Кʹьтеба Пироз Әʹламәтийа жь Хԝәде йә бона Мә

Йаһоԝа Кʹьтеба Пироз пʹешкʹеш дайә мә. Әв пʹешкʹешәкә ԛимәт ә, кʹижан кӧ жь 66 кʹьтебед бьчʹук ә. Ле дьбә кӧ пьрс щәм тә пешда те: «Әв кʹьтеб чаԝа гьһиштә мә? Ньвискʹаре ве кʹьтебе кʹи йә? Сәва кӧ щаба ԝан пьрса пебьһʹәсьн, ԝәрә пешийе әм шеԝьр кьн, кӧ чаԝа әʹламәтийа Хԝәдейә жь Кʹьтеба Пироз гьһиштә мә.

1. Һәрге Кʹьтеба Пироз мәрьва ньвиси йә, ле Хԝәде чаԝа дькарә бьбә Ньвискʹаре ԝе?

Ԝәкә 40 мәрьва Кʹьтеба Пироз нава 1 600 сала зедәтьр ньвисинә. Әв йәк дәстпебуйи жь сала 1513 Б.Д.М. һʹәта незики сала 98 Д.М. кʹьшанд. Рʹаст ә, ньвискʹаред ве кʹьтебе щурʹә-щурʹә мәрьв бун, ле чь кӧ ԝана Кʹьтеба Пирозда ньвисинә, һәвва гьредайи йә. Ле әв ча дькарә ӧса бә? Авторе ве кʹьтебе Хԝәде йә (Бьхунә 1 Тʹесалоники 2:13.) Ләма жи ньвискʹаред ве кʹьтебе, тʹӧ тьшт жь бәр хԝә нәдьньвисин. Ле «бь рʹебәрийа Рʹӧһʹе Пироз жь Хԝәдеда хәбәр данә»a (2 Пәтрус 1:21). Әԝан мәрьва жь бина бәр Хԝәде фькьред ԝи ньвисинә (2 Тимотʹейо 3:16).

2. Кʹи дькарә жь Кʹьтеба Пироз кʹаре бьстинә?

Мьзгинийа хере жь Кʹьтеба Пироз бона «һʹәму мьләта, бәрәка, зьмана у щьмәʹта» гәләк керһати йә (Бьхунә Әʹйанти 14:6.) Хԝәде хәм кьр, ԝәки Кʹьтеба Пироз сәр гәләк зьмана бе ԝәлгәрʹандьне у әв кʹьтебәкә лапә бәлабуйи йә. Бь рʹасти фьрԛи тʹӧнә мәрьв кʹидәре дьжин у сәр чь зьмани хәбәр дьдьн, иро ниве зәʹф жь ԝана дькарьн әве кʹьтебе сәр зьмане хԝә бьхуньн.

3. Йаһоԝа чаԝа Кʹьтеба Пироз хԝәй кьр, кӧ әв кʹьтеб гьһиштә мә?

Кʹьтеба Пироз сәр материйалед ӧса һатьбу ньвисаре, кʹижан кӧ дьреж нәдьһатьн хԝәйкьрьне, мәсәлә сәр чʹәрм у папирус. Ле бәргьред Кʹьтеба Пироз әв кʹьтеб ԛимәт дькьрьн, ләма жи фәсал бун кӧ ԝәʹде бәргьртьне рʹаст бьньвисьн. Рʹаст ә һьнә мәрьвед хԝәйиһʹӧкӧм дьхԝәстьн әве кʹьтебе кʹӧта кьн, ле йәкә һәбун мәрьвед ӧса, йед кӧ һазьр бун жийина хԝә бькьн бьн ԛәзийе, сәва кӧ әве кʹьтебе бьпарезьн. Йаһоԝа нәһишт кӧ кәсәк йан тьштәк рʹе ԝи бьгьрә, ԝәки бь сайа Хәбәра хԝә тʹәви мә хәбәр дә. Кʹьтеба Пироз дьбежә: «Готьна Хԝәдайе мә абадин дьминә» (Ишайа 40:8).

