Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • es25 olhup. 108-118
  • Okwerikuminakughuma

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

  • Okwerikuminakughuma
  • Erilebya Amasako Buli Kiro—2025
  • Emithwe Mike-mike
  • Kyamukagha, Okwerikuminakughuma 1
  • Kyasande, Okwerikuminakughuma 2
  • Kyabbalaza, Okwerikuminakughuma 3
  • Kyakabiri, Okwerikuminakughuma 4
  • Kyakasathu, Okwerikuminakughuma 5
  • Kyakani, Okwerikuminakughuma 6
  • Kyakathano, Okwerikuminakughuma 7
  • Kyamukagha, Okwerikuminakughuma 8
  • Kyasande, Okwerikuminakughuma 9
  • Kyabbalaza, Okwerikuminakughuma 10
  • Kyakabiri, Okwerikuminakughuma 11
  • Kyakasathu, Okwerikuminakughuma 12
  • Kyakani, Okwerikuminakughuma 13
  • Kyakathano, Okwerikuminakughuma 14
  • Kyamukagha, Okwerikuminakughuma 15
  • Kyasande, Okwerikuminakughuma 16
  • Kyabbalaza, Okwerikuminakughuma 17
  • Kyakabiri, Okwerikuminakughuma 18
  • Kyakasathu, Okwerikuminakughuma 19
  • Kyakani, Okwerikuminakughuma 20
  • Kyakathano, Okwerikuminakughuma 21
  • Kyamukagha, Okwerikuminakughuma 22
  • Kyasande, Okwerikuminakughuma 23
  • Kyabbalaza, Okwerikuminakughuma 24
  • Kyakabiri, Okwerikuminakughuma 25
  • Kyakasathu, Okwerikuminakughuma 26
  • Kyakani, Okwerikuminakughuma 27
  • Kyakathano, Okwerikuminakughuma 28
  • Kyamukagha, Okwerikuminakughuma 29
  • Kyasande, Okwerikuminakughuma 30
Erilebya Amasako Buli Kiro—2025
es25 olhup. 108-118

Okwerikuminakughuma

Kyamukagha, Okwerikuminakughuma 1

Wabiritheghekania eripipa busana nawu erikalhua omo muno w’abaana n’aw’esyomekeke.​—Mt. 21:16.

Wamabya iwuli mubuthi, wathikaya abaana bawu erithegheka eby’erisubirya erikwamana n’emyaka yabu. Oko bundi buthuku, emyatsi eyikalire ng’ebitsibu by’obutheke, kutse emyatsi y’eby’esyongeso, yikakanibawako oko mihindano, aliwe, hanganabya enungu kutse ibiri esyo omwana angana subiryako. Kandi muwathikaye abaana benyu eriyitheghererya ekikaleka ibabya isibanga sombolhwa obul’isumba. Erisoborera eki kyanganaleka ibathayiponera abandi bakasombolhwa butsira ibo. (1 Tim. 6:18) Ithwe bosi thwangana thegheka eby’erisubirya ebikahumulikanaya ebikaha Yehova y’olhukengerwa kandi ebikahimba Abakristayo balikyethu. (Emi. 25:11) Nomwakine indi hanganayira ithwaha ekyalholirweko kyethu omo bikuhi, thutholere ithwayihighulha okw’iyikaniako bingyi. (Emi. 27:2; 2 Kor. 10:18) Omwakanya k’ekyo, thukalengaho eribya ithunahirire omuwatho oku Yehova, Ekinywe kiwe, n’abandu biwe ng’ekithunga.​—Erib. 4:11. w23.04 24-25 enu. 17-18

Kyasande, Okwerikuminakughuma 2

Sithubye thukaghotsera ng’abandi ku bakakolha; nikwa thubye ithunalholire ithunemutheya.​—1 Tes. 5:6.

