Те Бира Wә?

Wә рʹьнд дина хwә да готаред жь «Бьрща Qәрәwьлийе» йа wан пашwәхтийа? Хwә бьщерʹьбиньн, һәла һуне бькарьбьн щабед wан пьрса бьдьн:

Гава жь тʹәшкиләта Хwәде рʹебәри тен, бьра, мәсәлә бәрпьрсийаред мьһале у рʹуспи гәрәке чь бькьн?

Әwана гәрәке пәй wан рʹебәрийа һәрʹьн. Әwана дькарьн пьрсед öса бьдьнә хwә: «Гәло әз хушк-бьра һелан дькьм кö әwана амьн бьн Йаһоwарʹа? Чахе әз жь бьред щабдар рʹебәрийе дьстиньм, гәло әз дәрберʹа qәбул дькьм у пьштгьрийа ве рʹебәрийе дькьм?» (w16.11, рʹупʹ. 11).

Мәсиһийед рʹаст кʹәнге кʹәтьнә дилтийа Бабилоне?

Әw йәк qәwьмийә һьнә wәʹдә шунда паши мьрьна шандийа. Wи чахи ида сәрwеред дера пешда дьһатьн. Дер у Дәwләте, дине qәлпә Мәсиһти пешда анин, у дьхwәстьн дәнге Мәсиһийед рʹаст бьдьнә бьрʹине. Ле ида бәри сала 1914, әwана жь дилтийе дәрдькʹәтьн (w16.11, рʹупʹ. 23-25).

Чьрʹа шьхöле Лефевр Датапьл гәләк фәрз бу у кʹарәкә мәзьн ани?

Нава салед 1520-1529, Лефевр Кʹьтеба Пироз сәр зьмане Франси wәлгәрʹанд, сәва гәләк мәрьв бькарьбьн хwәрʹа дәст хьн. Шьровәкьрьна wи дәрһәqа пʹаред Кʹьтеба Пироз, һʹöкöм бун сәр Лутер, Wилиам Тиндал, у Щон Калвин (wp16.6, рʹупʹ. 10-12).

Чь фьрqи һәйә ортʹа «фькьра бьнйатʹа мәрьвайе» у «фькьра рʹöһʹ»? (Рʹом. 8:6)

Әwед кö бь бьнийатʹа мәрьвайе дьжин, бьн һʹöкöме бәдәна хwәйә гöнәкʹарда дьжин. Һʹьш-аqьле wан тʹәне сәр хwәстьнед wан ә у әwана тʹьме дәрһәqа wан тьшта хәбәр дьдьн. Жийина öса ахьрийеда дьбә бәрбь мьрьне. Ле әw Мәсиһийед кö әʹмьре хwәда шьхöлед Хwәде у qьрара wи датиньн щийе пешьн, әwана бьн рʹебәрийа рʹöһʹе пирозда дьжин. Ахьрийа wан жийин у әʹдьлайи йә (w16.12, рʹупʹ. 15-17).

Әм чь дькарьн бькьн сәва дьһа кем хәма бькьн?

Тьштед лапи фәрз дайньн щийе пешьн, сәрwахт бьн у рʹаст сәр тьшта бьньһерʹьн, һәр рʹож хwәрʹа wәʹдә бьвиньн сәва һьнәки һеса бьн, ша бьн әʹфьринед Йаһоwарʹа, һәнәкчи бьн, спортева мьжул бьн, у тʹьме хәва хwә бьстиньн (w16.12, рʹупʹ. 22-23).

«Һәнох жь дьне һатә һьлатьне, кö мьрьне нәбинә» (Ибрн. 11:5). Гәло әw чь те һʹәсабе?

Ча те кʹьфше Хwәде öса кьр wәки жийина Һәнох öса бе сәкьнандьне кö әw нә жи һʹаш жь хwә һәбу у мьрьн нәдит (wp17.1, рʹупʹ. 12-13).

Чьрʹа гәләк фәрз ә wәки әм мьлук бьн?

Һәрге әм мьлук ьн, әw те һʹәсабе wәки әм хwә рʹьнд нас дькьн у синоред хwә заньн. Әм гәрәке фәʹм бькьн кö рʹабун-рʹуньштьна мә дькарә сәр мәрьвед майин һʹöкöм бә у әм гәрәке хwә сәр мәрьварʹа нәгьрьн (w17.01, рʹупʹ. 18).

Чь избат дькә wәки qьрʹна йәкеда Хwәде рʹебәри кʹома рʹебәрийе дькьр, у кö иро жи әw рʹебәрийе Кʹома Рʹебәрийе дькә?

Бь сайа рʹöһʹе пироз wана рʹастийед Ньвисара фәʹм кьрьн. Бь аликʹарийа мьлйакʹәта wана рʹебәри шьхöле бәлакьрьна мьзгинийе дькьрьн, у гава рʹебәри дьдан пәй Хәбәра Хwәде дьчун. Кʹома Рʹебәрийе иро жи öса дькә у әw избат дькә кö Хwәде рʹебәрийе wан дькә (w17.02, рʹупʹ. 26-28).

Чь мә һелан дькә кö дьһа зәʹф кʹьрʹин бьшекьриньн?

Чар тьшт һәнә: Кʹе әw кʹьрʹин да, чьрʹа әw һатә дайине, чь һатә qöрбанкьрьне, у ча әве кʹьрʹине һʹәwщәтийед мә рʹази кьр. Әм гәрәке бьфькьрьн сәр wан тьшта, сәва бьвиньн кö әв qöрбан кʹарәкә чьqас мәзьн тинә (wp17.2, рʹупʹ. 4-6).

Һәрге Мәсиһи тьштәк сафи кьр, әw дькарә сафикьрьна хwә бьгöһезә?

Әм гәрәке хwәйе гьлийе хwә бьн, ле щара лазьм ә сәр һьнә сафикьрьна диса кʹур бьфькьрьн. Мәсәлә, чахе щьмәʹта Нинеwайе гöнед хwә анинә рʹуйе хwә, Хwәде сафикьрьна хwә дәрһәqа wан гöһаст. Щара, дәрәщә йан жи информасйа тʹәзә дькарә мә һелан кә, кö сафикьрьна хwә бьгöһезьн (w17.03, рʹупʹ. 16-17).

Чьрʹа гәвәсти дькарә зийане бинә?

Гәвәсти дькарә чәтьнайе һе мәзьн кә. Фьрqи тʹöнә әм рʹаст ьн йан на, гәвәсти тʹö щар wе чәтьнайа сафи нәкьн (w17.04, рʹупʹ. 21).