9 ಆಮೇಲೆ ಯೆಹೋವ ಕಾಯಿನನಿಗೆ “ನಿನ್ನ ತಮ್ಮ ಹೇಬೆಲ ಎಲ್ಲಿ?” ಅಂತ ಕೇಳಿದನು. ಅದಕ್ಕವನು “ನಂಗೇನು ಗೊತ್ತು? ನಾನೇನು ನನ್ನ ತಮ್ಮನನ್ನ ಕಾಯೋನಾ?” ಅಂದ. 10 ಆಗ ಆತನು “ಎಂಥ ಕೆಲಸ ಮಾಡ್ದೆ? ಕೇಳಿಸ್ಕೊ, ನಿನ್ನ ತಮ್ಮನ ರಕ್ತ ನೆಲದಿಂದ ನ್ಯಾಯಕ್ಕಾಗಿ ನನ್ನನ್ನ ಕೂಗ್ತಿದೆ.+

5 ಯಾರಾದ್ರೂ ಜೀವ ಆಗಿರೋ ನಿಮ್ಮ ರಕ್ತನ ಸುರಿಸಿದ್ರೆ* ನಾನು ಅವ್ರಿಂದ ಲೆಕ್ಕ ಕೇಳ್ತೀನಿ. ನಿಮ್ಮ ರಕ್ತ ಸುರಿಸಿದ್ದು ಪ್ರಾಣಿಯಾಗಿದ್ರೆ ಅದನ್ನ ಸಾಯಿಸಬೇಕು.+ ರಕ್ತ ಸುರಿಸಿದ್ದು ಮನುಷ್ಯನಾಗಿದ್ರೆ ಸತ್ತವನ ಜೀವಕ್ಕೆ ಬದಲು ಅವನು ತನ್ನ ಜೀವ ಕೊಡಲೇಬೇಕು. ಯಾಕಂದ್ರೆ ಅವನು ಕೊಂದಿದ್ದು ತನ್ನ ಸಹೋದರನನ್ನ ಅಲ್ವಾ?

24 ಯೇಹು ತನ್ನ ಬಿಲ್ಲನ್ನ ತಗೊಂಡು ಯೆಹೋರಾಮನ ಬೆನ್ನಿಗೆ ಬಾಣ ಬಿಟ್ಟ. ಅದು ಅವನ ಹೃದಯ ತೂರಿಕೊಂಡು ಹೊರಬಂತು. ಆಗ ಯೆಹೋರಾಮ ತನ್ನ ಯುದ್ಧರಥದಲ್ಲೇ ಸತ್ತುಬಿದ್ದ.

26 ಯೆಹೋವ ಹೀಗಂದಿದ್ದನು: ‘ನಾನು ನಿನ್ನೆ ನಾಬೋತನ ಮತ್ತು ಅವನ ಗಂಡು ಮಕ್ಕಳ ರಕ್ತವನ್ನ ನೋಡಿದ್ದೀನಿ.+ ಹಾಗಾಗಿ ಯೆಹೋವನಾದ ನಾನು ಇದೇ ಹೊಲದಲ್ಲಿ ನಿನ್ನ ವಿರುದ್ಧ ಸೇಡು ತೀರಿಸ್ತೀನಿ.’+ ಹಾಗಾಗಿ ಬಿದ್ಕರನೇ ಯೆಹೋವನ ಈ ಮಾತಿನ ಪ್ರಕಾರ ನೀನು ಇವನನ್ನ ತಗೊಂಡು ಹೋಗಿ ನಾಬೋತನ ಹೊಲದಲ್ಲಿ ಬಿಸಾಡು”+ ಅಂದ.

3 ಖಂಡಿತ ಯೆಹೋವ ಕೊಟ್ಟ ಆಜ್ಞೆಯಿಂದಾನೇ ಯೆಹೂದಕ್ಕೆ ಈ ಗತಿ ಬಂತು. ಆತನು ಯೆಹೂದವನ್ನ ತನ್ನ ಕಣ್ಮುಂದೆಯಿಂದ ತೊಲಗಿಸಬೇಕಂತ ಹೀಗೆ ಮಾಡಿದ.+ ಯಾಕಂದ್ರೆ ಮನಸ್ಸೆ ತುಂಬ ಪಾಪಗಳನ್ನ ಮಾಡಿದ್ದ.+ 4 ಯೆರೂಸಲೇಮನ್ನ ನಿರಪರಾಧಿಗಳ ರಕ್ತದಿಂದ ತುಂಬಿಸಿಬಿಟ್ಟಿದ್ದ.+ ಅವನು ಸುರಿಸಿದ ನಿರಪರಾಧಿಗಳ ರಕ್ತದಿಂದ ಯೆಹೋವ ಯೆಹೂದವನ್ನ ಕ್ಷಮಿಸೋಕೆ ಇಷ್ಟಪಡಲಿಲ್ಲ.+

49 ಅದಕ್ಕೇ ದೇವರು ಸಹ ವಿವೇಚನೆ ಬಳಸಿ ಹೀಗಂದನು ‘ನಾನು ಅವ್ರ ಹತ್ರ ಪ್ರವಾದಿಗಳನ್ನ, ಅಪೊಸ್ತಲರನ್ನ ಕಳಿಸ್ತೀನಿ. ಅವರು ಆ ಪ್ರವಾದಿಗಳಲ್ಲಿ, ಅಪೊಸ್ತಲರಲ್ಲಿ ಕೆಲವ್ರನ್ನ ಕೊಲ್ತಾರೆ, ಇನ್ನೂ ಕೆಲವ್ರನ್ನ ಹಿಂಸಿಸ್ತಾರೆ. 50 ಹಾಗಾಗಿ ಭೂಮಿಯಲ್ಲಿ ಮನುಷ್ಯರು ಹುಟ್ಟಿದಾಗಿಂದ ಇಲ್ಲಿ ತನಕ ಯಾರೆಲ್ಲರ ರಕ್ತ ಸುರಿದಿದೆಯೋ ಅವ್ರೆಲ್ಲರ ರಕ್ತಕ್ಕೆ ಈ ಪೀಳಿಗೆಯವರು ಲೆಕ್ಕ ಕೊಡಬೇಕು.+ 51 ಅಂದ್ರೆ ಹೇಬೆಲನ+ ರಕ್ತದಿಂದ ದೇವಾಲಯ ಮತ್ತು ಯಜ್ಞವೇದಿ ಮಧ್ಯ ಕೊಂದುಹಾಕಿದ ಜಕರೀಯನ ರಕ್ತದ ತನಕ. ಇವ್ರೆಲ್ಲರ ರಕ್ತಕ್ಕೆ ಲೆಕ್ಕ ಕೊಡಬೇಕು.’+ ಹೌದು, ನಾನು ಹೇಳ್ತಿದ್ದೀನಿ, ಈ ಪೀಳಿಗೆ ಉತ್ರ ಕೊಡಲೇಬೇಕು.