Çi Hûn Derheqa Axiriyê Dişirmîş Dibin?

KITÊBA PÎROZ ÇI DIBÊJE

“Xwedê . . . ji çevên wan hemû hêsirên wan paqij ke û îdî mirinê tunebe, ne şîn, ne girî, ne êş-êşûk, çimkî tiştên berê derbaz bûn” (Eyantî 21:3, 4).

SEVA WE EV ÇI TÊ HESABÊ

Hemû tiştî çi ku hûn bikin, wê lezetê wera bîne û hewas be (Îşaya 65:21-23).

Tu nexweşî û kul-derd îda wê tune bin (Îşaya 25:8; 33:24).

Hûnê bistînin jîyîna bextewar û heta-hetayê, tevî malbet û hevalên xwe (Zebûr 37:11, 29).

LÊ GELO EM DIKARIN ÎTBARIYA XWE KITÊBA PÎROZ BÎNIN?

Belê, û seva vê yekê du menî hene:

• Qewata Xwedê digihîjê, ku sozê xwe bîne sêrî. Kitêba Pîrozda tenê ser Yehowa Xwedê tê gotinê, ku ew Xwedêyê Hemû Zorayiyê ye, çimkî qewata wî pir mezin e (Eyantî 15:3). Dêmek ev tê hesabê, ku Yehowa Xwedê dikare sozê xwe bîne sêrî û halê dinyayê aliyê başda biguhêze. Û çawa ku Kitêba Pîroz dîsa carekê îzbat dike, “her tişt ji destê Xwedê tê” (Metta 19:26).

• Xwedê dixwaze sozê xwe bîne sêrî. Mesele, xwestina Yehowa Xwedêye pir mezin heye, wekî dîsa emir bide wan meriya yên ku mirin e (Îbo 14:14, 15).

  Kitêba Pîrozda nivîsar e, wekî Kurê Xwedê, Îsa Mesîh nexweşî qenc dikirin. Lê çima ewî usa dikir? Çimkî xwestina wî hebû evê yekê bike (Markos 1:40, 41). Mîna Bavê xwe, Îsa jî dixwest alî wan meriva bikira, yên ku tengasiyêda bûn (Yûhenna 5:19).

  Lema jî em dikarin bawer bin, ku Yehowa Xwedê û Îsa Mesîh dixwazin alî me bikin, wekî em axirîke bextewar bistînin! (Zebûr 72:12-14; 145:16; 2 Petrûs 3:9)