Gelo Paşî Mirinê Heye Jîyîn?

NIHÊRANDINA meriya li ser jîyîn û mirinê gelek ji hev cude dibe. Hineka tirê ku paşî mirinê ewana wê bi cûrekî teze, yan li cîkî din berdewam kin bijîn. Hinek jî difikirin, ku ewana qalibê kesekîda, wê tezeda bêne bûyînê. Hene yên usa jî ku difikirin, wekî bi mirinê hemû tişt xilaz dibe.

Lê nihêrandina te ser vê pirsê çawa ne? Hemikî ev yek kûltûra teva girêdayî ye û wê yekêva, ku çawa te mezin kirine. Lê gelo kî yan çi dikare alî te bike, ku cabeke rast bistînî?

Îda çiqas wext e, serwêrên rêlîgiyayê hîn dikin, wekî paşî mirinê nefsa meriya berdewam dike dijî. Peyçûyên rêlîgiyên mezin, yên usa ça: Mesîhî, Hindû, Cihû, Misilman û yên din bawer dikin, ku paşî mirina bedenê, meriv berdewam dike ça ruh li ezmana dijî. Lê Budîzm hîn dike ku meriv tezeda dîsa û dîsa têne bûyînê, bi saya çi jî ênêrjiya yan qewata ku hindurê wanda ne, digihîje rihetiyê û bêxemgîniyê. Û halekî usa meriv nav dikin Nîrvana.

Ser hîmê hînkirinên vî cûreyî, gelek meriv nav temamiya dinyayêda destpêkirin bawer kin, ku mirin ça bêjî mecaleke teze dide, wekî dinyake dinda bijîn. Seva gelek meriya, mirin ev para jîyînê ye û wana tirê ku ev qirara Xwedê ye. Lê Kitêba Pîroz derheqa vê yekê çi dibêje? Ji kerema xwe gotara din bixûnin û dibe ku caba vê pirsê, we ecêbmayî ke.