьрьна ԝан бь һәԛи бу у ль гора ԛануне бу, кʹидәре кӧ те готьне: «Әʹмьр жь бәр әʹмьрва» (Ԛн.Дщ. 19:21).

Хьзна Кʹьтеба Пироз

ԝ13 15/1 31 ¶14

Рʹуспи «Дьхәбьтьн бона Шабуна Ԝә»

¹⁴ Нава тʹәмамийа дьнйайеда әм ча щьмәʹта Йаһоԝа хьзмәт дькьн һәла һе нава пәйкʹәтьнада жи, кʹижан кӧ Мире-щьна у пәйчуйед ԝи пешда тиньн. Һьнәк жь мә рʹасти чәтьнайед гәләк мәзьн һатьнә, ле бь сайа ԝе йәке кӧ мә бь тʹәмами итʹбарийа хԝә Йаһоԝа анийә, мә әв чәтьнайед хԝәйә мәзьн кӧ мина «Голйатʹ» бун, алт кьрийә. Ле щарна әԝ дьнйа ӧса сәр мә һʹӧкӧм дьбә, кӧ әм дьлтәнг дьбьн у ԛьдум дькʹәвьн. Чахе әм сьст дьбьн, дьбәкә нькарьбьн ԝан чәтьнайада жи тәйах кьн, кʹижанада мәйе бькарьбуйа тәйах кьра. Дәрәщед ӧсада, чаԝа кӧ гәләк ԛәԝьмандьн избат дькьн, пьштгьрийа жь рʹуспийа кӧ ԝәʹдәда дьдьнә кʹьфше, дькарә аликʹарийе бьдә мә, ԝәки диса шабун у ԛәԝате бьстиньн. Хушка мәйә пешәнг кӧ ԝәкә 65 сали йә, тинә бира хԝә: «Һьнә ԝәʹдә пешда мьн хԝә хьраб тʹәхмин дькьр у жь хьзмәтийе гәләк дьԝәстийам. Рʹуспики тʹәхмин кьр кӧ әз бетʹаԛәт ьм у незики мьн бу. Хәбәрдана мә гәләк баш дәрбаз бу у мә пʹарәкә жь Кʹьтеба Пироз шеԝьр кьр. Мьн ширәтед ԝи ԛәбул кьр у әве йәке али мьн кьр». Әв хушк бәрдәԝам дькә: «Әз гәләк рʹази мә сәва ве йәке, кӧ әԝи бьрайи тʹәхмин кьр кӧ әз чь һʹалида мә, у али мьн кьр. Дьле мә чьԛас рʹьһʹәт ә чахе әм заньн, ԝәки һәнә рʹуспи, кʹижан кӧ дина хԝә дьдьнә мә, бона мә хәм дькьн у мина Абишә һазьр ьн бенә һәԝара мә».

(2 Самуйел 21:15-17, ИМ) Дь навбәра Исраили у Фьлистийанда жь нува шәрʹ дәркʹәт. Даԝьд у зьламед ԝи чун ль дьжи Фьлистийа шәрʹ кьрьн. Дь ԝе навбәреда Даԝьд жь һʹал кʹәт. ¹⁶ Йьшби-Бәнове Фьлисти йе жь кӧрʹед Рәфайийа хԝәйе рьмәкә тʹунщин бу кӧ гьранийа сәре ԝи незики се сәд шәкәли бу. Ԝи шурәки ну гьре дабу у дьхԝәст Даԝьд бькӧжә. ¹⁷ Ле Авишайе кӧрʹе Сәруйайе хԝә гиһандә һәԝара Даԝьд. Ериш кьр у әԝ кӧшт. Жь ԝьр у педа зьламед Даԝьд сонд хԝарьн у жерʹа готьн: «Жь бо кӧ ԛәндила Исраиле нәтәфә, тӧ щарәки дьн бь мәрʹа нәйе шәрʹ».

(Мәтта 22:1-14) Диса Иса бь мәсәла ԝанарʹа хәбәр да у гот: ^{2 «}Пʹадшатийа Әʹзмана мина ве йәке йә: Пʹадшаки дәʹԝата кӧрʹе хԝә кьр. ³ Әԝи хӧламед хԝә шандьн кӧ гази хԝәндийед дәʹԝате кьн, ле ԝана нәхԝәстьн бен. ⁴ Хӧламнә дьн шандьн у гот: ‹Хԝәндийарʹа бежьн: Мьн щанәга у һʹәйԝанед хԝәйә дәрмаликьри сәржекьрьнә у нане хԝә һазьр кьрийә, һәр тьшт һазьр ә. Ԝәрьнә дәʹԝате!› ⁵ Ле ԝана пьшт гӧһе хԝәва авит, йәк чу әʹрде хԝә у йе дьн тʹӧщарәтийа хԝә. ⁶ Йед майин жи хӧламед ԝи гьртьн, кʹӧтан у кӧштьн. ⁷ Чахе пʹадше бьһист, һерс кʹәт, ордийа хԝә шанд ԛьрʹа әԝед кӧ хӧлам кӧштьн ани у бажаре ԝан шәԝьтанд. ⁸ Һьнге готә хӧламед хԝә: ‹Дәʹԝат һазьр ә, ле хԝәнди нә һежа бун. ⁹ Рʹабьн һәрʹьнә сәре рʹийа у һун кʹе кӧ бьбиньн, тʹәглифи дәʹԝате кьн›. ¹⁰ У әԝ хӧлам дәркʹәтьнә сәре рʹийа, кʹи кӧ дитьн, ԛәнщ у хьраб, тʹәв щьвандьн у мала дәʹԝате бь хԝәндийава тʹьжи бу. ¹¹ Ле гава пʹадша чу һьндӧрʹ кӧ хԝәндийа бьбинә, мәрьвәк ль ԝьр дит кӧ кʹьнще дәʹԝате ле тʹӧнәбу ¹² у готә ԝи: ‹Һәвал! Тӧ чаԝа бе кʹьнще дәʹԝате кʹәти вьр?› Әԝи дәнг нәкьр. ¹³ Ԝе гаве пʹадше бәрдәстийарʹа гот: ‹Дәст у пʹийе ԝи гьредьн, бьгьрьн бавежьнә тәʹрийа дәрва. Ль ԝьр ԝе бьбә ԛирʹин у чʹьркә-чʹьрка дьрана›. ¹⁴ Аԝа газикьри гәләк ьн, ле бьжарти һьндьк ьн».

18-24 ТИРМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 САМУЙЕЛ 22

«Итʹбарийа Хԝә Йаһоԝа Бинә»

cl 19 ¶11

Тӧ бь Рʹасти Дькари «Незики Хԝәде» би?

¹¹ Бәс нинә тʹәне дәрһәԛа ве йәке бьхуни кӧ ԛәԝата Хԝәде зор ә (Ишайа 40:26). Ле чахе дьхуни кӧ Әԝи ԛәԝата хԝә ча дайә хәбате, әва тьштәки дьн ә. Мәсәлә, ԛәԝата ԝи ве йәкеда әʹйан бу, чахе әԝи щьмәʹта хԝә Бәʹра Соррʹа дәрбаз кьр у 40 сала бәрʹийеда мьԛати ԝан дьбу. Ԝәʹде хԝәндьне тӧ дьди бәр чʹәʹве хԝә, кӧ ча бәʹр бу дӧ пʹара. Тӧ дьвини кӧ ча бәʹреда ав мина дӧ диԝара дьсәкьнә, рʹе вәдьбә у щьмәʹт ве рʹийа зьһарʹа дәрбаз дьбә (Дәркʹәтьн 14:21; 15:8). Тӧ дьвини кӧ ча Хԝәде бәрʹийеда һʹьзкьрьна хԝә һьндава щьмәʹте дьдә кʹьфше. Мәсәлә жь зьнар ав дькʹьшә, сәр әʹрде хԝарьнәкә мина тʹохьмед сьпи ԝанрʹа те дайине (Дәркʹәтьн 16:31; Жьмар 20:11). Йаһоԝа пе ԝан мәсәла да кʹьфше, ԝәки нә кӧ тʹәне ԛәԝата Ԝи һәйә, ле ӧса жи Әԝ ԛәԝата хԝә бона кʹара щьмәʹта хԝә дьдә хәбате. Дә бьдә һʹьше хԝә, дьлбиникә чьԛас мәзьн ә, чахе зани кӧ Хԝәдейе ӧса Һьмзор дӧайе мә дьбьһе, йе кӧ «сьтʹаргәһ у ԛәԝата мә йә, кʹомәкдаре мәйи тәнгасийада һәри незик ә» (Зәбур 46:1).

