PARA 6

Ji bûyîna Îsa heta mirina wî

Milyaketekî bi navê Cibrayîl hate bal qîzekê bedew navê wê Meryem bû. Cibrayîl gote wê ku, pêra wê zar bibe, yê ku bibe padşa û heta-hetayê wê padşatiyê bike. Îsa di tewlêda hate bûyînê, û paşê li vir şivan hatin ku serîkî wî xin. Hine wede şûnda, çend meriyêd ji rohilatêra steyrk xuya bû. Ev steyrk wana bire heta Îsa. Usa jî emê pêbihesin ku bi rastiyê kî usa kir wekî steyrk bê kivşê û ça Îsa ji mirinê hate xilazkirinê.

Paşî emê bivînin, ça Îsayê 12 salî tevî dersdara di paristgehêda xever dida. Weke hîjdeh sal derbaz dibin û Îsa tê nixumandinê, paşê ew destpêdike derheqa Padşatiyê dannasîn bike, çimkî Xwedê hema seva vê yekê Îsa şande erdê. Paşê Îsa 12 mêra dijbêre wekî ewana alî wî bikin. Paşwextiyê ewana dibine şandiyêd wî.

Îsa gele keremeta dikir. Ew hezar-hezara meriya bi çend mesiyêd biçûk û hine nan têr dikir. Ew nexweşa qenc dikir, û miriya jî sax dikir. Îsa weke sê sal û nîv dannasîn kir. Û xilaziyê emê hê kûr pêbihesin derheqa emirê Îsa û ça ew hate kuştinê. Di Para ŞEŞADA 34 salêd terîxiyê tê gilî kirinê.