Em Çawa Dikarin Riya Rast Bibînin?

1. Ma riya rast tenê yek e?

Wek Îsa pêxember gotibû, riya heyata bêdawî yek e û “yên ku wê dibînin hindik in” (Metta 7:14). Xwedê tenê îbadeta li gor Kitêba Pîroz qebûl dike. Hemû xizmetkarên Xwedê li ser vê riya rast di yekîtiyê de ne.​—Yûhenna 4:23, 24; 14:6; Efesî 4:4, 5 bixwîne.

Li vîdeoya Gelo Xwedê Hemû Dîn û Baweriyan Qebûl Dike? temaşe bike.

2. Îsa pêxember li ser dîn û baweriyên sexte çi got?

Îsa pêxember ji berê de gotibû ku pêxemberên sexte wê riya rast xera bikin. Ew wek xizmetkarên Xwedê xuya dikin, û ew dibêjin ku riya wan rast e. Lê tu dikarî bi hêsanî tê derxî ku ew bi rastî çi cure mirov in. Çawa? Tenê kesên ku li ser riya rast in bi hal û hereketên xwe nîşan didin ku ew bi rastî xizmetkarên Xwedê ne.​—Metta 7:13-23 bixwîne.

3. Tu çawa dikarî tê derxî ku xizmetkarên Xwedê kî ne?

Ji kerema xwe re, bala xwe bide van pênc nuqteyan:

• Ew Kitêba Pîroz wek Peyva Xwedê qebûl dikin. Ew xîret dikin ku heyata xwe, ne li gor fikrên însanan, lê li gor gotinên Kitêba Pîroz bajon (Metta 15:7-9). Gotin û kirinên wan yek in.​—Yûhenna 17:17; 2. Tîmotêyos 3:16, 17 bixwîne.

• 

  Ew navê Xwedê bilind dikin. Pêxemberên wek Mûsa, Dawid û Îsa dizanibû ku navê Xwedê Yehowa ye, û wan ev nav bilind dikir û dida nas kirin (Yûhenna 17:26). Îro kî navê Xwedê didin nas kirin?​—Zebûr 148:5; Romayî 10:13, 14 bixwîne.

• Ew mizgîna Padîşahiya Xwedê belav dikin. Tenê Padîşahiya Xwedê dikare problemên dinyayê hel bike. Îsa pêxember heta roja mirina xwe behsa vê Padîşahiyê dikir (Lûqa 4:43; 8:1; 23:42, 43). Wî gotibû ku şagirtên wî jî wê mizgîna vê Padîşahiyê belav bikin. Bi dîtina te, îro kî Padîşahiya Xwedê li seranserê dinyayê îlan dikin?​—Metta 24:14 bixwîne.

• Ew ne aîdî vê dinyaya xerab in. Mesela, ew nakevin siyasetê (Yûhenna 17:16; 18:36). Wekî din, ew ji fikir û kirinên xerab ên vê dinyayê dûr disekinin.​—Aqûb 4:4 bixwîne.

• Ew ji hevdû hez dikin. Wek Kitêba Pîroz hîn dike, ew mirovan li gor kok û ziman cihê nakin, lê qedrê her kesî digirin. Dîn û baweriyên sexte gelek caran piştgiriya cengan dikin, lê xizmetkarên Xwedê wisa nakin (Mîka 4:1-3). Li şûna vê, şagirtên Îsa bi fedakarî alî mirovan dikin.​—Yûhenna 13:34, 35; 1. Yûhenna 4:20 bixwîne.

4. Bi dîtina te, riya rast kîjan e?

Kîjan dîn xwe bi temamî dispêre Kitêba Pîroz? Kî navê Xwedê bilind dikin û dibêjin ku tenê Padîşahiya Xwedê dikare problemên dinyayê hel bike? Ferdên kîjan dînî ji mirovan hez dikin û ji cengan dûr disekinin? Tu wan nas dikî?​—1. Yûhenna 3:10-12 bixwîne.