ԝ10 1/6 26 ¶4-6

«Тӧ жь йе Дьлсозрʹа Дьлсоз и»

Ԝәрә әм һур бь һур гьлийе Даԝьд шьровәкьн. Гьли-готьнед Ибрани, кʹижан кӧ һатийә ԝәлгәрʹандьне ча «дьлсозрʹа дьлсоз и» ӧса жи дькарә бе ԝәлгәрʹандьне ча «ԛәнщарʹа бь һʹьзкьрьне йи». Дьлсозийа рʹаст сәр һʹиме һʹьзкьрьне йә. Йаһоԝа һʹьзкьрьна хԝә һьндава ԝан мәрьвада дьдә кʹьфше, йед кӧ ԝирʹа дьлсоз ьн, демәк амьн ьн.

Дина хԝә бьдьне ԝәки дьлсози, нә тʹәне һәст ә, ле ӧса жи хәйсәт ә кӧ бь шьхӧл те избаткьрьне. Йаһоԝа амьнийа хԝә бь кьред хԝә әʹйан дькә. Даԝьд жи ве йәкеда избат бу. Ԝәʹде лапи чәтьнда Йаһоԝа бона һʹалхԝәшийа Даԝьд хәм дькьр. Йаһоԝа бь амьни әԝ дьпараст у рʹебәри дьда ԝи. Даԝьд гәләк жь Йаһоԝа рʹази бу, чьмки Әԝи Даԝьд жь «һʹәму дьжмьнед ԝи» хьлаз кьр (2 Самуйел 22:1, ИМ).

Гьлийе Даԝьд чь тенә һʹәсабе? Йаһоԝа найе гӧһастьне (Аԛуб 1:17). Әԝ принсип у созед хԝәрʹа амьн дьминә. Даԝьд зәбурәкеда ньвиси, ԝәки Йаһоԝа «пьшт надә амьнед Хԝә» (Зәбур 37:28).

Хьзна Кʹьтеба Пироз

ԝ12 15/11 17 ¶7

Рʹӧһʹе Мьлуктийе Нав Хԝәда Пешда Бинә

⁷ Мьлуктийа Хԝәде гәләк һʹӧкӧм бу сәр Даԝьде зәбурбеж. Әԝи Йаһоԝарʹа дьстьра: «Тӧ мәртʹале рʹьзгарийе дьди мьн, аликʹарийа тә мьн бьльнд дькә» (2 Сам. 22:36, ИМ). Даԝьд фәʹм дькьр, ԝәки жь бо мьлуктийа Йаһоԝа, әԝ Исраеледа йәки хԝәйирʹумәт ә. Демәк, мьлуктийа Хԝәде ԝе йәкеда бу, кӧ әԝи хԝә ԛуз дькьр, сәва кӧ дина хԝә бьдә Даԝьд (Зәб. 113:5-7). Дәрәща мәда жи ӧса нә, рʹаст нинә? Мә һʹәму тьшт жь Хԝәде стандийә, мәсәлә хәйсәт-һʹӧнӧр, фәрәсәт у щабдари (1 Корн. 4:7). Кʹи хԝә «һәри бьчʹук» һʹәсаб дькә, әԝ йе «һәри мәзьн» те һʹәсабе, чьмки әԝ бәр чʹәʹве Йаһоԝа дьһа ԛимәт дьбә (Луԛа 9:48). Ԝәред әм бьфькьрьн, кӧ чьрʹа ӧса дьбә.

(2 Самуйел 22:36, ИМ) Тӧ мәртʹале рʹьзгарийе дьди мьн, аликʹарийа тә мьн бьльнд дькә.

(Мәтта 22:15-30) Һьнге ферьси чун шеԝьрин, кӧ ԝи чаԝа бь хәбәра бьгьрьн. ¹⁶ Ԝана шагьртед хԝә тʹәви пьштгьред Һеродәс шандьнә щәм ԝи у готьне: «Дәрсдар! Әм заньн кӧ тӧ йәки рʹаст и у рʹийа Хԝәде рʹаст һин дьки. Мьнәте жь кәси нагьри, чьмки нав мәрьвада фьрԛийе данайни. ¹⁷ Ньһа бежә мә, тӧ чаԝа тʹәхмин дьки? Гәло рʹаст ә кӧ әм хәрщ бьдьнә Ԛәйсәр йан на?» ¹⁸ Иса ԛәлпийа ԝан заньбу у гот: «Чьма һун мьн дьщерʹьбиньн, дӧрʹуно? ¹⁹ Пʹәре хәрщдайине нишани мьн кьн». У ԝана зивәк ԝирʹа ани. ²⁰ Иса жь ԝан пьрси: «Әв ньвисар у сьфәт йед кʹе нә?» ²¹ Ԝана гот: «Йед Ԛәйсәр ьн». Һьнге готә ԝан: «Аԝа чь кӧ йед Ԛәйсәр ьн бьдьнә Ԛәйсәр у чь йед Хԝәде нә бьдьнә Хԝәде». ²² Гава ԝан бьһист зәндәгьрти ман, әԝ һьштьн у чун. ²³ Ԝе рʹоже һьнәкә жь садуԛийед кӧ дьготьн мьри рʹанабьн, һатьнә щәм Иса же пьрсин ²⁴ у готьне: «Дәрсдар! Муса гот: ‹Һәгәр йәк безӧрʹәт бьмьрә, бьра бьре ԝи жьна ԝи бьстинә у ԝаре бьре хԝә шин кә›. ²⁵ Аԝа һʹәфт бьра ль щәм мә һәбун. Бьре мәзьн зәԝьщи, безӧрʹәт мьр, жьна ԝи бьре ԝирʹа ма. ²⁶ Ӧса жи һатә сәре бьре дӧда у йе сьсийа, хӧләсә һатә сәре һәр һʹәфта жи. ²⁷ Ль пәй һʹәмуйарʹа әԝ жьна жи мьр. ²⁸ Дә ижар ԝе Рʹожа Рʹабуна мьрийа әԝ кʹӧлфәте бьбә жьна кʹижани жь ԝан һәр һʹәфта? Чьмки һʹәмуйа жи әԝ стандьбу». ²⁹ Иса ль ԝан вәгәрʹанд у гот: «Һун хальфи нә, чьмки нә ньвисара заньн, нә жи ԛәԝата Хԝәде. ³⁰ Рʹожа Рʹабуна мьрийа нә ԝе бьзәԝьщьн, нә жи мер кьн, ле әԝе мина мьлйакʹәтед әʹзмен бьн.

25-31 ТИРМӘҺЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 САМУЙЕЛ 23-24

«Гәло Һʹәдийед Тә Тенә Һʹәсабе Ԛӧрбан?»

it-1 146

Араԝна

Ча жь гьлийе Араԝна те кʹьфше, әԝи дьхԝәст әʹрд, га у даред хԝә бона ԛӧрбанкьрьне пʹешкʹеш кә. Ле Даԝьд нәхԝәст ԝан тьшта бе һәԛ һьлдә. Ль гора 2 Самуйел 24:24, Даԝьд әʹрд у гайед ԝи бь 50 шәкәл зиви кʹьрʹи (110 долар). Ле 1 Дирок 21:25-да те готьне, ԝәки Даԝьд 600 шәкәл зерʹ да (ԝәкә 77 000 долар) бона ԝи әʹрди. 2 Самуйелда те гьликьрьне тʹәне дәрһәԛа кʹьрʹина щийе бона горигәһе у ԝан тьшта, чь кӧ лазьм бун бона ԛӧрбанкьрьне. Ӧса те кʹьфше, кӧ тʹәне бона ԝан тьшта Даԝьд һаԛас һәԛ да. Ле жь 1 Дирок те готьне, ԝәки әв һәԛ бона авакьрьна пʹарьстгәһе бу, кӧ гәрәке паше дәстпебуйа (1 Дир. 22:1-6; 2 Дир. 3:1). Тʹәмамийа територийа пʹарьстгәһе гәләк мәзьн бу, ләма жи дьԛәԝьмә 600 шәкәл зерʹ һәԛе ԝи әʹрди бу, нә кӧ һәԛе әʹрде бьчʹук, сәр кʹижани кӧ Даԝьд горигәһ ава кьр.

