Jîyîna Bêxof Xwestina Her Kesî ye
Hûn hizreta çi cûre axirî ne? Mîna gelek meriva, hûn jî bêşik jîyîna baş bona xwe û neferên xwe dixwazin, dêmek jîyîna bextewar, sihet-qewata baş, edilayî, û halxweşî.
Lê gelek meriv dudilî dibin, wekî axiriya baş hîviya wan e. Çira? Çimkî ewana divînin ku ça her tişt nişkêva dikare bê guhastinê. Mesele, pandemiya COVID-19 halê meriva nav temamiya dinyayê usa xirab kir, ku gelek meriv nikarin ebûra xwe bikin, û geleka emirê xwe unda kirin. Lema jî gelek meriv bin tirsêda dijîn û gumana xwe unda kirine ku axiriya wan wê bê tirs û xof be.
Ji bo vê tevlihevbûnê, meriv pey wan tişta dikevin, çi ku bi nihêrandina wan wê jîyîneke baş wanra bîne. Hinek bawer dikin, wekî qewatên ku nayêne dîtinê jîyîna wan kontrol dikin, mesele, bext yan felek. Hinek jî pey xwendina bilind û hebûkê dikevin, çimkî difikirin wekî ev tişt wê xwestinên wan bînin sêrî. Yên din jî difikirin wekî heger ewana merivne heyf bin, ev yek wê halxweşî wanra bîne.
Lê gelo bi saya wan tişta hûn bi rastî dikarin bigihîjine jîyîna baş? Seva ku vê yekê pêbihesin, lazim e hûn cabên wan pirsa bistînin:
Bi rastî axiriya we çiva girêdayî ye?
Xwendina bilind û hebûk dikarin bextewariyê wera bînin?
Heger hûn merivne heyf bin, ev yek wê wera axiriya bêxof û bextewar bîne?
Hûn dikarin îtbariya xwe kîjan rêberî û şîreta bînin, wekî axiriya we bêxof be?
Ev jûrnala “Birca Qerewiliyê” wê alî we bike caba van pirsa bistînin.