Ders 15

Alîkarên Kesên Din Bin Ku Ew Jî Daxwaziya Xwedê Bikin

Çima gereke, ku em çi hîn dibin, ji yên din re jî bibêjin? (1)

Ji kê re em dikarin mizgîna baş bidin? (2)

Çawa dikare rêveçûna we li ser kesên din tesîr û bandor bike? (2)

Kengê hûn dikarin bi civatê nasandina mizgîna baş bikin? (3)

1. Di vê mabeynê de hûn ji Pirtûka Pîroz pir tiştên baş hîn bûn. Divê ev zanyarî we dilxwaz bike ku hûn kesayetiyek mesîhî di xwe de perwerde bikin. (Efesî 4:22-24) Bo jîyana herdem û hetahetayî ev zanyarî pir giring û pêwîst e. (Yûhenna 17:3) Lê belê ku yên din jî azad bin, gerek ew jî mizgîna baş bibihîzin. Hemû mesîhiyên rast divên şahidetiyê bidin kesên din. Ew fermana Xwedê ye.—Romayî 10:10; 1. Korîntî 9:16; 1. Tîmotêyos 4:16.

2. Pêşîn hûn dikarin ji mirovên li rex û devera we ne, ji wan re van tiştên başên hûn hîn bûne bibêjin. Ji xizmên xwe re, ji dost û hevalên xwe re, ji hevalên xwendexanê re û ji hevalên kar re. Di vê hêlê de pêwîste ku hûn nazik û bisebir bin. (2. Tîmotêyos 2:24, 25) Ji bîr mekin ku pir caran mirov ne li pey gotinan lê belê li pey karên mirovan dimeşin. Lewma, rêveçûnên weyên baş dikarin mirovên ku hûn ji wan re mizgîna baş dibêjin bikşîne rastiyê.—Metta 5:16; 1. Petrûs 3:1, 2, 16.

3. Hêdî hêdî hûnê şert û mercên karên nasandina mizgîna baş, bi civata nêzîkî derdora we ya Şahidên Yahowa karibin bînin cîh. Ev di pêşveçûna we de gavek mezin e. (Metta 24:14) Wê çiqas dilşahiyek mezin be, eger hûn alîkarê kesên din bibin ku ew jî bibin xulamê Yahowa û bigîhîşin jîyana herdem û hetahetayî!—1. Selanîkî 2:19, 20.