Çira Şer û Tevlihevbûn Berdewam Dibin?

GUNE

Xwedê dê-bavê meyî pêşin, Adem û Hêwa, dilqê xweda efirand (Destpêbûn 1:27). Ev yek dihate hesabê ku wana dikaribû hunurên Xwedê eyan kirana, mesele, edilayî û hezkirin (1 Korintî 14:33; 1 Yûhenna 4:8). Lê Adem û Hêwayê gura Xwedê nekirin û gune kirin. Û ji wana gune û mirin derbazî ser me hemûya bû (Romayî 5:12). Ji bo vê yekê cem me fikirên nerast pêşda tên û kirên meda eyan dibin (Destpêbûn 6:5; Markos 7:21, 22).

SERWÊR

Xwedê meriv usa neefirandine, wekî xwexa rêberiya gavên xwe bikin. Kitêba Pîrozda tê gotinê ku meriv “gava dimeşin, ew nikarin gavên xwe raste-rast bavêjin” (Yêremya 10:23, ÎM). Lema jî serwêrên dewletê nikarin bi temamî şer û tevlihevbûna bidine hildanê.

MÎRÊ-CINA Û CINÊN WÎ

Kitêba Pîrozda tê gotinê ku “temamiya dinyayê bin hukumê Yê Xirabda ye” (1 Yûhenna 5:19). ‘Yê Xirab’ ev heye Şeytanê Mîrê-cina, ew yekî mêrkuj û zulm e (Yûhenna 8:44). Ew tevî cinên xwe meriva hêlan dike, ku xirabiyê bikin û şera pêşda tînin (Eyantî 12:9, 12).