ԝ12 15/1 18 ¶8

Әм Чь Һин Дьбьн жь Һʹиме Рʹастийе?

⁸ Исраелийе кӧ бь рʹәзәдьли ԛӧрбан дьани, сәва кӧ рʹазибуна хԝә Йаһоԝарʹа әʹйан кә, у ԛәбулкьрьна ԝи бьстинә, ԝирʹа чәтьн нибу һʹәйԝанәкә лайиԛ бинә, чьмки әԝи бь дьл у щан әв йәк дькьр. Иро Мәсиһи ԛӧрбанед ӧса найньн, йед кӧ ль гора Ԛануна Муса дьһатә дәʹԝакьрьне. Ле әԝана ԝәʹдә, ԛәԝат у тьштед хԝәйә материали хәрщ дькьн, сәва кӧ Йаһоԝарʹа хьзмәт кьн. Паԝлосе шанди бәлакьрьна мьзгинийе дәрһәԛа һевийа Мәсиһийа, кьред ԛәнщ у мәрʹдани бәрамбәри ԝан ԛӧрбана кьр, йед кӧ Хԝәде хԝәш тен (Ибр. 13:15, 16). Әв йәк кӧ Мәсиһи ԛӧрбанед ӧса дькьн, дьдә кʹьфше ԝәки әԝана чьԛас жь Хԝәде рʹази нә у ԛимәт дькьн ԝан һʹәму тьшта, чь кӧ Әԝи дайә ԝан. Демәк әм дькарьн ньһерʹандьн у нета мәрьвед кӧ иро Йаһоԝарʹа хьзмәт дькьн, бәрамбәри ньһерʹандьн у нета хьзмәткʹаред бәре бькьн, кʹижана кӧ бь рʹәзәдьли ԛӧрбан дьанин.

Хьзна Кʹьтеба Пироз

ԝ05 15/5 19 ¶6

Фькьред Сәрәкә жь Кʹьтеба 2 Самуйел

23:15-17: Даԝьд ԛануна Хԝәдейә дәрһәԛа жийине у хуне ԛимәт дькьр, ләма жи әԝи хԝә дур дьгьрт жь кьред ӧса, кʹижан кӧ әв ԛанун дьтʹәрʹьбандьн. Әм жи гәрәке һьндава ԛанунед Хԝәде ньһерʹандьна ви щурʹәйи нав хԝәда пешда биньн.

(2 Самуйел 23:15-17, ИМ) Даԝьд бь һеви гот: «Хԝәзи йәки жь бира ль бәр дәргәһе Бетләһме ав жь мьнрʹа бьанийа.» ¹⁶ Әв һәр се, жь нава артешгәһа Фьлистийан дәрбас бун у жь бира ль бәр дәргәһе Бетʹләһме ав кʹьшандьн у жь Даԝьдрʹа анин. Ле Даԝьд нәхԝәст вәхԝә. Ԝи ав рʹьжанд у пʹешкʹеши Хӧдан кьр ¹⁷ у гот: «Йа Хӧдан кьрьна ве бьла жь мьн дур бә. Ма әз хԝина ван һәр се кәсед кӧ щане хԝә аветьнә хәтәре у жь мьнрʹа ав анинә вәхԝьм?» Жь бәр ве йәке нәхԝәст аве вәхԝә. Мерхасийа ван һәр се ләшкәред ләһәнг, бь ԝи аԝайи бу.

(Мәтта 22:31-46) Ле дәрһәԛа рʹабуна мьрийада, чьма ԝә әԝ хәбәра кӧ Хԝәде ԝәрʹа готьбу нәхԝәндийә? ³² ‹Әз Хԝәдейе Бьраһим, Хԝәдейе Исһаԛ у Хԝәдейе Аԛуб ьм›. Хԝәде нә Хԝәдейе мьрийа йә, ле Хԝәдейе зендийа йә». ³³ Гава әʹлаләте әв тьшт бьһистьн, сәр һинкьрьна ԝи зәндәгьрти ман. ³⁴ Ле гава ферьсийа бьһист кӧ Иса садуԛи дәнгбьрʹи кьрьн, һʹәму ль щики щьвийан. ³⁵ Һьнге жь ԝан ԛанунзана йәки пьрс да Иса кӧ ԝи бьщерʹьбинә у готе: ³⁶ «Дәрсдар. Ԛанунеда кʹижан ә тʹәмийа һәрә мәзьн?» ³⁷ Иса готә ԝи: «‹Хӧдан Хԝәдейе хԝә һʹьз бькә бь тʹәмамийа дьле хԝә, бь тʹәмамийа щанийа хԝә у бь тʹәмамийа һʹьше хԝә›. ³⁸ Әв ә тʹәмийа пешьн у һәрә мәзьн. ³⁹ У йа дӧда жи мина ве йә: ‹Һәвале хԝә ԝәкә хԝә һʹьз бькә›. ⁴⁰ Жь ван һәр дӧ тʹәмийава һʹәму ньвисаред пʹехәмбәра у Ԛануне гьредайи нә». ⁴¹ Гава ферьси щьвийан, Иса жь ԝан пьрси ⁴² у гот: «Һун бона Мәсиһ чь дьфькьрьн, тʹәхмина ԝә әԝ кӧрʹе кʹе йә?» Жерʹа готьн: «Кӧрʹе Даԝьд ә». ⁴³ Иса готә ԝан: «Ле чаԝа Даԝьд ԝи пе Рʹӧһʹ Хӧдане хԝә һʹәсаб дькә? Чьмки ԝи гот: ⁴⁴ ‹Хӧдан готә Хӧдане мьн: Ль мьле мьни рʹасте рʹуне, һʹәта кӧ әз дьжмьнед тә бькьмә бьне пʹийед тә›. ⁴⁵ Һәгәр Даԝьд ԝи ‹Хӧдан› һʹәсаб дькә, әԝ чаԝа дьбә кӧрʹе ԝи?» ⁴⁶ У кәсәки нькарьбу щаба ԝи бьда у ль пәй ԝе рʹожерʹа кәсәки нәԝерьбу пьрсәк же бькьра.

1-7 ТʹӘБАХЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПʹАДШАТИ 1-2

«Тӧ жь Шашийед Хԝә Дәрсе Һьлдьди?»

it-2 987 ¶4

Сьлеман

Жь Гиһоне кʹижан кӧ незики ви щийи бу, кʹидәре кӧ Адонийа тʹәви мәрьвед хԝә бу, дәнге мьԛаме дьһат у дәнге щьмәʹте, кӧ дьготьн: «Һәр бьжи Сьлемане Пʹадша!» Чахе Адонийа у мәрьвед ԝи дәнге ԝана бьһистьн, тьрса рʹәвийан. Сьлеман да кʹьфше, кӧ сәрԝертийа ԝи ԝе бь әʹдьлайи бә. Чахе әԝ сәр тʹәхт рʹуньшт, әԝи сәрԝертийа хԝә бона һʹәйфһьлдане нәда хәбате. Ле һәрге Адонийа дәԝса Сьлеман буйа, дьбәкә әԝе Сьлеман бькӧшта. Адонийа рʹәвийа пирозгәһе, чьмки дьтьрсийа кӧ ԝи бькӧжьн, ләма жи Сьлеман мәрьв шандьнә ԝедәре у ԝана Адонийа анин бал ԝи. Сьлеман соз да ԝи, кӧ һәрге әʹйан бә ԝәки мьхәнәти нав ԝида тʹӧнә йә, ԝе бьһелә кӧ әԝ вәгәрʹә мала хԝә (1 Пʹд. 1:41-53).