Olhwanzo lhukayithaghisibawa eribya ithunalholire kandi ithunatheghirye. (Mt. 22:37-39) Olhwanzo olhwa thuwithire Nyamuhanga lhukaleka ithwayiyinia omw’ithulira nomwakine indi ekyo kyangana thulethera ebitsibu. (2 Tim. 1:7, 8) Kundi thwanzire n’abathawithe erikirirya ng’eryethu, thukalholha embere erithulira nibya n’erithulira okwa simu n’omw’ihandika esyobaruha. Thukabya ithunawithe amaha thuthi kiro kighuma abataka bethu bakendi syahinduka n’eritsuka erikolha ebihikire. (Eze. 18:27, 28) Thwanzire n’Abakristayo balikyethu. Thukakanganaya olhwanzo ng’olho ‘omw’isibikania, n’erihimbana.’ (1 Tes. 5:11) Ngoku abasirikali bakanasighikana omwa malhwa, nethu thukahimbangana. Nethu sithwanga huthalya balikyethu omw’ikighenderera kutse erithuhulya. (1 Tes. 5:13, 15) Kandi thukakanganaya olhwanzo lhwethu omw’isikya baghalha bethu abakasondolha omwa kithunga.​—1 Tes. 5:12. w23.06 10 enu. 6; 11 enu. 10-11

Kyabbalaza, Okwerikuminakughuma 3

[Yehova] amabugha, syendi syakolhakyo kwehi?—Emig. 23:19.

Enzira nguma eyathwanga ghumiryamo erikirirya lyethu ly’erighanirya oko ndongolya. Endongolya yikathukakasaya ngoku emilhaghe ya Nyamuhanga yikendi syabererera. Thukabya thukalengekania ndeke okwa kyaleka endongolya iyahebwa n’ebya yithaghisibawa, thukaghumaya erikirirya lyethu ngoku omulhaghe wa Nyamuhanga ow’engebe y’erikotha omo kihugho ekyuwene akendi syabererera. Busana naki ithwabugha thuthya? Ni byahi ebya yithaghisibawa endongolya erihebwayo? Yehova mwathuma Mughalha wiwe mwanzwa, akambere, munywani wiwe w’okwa ndungu erilhua elhubulha erisyabuthwa ng’omundu oyuhikene. Iniane oko kihugho, Yesu mwaghumira ebitsibu by’emisindo yosi. Neryo mwaghalhwa n’eriholha olhuholho olhukalhuma. Yehova ka mwahayo ekindu ky’obughuli bunene! Nyamuhanga wethu w’olhwanzo syangalighire Mughalha wiwe eriaghalhwa n’eriholha habw’erithathuha engebe eyuwene aliwe ey’akathuku kake buyira. (Yn. 3:16; 1 Pet. 1:18, 19) Kundi abirithuha ekindu ky’obughuli bunene, Yehova akendi syalhangira athi engebe y’erikotha omo kihugho kihya-kihya yikabererera. w23.04 27 enu. 8-9

Kyakabiri, Okwerikuminakughuma 4

Iwe lhuholho erisuyira lyawu liri hayi kwehi?—Hos. 13:14.

Mbwino Yehova ananzire erisyalhubukya abaholi? Ahathe erithika-thika, anzire. Mwasondolha abahandiki be Biblia ng’ab’abo erihandika omulhaghe wiwe w’erilhubuka ow’obuthuku obukasa. (Isa. 26:19; Erib. 20:11-13) Kandi Yehova akabya amayilhagha, mughulhu wosi akakiberereraya. (Yos. 23:14) Erithwalira haghuma, Yehova anzire inialhubukya abaholi. Thalengekania oko bya Yobu abugha. Abya inianasi ngoku nomwangaholha, Yehova angakandire erimulhubukya. (Yobu 14:14, 15) Erikandira iryan’eryo, lya Yehova anawithire abaramya biwe abosi ababiriholha. Anzire kutsibu erisyabalhubukya ibanawithe amaghalha awuwene kandi ibanatsemire. Kandi ibbwa esyobbiliyoni sy’abandu abaholha isibali bathabana akaghisa k’erigha oku Yehova? Nabo Nyamuhanga wethu w’olhwanzo anzire erisyabalhubukya. (Emib. 24:15) Anzire ibabana akaghisa k’eribya banywani biwe n’eribyaho kera na kera okwa kihugho.​—Yn. 3:16. w23.04 9 enu. 5-6

Kyakasathu, Okwerikuminakughuma 5

Haghuma na Nyamuhanga, thwasyakinda.​—Esy. 108:13.

