Sohbeta Xwe bi Xwezayî Dewam Bike

Filîpos Çi Kir?

VÎDEO: Filîpos bi Zilamekî Etyopiyayî re li ser Xebera Xêrê Xeber Dide

1. Li VÎDEOYÊ temaşe bike yan Karên Şandiyan 8:30, 31 bixwîne. Paşê li ser van pirsan bifikire:

1. Filîpos çawa dest bi sohbeta xwe kir?

2. Çima em dikarin bibêjin ku Filîpos sohbeta xwe bi awayekî xwezayî dest pê kir? Û vê yekê çawa alî vî zilamî kir ku rastiyeke nû qebûl bike?

Em Dikarin ji Filîpos Çi Bielimin?

2. Eger em sohbeta xwe bi xwezayî dewam bikin, belkî kesê ku em pê re sohbetê dikin wê xwe li cem me rihet hîs bike û bixwaze guh bide xebera xêrê.

Wek Filîpos Bike

3. Baş bala xwe bidê. Ji hal û hereketên mirovan em dikarin li ser wan gelek tiştan bielimin. Mesela, em dikarin fehm bikin ka ew kes dixwaze bi me re sohbetê bike yan na. Tu dikarî bi destê vê pirsê bala wan bikişînî ser Kitêba Pîroz: “Gelo te bihîstiye ku …?” Eger ew kes nexwaze bi te re sohbetê bike, zorê lê neke.

4. Bisebir be. Nefikire ku tu mecbûr î bi ecele behsa Kitêba Pîroz bikî. Li benda wexteke minasib bisekine ku tu vêya bi awayekî xwezayî bikî. Carinan lazim e ku tu li benda sohbeteke din bimînî.

5. Hazir be ku xeberdana xwe eyar bikî. Carinan kesê ku tu pê re xeber didî dikare behsa mijareke din bike. Di halekî wisa de, hazir be ku tu li ser vê mijarê rastiyeke Kitêba Pîroz nîşanî wî bidî.