Malbetno, Tevayî Yahowara Qulix kin

Çawa hûn ji vê broşûrê pêhesiyan, di Kitêba Pîrozda gelek prînsîp hene, yêd ku dikarin alî we û malbeta we bikin. Yahowa dixwaze wekî hûn bextewar û şa bin. Ew soz dide, ku hergê hûn qulixkirina xwe daynin ciyê pêşin di emirê xweda, hingê “ew hemûyê wera bêne dayînê” (Metta 6:33). Xwedê bi rastiyê jî dixwaze wekî hûn bibine dostê wî. Lema jî her mecalekê bidine xebatê, seva ku dostiya xwe tevî Xwedê hê mezin kin. Bi rastiyê jî seva benda ev qedirekî çiqas mezin e (Metta 22:37, 38).

1 HELEQETIYA XWE TEVÎ YAHOWA QEWÎ KIN

KITÊBA PÎROZ ÇI DIBÊJE: Yahowa dibêje: “Bibime Bavê we, hûnê jî bibine kur û qîzêd min” (2 Korintî 6:18). Xwedê dixwaze wekî hûn bibine dostê wîyî nêzîk. Û duakirin ev mecalek e, ku nêzîkî Xwedê bin. Yahowa we teglîf dike, ku “her gav dua bikin” (1 Têsalonîkî 5:17). Ew dixwaze nêt-meremêd dilê we û derdêd we pêbihese û bibihê (Fîlîpî 4:6). Çaxê hûn tevî malbeta xwe dua bikin, ewana wê bivînin ku Xwedê seva we çiqas yekî zêndî ye.

Xêncî vê yekê, seva ku tevî Xwedê xeber din, wera lazim e wekî usa jî guh bidine wî. Hûn dikarin evê yekê bikin, hergê Xebera wî û edebyetêd ku li ser hîmê Kitêba Pîroz in, hîn dibin (Zebûr 1:1, 2). Çi ku hûn pêdihesin, derheqa van tişta dişirmîş bin (Zebûr 77:11, 12). Seva ku guh bidine Xwedê, ev usa jî tê hesabê ku gerekê her tim li ser civata jî hazir bin (Zebûr 122:1-4)

Dîsa mecaleke ferz heye, bi saya çi jî hûn dikarin heleqetiya xwe tevî Yahowa qewî kin. Dêmek çaxê tevî meriya derheqa Xwedê xeber didin. Çiqas hê zêde hûnê evê yekê bikin, haqas hê zef hûnê texmîn kin ku nêzîkî Xwedê dibin (Metta 28:19, 20).

ÇI HÛN DIKARIN BIKIN:

• Her roj wede bivînin, seva ku Kitêba Pîroz bixûnin û dua bikin

• Pêşiya wedederbazkirinê û hêsabûnê, hertim şixulêd ruhanî li ser ciyê ewlin daynin

2 ŞABÛNÊ BIVÎNIN JI QULIXKIRINA TEVÎ MALBETÊ

KITÊBA PÎROZ ÇI DIBÊJE: “Xwe li Xwedê bigirin, Xwedê jî wê xwe li we bigire” (Aqûb 4:8). Bernema we gerekê hebe, seva ku hûn bikaribin her gav ewê bidine xebatê, wekî qulixkirina tevî malbetê derbaz kin (Destpêbûn 18:19). Lê hê zêde tişt dîsa lazim in. Xwedê gerekê pareke ji emirê weyî her rojî be. Lema jî heleqetiya malbeta xwe tevî Xwedê qewî kin. Dêmek derheqa wî xeber din “gava mala xweda rûniştî bî, yan rêda bî, yan paldayî bî yan radibî” (Qanûna Ducarî 6:6, 7 PKM). Bira nêta we mîna nêta Yêşûa be, yê ku got: “Lê belê ez û maliyên xwe, emê ji Xudanra qûlitiyê bikin!” (Yêşûa 24:15).

ÇI HÛN DIKARIN BIKIN:

• Bernama hînbûnêye usa hazir kin, wekî hewcêd her neferêd mala xwe hildin hesab ku wanara hewas be jî