DERS 34
Em Çawa Dikarin Nîşan Bidin ku Em ji Yehowa Hez Dikin?
Ji wexta ku te dest bi lêkolîna Kitêba Pîroz kiriye û vir ve, gelo tu zêdetir nêzîkî Yehowa bûyî? Gelo tu dixwazî dostaniya xwe ya bi wî re xurttir bikî? Ji bîr neke ku tu çi qas zêde ji Yehowa hez bikî, ewê jî ew qas zêde ji te hez bike û li te xwedî derkeve. Tu çawa dikarî ji Yehowa re nîşan bidî ku tu ji wî hez dikî?
1. Em çawa dikarin ji Yehowa re nîşan bidin ku em ji wî hez dikin?
Gava ku em guh didin Yehowa, em nîşan didin ku em ji wî hez dikin (1. Yûhena 5:3 bixwîne). Yehowa tu kesî mecbûr nake ku ew bi ya wî bike. Li şûna vê, ew fersendê dide me ku em bi xwe hilbijêrin ka em guh bidin wî yan na. Gelo çima? Çimkî Yehowa ji me dixwaze ku em “ji dil û can” guh bidin wî (Romayî 6:17). Bi gotineke din, ew dixwaze ku em, ne ji mecbûrî, lê ji hezkirinê, li ser rêya wî bimeşin. Eger em ji Yehowa hez bikin, emê tiştên ku li wî xweş tên bikin û ji tiştên ku ew ji wan ne razî ye, dûr bisekinin. Qismên 3 û 4an wê alî me bikin ku em hezkirina xwe ji Yehowa re nîşan bidin.
2. Çima carinan ji bo me zehmet e ku em hezkirina xwe ji Yehowa re nîşan bidin?
Kitêba Pîroz dibêje: “Gellek in derdê rastan” (Zebûr 34:19). Em gişt li hemberî qisûr û kêmasiyên xwe li ber xwe didin. Belkî ji bo me zehmet e ku em debara mala xwe bikin, yan jî belkî em rastî bêedaletî û problemên din tên. Gava ku barê me giran dibe, belkî ji bo me zehmet e ku em li gor xwestina Yehowa bimeşin. Carinan ji bo me ya herî rihet ew e ku em li ser rêya şaş bimeşin. Lê eger tu xwe bispêrî Yehowa û bi ya wî bikî, tuyê nîşan bidî ku tu ji her tiştî zêdetir ji wî hez dikî. Bi vî awayî, tuyê îsbat bikî ku tu dixwazî ji wî re dilsoz bimînî, û helbet Yehowa jî wê ji te re dilsoz be û tu caran terka te neke (Zebûr 18:25 bixwîne).
HÛR Û KÛR BIFIKIRE
Gava em guh didin Yehowa, çima ew dilxweş dibe? Gelo çi dikare alî me bike ku em ji wî re dilsoz bimînin?
3. Îblîs dilsozî û niyeta dilê te dixe bin şik û gumanan
Li gor Kitêba Pîroz, Îblîs ne tenê dilsozî û niyeta dilê Eyûb pêxember, lê ya hemû kesên ku dixwazin ji Yehowa re îbadetê bikin, xistiye bin şik û gumanan. Eyûb 1:1, 1:6–2:10 bixwîne û li ser van pirsan sohbetê bikin:
Li gor gotinên Îblîs, yanî Şeytan, gelo Eyûb çima guh dida Yehowa Xwedê? (Li Eyûb 1:9-11 binêre.)
Îblîs dilsozî û niyeta dilê hemû însanan û ya te jî çawa dixe bin şik û gumanan? (Li Eyûb 2:4 binêre.)
Eyûb 27:5b bixwîne û li ser vê pirsê sohbetê bikin:
Eyûb pêxember çawa îsbat kir ku ew ji dil ji Yehowa hez dike?
Wexta ku Eyûb pêxember ji Yehowa re dilsoz ma, wî îsbat kir ku ew ji Yehowa hez dike
Wexta ku em ji Yehowa re dilsoz dimînin, em nîşan didin ku em ji wî hez dikin
4. Dilê Yehowa şa bike
Methelokên Silêman 27:11 bixwîne û li ser van pirsan sohbetê bikin:
Gava tu ji dil guh didî Yehowa, gelo dilê wî şa dibe? Çima?
5. Tu dikarî ji Yehowa re dilsoz bimînî
Ji ber ku em ji Yehowa hez dikin, em ji kesên din re behsa wî dikin. Heta di wextên zehmet de jî, dilsoziya me ya ji Yehowa re alî me dike ku em ji kesên din re behsa wî bikin. VÎDEOYÊ vêxe û li ser van pirsan sohbetê bikin:
Gelo carinan ji bo te zehmet e ku tu ji kesên din re behsa Yehowa bikî?
Di vîdeoyê de, çi alî zilamekî kir ku ew ji tirsa însanan xelas bibe?
Eger em ji tiştên ku Yehowa ji wan hez dike, hez bikin û ji tiştên ku ew ji wan nefret dike, nefret bikin, wê çaxê wê ji bo me hêsantir be ku em ji wî re dilsoz bimînin. Zebûr 97:10 bixwîne û li ser van pirsan sohbetê bikin:
Wek ku tu heta niha hîn bûyî, tiştên ku Yehowa ji wan hez dike, çi ne? Hin tiştên ku ew ji wan nefret dike, çi ne?
Çi alî te dike ku tu ji qenciyê hez bikî û ji xerabiyê nefret bikî?
6. Eger em guh bidin Yehowa, emê xêrê bibînin
Guhdayîna ji Yehowa re tim ji bo xêr û selametiya me ye. Îşaya 48:17, 18 bixwîne û li ser van pirsan sohbetê bikin:
Tu çi difikirî, gelo Yehowa dizane ku ji bo me ya herî baş çi ye?
Heta niha, çi feydeya van tiştên ku tu li ser Yehowa Xwedê û Kitêba Pîroz hîn bûyî, ji bo te heye?
HINEK WISA DIBÊJIN: “Ma ez kî me ku ez bi kirinên xwe dilê Xwedê xweş bikim?”
Teyê bi kîjan ayetê nîşan bidaya ku kirinên me dikarin dilê Yehowa xweş bikin yan xemgîn bikin?
BI ÇEND GOTINAN
Eger tu guh bidî Yehowa û li hemberî zor û zehmetiyan ji wî re dilsoz bimînî, tuyê îsbat bikî ku tu bi rastî ji wî hez dikî.
Tu çi elimî?
Tu ji mîsala Eyûb pêxember çi hîn bûyî?
Tu çawa dikarî hezkirina xwe ji Yehowa re nîşan bidî?
Çi dikare alî te bike ku tu ji Yehowa re dilsoz bimînî?
ZÊDETIR HÎN BIBE
Tu çawa dikarî ji Yehowa û ji civatê re dilsoz bimînî?
Gelo Şeytan hemû însanan bi çi sûcdar dike?
“Eyûb ji Yahowa Xweda re Dilsoz Dimîne” (Pirtûka Pîroz —Kîjan Peyamê Radigihîne?, beş 6)
Zarok jî dikarin ji Yehowa re nîşan bidin ku ew ji wî hez dikin.
Keç û xort çawa dikarin li hemberî rûreşiya hevalên xwe dilsoz bimînin?