DERS 58
Ji Yehowa re Dilsoz Bimîne
Em dixwazin bi dilsozî ji Yehowa re îbadetê bikin. Loma em qet nahêlin ku kesek yan tiştek navbera me û Yehowa xera bike. Bê şik û bê guman tu jî dixwazî ji Yehowa re dilsoz bimînî. Yehowa gelek qîmetê dide dilsoziya te (1. Dîrokan 28:9 bixwîne). Di kîjan hal û rewşan de belkî ji bo te zor e ku tu ji wî re dilsoz bimînî? Gelo çi dikare alî te bike?
1. Hin kes çi dikin ku dilsoziya me ya ji Yehowa re xera bikin?
Hin kes dixwazin me ji îbadeta Yehowa dûr bixin. Gelo ew kî ne? Hin kesên ku ji rêya rastiyê derketine li ser teşkîlata Yehowa derewan dibêjin, da ku îmana me tune bikin. Ji wan re serhildêrên li hemberî rastiyê tê gotin. Wekî din, hin zilamên dînî jî li ser me derewan belav dikin. Eger em hay ji xwe nebin, emê bi derewên wan bawer bikin û dev ji îbadeta Yehowa berdin. Ji bo me pir bizerar e ku em bi muxalifan re munaqeşe bikin, kitêbên wan yan fikrên wan di Înternetê de bixwînin, yan jî li fîlmên wan mêze bikin. Îsa Mesîh li ser kesên ku dixwazin me ji rêya Yehowa derxin wisa gotibû: “Dev ji wan berdin! Ew kor in, rêberên koran in. Eger kor rêberiya yê kor bike, herdu jî wê bikevin çalê” (Meta 15:14).
2. Em çawa dikarin nîşan bidin ku em ji Yehowa re dilsoz in?
Ji ber ku em ji Yehowa hez dikin, em bi her awayî ji dînê sexte dûr dikevin. Gerek karê me, teşkîlatên ku em endamên wan in yan jî fealiyetên me yên din, bi dînê sexte ve girêdayî nebin. Yehowa me bi van gotinan hişyar dike: “Ya gelê min, ji wê [Babîla Mezin], derkevin” (Peyxam 18:2, 4).
HÛR Û KÛR BIFIKIRE
Çi dikare alî te bike ku tu kes dilsoziya te ya ji Yehowa re xera neke? Çi eleqeya derketina ji Babîla Mezin bi dilsoziya te ve heye?
3. Li hemberî derewkaran hişyar be
Gava ku em li ser teşkîlata Yehowa tiştên xerab bibihîzin, gerek em çi bikin? Methelokên Silêman 14:15 bixwîne û li ser vê pirsê sohbetê bikin:
Çima gerek em bi her tiştê ku dibihîzin bawer nekin?
2. Yûhena 9-11 bixwîne û li ser van pirsan sohbetê bikin:
Gerek em li ser serhildêrên li hemberî rastiyê çawa bifikirin?
Eger eleqeya me rasterast bi serhildêrên li hemberî rastiyê ve tune be jî, gelo fikrên wan çawa dikarin bigihîjin me?
Eger em guh bidin derewên ku li ser Yehowa û teşkîlata wî tên gotin, gelo Yehowa wê li ser me çi bifikire?
4. Gava xwişk yan birayek guneh bike, ji Yehowa re dilsoz bimîne
Eger xwişk yan birayek gunehekî giran bike û tu pê bihesî, gerek tu çi bikî? Bala xwe bide vê pîvan û prensîpa ku Xwedê dabû Îsraêla berê (3. Mûsa 5:1 bixwîne).
Li gor vê ayetê, eger xwişk yan birayek gunehekî giran bike û em pê bihesin, gerek em vê yekê ji rîspiyan re bibêjin. Berî vê yekê, gerek em ji ber hezkirinê şîretê bidin wî kesî û bibêjin gerek ew here cem rîspiyan û gunehê xwe ji wan re îtiraf bike. Eger ew wisa neke, gerek dilsoziya me ya ji Yehowa re me dehf bide ku em vê meseleyê ji rîspiyan re bibêjin. Bi vî awayî, em çawa hezkirina dilsoz …
ji Yehowa Xwedê re nîşan didin?
ji kesê ku guneh kiriye re nîşan didin?
ji xwişk û birayên din re nîşan didin?
Eger xwişk yan birayek bikeve ser rêya şaş, alî wî bike!
5. Ji Babîla Mezin bi temamî derkeve
Lûqa 4:8 û Peyxam 18:4, 5 bixwîne û cewabên van pirsan bide:
Gelo ez hê jî endamekî dînê sexte me yan tev li fealiyetên wan dibim?
Gelo ez endamê komele yan teşkîlatekê me, ya ku bi dînê sexte ve girêdayî ye?
Gelo ez bi karê xwe dînê sexte destek dikim?
Gelo hewce ye ku ez di warekî din de ji dînê sexte qut bibim?
Eger cewaba yek ji van pirsan erê be, gerek tu çi bikî?
Di her halekî de, qerareke wisa bide ku wijdanê te rihet be û tu ji Yehowa re dilsoz bimînî.
Gelo teyê bexş bidaya teşkîlateke dînî ya xêrxwaz?
HINEK WISA DIBÊJIN: “Eger ez bizanibim serhildêrên li hemberî rastiyê çi dibêjin, ezê îbadeta Yehowa baştir biparêzim.”
Ma hîkmetek di van gotinan de heye? Tu çima wisa difikirî?
BI ÇEND GOTINAN
Ji bo ku em ji Yehowa re dilsoz bimînin, gerek em ji kesên ku dixwazin me ji rê derxin, dûr bisekinin.
Tu çi elimî?
Çima gerek em guhdariya fikrên serhildêrên rastiyê nekin?
Eger em pê bihesin ku xwişk an birayekî gunehekî giran kiriye, divê em çi bikin?
Em çawa dikarin guh bidin qanûna Yehowa û ji dînê sexte derkevin?
ZÊDETIR HÎN BIBE
Eger kesên din li ser Şahidên Yehowa derewan belav bikin, gerek em çawa hereket bikin?
“Bilez bi Her Tiştî Bawer Nebe!” (Birca Çavdêriyê, Tebax 2018)
Em ji ku dizanin ka teşkîlatek yan fealiyetek piştgiriya Babîla Mezin dike?
“Li Dawiya ‘Rojên Dawîn’ bi Îşê Xudan Mijûl Bibe” (Birca Çavdêriyê, Cotmeh 2019, paragraf 16-18)
Hin muxalif çawa hewl didin ku îmana me sist bikin?
Keşîşekî Şîntoyî dibêje ku ew çima ji dînê sexte derketiye. Meqaleya bi navê “Ez ji Zaroktiya Xwe ve li Xwedê Digeriyam” bixwîne.
“Kitêba Pîroz Jiyanê Diguherîne” (Birca Çavdêriyê, 1 Tîrmeh 2011)