ಯೆಹೋವನ ಸಾಕ್ಷಿಗಳು ತಾವು ನಂಬ್ತಿದ್ದ ಕೆಲವು ವಿಷ್ಯಗಳನ್ನ ಯಾಕೆ ಬದಲಾಯಿಸಿದ್ದಾರೆ?

ಯೆಹೋವನ ಸಾಕ್ಷಿಗಳ ನಂಬಿಕೆಗಳಿಗೆ ಮುಖ್ಯ ಆಧಾರನೇ ಬೈಬಲ್‌. ಅದಕ್ಕೆ ಬೈಬಲ್‌ ತಿಳುವಳಿಕೆ ಜಾಸ್ತಿ ಆದ ಹಾಗೇ ನಾವು ನಮ್ಮ ನಂಬಿಕೆಯಲ್ಲಿ ಕೆಲವು ಬದಲಾವಣೆಗಳನ್ನ ಮಾಡ್ಕೊಂಡಿದ್ದೀವಿ.a

ಈ ರೀತಿ ಬದಲಾವಣೆ ಮಾಡ್ಕೊಳ್ಳೋದಕ್ಕೆ ಮುಖ್ಯ ಕಾರಣ ಜ್ಞಾನೋಕ್ತಿ 4:18ರಲ್ಲಿರೋ ಬೈಬಲ್‌ ತತ್ವ. ಅದು ಹೇಳೋದು, “ಆದ್ರೆ ನೀತಿವಂತನ ದಾರಿ ಬೆಳಿಗ್ಗೆ ಕಾಣೋ ಕಿರಣಗಳ ತರ ಹೊಳೆಯುತ್ತೆ, ಮಟಮಟ ಮಧ್ಯಾಹ್ನ ಆಗ್ತಾ ಆ ಬೆಳಕು ಹೆಚ್ಚಾಗ್ತಾನೇ ಹೋಗುತ್ತೆ.” ಸೂರ್ಯನ ಬೆಳಕು ಜಾಸ್ತಿ ಆದ ಹಾಗೆ ನಮ್ಮ ಸುತ್ತಮುತ್ತ ಇರೋ ವಿಷ್ಯಗಳನ್ನ ಚೆನ್ನಾಗಿ ನೋಡೋಕೆ ಆಗುತ್ತೆ, ಅದೇ ತರ ದೇವರು ಬೈಬಲಿನಲ್ಲಿರೋ ಸತ್ಯಗಳನ್ನ ಸರಿಯಾದ ಸಮಯಕ್ಕೆ ಹಂತ ಹಂತವಾಗಿ ನಮಗೆ ಅರ್ಥ ಮಾಡಿಸ್ತಿದ್ದಾನೆ. (1 ಪೇತ್ರ 1:10-12) ಇದನ್ನ “ಅಂತ್ಯದ” ಸಮಯದಲ್ಲಿ ಮಾಡ್ತೀನಿ ಅಂತ ದೇವರು ಬೈಬಲಿನಲ್ಲಿ ಮುಂಚೆನೇ ಹೇಳಿದ್ದಾನೆ.—ದಾನಿಯೇಲ 12:4.

ಈ ರೀತಿ ನಮ್ಮ ನಂಬಿಕೆಯಲ್ಲಿ ಕೆಲವು ಬದಲಾವಣೆಗಳಾದಾಗ ನಮ್ಗೆ ಆಶ್ಚರ್ಯನೂ ಆಗಲ್ಲ, ಬೇಜಾರೂ ಆಗಲ್ಲ. ಯಾಕಂದ್ರೆ ಹಿಂದಿನ ಕಾಲದಲ್ಲಿದ್ದ ದೇವರ ಸೇವಕರು ಕೂಡ ಕೆಲವು ವಿಷ್ಯಗಳನ್ನ ತಪ್ಪಾಗಿ ಅರ್ಥ ಮಾಡ್ಕೊಂಡಿದ್ರು, ಆಮೇಲೆ ಅದನ್ನ ಸರಿ ಮಾಡ್ಕೊಂಡ್ರು. ಉದಾಹರಣೆಗೆ,

• ಮೋಶೆ, ದೇವರು ನಿರ್ಧಾರ ಮಾಡಿದ್ದಕ್ಕಿಂತ 40 ವರ್ಷ ಮುಂಚೆನೇ ಇಸ್ರಾಯೇಲ್ಯರನ್ನ ಈಜಿಪ್ಟಿಂದ ಬಿಡುಗಡೆ ಮಾಡೋಕೆ ಪ್ರಯತ್ನ ಪಟ್ಟ.—ಅಪೊಸ್ತಲರ ಕಾರ್ಯ 7:23-25, 30, 35.

• ಅಪೊಸ್ತಲರು ಯೇಸುವಿನ ಸಾವು ಹಾಗೂ ಮತ್ತೆ ಜೀವಂತವಾಗಿ ಎದ್ದು ಬರೋದ್ರ ಬಗ್ಗೆ ಇರೋ ಭವಿಷ್ಯವಾಣಿಗಳನ್ನ ತಪ್ಪಾಗಿ ಅರ್ಥ ಮಾಡ್ಕೊಂಡಿದ್ರು.—ಯೆಶಾಯ 53:8-12; ಮತ್ತಾಯ 16:21-23.

• ಒಂದನೇ ಶತಮಾನದಲ್ಲಿದ್ದ ಕೆಲವು ಕ್ರೈಸ್ತರು ‘ಯೆಹೋವನ ದಿನದ‘ ಬಗ್ಗೆ ತಪ್ಪಾಗಿ ಅರ್ಥ ಮಾಡಿಕೊಂಡಿದ್ರು.—2 ಥೆಸಲೊನೀಕ 2:1, 2.

ಆಮೇಲೆ ದೇವರು ಅವರ ತಪ್ಪಭಿಪ್ರಾಯವನ್ನ ಸರಿ ಮಾಡಿದ್ರು. ನಾವು ಕೂಡ ದೇವರ ಹತ್ರ ಇದೇ ರೀತಿ ಬೈಬಲನ್ನ ಸರಿಯಾಗಿ ಮತ್ತು ಚೆನ್ನಾಗಿ ಅರ್ಥ ಮಾಡ್ಕೊಳ್ಳೋಕೆ ಸಹಾಯ ಮಾಡಪ್ಪಾ ಅಂತ ಪ್ರಾರ್ಥನೆ ಮಾಡ್ತೀವಿ.—ಯಾಕೋಬ 1:5.