Wanga ghumya wuthi amaha wawu? Ng’eky’erileberyako, wamabya iwuwithe amaha w’erisyabya kera na kera okwa kihugho, soma emyatsi ye Biblia eyihambire okwa Paradiso n’erighanirya kuyo. (Isa. 25:8; 32:16-18) Lengekanaya engebe nga yikendi syabya yithi omwa kihugho kihya-kihya. Thera akasasani iwuneyo. Thwamalholha embere erithera akasasani k’ekihugho kihya-kihya, ebitsibu byethu ‘ibikendyanguhirira kandi ibyabya by’akathambi kake.’ (2 Kor. 4:17) Erilhabira omwa maha agho Yehova abirikuha, akendi kughumya. Abirisangwa akuhererya ebyo wukayithagha nuku wubane amaaka erilhua okw’iyo. Neryo wukayithagha obuwathikya bw’eriberererya olhukwamirwa, erighumira ekitsibu, kutse eribya iwunatsemire, hikira Yehova omwa musabe owakalhua okwa muthima kandi sondaya obusondoli bwiwe erilhabira omw’iyeghesya. Ligha erihumulikania eryo balikyethu bakaha. Mughulhu wosi ghaniraya okwa maha wawu ow’obuthuku obukasa. Neryo iwukendi “ghumibwa omwa buthoki bwosi erilhabira omwa maaka [wa Nyamuhanga] w’olhukengerwa nuku mwanga yiyinia ndeke omw’ighumisirizya n’etseme.”—Kol. 1:11, NWT. w23.10 17 enu. 19-20

Kyakani, Okwerikuminakughuma 6

Muhe ewasingya omo myatsi yosi.​—1 Tes. 5:18.

Thuwithe nzumwa nyingyi esyangaleka ithwasima Yehova omwa musabe. Thwangana musima busana n’ekibuya kyosi-kyosi ekya thuwithe; kundi nibya, obuli kihembo kibuya kikalhua okw’iyo. (Yak. 1:17) Ng’eky’erileberyako, thwangana kangania erisima lyethu busana n’obubuya bw’ekihugho n’ebihangikwa ebikaswekaya. Kandi thwanganaha ewasingya busana n’engebe yethu, efamile yethu, abanywani, n’amaha wethu. Kandi thwanzire ithwasima Yehova busana n’erithulighira erithunga obunywani bw’obughuli nayu. Thwangana yithagha erihiraho akaghalha kanene nuku thulengekanaye okwa syonzumwa esyangaleka ithwe ahabwethu ithwabya b’erisima Yehova. Thuli omwa kihugho ekithe mw’erisima. Mughulhu mungyi abandu bakahira amalengekania w’okwa bya banzire omwakanya k’erihiragho okwa bya banga kolha erikangania ku bakasima ebyo bawithe. Thwamabya n’amalengekania awali ng’ayo, emisabe yethu iyikendibya y’erisabirirya. Eriyitheya okw’ekyo, thutholere ithwalholha embere erikulha-kulhania omubere w’erisima Yehova busana n’ebyosi ebyo akathukolera kandi ithwakanganiagho.​—Lk. 6:45. w23.05 4 enu. 8-9

Kyakathano, Okwerikuminakughuma 7

Bulhaya omw’ikirirya, butsira erithika-thika.​—Yak. 1:6.