КʹУР ЛЕКОЛИН КӘ

4. Кʹьтеба Пироз әʹйан дькә, кӧ Авторе ве кʹьтебе кʹи йә

Вехә ВИДЕО. Паше бьхунә 2 Тимотʹейо 3:16, у ван пьрса шеԝьр кә:

ВИДЕО: «Ньвискʹаре Әʹсли йе Кʹьтеба Пироз Кʹи йә?»; Пʹарәк (2:48)

• Һәрге мәрьва Кʹьтеба Пироз ньвисинә, ле чьма әв те навкьрьне Хәбәра Хԝәде?

• Ча тӧ дьфькьри, Хԝәде чь щурʹәйи фькьред хԝә дәрбази ԝан мәрийа дькьр, йед кӧ Кʹьтеба Пироз дьньвисин?

5. Кʹьтеба Пироз һатә хԝәйкьрьне

ВИДЕО: «Ԝана Кʹьтеба Пироз Ԛимәт Дькьр»; Пʹарәк (Ԝилиам Тиндал) (6:17)

• Әԝ йәк кӧ тӧ ида зани, ԝәки гәләк мәрьва жийина хԝә кьрьнә бьн ԛәзийе, кӧ Кʹьтеба Пироз бе хԝәйкьрьне, хԝәстьна тә зедә дькә кӧ әве кʹьтебе бьхуни? Чьма?

Бьхунә Зәбур 119:97, у паше әве пьрсе шеԝьр кә:

• Чь гәләк мәрьва һелан кьр, ԝәки жийина хԝә бькьн бьн ԛәзийе, сәва кӧ Кʹьтеба Пироз ԝәлгәрʹиньн у бәла кьн?

6. Кʹьтеб бона һʹәму мәрийа

Нава тʹәрихийеда тʹәне Кʹьтеба Пироз сәр гәләк зьмана һатийә ԝәлгәрʹандьне у бәлакьрьне. Бьхунә Кʹаред Шандийа 10:34, 35, у паше ван пьрса шеԝьр кә:

• Чьма Хԝәде дьхԝазә, ԝәки Хәбәра ԝи сәр һаԛас зьмана бе ԝәлгәрʹандьне у бәлакьрьне?

• Чьма Кʹьтеба Пироз тә хԝәш те?

ТʹӘМАМКЬРЬН

Кʹьтеба Пироз Хәбәра Хԝәде йә, у Хԝәде хәм кьр ԝәки, һʹәму мәрьв бькарьбьн әве кʹьтебе дәстхьн у сәр зьмане хԝә бьхуньн.

Ԝәкʹьландьн

• Чь те һʹәсабе, ԝәки мәрьва жь бина бәр Хԝәде Кʹьтеба Пироз дьньвисин?

• Чь хут дьле тә дьгьрә дәрһәԛа хԝәйкьрьн, ԝәлгәрʹандьн у бәлакьрьна Кʹьтеба Пироз?

• Ньһа чахе тӧ зани, ԝәки Хԝәде һаԛас тьшт кьр, сәва кӧ бь сайа Хәбәра хԝә тʹәви мә хәбәр дә, тӧ дәрһәԛа ԝи чь дьфькьри?

ҺЕ ЗЕДӘ ПЕБЬҺʹӘСӘ

Бьхунә кӧ чаԝа Кʹьтеба Пироз гьһиштә ԝәʹде мә.

«Кʹьтеба Пироз Чаԝа Гьһиштә Мә» («Һʹьшйар Бьн!», Мьждар 2007)

Пебьһʹәсә кӧ чаԝа Кʹьтеба Пироз се дәрәщед хофда жи һатә хԝәйкьрьне.

«Кʹьтеба Пироз Һатә Хԝәйкьрьне у Гьһиштә Мә» («Бьрща Ԛәрәԝьлийе» № 4, 2016)

Пебьһʹәсә кӧ чаԝа һьнә мәрьвед дьн жи, жийина хԝә дькьрьнә бьн ԛәзийе, сәва кӧ Кʹьтеба Пироз ԝәлгәрʹиньн.

«Ԝана Кʹьтеба Пироз Ԛимәт Дькьр» (14:26)

Кʹьтеба Пироз гәләк щар һатийә бәргьртьне у ԝәлгәрʹандьне. Тӧ чаԝа дькари баԝәр би, ԝәки әʹламәтийа ве кʹьтебе рʹаст һатийә хԝәйкьрьне?

«Гәло Кʹьтеба Пирозда Гӧһастьн Кьрьнә?» (Готара жь малпәре)