Әзбәрикьрьна Рʹеза

Гәло тәрʹа щарна чәтьн ә, ԝәки тӧ щи йан хәбәред жь рʹезәке бини бира хԝә? Рʹеза кӧ тӧ дьгәрʹи, дьбәкә дьле тә рʹьһʹәт дькә, али тә дькә ԝәки тӧ фькьред нәбаш жь һʹьше хԝә дәрхи, йан дькарә бона кәсәки дьн керһати бә (Зәбур 119:11, 111). Дина хԝә бьдә һьнә ширәтед кӧ дькарьн али тә бькьн рʹеза бир нәки.

• Апликасийа JW Library^®-да, функсийа бь наве таг бьдә хәбате. Хԝәрʹа таг бь наве «Рʹезед Фәрз» чекә у рʹезед кӧ тӧ нахԝази бир ки, ԝедәре хԝәй кә.

• Рʹеза щики бәр чʹәʹв пева кә. Рʹеза кӧ тӧ дьхԝази әʹзбәри ки сәр кʹахазәки бьньвисә у щики ӧса пева кә, кӧ тʹьме бәр чʹәʹве тә бә. Һьнә кәс кʹахазед ӧса сәр нәйньке дьзәльԛиньн, һьнә кәс жи сәр дәрийе бузхане. Һьнәк һʹәз дькьн шькьле рʹезе бькʹьшиньн у сәр компӧтәр йан тʹела хԝә ча шькьле екране дайньн.

• Картед бьчʹук чекә. Щийе рʹезе сәр алики у ньвисара рʹезе жи сәр алийе дьн бьньвисә. Паше, щийе рʹезе бьньһерʹә у гьлийед ве рʹезе бинә бира хԝә, йан жи гьлийед рʹезе бьньһерʹә у бинә бира хԝә кӧ әв рʹез жь кʹидәре йә.