8 ಭೂಮಿ ಕಂಪಿಸಿ ಅಲುಗಾಡಿತು,+
ಆತನಿಗೆ ಕೋಪ ಬಂತು
ಆಕಾಶದ ಅಸ್ತಿವಾರ ನಡುಗಿ, ಅದುರಿತು.+
9 ಆತನ ಮೂಗಿಂದ ಹೊಗೆ ಬಂತು,
ಆತನ ಬಾಯಿಂದ ಸುಡೋ ಬೆಂಕಿ ಬಂತು,+
ಆತನಿಂದ ಉರಿಯೋ ಕೆಂಡ ಬಂತು.
10 ಆತನು ಇಳಿದು ಬರುವಾಗ ಆಕಾಶ ಬಗ್ಗಿಸಿದನು,+
ಆತನ ಪಾದಗಳ ಕೆಳಗೆ ಕಪ್ಪು ಮೋಡ ಇತ್ತು.+
11 ಆತನು ಕೆರೂಬಿಯ ಮೇಲೆ+ ಹತ್ತಿ ಹಾರುತ್ತಾ ಬಂದನು.
ದೇವದೂತನ ರೆಕ್ಕೆಗಳ ಮೇಲೆ ಕಾಣಿಸ್ಕೊಂಡನು.+
12 ಆತನು ದಟ್ಟವಾದ ಕಪ್ಪು ಮೋಡಗಳಲ್ಲಿ,
ಕತ್ತಲನ್ನ ತನ್ನ ಸುತ್ತ ಡೇರೆ ತರ ಹಾಕೊಂಡನು.+
13 ಆತನ ಮುಂದಿದ್ದ ಉಜ್ವಲ ಬೆಳಕಿಂದ ಉರಿಯೋ ಕೆಂಡಗಳು ಬಂದವು.
14 ಆಮೇಲೆ ಯೆಹೋವ ಆಕಾಶದಿಂದ ಗುಡುಗಿದನು,+
ಸರ್ವೋನ್ನತ ತನ್ನ ಸ್ವರ ಕೇಳೋ ಹಾಗೆ ಮಾಡಿದನು.+
15 ಆತನು ತನ್ನ ಬಾಣಗಳನ್ನ+ ಬಿಟ್ಟು ಶತ್ರುಗಳು ದಿಕ್ಕುಪಾಲಾಗೋ ಹಾಗೆ ಮಾಡಿದನು,
ಮಿಂಚಿಂದ ಅವರು ಗಲಿಬಿಲಿ ಆಗೋ ತರ ಮಾಡಿದನು.+
16 ಯೆಹೋವನ ಗದರಿಕೆಯಿಂದ, ಆತನ ಮೂಗಿಂದ ಬಂದ ರಭಸವಾದ ಉಸಿರಿಂದ+
ಸಮುದ್ರದ ತಳ ಕಾಣಿಸ್ತು,+
ಭೂಮಿಯ ತಳಪಾಯ ಬಟ್ಟಬಯಲಾಯ್ತು.