Ezberkirina Ayetan

Gelo li te carinan zor tê ku tu cih yan gotinên ayetekê bînî bîra xwe? Ayeta ku tu lê digerî belkî dilê te rehet dike, alî te dike ku tu fikrên nebaş ji hişê xwe derxî yan dikare ji bo kesekî din bifeyde be (Zebûr 119:11, 111). Ka bala xwe bide hin tewsiyeyên ku dikarin alî te bikin ku tu ayetan ji bîr nekî.

• Di programa JW Library^® de, fonksiyona etîketan bi kar bîne. Ji xwe re etîketeke bi navê “Ayetên Muhîm” çêke û ayetên ku tu naxwazî ji bîr bikî li vir xwedî bike.

• Ayetê li cihekî li ber çavan bizeliqîne. Ayeta ku tu dixwazî ezber bikî li ser kaxizekê binivîse û li cihekî minasib pêve bike. Hin kes kaxizên wisa li ser neynikê dizeliqînin, hin kes jî li ser deriyê dolabê. Hinek hez dikin ku resmê ayetê bikişînin û li ser kompîtur yan telefona xwe wek resmê ekranê bi kar bînin.

• Ji xwe re kartên biçûk hazir bike. Cihê ayetê li ser rûyekî, gotinên ayetê jî li ser rûyê din binivîse. Paşê, li cihê ayetê binêre û gotinên ayetê bîne bîra xwe yan jî li gotinên ayetê binêre û bîne bîra xwe ku ev ayet li ku derê ye.