Kitêba Pîroz Mîna Neynikê Bide Xebatê

Aqûbê şandî Kitêba Pîroz beramberî neynikê kir, ku nîşanî me dike, wekî çi dilê meda ne (Aqûb 1:22-25). Gelo em ça dikarin Kitêba Pîroz mîna neynikê bidine xebatê?

Hemdê xwe bixûne. Hergê em leze-lez xwe neynikêda binihêrin, dibeke em kêmasîke xwe têdernexin. Mîna vê yekê, seva ku em têderxin hela çida ser xwe bixebitin, em gerekê Kitêba Pîroz bi hemdê xwe bixûnin.

Xwe binihêre, ne ku kesên din. Gava em berê neynikê didine ser kesên din ne ku ser xwe, dibeke em tenê kêmasiyên wan bivînin. Mîna vê yekê, em dikarin bi saya Kitêba Pîroz kêmasiyên kesên din têderxin. Lê ev yek wê alî me neke, wekî em kêmasiyên xwe rast kin.

Serwaxt be. Hergê em bi zêdeyî dîna xwe bidine kêmasiyên xwe, yên ku neynikêda divînin, dibeke em dilteng bin. Lema jî çaxê em Kitêba Pîroz dixûnin, gerekê serwaxtiyê bidine kifşê. Hergê Yehowa ji me bêqisûrtiyê dewa nake, em jî gerekê vê yekê ji xwe dewa nekin (Aqûb 3:17).