it-1 49

Адонийа

Паши мьрьна Даԝьд, Адонийа жь Бат-Шәбайе һиви кьр, ԝәки әԝ Сьлеманрʹа бежә, кӧ Авишагайа щаһьл жьнти бьдә ԝи, кʹижане кӧ пәй Даԝьд дьньһерʹи у ԝирʹа мина жьн бу. Адонийа готьбу кӧ сәрԝерти гәрәке дәрбази ԝи буйа у тʹәмамийа Исраеле сәр ԝи дьньһерʹин ча сәр кәсе кӧ ԝе бьбә пʹадша. Бь ве йәке дьһатә кʹьфше, кӧ әԝи һʹәсаб дькьр ԝәки изьна ԝийә кӧ бьбә пʹадша, жь ԝи һатә стандьн, ле пе гьлийа дьани сәр хԝә, ԝәки әԝ йәк пе хԝәстьна Хԝәде бу (1 Пʹд. 2:13-21). Жь һивикьрьна ԝи дьбәкә ӧса дьһатә кʹьфше, ԝәки әԝи дьхԝәст дәԝса изьна хԝәйә кӧ сәрԝертийе бькә, тьштәки бьстинә. Ле жь ве йәке әшкәрә дьһатә кʹьфше, ԝәки Адонийа диса мина бәре хԝәһʹьз бу. Ль гора ԛануна Рʹоһьлатейә бәре, жьн у щарийед пʹадше дькарьбун тʹәне ԝи мәрьвирʹа бькʹәтана, кʹижан кӧ дәԝса ԝи дьбу пʹадша (Бәрамбәр кә 2 См. 3:7; 16:21). Ләма жи Сьлеман һивикьрьна Адонийа жь Бат-Шәбайе, һʹәсаб кьр кӧ әԝ дәʹԝа дькә ԝәки бьбә пʹадша. Жь бо ве йәке Сьлеман әʹмьр кьр, демәк гот, ԝәки Адонийа бькӧжьн у Бәнайа дәрберʹа готьна ԝи ани сери (1 Пʹд. 2:22-25).

Хьзна Кʹьтеба Пироз

ԝ05 1/7 30 ¶1

Фькьред Сәрәкә жь Кʹьтеба 1 Пʹадшати

2:37, 41-46: Чьԛас хоф ә кӧ әм тьштәкида гӧһдар нибьн у бьфькьрьн кӧ әме бе щәза бьминьн! Әԝед кӧ бь һʹәмде хԝә жь рʹийа тәнг «кӧ дьбә бәрбь жийине» дәрдькʹәвьн, ԝе жь бо сафикьрьна хԝәйә нә бь аԛьлайи, ахьрийа хьраб ԛазанщ кьн (Мәтта 7:14).

(1 Пʹадшати 2:37, ИМ) Рʹожа тӧ дәркʹәти у тә Нәԝала Ԛидроне дәрбас кьр, бьзаньбә кӧ те әʹсәйи бьмьри. Ԝе хԝина тә бькʹәвә стуйе тә.»

(1 Пʹадшати 2:41-46, ИМ) Гава жь Сьлеманрʹа готьн кӧ Шими жь Оршәлиме чуйә Гате у вәгәрʹийайә, ⁴² Пʹадша шанд пәй Шими у гот: «Ма мьн ль сәр наве Хӧдан, бь тә сонд нәда хԝарьн? Ма мьн жь тәрʹа нәготьбу у ль тә ширәт нәкьрьбу кӧ рʹожа дәркʹәви у вьрдә ԝеда һәрʹи, бьзаньбә кӧ те әʹсәйи бьмьри? Тә жи жь мьнрʹа готьбу: ‹Баш ә, әзе бь йа тә бькьм.› ⁴³ Мадәм ӧса йә, тә чьма сонда хԝә йа кӧ тә бь наве Хӧдан хԝар у әʹмре мьн пек нәани?» ⁴⁴ Пʹадша жь Шимирʹа гот: «Бегӧман тӧ һʹәму хәрабийед кӧ тә ль баве мьн Даԝьд кьрьн жь дьл дьзани. Жь бәр хәрабийед тә, ԝе Хӧдан хәрабийа тә бинә сәре тә. ⁴⁵ Ле ԝе Сьлемане Пʹадша пироз бә у тәхте Даԝьд ль бәр Хӧдан һʹәта һʹәтайе хӧрт бьминә.» ⁴⁶ Пʹадша әʹмьр да Бәнайайе кӧрʹе Йәһойада. Әԝ жи рʹабу чу у Шими кӧшт. Пʹадшати дь дәсте Сьлеманда хӧрт бу.

(Мәтта 23:1-15) Һьнге Иса әʹлаләт у шагьртед хԝәрʹа хәбәр да у гот: ² «Ԛанунзан у ферьси ль сәр кʹӧрсийа Муса рʹуньштьнә. ³ Иди әԝана чь ԝәрʹа бежьн хԝәй кьн у бьԛәдиньн, ле мина ԝан нәкьн, чьмки әԝана дьбежьн, ле накьн. ⁴ Баред гьран у зәʹмәт гьредьдьн, датиньнә сәр мьлед мәрьва, ле әԝ хԝәха нахԝазьн тʹьлийа хԝә жи бьдьне. ⁵ Әԝ һәр тьшти дькьн, кӧ бәр мәрьва бенә кʹьфше. Кʹиськед мәзьн ль мьл у әʹнийед хԝәва гьредьдьн у рʹишийед кʹьнщед хԝә дьреж дькьн. ⁶ Шайийада һәрәма жорьн һʹьз дькьн, кʹьништада жи кʹӧрсийед пешьн, ⁷ базарада сьлаве бьдьнә ԝан у мәрьв жи ԝанрʹа ‹мамоста› бежьн. ⁸ Ле бьра ԝәрʹа нәбежьн: ‹Мамоста›, чьмки дәрсдаре ԝә йәк ә у һун һʹәму жи бьра нә. ⁹ Ль сәр дьне һун тʹӧ кәсирʹа нәбежьн: ‹Баво›, чьмки Баве ԝә йәк ә, кӧ әʹзмана йә. ¹⁰ Нә жи ԝәрʹа бежьн: ‹Рʹебәр›, чьмки Рʹебәре ԝә йәк ә, әԝ Мәсиһ ә. ¹¹ Бьра нава ԝәда йе һәри мәзьн бьбә бәрдәстийе ԝә. ¹² Кʹи кӧ хԝә бьльнд кә, әԝе ньмьз бә, ле кʹи кӧ хԝә ньмьз кә, әԝе бьльнд бә. ¹³ Ле ԝәй ль ԝә ԛанунзан у ферьсийа! Дӧрʹуно! Һун дәре Пʹадшатийа Әʹзмана ль бәр мәрьва дадьдьн. Нә һун дькʹәвьне у нә жи дьһельн әԝед кӧ дьхԝазьн бькʹәвьне. ¹⁴ Ԝәй ль ԝә ԛанунзан у ферьсийа! Дӧрʹуно! Аликива һун малед жьнәбийа һʹуфи хԝә дькьн, алийе дьнва жи бь дӧрʹути дӧайе хԝә дьреж дькьн. Бона ве йәке диԝана ԝә ԝе һе гьран бә. ¹⁵ Ԝәй ль ԝә ԛанунзан у ферьсийа! Дӧрʹуно! Һун бәʹр у бәже ль һәв дьдьн, кӧ йәки нәбаԝәр биньн сәр рʹийа хԝә. Гава мәрәме ԝә дьбә, һун әԝи жь хԝә дӧ щара зедәтьр дькьнә пʹара щәʹньме

8-14 ТʹӘБАХЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПʹАДШАТИ 3-4

«Ԛимәте Биланийе»

ԝ11 15/12 8 ¶4-6

Әԝ бона Тә Мәсәла Баш ә Йан Дәрс ә?

⁴ Дәстпека сәрԝертийа Сьлеманда, Хԝәде ԝирʹа хӧйа бу у же пьрси кӧ әԝ чь дьхԝазә бьстинә. Сьлеман тʹәхмин дькьр, кӧ әԝ һаԛас щерʹьбанди нинә, ләма жи әԝи билани жь Хԝәде хԝәст (Бьхунә 1 Пʹадшати 3:5-9). Дьле Хԝәде хԝәш һат, ԝәки Сьлеман һәбук у навдари нәхԝәст, ле билани хԝәст, ләма жи Хԝәде һьм билани һьм жи һәбук да ԝи (1 Пʹд. 3:10-14). Чаԝа кӧ Иса гот, биланийа Сьлеман ӧса әʹйан бу, кӧ һәла һе жьн-пʹадшайа Шәбайе жи дәрһәԛа ԝи бьһист у рʹийа дьреж чу, ԝәки хԝәха ве йәкеда избат бә (1 Пʹд. 10:1, 4-9).

