ПʹАРА 7
Жь сахбуна Иса һʹәта гьртьна Паԝлос
Паши мьрьне Иса дь рʹожа сьсйада жь мьрийа һатә рʹакьрьне. Ԝе рʹоже әԝ ԝәкә пенщ щара шагьртарʹа хӧйа бу. Ле паше ве йәке нава 40 рʹожа әԝ диса жи хԝә нишани шагьрта дькьр. Паше жи һәма ль бәр чʹәʹвед шагьртед хԝә әԝ һьлкʹьшийа әʹзмана. Ԝәкә 10 рʹож дәрбаз бун у Хԝәде ль сәр шагьртед Иса йе кӧ дь Оршәлимеда һивийе бун, рʹӧһʹе пироз баранд.
Пашԝәхтийе дьжмьнед Хԝәде шагьрт гьртьн у авитьнә кәле, ле мьлйакʹәтәк ԝана аза кьр. Дьжмьн ӧса жи Стәйфане шанди данә бәр кәвьра, у ԝи кӧштьн. Ӧса жи әме пебьһʹәсьн кӧ Иса ча йәк жь ԝан дьжмьна дьжберә, сәва кӧ әԝ бьбә шагьрте ԝийә башԛә, йе кӧ пашԝәхтийе һатә наскьрьне ча Паԝлосе шанди. Паше мьрьна Иса ԝәкә се сал у нив дәрбаз дьбә у Хԝәде Пәтрусе шанди дьшинә кӧ әԝ Корʹнелйо у малбатед ԝирʹа, йе кӧ нә щьһу бун, даннасин бькә.
Ԝәкә 13 сал шунда Паԝлос рʹеԝитийа хԝәйә пешьн дәстпедькә. Ԝәʹде рʹеԝитийа дӧда Тимотʹейо жи ида тʹәви Паԝлос бу. Дь ван сәрһатийада әме пебьһʹәсьн, ԝәʹде рʹеԝитийе чь дьԛәԝьми тʹәви Паԝлос у һәвалед ԝи. Хьлазийе Паԝлос ль Рʹоме авитьнә кәле. Рʹаст ә дӧ сала шунда ԝи бәрʹдан, ле паше әԝ йәкә кьрьнә кәле у хьлазийе кӧштьн. Әв һʹәму тьшт, чь кӧ дь пʹара ҺʹӘФТАДА тенә гьли кьрьне, нава 32 сала ԛәԝьмин.