DEST BI SOHBETÊ BIKE
DERS 6
Bêtirs Be
Prensîp: “Me ji Xwedayê xwe cesaret stand ku em … Mizgîniya Xwedê ji we re bêjin” (1. Selanîkî 2:2).
Îsa Mesîh Çi Kir?
1. Li VÎDEOYÊ temaşe bike yan Lûqa 19:1-7 bixwîne. Paşê li ser van pirsan bifikire:
Gelo çima hin kesan ji Zexayos hez nedikir?
Çima Îsa xwe dûrî wî negirt û li ser mizgînê bi wî re xeber da?
Em Dikarin ji Îsa Mesîh Çi Bielimin?
2. Ji me re wêrekî lazim e ku ferq û cudahiyê nexin di nav mirovan de û mizgînê bidin her kesî.
Wek Îsa Mesîh Bike
3. Xwe bispêre Yehowa. Yehowa ruhê pîroz da Îsa ku ew mizgînê belav bike. Û ew dikare qewetê bide me jî (Met. 10:19, 20; Lûqa 4:18). Eger em bitirsin ku mizgînê belav bikin, em dikarin ji Yehowa re dua bikin ku ew cesaretê bide me (Kar. 4:29).
4. Mizgînê bê pêşhukim belav bike. Mesela, ji ber kinc, şekil û şemala mirovan, halê wan ê madî, şeklê jiyana wan yan ji ber dîn û baweriya wan, belkî em naxwazin mizgîne bidin wan. Lê ji bîr neke:
Em nizanin ku di dilê mirovan de çi heye, vê yekê tenê Yehowa û Îsa dizanin.
Yehowa dikare ji her kesî re dilrehmiyê nîşan bide.
5. Biqedir be û hay ji xwe hebe (Met. 10:16). Nekeve minaqeşeyê. Eger kesek naxwaze guh bide me yan jî em xwe di talûkeyê de hîs dikin, sohbeta xwe bi nazikî xelas bikin û ji wir herin (Mtl. 17:14).