⁵ Әм һивийе ниньн ԝәки бь кʹәрәмәти биланийе бьстиньн. Сьлеман гот, ԝәки Йаһоԝа «сәрԝахтийе дьдә», ле әԝи ӧса жи гот ԝәки тӧйе бькарьби биланийе ԛазанщ ки һәрге «гӧһ бьди сәрԝахтийе у дьле хԝә ль бәр билантийе вәки». Демәк әм гәрәке ԛәԝате бьдьнә хәбате, сәва кӧ ви һʹӧнӧри ԛазанщ кьн. Хенщи ве йәке, Сьлеман гьли-готьнед ӧса дьда хәбате, ча мәсәлә «гази аԛьл ки», «бьгәрʹи» у «пәйкʹәви» (Мәтʹлк. 2:1-6). Ча те кʹьфше әм дькарьн биланийе ԛазанщ кьн.

⁶ Ԝе баш бә әм пьрсе бьдьнә хԝә: «Гәло әз мина Сьлеман биланийа Хԝәде ԛимәт дькьм?» Жь бо чәтьнайед економики гәләк мәрьв мәщбур бунә дьһа зедә дина хԝә бьдьнә хәбате у тьштед материали. Ӧса жи гәләк мәрьв һелан бунә һʹьш аԛьле хԝә бьдьн сәр ве йәке, кӧ кʹижан хԝәндьна бьльнд бьстиньн у чәнд һʹәва. Ле тӧ чь дькари бежи дәрһәԛа хԝә у малбәта хԝә? Гәло сафикьрьнед тә дьдьнә кʹьфше, ԝәки тӧ биланийа Хԝәде ԛимәт дьки у дьхԝази ве биланийе ԛазанщ ки? Сәва кӧ дьһа зедә ве биланийе ԛазанщ ки, гәло нә лазьм ә һьнә нет-мәрәмед хԝә бьгӧһези? Һәрге тӧ биланийа Хԝәде ԛазанщ ки у ль гора ве биланийе бьжийи, тӧйе кʹаре бьстини һьм ньһа һьм жи һʹәта-һʹәтайе. Сьлеман ньвиси: «Һьнге те рʹастийе, ԛьраре, һәԛийе, фәʹм бьки у сәрда жи һәр шьвәр›ийед ԛәнщ» (Мәтʹлк. 2:9).

Хьзна Кʹьтеба Пироз

ԝ98 1/2 11 ¶15

Йаһоԝа Хԝәдайе Пәймана йә

¹⁵ Чахе зӧрʹәта Бьраһим Ԛанун станд у бу щьмәʹта Йаһоԝа, Әԝи ль гора созе хԝә кӧ дабу бавәшире ԝан, әԝ кʹәрәм кьрьн. Пәй Мусарʹа, сала 1473 Б. Д. М., Йешу бу рʹебәре щьмәʹта Исраел у әԝ бьрьнә әʹрде Кәнане. Паше әԝ әʹрд сәр бәрәка һатә пʹарәвәкьрьне у ӧса әв созе Хԝәде, кӧ ԝи әʹрди бьдә зӧрʹәта Бьраһим, һатә сери. Чахе Исраели Хԝәдерʹа амьн дьман, Әԝи созе хԝә дьани сери у али ԝан дькьр, ԝәки дьжмьнед хԝә алт кьн. Әԝ йәк әʹйан һатә кʹьфше илаһи ԝәʹде пʹадшатийа Даԝьд. Ԝи ԝәʹдәйида чахе кӧрʹе Даԝьд, Сьлеман дәстпекьр сәрԝертийе бькә, созе Хԝәде кӧ дабу Бьраһим, диса пʹарәк һатә сери, демәк пʹара сьсийа. «Щьһуда у Исраил ԝәк селака бәр дәрйайе [ԛума бәр бәʹре] зедә бьбун; дьхԝарьн, вәдьхԝарьн у дь нав шайеда бун» (1 Пʹадшати 4:20, ИМ).

(1 Пʹадшати 4:20, ИМ) Щьһуда у Исраил ԝәк селака бәр дәрйайе зедә бубун; дьхԝарьн, вәдьхԝарьн у дь нав шаһийеда бун.

(Мәтта 23:16-31) Ԝәй ль ԝә рʹебәред кор, һун дьбежьн: ‹Кʹи кӧ бь пʹарьстгәһе сонд дьхԝә, нә тьштәк ә. Ле кʹи кӧ бь зерʹе ль нав пʹарьстгәһе сонд дьхԝә, дьбә дәйндар›. ¹⁷ Һәй беһʹьш у корно! Кʹижан мәзьн ә, зерʹ йан пʹарьстгәһ, кӧ зерʹ һʹәлал дькә? ¹⁸ Ӧса жи һун дьбежьн: ‹Кʹи кӧ бь горигәһе сонд дьхԝә нә тьштәк ә, ле кʹи кӧ бь һʹәдийа ль сәр горигәһе сонд дьхԝә, дьбә дәйндар›. ¹⁹ Һәй корно! Кʹижан ә мәзьн? Һʹәди йан горигәһ, кӧ һʹәдийе һʹәлал дькә? ²⁰ Аԝа кʹи кӧ бь горигәһе сонд дьхԝә, әԝ һьн бь ԝе сонд дьхԝә, һьн жи бь һʹәму тьштед кӧ сәр ԝе һәнә сонд дьхԝә. ²¹ Кʹи кӧ бь пʹарьстгәһе сонд дьхԝә, әԝ һьн бь ԝе сонд дьхԝә, һьн жи бь йе кӧ ԝеда дьжи сонд дьхԝә. ²² У кʹи кӧ бь әʹзмен сонд дьхԝә, әԝ һьн бь тʹәхте Хԝәде сонд дьхԝә, һьн жи бь йе кӧ ль сәр рʹуньштийә сонд дьхԝә. ²³ Ԝәй ль ԝә ԛанунзан у ферьсийа! Дӧрʹуно! Һун дәһәке пунге, анисойе у кʹемуне дьдьн, ле тьштед Ԛанунейә пеш, аԝа готи һәԛийе, рʹәʹме у баԝәрийе давежьнә пьшт гӧһе хԝә. Ԝә гәрәке әв йәк бькьрана у дәст жь йед майин нәкʹьшанда. ²⁴ Рʹебәред кор! Һун кʹәрмеша дьпарзьньн, ле дәва дадьԛӧртиньн! ²⁵ Ԝәй ль ԝә ԛанунзан у ферьсийа! Дӧрʹуно! Һун тʹас у финщана рʹуйе дәрвава паԛьж дькьн, ле һьндӧрʹва тʹьжи тьмайи у чʹәʹвбьрʹчийи нә. ²⁶ Ферьсийе кор! Пешийе һьндӧрʹе финщан у тʹасе паԛьж кә, ԝәки ль дәрва жи паԛьж бә. ²⁷ Ԝәй ль ԝә ԛанунзан у ферьсийа! Дӧрʹуно! Һун мина тʹьрбед сьпикьри нә, кӧ дәрвава бәдәԝ хӧйа дьбьн, ле һьндӧрʹва бь һәстуйе мьрийа у бь һʹәму һʹәрамийева тʹьжи нә. ²⁸ Ӧса жи һун дәрва мәрьвава рʹаст кʹьфш дьбьн, ле һьндӧрʹва һун дӧрʹу нә у нәһәԛ ьн. ²⁹ Ԝәй ль ԝә ԛанунзан у ферьсийа! Дӧрʹуно! Һун мәхбәред пʹехәмбәра чедькьн у тʹьрбе йед рʹаст дьхәмьлиньн ³⁰ у дьбежьн: ‹Һәгәр әм рʹожед бавед хԝәда буна, мә тʹәви ԝан хуна пʹехәмбәра нәдьрʹет›. ³¹ Иди һун ньһа хԝәха дьдьнә избаткьрьне, кӧ һун зарʹед ԝан бава нә, йед кӧ пʹехәмбәр кӧштьнә.

15-21 ТʹӘБАХЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПʹАДШАТИ 5-6

«Ԝана пе Дәсте Хԝә у бь Дьл Ава Дькьр»

ԝ11 1/2 15

Ԝә Заньбу?

