Çawa Cotên Zewicî Dikarin Zewaca Xwe Qewî kin

Birahîm û Sera meseleke baş in bona wan cotên zewicî, yên ku hev hiz dikin û qedirê hev zanin (Dsp. 12:11-13; 1 Pt. 3:6). Hemikî zewaca wanda hemû tişt hêsa nîbû û ewana rastî çetinaya jî dihatin. Cotên zewicî çi dikarin hîn bin ji mesela Birahîm û Serayê?

Dilê xwe hevra vekin. Hergê hevalzewacê te bi hêrs caba te dide, bi milûktî xwe bidine kifşê (Dsp. 16:5, 6). Tevayî wede derbaz kin. Bi gilî û kirên xwe îzbat ke, wekî tu hewalzewacê xwe hiz dikî. Xêncî wê yekê bixebitin ku zewaca weda Yehowa ciyê pêşin bigire. Tevayî lêkolîna Kitêba Pîroz bikin, tevayî dua bikin û xizmet kin (Wz. 4:12). Bi zewaca qewî, Yehowa hurmet-rûmet dibe, çimkî ew e sazkarê malbetê.

BINIHÊRIN VÎDÊO “ZEWACA XWE QEWÎ KIN”, Û PAŞÊ CABA WAN PIRSA BIDIN:

• Çi cûreyî ji vê vîdêoyê hate kifşê, wekî dilê Şahan û Kîyara, hêdî-hêdî ser hev sar dibû?

• Çima ferz e zewacêda dilê xwe hevra vekin?

• Çi cûryî mesela Birahîm û Serayê, alî Şahan û Kîyara kir?

• Şahan û Kîyara ji alyê xweda çi kirin, seva ku zewaca xwe qewî kin?

• Çima mêr û jin gerekê hîviyê nîbin, ku zewaca wanda hemû tişt wê pir baş be?