MÎNA ÎS BIJÎN
“Pawlos Şikirî da Xwedê û Mêrxasî da Kifşê”
Çaxê civata Romê bihîst ku Pawlos tê cem wan, hingê koma bira weke 64 kîlomêtr derbaz bûn, seva ku herin rastî Pawlos bên. Çi cûreyî hizkirina wane dilovan li ser Pawlos hukum kir? Ewî “şikirî da Xwedê û dilê wî şidiya” (Kr.Şn. 28:15). Rast e Pawlos eyan bû ça merivekî ku timê bi hatina xwe civat hêlan dikir, lê çaxê ew girtî bû, ewî xwexa ji bawermanda hêlanê distand (2 Kr. 13:10).
Îro berpirsiyarên mihalê serlêdana civata dikin, seva ku xûşk-bira qewî kin û hêlan kin, çimkî carna xûşk-bira divestin, xemgîn dibin û dilteng dibin. Careke din, çaxê berpirsiyarê mihalê tevî kulfeta xwe serlêdana civata we bike, bifikire ku çi tu dikarî bikî seva alî wan kî mêrxas bin. Bi vê yekê emê “dil bidin ber hev” (Rm. 1:11, 12).
Civatên bona dannasînkirinê bernede. Berpirsiyarê mihalê xwexa jî gelek hêlan dibe, çaxê xûşk-bira ji aliyê xweda qurbana dikin, wekî bêne ser hemû civatên ku li wê heftiyê kifşkirîne (1 Ts. 1:2, 3; 2:20). Bifikire ku vê mehê çaxê serlêdana berpirsiyarê mihalê ye, hela tuyê bikaribî ça pêşengê komekdar xizmet kî. Tu dikarî bifikirî, wekî tevî wana derkevî xizmetê, yan jî wana bivî li ser hînbûneke xwe. Gelek wana xweş tê, tevî cûre-cûre xizmetkara xizmet kin, usa jî tevî yên teze û necêribandî.
Mêvanhiziya xwe bide kifşê. Bifikire ku wana teglîf kî mala xwe ser xwarinê, yan jî cî bona şevmayînê bidî wan. Bi vê yekê tê bidî kifşê, wekî wana hiz dikî. Ewana hîviyê nînin, ku hûn gelek tişt bona wan bikin (Lq. 10:38-42).
Guh bide, him jî şîret û rêberiya wî bide xebatê. Berpirsiyarê mihalê bi hizkirin alî me dike bivînin, ku çawa em dikarin xizmeta xwe Yehowara daha baş kin. Diqewime carna ew şîreteke sert jî bide (1 Kr. 5:1-5). Ew şa dibe, çaxê em guhdar in (Îbr. 13:17).
Razîbûna xwe bide kifşê. Bêje berpirsiyarê mihalê û kulfeta wî, ku hatina wan çiqas bona te kar e. Tu dikarî evê yekê wanara bêjî, yan jî bi cûrê nemê wanara binivîsî (Kl. 3:15).