Гöһдайин Дькарә Әʹмьре Wә Хьлаз кә!

САЛА 2004, 26 Кануна Пешьн әʹрдһʹәжәкә qәwи qәwьми ль гьраве Симеуле, алийе бакʹурарʹоавайе бәр дәве бәʹра Суматрайе дь Әндонәзийайеда. Һәр кәсед кö ль бәр дәве бәʹре сәкьни бун сәр бәʹре дьньһерʹин, у ньшкева ава бәʹре пашда кʹьшийа. Ве дәме һәр кәс дәстпекьрьн бьрәвьнә щийе бьльнд, у дькьрьнә qарʹә-qарʹ «Смонг! Смонг!», чь кö сәр зьмане wан те һʹәсабе тсунами. Нава 30 дәqәда пʹелед аве дәве бәʹре гьртьн у гәләк авайи һьлшийан.

Wи гьрава Симеуледа тсунамиә öса qәwи щара пешьн qәwьми. Жь 78 000 мәрьвед кö wедәре дьжин тʹәне 7 мәрьв мьрьн. Ле йед майин ча һатьнә хьласкьрьне?a Мәрьвед кö wедәре дьжин тʹьме тьштед öса дьбежьн: «Чахе әʹрдһʹәже мәзьн дьqәwьмьн, у пʹеле аве qәwи дьбьн, бьрʹәвьн щийе бьльнд, чьмки ав wе дәве бәʹре бьгьрә». Бажарване Симеуле жь тсунамиед бәре, һинбун тедәрхьн незикбуна тсунами, бь сайа гöһастьна һәwа дь бәреда. Әw йәк кö wана әw һәр тьшт дьданә һʹәсаб, әʹмьре wан хьлаз кьр.

Кʹьтеба Пироз дьбежә дәрһәqа qәзийа кö незик дьбә, «тәнгасикә öса мәзьн wе бьбә, кö жь дәстпебуна дьнйайе һʹәта ньһа мина wе нәбуйә у нә жи wе бьбә» (Мәтта 24:21). Ле әw нә кʹöтасийа Әʹрде йә бь дәсте мәрьва йан жь бо тʹәшqәла, чьмки мәрәме Хwәде әw ә wәки әʹрд һʹәта-һʹәтайе һәбә (Wаиз 1:4). Ле qәзийа кö незик дьбә wе бь дәсте Хwәде бьqәwьмә, wәки qьрʹа wан бинә «йед кö дьне хьраб дькьн». Әw йәк wе кʹöтасийа зöлмийе у чәрчьрандьне бинә (Әʹйанти 11:18; Мәтʹәлок 2:22). Демәк әw йәк wе кʹәрәмәкә мәзьн бә!

Wәʹде тʹәшqәла, тсунамиа, у әʹрдһʹәжа, мәрьвед нәнәһәq жи дьмьрьн, ле әw рʹожа ахьрийа дьнйайе, йа кö незик дьбә, wе зийане нәдә мәрьвед нәнәһәq. Кʹьтеба Пироз дьбежә: «Хwәде һʹьзкьрьн ә», у Хwәде наве кʹижани Йаһоwа йә, соз дьдә кö «кәсед рʹаст wе рʹуйе әʹрде, . . . бьстиньн у һәр у һәр ль сәр бьжин» (1 Йуһʹәнна 4:8; Зәбур 37:29, ДО). Ле тö чаwа дькари тәйах ки тәнгасийа мәзьн у жь кʹәрәмед создайи шабуне бьстини? Фәрз әw ә: Гöһ бьдьнә рʹебәрийе!

ДИНА ХWӘ БЬДӘ ГÖҺАСТЬНЕД КÖ ДЬНЕДА ДЬQӘWЬМЬН

Әм нькарьн кʹьфш кьн хьлазийа рʹожа ахьрийе у ньзаньн wе кʹәнге бе, чьмки Иса гот: «Ле бона wе рʹоже у wе сьһʹәте тʹö кәс ньзанә, нә мьлйакʹәтед әʹзмана, нә жи Кöрʹ, ле тʹәне Бав». Ле йәкә Иса мә һелан дькә «һʹьшйар бьминьн» (Мәтта 24:36; 25:13). Чьрʹа? Чьмки Кʹьтеба Пирозда те шьровәкьрьне кö һʹале дьнйайе wе чаwа бә, пешийа wе йәке кö Хwәде хьлазийе бинә. Чаwа кö бажарванед Симеуле жь пелед аве тедәрхьстьн кö тсунами незик дьбә, һәма бь wи щурʹәйи гöһастьна кö дьнеда дьqәwьмьн әʹйан дькьн кö хьлази ида незик ә. Дәрһәqа wан гöһастьна кö Кʹьтеба Пироз әʹйан дькә дькарьн бьвиньн чаргошеда.

Бь рʹастийе һьнә жь wан qәwьмандьна йе кö чаргошеда тенә готьне, бәре жи дьqәwьмин, ле нә бь һәврʹа. Ле Иса гот кö гава әм «wан һʹәму тьшта» бьвиньн, әме тедәрхьн кö хьлази ида незик ә (Мәтта 24:33). Һәла пьрсе бьдә хwә: «Qә бәре әw һʹәму тьшт дьqәwьмин 1) нав тʹәмамийа дьнйайеда, 2) бь һәврʹа wәʹдәкида, у 3) öса кö чьqас дьчә һе хьраб дьбә?» Әw һʹәму тьшт рʹожед мәда дьqәwьмьн.