Iyo nga Thatha wethu w’olhwanzo, Yehova syalyanza erilhangira thukaghalhwa. (Isa. 63:9) Nomwabine, syali ghunzaho ebitsibu byethu ebyosi, ebyanga linganisibwa n’esyonyusi kutse omuliro. (Isa. 43:2) Aliwe akayilhagha erithuwathikya ‘eribilhabamo.’ Kandi syendi lighira ebitsibu byethu bikathwaghalya kera na kera. Kandi Yehova akathuha omulimu wiwe abuyirire ow’amaaka erithuwathikya eriyiyinia. (Lk. 11:13; Fil. 4:13, NWT) Busana n’ekyo, thwangana yikethera ngoku mughulhu wosi akendibya inianemuthuha ebyonyine-nyine ebya thukayithagha nuku thuyiyinaye n’erisighalha ithune bathaleghulha okw’iyo. Yehova anzire ithwamuyikethera. (Ebr. 11:6) Hakanayira, ebitsibu byethu ibyabya nga ni binene kutsibu. Nibya ithwangana tsuka eribulha Yehova ng’anemwendi thuwathikya. Aliwe e Biblia yikathukakasaya ngoku busana n’amaaka wa Nyamuhanga thwangana ‘lenga oko lhuhimbo.’ (2 Sam. 22:30) Neryo omwakanya k’erithika-thika, thutholere ithwasaba ithunawithe erikirirya linene, ithunayikethere ngoku Yehova akendi subirya emisabe yethu.​—Yak. 1:6, 7. w23.11 22 enu. 8-9

Kyamukagha, Okwerikuminakughuma 8

Eripalya [ly’olhwanzo] n’ipalya ly’omuliro, ekirimi kundu ky’Omwami Mukulhu. Amaghetse mangyi syanga thoka eririmya olhwanzo, kutse erighunga ly’amaghetse siryanga thoka erisendyalho.​—Olw. 8:6, 7.

Ebi ka ni binywe ebyuwene kutsibu ebikasoborera olhwanzo lhw’okwenene! Ebinywe ebi biri mw’ekwenene eyikahimba abatheke: Mwangana thungirana olhwanzo olhuthe lemawa. Mbulha abathahenie bamathwamu eribya n’olhwanzo olhuthe lemawa omw’ibyaho lyabo lyosi kutse eyihi kikasighikira okw’ibo. Ng’eky’erileberyako, omuliro iniakendi lholha embere eryaka—inianalyahiribawamo esyongwe. Ekyo kyamathendi kolhwa, erighunzerera iniakendilima. Kuthya olhwanzo olho omulhume na mukali wiwe bawithirene lhwangana sighalha ilhunaghumire—aliwe ibanalyaghumaya obughuma bwabo. Okwa bundi buthuku, omulhume na mukali wiwe bangana yowa olhwanzo lhwabo ilhuli kuholhoka, kutsibu-tsibu omughulhu babiribbunika muthima busana n’ebitsibu by’esyosente, eby’amaghalha, kutse eby’erilembera abaana. Neryo omulhume na mukali wiwe erilhangira bathi “ekirimi kundu ky’Omwami Mukulhu” kikabya ikinakire, abosi batholere ibahiraho akaghalha nuku babye n’obughuma obughumire na Yehova. w23.05 20-21 enu. 1-3

Kyasande, Okwerikuminakughuma 9

Siwubahe.​—Dan. 10:19.

Erithoka erikulha-kulhania obuthubaha, thutholere ithwakolhaki? Ababuthi bethu bangana thubwira bathi thubye bathubaha, aliwe sibangathusighalirya omubere oyu ng’omwandu. Erithunga obuthubaha liri ng’erigha omubiiri muhyaka. Enzira nguma eya wanga thokeramo ndeke erikolha omubiiri oyo ly’erilebya ndeke ebya omukangirirya wawu akakolha neryo iwakopa eky’erileberyako kiwe. Kuthya, thuk’igha eribya bathubaha omw’ilebya ndeke ngoku abandi bakakanganaya omubere oyu neryo ithwakopa eky’erileberyako kyabu. Nga Danieli, thutholere ithwaminya ndeke e Biblia. Thutholere ithwabya n’obughuma obukamathire na Yehova omw’ikania nayu ahathe eriyikukumirira kandi mughulhu wosi. Kandi thutholere ithwayikethera Yehova, omw’iligha ngoku mughulhu wosi akendi thuwathikya. Neryo omughulhu erikirirya lyethu likalengawako, ithukendibya bathubaha. Abandu abathubaha bakasikibawa. Bangana leka abandu b’emithima myolho ibasa oku Yehova. Kwesi thuwithe nzumwa mbuya sy’eribya bathubaha. w23.08 2 enu. 2; 4 enu. 8-9

Kyabbalaza, Okwerikuminakughuma 10

Mulenge emyatsi yosi.​—1 Tes. 5:21.

