Пʹаред Керһати жь «Ша бә Жийинерʹа Һʹәта-Һʹәтайе!»

Жь кʹьтеба «Ша бә Жийинерʹа Һʹәта-Һʹәтайе!» тә хԝәш те видео у пьрсед шәхси, кӧ бона хԝәндәкʹара нә? Ле пʹаред «Һьнә Мәрьв Дьбежьн», «Нет», у «Һе Зедә Пебьһʹәсә»? Ԝәʹде дәрбазкьрьна һинбуна Кʹьтеба Пироз, диса кʹижан пʹаред ве кʹьтебе тәрʹа һеса йә бьди хәбате? (Мт. 28:19, 20)

Медйа: Һәрге тӧ һинбуна Кʹьтеба Пироз пе кʹьтеба нәшьркьри дәрбаз дьки, тӧ ча дькари һеса һʹәму видеойа бьньһерʹи? Ве кʹьтеба әләктроникида жь чар пʹара пʹарәке бьжберә, ԝедәре тӧйе наве дәрса бьвини у жере ньвисийә медйа (Бьньһерʹә шькьле 1).

Бьжартьна «Формата Нәшьркьри»: Һәрге тӧ тʹәви кәсәки пе һащәта әләктроник һинбуна Кʹьтеба Пироз дәрбаз дьки, дьбәкә щара ԝәʹде һинбуне «Формата Нәшьркьри» кери тә бе. Ԝәʹде һинбуне, жоре сәр се ньԛьтка бьтькинә у бьжберә «Формата Нәшьркьри». Әв щурʹе формате ԝе али тә бькә бир нәки, кӧ тʹема сәрәкә йа ве дәрсе чь йә. Сәва кӧ пашда вәгәрʹи сәр формата әләктроник, диса сәр се ньԛьтка бьтькинә у бьжберә «Формата Әләктроник».

«Әз Һазьр ьм?»: Әв чаргошед кӧ хьлазийа кʹьтебеда һәнә, нишан дькьн ԝәки хԝәндәкʹар гәрәке чь бькә, сәва кӧ тʹәви щьвате хьзмәт бькә у бе ньхӧмандьне (Бьньһерʹә шькле 2).

Әʹламәтийа Зедә: Әʹламәтийа зедәда һәнә шьровәкьрьна пьрсед фәрз. Кʹьтеба бь формата әләктроникида хьлазийа һәр әʹламәтийа зедә, һәйә линк, йа кӧ ԝе тә пашда вәгәрʹинә сәр ви щийи, кʹидәре кӧ һун сәкьнибун (Бьньһерʹә шькьле 2).