ӘʹЙАНКЬРЬНА ҺʹЬЗКЬРЬНА ХWӘДЕ

Президенте бәре йе Дәwләтед Йәкбуйи гот кö «система пешәʹламкьрьна хофе . . . әʹмьр хьлаз дькә». Паши тсунамие йа кö qәwьми сала 2004, система пешәʹламкьрьна хофе һатә чекьрьне дь ве регионеда, сәва кö мәрьв нәмьрьн жь тʹәшqәле кö ахьрийеда дькарьн бьqәwьмьн. Хwәде жи, һʹәта кö хьлазийе бинә, пешда әʹлам дькә дәрһәqа ве йәке. Кʹьтеба Пироз пʹехәмбәртийе дькә: «Әв Мьзгинийа Пʹадшатийе wе ль нав тʹәмамийа дьнйайе бе даннасинкьрьне, кö һʹәму мьләтарʹа бьбә шәʹдәти у һьнге хьлази wе бе» (Мәтта 24:14).

Тʹәне салед пашwәхтийада, Шәʹдед Йаһоwа 1.9 милиард сьһʹәт хәрщ кьрьнә бәлакьрьна мьзгинеда, 240 wәлатада сәр 700 зьмана зедәтьр. Әw йәк бь рʹастийе жи избаткьрьна qәwи йә кö хьлази незик ә. Шәʹдед Йаһоwа мәрьва һʹьз дькьн, әwана бь дьл у щан qәwата хwә хәрщ дькьн сәва кö мәрьварʹа әʹлам кьн дәрһәqа рʹожа Хwәдейә диwанкьрьне. У әw рʹож гәләк зу незик дьбә (Мәтта 22:39). Әw йәк кö wә бьһист дәрһәqа wе әʹламәтийе һʹьзкьрьна Йаһоwа дьдә кʹьфше һьндава wә. Бира хwәда хwәй кьн, wәки «[Хwәде] нахwазә тʹö кәс öнда бә, ле дьхwазә wәки һʹәму жь гöнәкьрьне вәгәрʹьн» (2 Пәтрус 3:9). Ле һуне qәбул кьн һʹьзкьрьна Хwәде у гöһ бьдьнә пешәʹламкьрьне?

БЬРʹӘВЬНӘ СЬТʹАРЕ!

Биньн бира хwә кö бажарванед Симеуле ча хwә данә кʹьфше, чахе дитьн кö ав жь дәве бәʹре пашда кʹьшийа. Әwана һивийе нибун һʹәта кö ава бәʹре вәгәрʹә, ле дәрберʹа рʹәвин бьльндщийа. Бь wе йәке wана әʹмьре хwә хьлаз кьр. Әм жи гәрәке бьрʹәвьнә бьльндщийа һәла һе дәрәнг нинә, сәва кö жь тәнгасийа мәзьн хьлаз бьн. Ле ча әм дькарьн әве йәке бькьн? Ишайа пʹехәмбәр бь рʹебәрийа Хwәде ньвиси дәрһәqа тʹәглифкьрьне, кö wе рʹожед хьлазийеда бьбә. Әwи гот: «Wәрьн әм һьлкʹьшьн чʹийайе Хöдан . . . [Әw] wе рʹейед хwә һини мә бькә у әме дь рʹейед wида бьмәшьн». Әм һәма wи wәʹдәйида дьжин (Ишайа 2:2, 3).

Чахе мәрьв һʹьлдькʹьшә сәр сәре чʹийе, әw хwә щики бехоф тʹәхмин дькә. Öса жи, чахе мәрьв жь Кʹьтеба Пироз педьһʹәсә дәрһәqа рʹейед Хwәде, әw йәк али wи дькә кö жийина хwәда гöһастьна бькә, кʹижан кö wе кʹаре wирʹа бинә (2 Тимотʹейо 3:16, 17). Бь wе йәке, әw мәрьв дәстпедькә «рʹейед [Хwәдеда]» дьчә, у öса qәбулкьрьн у хwәйкьрьна Хwәде дьстинә.

Ле һуне тʹәглифкьрьна Хwәде qәбул кьн у бькʹәвьнә бьн сьтʹара wи? Әм wә һелан дькьн кö кʹур леколин бькьн избаткьрьнед жь Кʹьтеба Пироз, кö ве чаргошеда ньн, кʹижан дьдьнә кʹьфше нишанед «рʹожед ахьрийе» wәʹде мәда. Шәʹдед Йаһоwа мьһала wәʹда wе ша бьн, аликʹарийе бьдьнә wә сәва кö һун һе зәлал фәʹм бькьн ньвисаред Кʹьтеба Пироз, у дь әʹмьре хwәда wан ньвисара бьдьнә хәбате. Йан жи һун дькарьн щаба бьстиньн сәр пьрсед хwә малпәра мәда www.jw.org.