Даред Сәдьре йед Лӧбнане бь ԝе йәке әʹйан бун, кӧ ԛәԝи у бәдәԝ бун, һьм жи бина ԝан гәләк хԝәш бу. Хенщи ԝе йәке кӧрм у кʹезька нькарьбун әв дар хьраб кьрана. Ләма жи әм дькарьн бежьн, кӧ Сьлеман бона авакьрьна пʹарьстгәһе материйалед лапи баш дайә хәбате. Иро жь даред Сәдьрейә кӧ чʹийайед Лӧбнане дадьдан, тʹәне һьнәк мешәйед бьчʹук манә.

it-1 424

Сәдьр

Сәва кӧ һаԛас дар һазьр кьрана, бь һʹәзара мәрьв лазьм бун, ԝәки ԝан дара бьбьрʹьн, бьвьнә Суре йан Сайдайе бәр бәʹра Навбәре. Паше әв дар дьданә сәр һәв, гьредьдан, у незики дәве бәʹре, сәр аверʹа дьԛәԝьмә дьбьрьнә Йафайе. Жь ԝедәре дар ида әʹрде зьһарʹа дьбьрьнә Оршәлиме. Әв һʹәму хәбат ль гора пәймана ортʹа Сьлеман у Һирамда бу (1 Пʹд. 5:6-18; 2 Др. 2:3-10). Ԝәʹде сәрԝертийа Сьлеман һәма ӧса бәрдәԝам дькьрьн әв дар дьанинә Оршәлиме. Ләма жи Кʹьтеба Пирозда те готьне, ԝәки даред Сәдьре һаԛас зәʹф бун, кӧ Сьлеман әв дар дәԝса даред һәжире данә хәбате (1 Пʹд. 10:27; бәрамбәр кә Иш. 9:9, 10).

it-2 1077 ¶1

Пʹарьстгәһ

Сьлеман нава тʹәмамийа Исраеледа 30 000 хәбатчи тʹоп кьр у кьрә се кʹома. Һәр кʹомәкеда 10 000 мәрьв бун. Һәр кʹомәк мәһәке Лӧбнанеда дьхәбьти, ле дӧ мәһа малда бу (1 Пʹд. 5:13, 14). Хенщи ве йәке, жь мьләтед дьн Сьлеман 70 000 меред баркʹеш у 80 000 мәрьвед кәвьрбьрʹ бьжарт (1 Пʹд. 5:15; 9:20, 21; 2 Др. 2:2). Ле 550 мәрьв әԝи кʹьфш кьр ча рʹебәр у дьбәкә 3 300 аликʹарчийед ԝан һәбун (1 Пʹд. 5:16; 9:22, 23). Ча те кʹьфше, жь ԝана 250 мәрьв исраели бун, ле 3 600 мәрьв «хәрибед ль Исраеле» бун (2 Др. 2:17, 18).

Хьзна Кʹьтеба Пироз

g 5/12 17, чаргошә

Кʹьтеба Пироз, Кʹьтеба Пʹехәмбәртийед Рʹаст ә, Пʹара 1

ԜӘʹДЕ РʹАСТ У КОНКРЕТ

Мәсәлә, рʹезәкә жь Кʹьтеба Пироз, кʹижанеда ԝәʹде рʹаст у конкрет һатийә ньвисаре, әԝ һәйә 1 Пʹадшати 6:1. Ве рʹезеда те готьне кӧ Сьлеман пʹадша хут чь чах авакьрьна пʹарьстгәһа Оршәлиме дәстпекьр. Ԝедәре ньвисар ә: «Дь чарсьд у һʹәйште салийа [бь тʹәмами 479 сал] дәркʹәтьна Исраелийа жь ԝәлате Мьсреда, дь мәһа дӧда йа чарсалийа пʹадшатийа [Сьлеман] йа ль сәр Исраеледа кӧ мәһа Зиве йә, Сьлеман дәст бь авакьрьна Мала Хӧдан кьр, ИМ».

Ль гора хроноложийа Кʹьтеба Пироз, сала чара йа сәрԝертийа Сьлеман, сала 1034 Б.Д.М. бу. Һәрге жь ве сале әм 479 сала (салед бь тʹәмами) пашда һәрʹьн, әме бьгьһижьнә сала 1513 Б.Д.М., демәк сала дәркʹәтьна Исраелийа жь Мьсьре.

(1 Пʹадшати 6:1, ИМ) Дь чарсьд у һʹәйште салийа дәркʹәтьна Исраилийа йа жь ԝәлате Мьсреда, дь мәһа дӧда йа чарсалийа пʹадшатийа хԝә йа ль сәр Исраиледа кӧ мәһа Зиве йә, Сьлеман дәст бь авакьрьна Мала Хӧдан кьр.

(Мәтта 24:1-15) Гава Иса жь пʹарьстгәһе дәркʹәт чу, шагьрт чунә щәм ԝи, кӧ авайийед пʹарьстгәһе нишани ԝи кьн. ² Иса ԝанрʹа гот: «Һун ван һʹәмуйа дьбиньн? Әз рʹаст ԝәрʹа дьбежьм, әв һʹәмуйе жи ԝеран бьн, ль вьр кәвьре ль сәр кәвьр нәминә!» ³ Чахе әԝ сәр чʹийайе Зәйтʹуне рʹуньштьбу, шагьртед ԝи тʹәне һатьнә щәм ԝи у же пьрсин: «Бежә мә, әв тьшт ԝе кʹәнге бьԛәԝьмьн? У нишана һатьна тә у ахьрийа ве дьнйайе ԝе чаԝа бә?» ⁴ Иса щаба ԝан да у гот: «Һаш жь хԝә һәбьн, кӧ тʹӧ кәс ԝә нәхапинә, ⁵ чьмки гәләк ԝе пе наве мьн бен у бежьн: ‹Әз ьм Мәсиһ› у ԝе гәләка бьхальфиньн. ⁶ Һуне дәнге шәрʹа у бәʹса шәрʹа бьбьһен, ле һаш жь хԝә һәбьн кӧ һун хԝә ӧнда нәкьн. Гәрәке әв тьшт бьԛәԝьмьн, ле әԝ һе нә ахьри йә. ⁷ Мьләте рʹабә ль сәр мьләт, пʹадшати ль сәр пʹадшатийе, щи-щийа ԝе хәлайи-щәлайе у әʹрдһʹәже бьбьн. ⁸ Ле әв һʹәму мина еша кʹӧлфәте йә, кӧ дәстпедькә пе дьгьрә. ⁹ Һьнге ԝе ԝә бьдьнә щәфе, ԝә бькӧжьн у бона наве мьн бәр чʹәʹве һʹәму мьләта рʹәш бьн. ¹⁰ Һьнге гәләке жь рʹе бькʹәвьн, нәмамийа һәвдӧ бькьн у бәр чʹәʹве һәв бькʹәвьн. ¹¹ Гәләк пʹехәмбәред дәрәԝ ԝе дәркʹәвьн у гәләка бьхальфиньн. ¹² Жь дәст зедәбуна нәһәԛийе һʹьзкьрьна гәләка ԝе сар бә. ¹³ Ле кʹи кӧ һʹәта хьлазийе тәйах кә, әԝе хьлаз бә. ¹⁴ У әв Мьзгинийа Пʹадшатийе ԝе ль нав тʹәмамийа дьнйайе бе даннасинкьрьне, кӧ һʹәму мьләтарʹа бьбә шәʹдәти у һьнге хьлази ԝе бе. ¹⁵ Чахе һун Һʹәрʹьмийа Ԝеранкьрьне щийе пирозда сәкьни бьбиньн, чаԝа кӧ Данийел пʹехәмбәр гот», (әԝе кӧ дьхунә бьра фәʹм бькә).

22-28 ТʹӘБАХЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПʹАДШАТИ 7

«Әм жь Дӧ Стуна Чь Дькарьн Һин бьн?»