Ekinywe ky’Ekigiriki ekyahindulhawamo “mulenge” ikikakolesibawa erilebya ebyuma eby’obughuli. Kwesi, thutholere ithwalebya ebya thukowa kutse ebya thukasoma eriminya nga nina by’okwenene. Okw’’ithwe kikendyongera eribya kikulhu obulighe bunene bunemuseghera hakuhi. Omwakanya k’eriligha omwa bukiru eby’abandi bakabugha, thukakolesaya amaaka wethu w’erilengekania erilinganisya ebya thukasoma kutse ebya thukowa n’ebya e Biblia n’ekithunga kya Yehova bikabugha. Omw’ikolha ekyo, isithwendi thebibwa omwa poko-poko yosi-yosi ey’esyombinga kutse amathebo. (Emi. 14:15; 1 Tim. 4:1) Ng’egurupu, abaghombe ba Nyamuhanga bakendi syalhama okwa bulighe bunene. Aliwe obuli mundu syasi ebikendi mubyako omungya. (Yak. 4:14) Nomwabine, mbulha thwamalhama okwa bulighe bunene kutse thwamaholha buthebwahika, thukendi syahebwa engebe y’erikotha thwamasighalha bathaleghulha. Kwesi ithwe bosi ka thuhire amalengekania okwa maha wethu mabuyanga n’eribya ithunayitheghekere ekiro kya Yehova! w23.06 13 enu. 15-16

Kyakabiri, Okwerikuminakughuma 11

Abiribisulira abaghombe biwe ekibisire kiwe.​—Amo. 3:7.

Sithwasi awandi maminyereri we Biblia ng’akendi syabererera athi. (Dan. 12:8, 9) Aliwe erithabya isithuthayitheghererya ndeke obuminyereri nga bukendi syabererera buthi sikirimanyisaya indi sibwendi syabererera. Ahathe erithika-thika, thwangana yikethera ngoku Yehova akendi syathubisulira ebyo thukayithagha eriminya okwa buthuku obutholere, ngoku anakolha kera. Erirangirira ‘ly’obuholho n’eriyisyandira’ likendibya. (1 Tes. 5:3) Neryo amathabali w’ekipolitiki akendi bindukira amadini w’amabehi n’erithoghothyagho. (Erib. 17:16, 17) N’enyuma waho akendi syabambira abandu ba Nyamuhanga. (Eze. 38:18, 19) Emyatsi eyi yikendi syathukolya okwa lhuhi lhw’erighunzerera olhwe Harmagedoni. (Erib. 16:14, 16) Thwangana yikethera ngoku emyatsi eyi yikisiya iyabererera. Neryo thunalindirire ekyo, thulhole embere erikangania ku thukasima Thatha wethu w’elhubulha ow’olhwanzo omw’iyithendya okwa maminyereri we Biblia n’eriwathikya abandi erikolha ekyo. w23.08 13 enu. 19-20

Kyakasathu, Okwerikuminakughuma 12

Thwanzane, kusangwa olhwanzo lhukalhua oku Nyamuhanga.​—1 Yn. 4:7.

Omukwenda Paulo abere akakania okw’ikirirya, amaha, n’olhwanzo mwaghunzerera omw’ibugha athi “olhwanzo lhulengire eyindi myatsi eyi.” (1 Kor. 13:13) Ni kyahi ekyaleka Paulo iniabugha eki? Omwa buthuku obukasa, sithwendi syayithagha erikirirya omwa milhaghe ya Nyamuhanga eyihambire okwa kihugho kihya-kihya kiwe kutse eribya n’amaha thuthi emilhaghe eyo yikendi syabererera kundi yikendi syabya iyabiribererera. Aliwe thukendi syayithagha erianza Yehova n’abandu mughulhu wosi. Okwenene kuli kuthi, olhwanzo olho thubawithire lhukendi syalholha embere kera na kera. Kandi, olhwanzo lhukathuminyikalhaya ng’Abakristayo b’okwenene. Yesu mwabwira abakwenda biwe athi: “Neryo mwamabya n’olhwanzo, omughuma busana n’owundi, abandu bosi basyaminya ko muli bigha baghe.” (Yn. 13:35) Eryongera okw’ekyo, erianzana likaleka ithwalholha embere eribya bughuma. Paulo mwahulha olhwanzo mwa “olhukahikanaya ebyosi haghuma omo bughuma.” (Kol. 3:14) Omukwenda Yoane mwahandikira balikyabo athi: “Oyuwanzire Nyamuhanga, anze na mulikyabo nibya.” (1 Yn. 4:21) Thukabya thukanzana thukakanganaya ku thwanzire Nyamuhanga. w23.11 8 enu. 1, 3

