4. Gelo Qirara Xwedê Ew bû ku Em Biçerçirin?

Çima Ev Yek Ferz e

Caba vê pirsê hukum dibe ser nihêrandina me hindava jîyînê.

Derheqa vê yekê Bifikirin

Gelo ev yek logîkî ye, wekî Xwedayê ku her tişt usa bedew efirandiye, bona me kul-derd qirar kiriye?

Merivên bêbawer dibêjin, wekî kul-derd îzbatkirina wê yekê ye, ku Xwedê bona me xem nake. Li gora nihêrandina wan, kul-derd eyan dikin, wekî (1) ji qewata Xwedê der e kul-derda bide sekinandinê, (2) xema Xwedê nîne evê yekê bide hildanê, yan jî (3) Xwedê tune.

Lê gelo ev yek rast e?

Kitêba Pîroz Çi Dibêje

Xwedê em neefirandine bona kul-derda.

Ew dixwaze ku em ji jîyîna xwe lezetê bivînin.

“Bona wan ji kêfxweşîbûnê û heta ku rojên wan hene başî kirinê hîn jî qenctir tiştekî nîne. Him jî xwarin û vexwarina her zilamî û ji hemûya keda xwe qencî dîtin, dayîna Xwedê ye” (WAÎZ 3:12, 13).

Xwedê her tişt dabû merivên pêşin, wekî bê kul-derd bijîn.

Xwedê qirar nekiribû, ku merivên pêşin û zuretên wan biçerçirin.

“Xwedê wanra got: ‘Şîn bin û li hev zêde bin, erdê tijî kin û xweyîtîyê lê bikin’” (DESTPÊBÛN 1:28).

Merivên pêşin nexwestin gura Xwedê bikin û safî kirin xweserîxwe bijîn.

Rûyê vê yekêda wana xwera û hemû zuretên xwera kul-derd anîn.

“Çawa bi merivekî gune kete dinê û ji gune jî mirin hat, usa jî mirin ser hemû meriva bela bû, çimkî hemûya jî gune kir” (ROMAYÎ 5:12).a

Xwedê meriv usa neefirandiye, ku bikaribe rêberiyê emirê xwe bike.

Meriv usa nehatiye efirandinê, wekî serwêrtiyê ser merivên din bike, anegorî wê yekê ku meriv nikarin bin avêda bijîn.

“Gavên xwe rastkirin, ne di destê mirovê ku dimeşe de ye” (YÊREMYA 10:23).

Xwedê naxwaze em biçerçirin.

Xwedê dixwaze em usa bijîn, ku bikaribin xwe ji problêma dûr bigirin.

“Xwezîka te emirên min baş guhdarî bikirana! Dê wê gava selameta te mîna çem û . . . mîna lehiyên behrê bibûna” (ÎŞAYA 48:18).