Xwedê û Hevalê Xwe Hiz Bike: Çawa Evê Hizkirinê Pêşda Bînin

Rast e Qanûna Mûsa borcdar nake Mesîhiya, lê ev du temiyên ferz, ku Xwedê û hevalê xwe hiz bikin, hetaniha eyan dike ew, çi ku Yehowa ji me dewa dike (Mt. 22:37-39). Hizkirina vî cûreyî xwexa pêşda nayê, em gerekê ew nav xweda pêşda bînin. Lê çi cûreyî? Ya ewlin, ev heye xwendina Kitêba Pîroze herrojî. Çaxê em hê zêde derheqa Xwedê pêdihesin, çawa ku Nivîsarên Pîrozda eyan kiriye, usa em zelal divînin “xweşikiya Yahowa” (Zb. 27:4, DO). Bi saya vê yekê, hizkirina me hindava Yehowa hê mezin dibe û nihêrandina me jî, mîna yê Wî dibe. Ev me hêlan dike temiyên Xwedê pêk bînin, nava kîjanî ku dikeve temî, wekî hindava meriyada hizkirina dilsax bidine kifşê (Yn. 13:34, 35; 1 Yn. 5:3). Li vir sê şîret têne dayînê, ku çawa xwendina Kitêba Pîroz daha hewas kin:

• Zelal bide ber çevê xwe. Bide hesabê xwe, ku tu wêderê yî. Tu çi dibînî, dibihêy, û bîna çi tê? Çi dikarî bêjî derheqa hestên wan meriya, derheqa kîjana ku dixûnî?

  

• Xwendina xwe hewas ke. Li vir çend rêberî têne dayînê. Bi dengê bilind bixûne, yan aûdîo-nivîsandinê vêxe û bira çevê te jî li Kitêba Pîrozda be. Dewsa ku serî pey seriyara bixûnî, dikarî bixûnî serhatiya merivekî ji Kitêba Pîroz, yan derheqa têmekî. Mesele, dikarî bidî xebatê broşûra “Rêberî Bona Hînbûna Kitêba Pîroz” serê 4 û 16 û bixûnî derheqa Îsa. Usa jî tu dikarî bi temamî bixûnî ew serî ji Kitêba Pîroz, ji kîjanî ku rêza rojê hatibû hildanê. Bixûne kitêbên ji Kitêba Pîroz bi wê siriyê, çawa ku ewana hatine nivîsarê.

  

• Bixûne ku fem bikî. Dewsa ku tenê gelek seriya bixûnî, bi wê meniyê ku zû xilaz kî, wê baş be her roj serîk ji Kitêba Pîroz bixûnî û ser bifikirî. Hê zêde lêkolîn ke derheqa tiştên xwendî û kûr bifikire. Bide xebatê xerîta û elametiya zêde, ku tê dayînê ortêda, ser her rûpêleke Kitêba Pîroz. Dikarî lêkolîn bikî tiştekî, çi ku tera femdarî nîne. Hergê dibe, haqas wede bifikire, çiqas wede teyê ser xwendinê xerc kira.