PIRSÊN KITÊBA PÎROZVA GIRÊDAYÎ

Gelo mirî wê dîsa bijîn?

Yahowa Xwedê Kaniya jîyînê ye (Zebûr 36:9). Gelo bi logîkî nîne ku ew Xwedêyê Kaniya jîyînê dikare miriya wegerîne jîyînê? Kitêba Pîroz dibêje ku axiriyêda ew wê miriya sax ke. (Bixûne Karên Şandiya 24:15.) Lê çira Xwedê dixwaze ewê yekê bike?

Destpêkêda nêta Efirandarê me ew bû, ku meriv heta-hetayê li ser erdê bijîn (Destpêbûn 1:31; 2:15-17). Û niha jî nêta wî bona însanetê dîsa ew e. Dilê wî dêşe ku em îro çawa dijîn. Jîyîna me tije ye bi kul-derda û emirê me kin e. (Bixûne Îbo 14:1, 14, 15.)

Ewên ku bêne saxkirinê wê kîderê bijîn?

Gelo Xwedê meriv efirandiye bona jîyîna ser ezmana? Na. Xwedê milyaket efirandine bona jîyîna li ser ezmana. Lê ewî meriv çêkirin seva ku li ser erdê bijîn (Destpêbûn 1:28; Îbo 38:4, 7). Bifikirin ser vê yekê ku çaxê Îsa meriv sax dikirin, ewî li ser erdê ewana vedigerandin jîyînê û ewan meriva li ser erdê dijîtin. Û heçî zef yên ku axiriyêda bêne saxkirinê, wê li ser erdê vegerin jîyînê. (Bixûne Yûhenna 5:28, 29; 11:44.)

Lê bona jîyîna ser ezmana Xwedê hine meriv jibartin, kîjana ku wê bi bedena ruhanî sax ke (Lûqa 12:32; 1 Korintî 15:49, 50). Ewên ku bêne saxkirinê bona jîyîna ser ezmana, wê çawa padşa tevî Mesîh li ezmana ser erdêra serwêrtiyê bikin. (Bixûne Eyantî 5:9, 10.)