ԝ13 1/12 13 ¶3

«Жь Чʹийа Те Сьфьр Дәрхи»

Бона авакьрьна пʹарьстгәһа Оршәлиме, Сьлеман Пʹадша гәләк сьфьр, демәк тʹунщ да хәбате. Һʹәчʹи зәʹф сьфьр баве ԝи, Даԝьд ани бу, чахе шәрʹе һьмбәри Сурйайеда сәркʹәтьбу (1 Дирок 18:6-8). «Һʹәԝзәки гьловәр» кӧ жь тʹунщ бу у гәләк мәзьн бу, кʹижан кӧ кʹәшиша бона хԝәшуштьне дьданә хәбате, 66 000 литьр ав һьлдьда у гьранийа ԝи ԝәкә 30 тон бу (1 Пʹадшати 7:23-26, 44-46). Бәр дәре пʹарьстгәһе дӧ стунед тәрʹьки жь тʹунщ чекьри бун. Ԛальмайа диԝаред ԝан 7,5 сантиметьр бу, диаметра ԝан 1,7 метьр бу, ле бьльндайа ԝан 8 метьр бу. Сәр һәр стунәке, сәрстунә данибун, бьльндайа кʹижана 2,2 метьр бу (1 Пʹадшати 7:15, 16; 2 Дирок 4:17). Гәләк әʹщебмайи йә кӧ тʹәне бона ԝан тьшта, чьԛас тʹунщ һатьбу хәбьтандьне.

it-1 348

Боԝаз, II

Йәк жь дӧ стунед мәзьнә жь тʹунщ, алийе бакӧре бәр дәре пʹарьстгәһа Сьлеман бу. Әԝ стун бь наве Боԝаз бу, чь кӧ дьԛәԝьмә те һʹәсабе «Бь Ԛәԝате». Ле стуна кӧ алийе Башуре бу, бь наве Йахин бу, чь кӧ те һʹәсабе «Бьра [Йаһоԝа] Һʹимли кә», демәк Йаһоԝа ава кә. Һәрге тә жь алийе Рʹӧһьлатева сәр ԝан дӧ стуна һәврʹа бьньһерʹийа, у әԝ ньвисар жь алийе рʹастева бәрбь алийе чʹәпе бьхԝәнда, ԝе ӧса бьһата хԝәндьне: «Бь ԛәԝате бьра [Йаһоԝа пʹарьстгәһе] һʹимли кә» (1 Пʹд. 7:15-21; бьньһерʹә СӘРСТУНӘ).

Хьзна Кʹьтеба Пироз

it-1 263

Хԝәшуштьн

Жь әԝед кӧ дьхԝазьн бь тʹәмьзайи у пирози Йаһоԝа бьһʹәбиньн, те дәʹԝакьрьне, ԝәки тʹәмьзайа физики хԝәй кьн. Әв жь ве йәке те кʹьфше, ԝәки коне пирозда у паше жи пʹарьстгәһеда хьзмәти чь щурʹәйи дәрбаз дьбу. Ԝәʹде тʹәсмилкьрьне, Сәрәккʹаһин Һарун у кӧрʹед ԝи, пешийа кӧ кʹьнщед бона хьзмәте хԝә кьрана, бәдәна хԝә шуштьн (Дркʹ. 29:4-9; 40:12-15; Ԛн.Кʹһ. 8:6, 7). Кʹәшиша бона шуштьна дәст-ньгед хԝә, ава жь һʹәԝзе тʹунщ дьданә хәбате, кʹижан кӧ һʹәйата коне пирозда бу, ле ԝәʹдә шунда пʹарьстгәһа Сьлеманда бу (Дркʹ. 30:18-21; 40:30-32; 2 Др. 4:2-6). Рʹожа Кʹәԝандьне, сәрәккʹаһин дӧ щара бәдәна хԝә дьшушт (Ԛн.Кʹһ. 16:4, 23, 24). Әԝе кӧ бьзьна бона азабәрдане дьбьр, әԝе кӧ бәрмайед һʹәйԝанед ԛӧрбанкьри дәрдьхьст у әԝе кӧ ногьнәкә сор дәрдьхьст, гәрәке бәдәна хԝә у кʹьнщед хԝә бьшушта. Әԝана тʹәне паши ԝе йәке дькарьбун диса бькʹәтана зоме (Ԛн.Кʹһ. 16:26-28; Жм. 19:2-10).

(1 Пʹадшати 7:23, ИМ) Ԝи жь тʹунще һʹәланди һʹәԝзәки гьловәрʹ чекьр кӧ жь кәвийәке һʹәта кәвийа дьн бәрфьрәһийа ԝе дәһ газ бу. Кʹурайа ԝе пенщ газ у һаԝьрдора ԝе жи си газ бу.

(Мәтта 24:16-31) «Һьнге әԝед кӧ Щьһустанеда нә бьра бьрʹәвьнә чʹийа. ¹⁷ Әԝе кӧ сәр хани йә бьра жорда нәйе хԝаре кӧ жь мала хԝә тьштәки һьлдә. ¹⁸ У әԝе кӧ кʹәԝшенда йә бьра вәнәгәрʹә кӧ пʹоте хԝә һьлдә. ¹⁹ Ле ԝәй ль һʹәмла у дәстдәргуша ԝан рʹожада! ²⁰ Дӧа бькьн, кӧ рʹәва ԝә нәкʹәвә зьвьстане, йан жи рʹожа шәмийе. ²¹ Чьмки һьнге тәнгасикә ӧса мәзьн ԝе бьбә, кӧ жь дәстпебуна дьнйайе һʹәта ньһа мина ԝе нәбуйә у нә жи ԝе бьбә. ²² Һәгәр әԝ рʹож кьн нәбуна, тʹӧ кәс хьлаз нәдьбу, ле бона хатьре бьжартийа әԝ рʹоже кьн бьн. ²³ Һьнге, һәгәр йәк ԝәрʹа бежә: ‹Ва йә Мәсиһ ль вьр ә›, йан жи ‹Ԝа йә ль ԝьр ә›, баԝәр нәкьн. ²⁴ Чьмки мәсиһ у пʹехәмбәред дәрәԝ ԝе дәрен, нишан у кʹәрәмәтед мәзьн бькьн, кӧ бькарьбьн бьжартийед Хԝәде жи бьхальфиньн. ²⁵ Ва йә мьн пешда ԝәрʹа гот. ²⁶ Һәгәр әԝана ԝәрʹа бежьн: ‹Ва йә Мәсиһ бәрʹийеда йә›, дәрнәкʹәвьн, йан: ‹Ԝа йә, әԝ фьлан одеда йә›, баԝәр нәкьн. ²⁷ Чьмки чаԝа бьруск жь рʹоһьлате бьрԛ дьдә у һʹәта рʹоавайе хӧйа дьбә, ԝе һатьна Кӧрʹе Инсан жи ӧса бә. ²⁸ Бәрәтʹә кʹидәре һәбә, тәйре жи ль ԝьр бьщьвьн. ²⁹ Ль пәй тәнгасийа ԝан рʹожарʹа, рʹуйе рʹойе ԝе бе гьртьне у һиве жи рʹонайа хԝә нәдә, стәйрке жь әʹзмен бькʹәвьн у тʹопед әʹзмана ԝе жь рʹийед хԝә дәрен. ³⁰ Һьнге нишана Кӧрʹе Инсан ԝе ль әʹзмен хӧйа бә у һʹәму мьләтед дьнйайе ԝе шине бькьн, гава бьбиньн Кӧрʹе Инсан ль сәр әʹԝред әʹзмен бь ԛәԝат у рʹумәта мәзьн те. ³¹ Әԝе мьлйакʹәтед хԝә бь борʹийа дәнге бьльнд бьшинә у ԝе бьжартийед ԝи жь һәр чар ԛӧлба бәрәв кьн, жь пʹәрʹәки әʹзмана һʹәта пʹәрʹе дьн.

29 ТʹӘБАХЕ-4 ИЛОНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПʹАДШАТИ 8

«Дӧайе Сьлемани бь Дьл у Мьлукти»

ԝ09 15/11 9 ¶9-10

Бь сайа Леколина Кʹьтеба Пироз, Дӧайед Хԝә Баш кә

⁹ Сәва кӧ Хԝәде дӧайед мә бьбьһе, әм гәрәке жь дьл дӧа бькьн. Кʹьтеба 1 Пʹадшати сәре 8-да дӧакьрьна Сьлеман һатийә ньвисаре, чахе әԝи бь дьл бәр щьмәʹте дӧа кьр. Әв щьмәʹт һатьбу Оршәлиме бона тʹәсмилкьрьна пʹарьстгәһа Йаһоԝа сала 1026-да Б.Д.М. Чахе сьндоԛа пәймане анинә Щийе Һәри Пироз у әʹԝьре Йаһоԝа пʹарьстгәһ тʹьжә кьр, һьнге Сьлеман һӧрмәт-рʹумәт да Йаһоԝа.

