DERSA 11

Tu Ça Dikarî ji Xwendina Kitêba Pîroz Karê Bistînî?

Ya Neşirkirî

Dibeke te dixwest şixulekî mezin bikira, lê ev tera çetin hate kifşê. Lema jî te safî kir ewî şixulî ser çend para parevekî, wekî tera hêsa be. Xwendina Kitêba Pîroz jî em dikarin beramberî vê yekê bikin. Dibek tu difikirî: “Xwendina vê kitêbê ça destpêkim?” Vê dersêda emê çend tişta şêwir kin, kîjan ku wê alî te bikin wekî xwendin û hînbûna Kitêba Pîroz te xweş bê.

1. Çira em gerekê her roj Kitêba Pîroz bixûnin?

Merivê ku her roj Kitêba Pîroz, dêmek qanûna Yehowa dixûne, wê bextewar û pêşdaçûyî be (Bixûne Zebûr 1:1-3.) Pêşiyê tu dikarî her roj hema çend deqa bixûnî. Çiqas hê zêde tu derheqa Xebera Xwedê pêbihesî, haqas hê zêde tuyê bixwazî evê kitêbê bixûnî.

2. Çi wê alî te bike wekî ji xwendina Kitêba Pîroz karê bistînî?

Seva ku ji xwendina Kitêba Pîroz hê zêde karê bistînin, em gerekê wedê xwendinê bisekinin û ser bifikirin. Belê, ça xwendin usa jî fikirandin gelek ferz e (Yêşû 1:8). Wedê xwendinê wan pirsa bide xwe: “Ji wê xwendinê ez derheqa Yehowa Xwedê çi pêdihesim? Ez ça dikarim evê yekê emirê xweda bidime xebatê? Ez ça dikarim wan rêza bidime xebatê, wekî alî meriva bikim?”

3. Tu ça dikarî bona xwendina Kitêba Pîroz wede bivînî?

Tera çetin e wede bivînî, wekî Kitêba Pîroz bixûnî? Gelekara hêsa nîne. Lema jî wê baş be “dest bidine ber wext”, ku evê kitêbê bixûnin (Efesî 5:16). Tu dikarî xwera wede kifş kî, ku her roj Xebera Xwedê bixûnî. Mesele, hine meriv şebeqa dixûnin. Hinek nava rojêda wede divînin ku bixûnin. Lê hinek jî êvarê pêşiya razanê dixûnin. Lê tera çi çax dest dide bixûnî?

KÛR LÊKOLÎN KE

Pêbihese ku tu çi dikarî bikî, wekî xwendina Kitêba Pîroz bona te hewas be. Dîna xwe bidê, ku ça tu dikarî xwe hazir kî, wekî hînbûna Kitêba Pîroz hê zêde karê tera bîne.

Şikil: Gede hêdî-hêdî hîn dibe xwarinê begem ke. 1. Gede xwarinê naxwe û nesiya dike. 2. Ev gede mezin bûye û vê xwarinê dixwe. 3. Ev gede mezin bûye û lezetê ji vê xwarinê distîne. — Çawa ku meriv hiz dikin xwarinên teze bixwin û lezetê bistînin, usa jî em dikarin hîn bin, wekî ji xwendina Kitêba Pîroz lezetê bistînin

4. Ji xwendina Kitêba Pîroz şabûnê bistîne

Dibeke tera hêsa nîne destpêkî Kitêba Pîroz bixûnî. Lê mesele, çawa tu hîn dibî xwarineke teze tem kî û paşê hiz bikî, usa tu dikarî xwendinê jî destpêkî û hiz kî. Bixûne 1 Petrûs 2:2, û paşê evê pirsê şêwir ke:

Tu ça difikirî, xwendina Kitêba Pîroze herrojî dikare alî te bike, ku xwendin te xweş bê û xwestina te zêde be, wekî tu hê zêde bixûnî?

Vêxe VÎDÊO wekî bivînî hine meriva çi kirin, ku xwendina Kitêba Pîroz wanra hewas be. Paşê van pirsa şêwir ke:

VÎDÊO: “Cahil Hîn Dibin Xebera Xwedê Hiz Bikin” (5:33)

Çi alî wana kir, wekî wana destpêkir her roj Kitêba Pîroz bixûnin?
Wana çi kir, wekî xwendina Kitêba Pîroz bona wan hewas be?
Ça ji vê vîdêo tê kifşê, cahil kîjan çetinaya karibûn safî kin?

Şîretên ku wê alî te bikin:

Welgerandina rast û femdarî bijbêre. Bixûne “Welgerandina Dinya Teze” ser zimanê xwe hergê heye, lê hergê tune, bixûne ser wî zimanî kîjan ku tu rind fem dikî.
Pêşiyê bixûne parên ku gelek te xweş tên. Bide xebatê bernama xwendinê, bi navê “Xwendina Kitêba Pîroz Destpêke.”
Çi ku te îda xwend, xwera kifş ke. Bide xebatê “Bernama Xwendina Kitêba Pîroz” ya ku vê edebyetêda heye.
JW Kitêbxane^® app bide xebatê. Bi saya vê yekê tu dikarî hemû dera, pê têlê yan pê haceteke din, Kitêba Pîroz yan bixûnî yan jî bibihêyî.
Bide xebatê Rêberî Bona Hînbûna Kitêba Pîroz. Vê broşûrêda hene xerîte û nexş. Bi saya wan tişta xwendin wê tera diha hewas be.

5. Xwe bona hînbûna Kitêba Pîroz hazir ke

Bixûne Zebûr 119:34, û paşê evê pirsê şêwir ke:

Çira baş e pêşiya xwendina Kitêba Pîroz dua bikî, yan jî çaxê bona hînbûnê xwe hazir dikî?

Çawa tu dikarî ji hînbûnê hê zêde karê bistînî? Çaxê tu xwe bona dersa hazir dikî, dikarî evê mêtodê bidî xebatê:

Abzasên vê dersê bixûne.
Rêzên kifşkirî bixûne, û bifikire ku ev çawa têmayêva girêdayî ne.
Caba pirsa kifş ke; ev yek wê alî te bike, wekî tevî dersdarê xwe dersê şêwir kî.

Şikil: Kulfet bona hînbûna Kitêba Pîroz xwe hazir dike. A. Ew abzasên dersêye pêşin dixûne. B. Ew rêzên Kitêba Pîroz, yên ku vê dersêda kifşkirî ne, dixûne. C. Ew caba pirsa kifş dike.

We zanibû?

Şedên Yehowa cûre-cûre welgerandinên Kitêba Pîroz didane xebatê. Lê heçî zef me xweş tê “Welgerandina Nivîsarên Pîroz ya Dinya Teze”, çimkî ev welgerandineke rast û femdarî ye, û him jî têda navê Xwedê hatiye xebitandinê. (Binihêre gotara ji malperê “Gelo Şedên Yehowa Kitêba Xweye Pîroz Didine Xebatê?”)

HINE MERIV DIBÊJIN: “Hînbûna Kitêba Pîroz gelek çetin e. Wede û qewata min bona vê yekê tune.”