ҺӘР ТЬШТ БЬҺА ДЬБӘ ЧА ӘʹБУРА ХԜӘ БЬКЬН?
Бь Реали сәр Тьшта Бьньһерʹьн
Чахе һәр тьшт һеди-һеди бьһа дьбә, әм дькарьн ве йәке тедәрнәхьн, илаһи һәрге һәԛе хәбата мә жи зедә дьбә. Ле гава баһе һәр тьшти ньшкева бьльнд дьбә у һәԛе хәбата мә зедә накьн, әм дькарьн бәр хԝә кʹәвьн у бькʹәвьнә стресе, илаһи һәрге әм гәрәке әʹбура малбәта хԝә бькьн.
Әм нькарьн һʹӧкӧм кьн сәр ве йәке, кӧ һәр тьшт бьһа дьбә. Ле һәрге әм бь реали сәр тьшта бьньһерʹьн, әме кʹаре бьстиньн.
ЧЬРʹА ӘВ ЙӘК ФӘРЗ Ә?
Ԝан мәрьварʹа, йед кӧ бь реали сәр һәр тьшти дьньһерʹьн, дьһа һеса йә . . .
дьлрʹьһʹәтийе хԝәй кьн. Чахе дьле мә рʹьһʹәт ә, әм дьһа зәлал дьфькьрьн у сафикьрьнед дьһа баш дькьн.
хԝә жь тьштед бекер дур бьгьрьн. Мәсәлә, ԝе нә бь билани бә хәрщед дәԝләте нәдьн, йан жи сәр тьштед нәлазьм пʹәра хәрщ кьн.
тʹәви нәфәред хԝә жь бо пʹәра нәкʹәвьнә дәʹԝе.
тедәрхьн кӧ ча әʹбура хԝә бькьн, мәсәлә пʹәре хԝә сәр чь хәрщ кьн у сәр чь на.
ТӦ ЧЬ ДЬКАРИ БЬКИ?
Һазьр бьн ль гора дәрәща хԝә гӧһастьна бькьн. Чахе баһе һәр тьшти ньшкева бьльнд дьбә, ԝе бь билани бә хәрщед хԝә кем кьн. Һьнә мәрьвед дәсттәнг һәр тьшти дькьн, сәва кӧ бь әʹмьрәки ӧса бьжин, ԝәки чʹәʹве хԝә тьштәкида нәһельн у әв йәк әʹмьре ԝан дьһа чәтьн дькә. Ахьрийеда әԝана жь бо ве йәке ԛьдум дькʹәвьн! Һәрге малбәта тә һәйә, дьбәкә тӧ бәр хԝә дькʹәви кӧ ча әʹбура ԝан бьки. Ле диса жи бир нәкә, ԝәки жь һәр тьшти зедәтьр малбәта тә һʹәԝще һʹәзкьрьн у ԝәʹде тә йә.
Гава мәрьв һәр тьшти дькьн, ԝәки чʹәʹве хԝә тьштәкида нәһельн, әв йәк әʹмьре ԝана дьһа чәтьн дькә