Dilê Xwe Hazir Bike

Gava em Kitêba Pîroz lêkolîn dikin, em dixwazin ku fikrên Yehowa ser dilê me tesîr bikin. Ezra di vî warî de ji me re emsaleke baş bû. Kitêba Pîroz dibêje ku wî “dilê xwe dabû ser hînbûn û pêkanîna Şerîeta Xudan” (Esra 7:10). Gelo em çawa dikarin dilê xwe hazir bikin?

Dua bike: Berî lêkolînê dua bike. Ji bo fehmkirin û pêkanîna tiştên ku tu hîn dibî ji Yehowa alîkariyê bixwaze (Zebûr 119:18, 34).

Dilnizm be: Xwedê rastiyê ji kesên qure, yên ku xwe dispêrin aqlê xwe, vedişêre (Lûqa 10:21). Armanca lêkolînê gerek ne ev be ku tu bikevî çavan. Gava tu dibînî ku fikrên te ne li gor fikrên Xwedê ne, xwe bi dilnizmî serrast bike.

Guh bide kilameke me: Kilam dikarin ser hîsên te tesîr bikin. Loma, eger tu berî lêkolînê guh bidî kilamekê, ev yek dikare alî te bike, da ku tiştên ku tu hîn dibî ser dilê te tesîr bikin.