DERS 12

Bi Dilgermî û Nerm Xeber de

(1 Têsalonîkî 2:7, 8)

FIKIRÊN SEREKE: Bi dilgermî tevî guhdarên xwe xeber de û wanara bide kifşê, wekî tu bona wan xem dikî û dixwazî alî wan bikî.

Derheqa guhdarên xwe bifikire. Problêmên guhdarên xwe hilde hesab û usa dilê xwe hazir ke. Xwe dayne dewsa guhdara û hestên wan fem bike.
Giliyê layîq bijbêre. Bixebite ku êmosiyên baş derbazî guhdarên xwe kî, berdilê wanda bêyî û wana qewî kî. Xwe ji wan gilî-gotina dûr bigire, kîjan ku dikarin guhdara bidine xeyîdandinê. Mesele, tiştên nebaş nebêje derheqa merivên, ku Yehowa bawer nakin û yên ku xwe li hebandina xwe digirin.
Xemgîniya xwe bide kifşê. Bi dengê xweyî nerm, û xwegirtina layîq, bide kifşê, wekî tu bi rastî jî bona meriya xem dikî. Bixebite ku beşera te timê xweş be.

Bi zorê êmosiyên xwe nede kifşê. Wedê xwendinê êmosiyên layîq bide kifşê, lê fesal be ku gelek dîna guhdara nekişînî ser xwe. Qewatê bide xebatê, wekî bi nermî û bi hizkirin xeber dî.