Lêkolîn Bike û Parve Bike

Em jixwe ji lêkolîna Kitêba Pîroz kêfê distînin, lê eger em tiştên ku em hîn dibin bi kesên din re parve bikin, emê hê jî zêdetir kêfê bistînin. Bi zimanekî mecazî, Methelokên Silêman 11:25 li ser dayîn û standina teşwîqê wisa dibêje: “Kesê av dide kesê din, wê avê bistîne.”

Gava em tiştên ku em hîn dibin bi kesên din re parve dikin, li me hêsantir tê ku em wan di bîra xwe de xwedî bikin û zanîna xwe zêde bikin. Wekî din, gava em fikrên ku ji bo kesên din bifeyde ne, bi wan re parve dikin, em “dilxweşiya dayînê” tehm dikin (Karên Şandiyan 20:35).

Ka vêya biceribîne: Heftiya bê, li fersendekê bigere ku tu tiştên ku tu hîn bûyî bi kesekî din re parve bikî – mesela bi xwişk yan birayekî re, bi hevalkar yan hevaldersekî xwe re, bi cîranekî xwe re yan bi kesekî ku tu di xizmetê de rastî wî têyî re. Xîret bike ku tu melûmatê bi gotinên xwe û bi awayekî hêsan û zelal bînî zimên.

Ji bîr neke: Bila armanca te ne ev be ku mirov ji te re heyran bimînin, lê ev be ku tu wan teşwîq bikî (1. Korîntî 8:1).