¹⁰ Дӧайе Сьлеман бьхунә у дина хԝә бьде, кӧ дәрһәԛа дьл ԝедәре чь те готьне. Сьлеман фәʹм дькьр, кӧ тʹәне Йаһоԝа дьле мәрьва дьвинә (1 Пʹд. 8:38, 39). Жь дӧайе ԝи те кʹьфше, ԝәки һевийа ԝи мәрьви һәйә, кʹи кӧ бь дьл гӧне хԝә тʹобә дькә. Һәрге дьжмьн һʹьщуми сәр щьмәʹта Йаһоԝа бькә, һьнге дӧайед ԝан, дьле кʹижана кӧ бь тʹәмами тʹәви Йаһоԝа йә, ԝе бенә бьһистьне (1 Пʹд. 8:48, 58, 61). Демәк дӧайед тә гәрәке жь дьл бьн.

ԝ99 15/1 17 ¶7-8

Бь Дьле Һʹәлал Дӧа Бькьн

⁷ Чахе әм бона хԝә йан жи бәр мәрьва дӧа дькьн, гәрәке принсипа Кʹьтеба Пирозә фәрз һьлдьн һʹәсаб. Демәк бь мьлукти дӧа бькьн (2 Дирок 7:13, 14). Сьлеман Пʹадша мьлукти да кʹьфше, чахе Оршәлимеда бәр тʹәмамийа щьмәʹте бона тʹәсмилкьрьна пʹарьстгәһа Йаһоԝа, дӧа кьр. Әԝи авакьрьна авайе лапи мәхсус дьнйайеда, тʹәзә хьлаз кьрьбу. Ле жь дӧайе ԝи мьлуктийа ԝи һатә кʹьфше. Әԝи ӧса дӧа кьр: «Ма бь рʹасти жи ԝе Хԝәде ль сәр ве әʹрде рʹуне? Нә әʹзман у әʹзмане әʹзмана тʹера тә дькә! Мала кӧ мьн чекьрийә чь йә?!» (1 Пʹадшати 8:27, ИМ).

⁸ Чахе әм бәр кʹомәкә мәрьва дӧа дькьн, әм гәрәке мина Сьлеман мьлуктийе бьдьнә кʹьфше. Мьлуктийа мә дькарә пе дәнге мә бе кʹьфше. Дӧайед бь мьлукти әԝ ьн, чахе әм пе гьлийе хԝәйә дәԝләмәнд хԝә ԛӧрʹә накьн у хԝә бьльнд надьнә кʹьфше. Дӧайед бь мьлукти гәрәке дина мәрийа бькʹьшиньн сәр Хԝәде, нә кӧ сәр мә (Мәтта 6:5). Мьлукти ԝе йәкеда жи те кʹьфше, кӧ дӧайед хԝәда әм чь у ча дьбежьн. Һәрге әм бь мьлукти дӧа бькьн, ԝе ӧса нәйе кʹьфше, кӧ әм дьхԝазьн ԝәки Хԝәде фьлан тьшти ӧса бькә, чаԝа әм дьхԝазьн. Ле дәԝсе әме һиви бькьн, ԝәки әԝ ль гора ԛьрара хԝәйә пироз бькә. Дӧакьрьнеда әм дькарьн чʹәʹв бьдьнә зәбурбеж, чьмки чахе әԝи дӧа дькьр, нета дьле ԝи рʹаст бу. Әԝи жь Хԝәде һиви дькьр: «Һәԝар Хӧдан, мә хьлаз кә! Һәԝар Хӧдан, мәрʹа ль һәв бинә» (Зәбур 118:25; Луԛа 18:9-14).

Хьзна Кʹьтеба Пироз

it-1 1060 ¶4

Әʹзман

Чахе Сьлеман пʹарьстгәһа Оршәлиме ава кьр, әԝи гот кӧ «әʹзман у әʹзмане әʹзмана» нькарьн Хԝәде щиԝар кьн (1 Пʹд. 8:27, ИМ). Чаԝа Әʹфьрандаре әʹзмана, Йаһоԝа сәр һʹәмуйарʹа йә у «тʹәне наве Ԝи бьльнд ә, рʹумәта Ԝи жь әʹрд у әʹзмен бьльндтьр ә» (Зб. 148:13). Йаһоԝа ӧса һеса әʹзман чап дькә, чаԝа кӧ мәрьв тьштәки сәр тʹьлийед хԝә һʹәсаб кә (Иш. 40:12). Гьлийед Сьлеман найенә һʹәсабе ԝәки щийе кӧ Хԝәде бьминә, тʹӧнә. Әԝ ӧса жи найе һʹәсабе, кӧ Хԝәде һʹәму дәра йә у һʹәму тьштида йә. Әԝ йәк рʹьнд те кʹьфше жь гьлийед Сьлеман, кӧ әԝи Йаһоԝарʹа гот: «Ль әʹзман, ль ԝаре хԝә бьбьһизә» (1 Пʹд. 8:30, 39, ИМ).

(1 Пʹадшати 8:27, ИМ) «Ма бь рʹасти жи ԝе Хԝәде ль сәр ве әʹрде рʹуне? Нә әʹзман у әʹзмане әʹзмана тʹера тә дькә! Мала кӧ мьн чекьрийә чь йә?!

(Мәтта 24:31-46) Әԝе мьлйакʹәтед хԝә бь борʹийа дәнге бьльнд бьшинә у ԝе бьжартийед ԝи жь һәр чар ԛӧлба бәрәв кьн, жь пʹәрʹәки әʹзмана һʹәта пʹәрʹе дьн. ³² Жь дара һежире дәрсәке һин бьн. Чахе чʹьԛьлед ԝе тәрʹ дьбьн у бәлгед ԝе дьбьшкьвьн, иди һун заньн кӧ һавин незик ә. ³³ Ӧса жи гава һун ван һʹәму тьшта бьбиньн, бьзаньбьн кӧ әв тьшт незик ә, ль бәр шемике йә. ³⁴ Әз рʹаст ԝәрʹа дьбежьм, әва ньсьла дәрбаз набә, һʹәта кӧ әв һʹәму тьшт нәԛәԝьмьн. ³⁵ Әʹрд у әʹзмане дәрбаз бьн, ле готьнед мьн тʹӧ щар дәрбаз набьн. ³⁶ Ле бона ԝе рʹоже у ԝе сьһʹәте тʹӧ кәс ньзанә, нә мьлйакʹәтед әʹзмана, нә жи Кӧрʹ, ле тʹәне Бав. ³⁷ Чаԝа кӧ рʹожед Нӧһда ԛәԝьми, һатьна Кӧрʹе Инсан жи ԝе ӧса бьԛәԝьмә. ³⁸ Чаԝа кӧ ԝан рʹожед бәри тофане мәрьва дьхԝарьн, вәдьхԝарьн, дьзәԝьщин у мер дькьрьн, һʹәта ԝе рʹожа кӧ Нӧһ кʹәтә гәмийе ³⁹ у мәрьв пе нәһʹәсийан, һʹәта кӧ лейи рʹабу у һʹәму жи хәньԛандьн. Һатьна Кӧрʹе Инсан жи ԝе ӧса бә. ⁴⁰ Һьнге дӧ мәрьв ԝе нав әʹрде хԝәда бьн, йәке бе һьлдане у йе дьне бе һьштьне. ⁴¹ У дӧ кʹӧлфәте сәр дәстарʹәки бьн, йәке бе һьлдане, йа дьн бе һьштьне. ⁴² Аԝа һʹьшйар бьминьн, чьмки һун ньзаньн Хӧдане ԝәйе кʹижан рʹоже бе. ⁴³ Ле ве йәке бьзаньбьн. Һәгәр хԝәйе мале бьзаньбуйа кӧ дьзе кʹижан дәма шәве бьһата, ԝе һʹьшйар бьма у нәһьшта кӧ мала ԝи дәрәвәкьра. ⁴⁴ Бона ве йәке һун жи һазьр бьн, чьмки Кӧрʹе Инсан ԝе сьһʹәтәкә ӧсада бе, кӧ һун нә чʹәʹвньһерʹи нә. ⁴⁵ Аԝа кʹи йә әԝ хӧламе амьн у сәрԝахт, кӧ ахайе ԝи әԝ сәр хӧламед хԝә сәрԝер кʹьфш кьр, кӧ ԝәхтда хԝарьна ԝан бьдә ԝан? ⁴⁶ Хԝәзи ль ԝи хӧлами, кӧ чахе ахайе ԝи бе, әԝи ӧса бьбинә».