Qisim 12 Pêşgotin

Îsa ji mirovan re behsa Hukimdariya ezmanan dikir. Wî ew dielimandin ku ji bo pîrozkirina navê Xwedê, hatina Hukimdariya wî û bicihhatina daxwaza wî ya li ser rûyê erdê dua bikin. Eger zarokên we hebin, ji wan re zelal bikin ku maneya vê duayê ji bo me çi ye. Gava Şeytan Îsa ceriband, Îsa ji Xwedê re dilsoz ma. Îsa şandiyên xwe hilbijartin û ew bûn endamên pêşîn ên Hukimdariya Xwedê. Bala xwe bidin xîreta Îsa ya ji bo îbadeta rast. Ji ber ku Îsa dixwest alî kesên din bike, wî nexweş qenc dikirin, birçî têr dikirin û heta mirov ji mirinê jî radikirin. Bi van mucîzeyan, wî nîşan dida ku Hukimdariya Xwedê wê ji bo me çi bike.