Kyakani, Okwerikuminakughuma 13

Thuyilhusaye kw’ebyosi.​—Ebr. 12:1.

E Biblia yikalinganisaya engebe yethu ng’Abakristayo n’amathibitho. Abakathoka erithibitha erihika okw’ikyuruka omuhuha bakendi syahebwa engebe y’erikotha. (2 Tim. 4:7, 8) Thutholere ithwahiraho akaghalha erilholha embere erithibitha, kutsibu-tsibu kundi omuhuha ali hakuhi kwilhaba kera. Omukwenda Paulo mwahulha ekikendi thuwathikya erisinga amathibitho. Mwathubwira athi “thuyilhusaye kw’ebyosi . . . , thuthibithe n’eriyiyinia omo mathangwa awali embere syethu.” Mbwino amanyisaya athi sihali musiko wosi-wosi ogho Omukristayo atholere iniaheka? Eyihi, ekyo sikyamanyisaya. Omwakanya k’ekyo, amanyisaya athi thutholere ithwayilhusyako emisiko yosi eyitheyithaghisibawa. Omulingo w’omusiko oyu angana thulemesya kandi inialeka ithwalhuha. Erithoka eriyiyinia, omwa byalhuba thutholere ithwaminya n’eriyilhusyako omusiko wosi-wosi owatheyithaghisibawa owanga thulemesya. Aliwe kandi, sithwanzire erighusa emisiko eya thunatholere ithwaheka. Bithe bithya, isithwendi thasyatholera eribya omwa mathibitho.​—2 Tim. 2:5. w23.08 26 enu. 1-2

Kyakathano, Okwerikuminakughuma 14

Obubuya bwenyu sibubye obw’eyihya.​—1 Pet. 3:3.

Obuyitheghererya bukathuwathikaya erisikya amalengekania w’abandi. Ng’eky’erileberyako, abandi bali bethu banzire eriyipamba, abandi eyihi. Abandi Bakristayo bakatsemera erinywa obwabu okwa lhulengo, aliwe abandi bakathwamu erithendi bunywa. Abakristayo abosi banzire amaghalha awuwene aliwe bakasombolha esyonzira muthina-muthina sy’eritsomaniramo amaghalha wabu. Thwamayowa thuthi erithwamu lyethu ly’erihikire kandi thukanza erilikulha-kulhania omwa kithunga, ithwangana thwikalya abandi n’erilethaho erighabulhana. (1 Kor. 8:9; 10:23, 24) Ng’eky’erileberyako, omwakanya k’erihiraho emyambalire mirebe, Yehova abirithuha emisingyi eya thwanga ghenderako. Thuli b’eryambalha omwa nzira eyitholere abaghombe ba Nyamuhanga, erikangania obuyitheghererya, eriyikehya, “n’eriyitheya.” (1 Tim. 2:9, 10) Busana n’ekyo, sithulyambalha omwa mibere y’erileka abandu ibathuhweryako amalengekania. Kandi emisingyi ye Biblia yikawathikaya abasyakulhu eriyihighulha okw’iyihiriraho ebilhaghiro ebihambire okwa myambalire n’emipambire y’esyonzwiri. w23.07 23-24 enu. 13-14

Kyamukagha, Okwerikuminakughuma 15

Mumbulikirire ndeke, kandi mulye ekibuya, wuyitsemesaya omo binunire.​—Isa. 55:2.

Yehova abirithuhiriraho omusingyi w’eritsemera emighisa eyikalhwiririramo. Abakaligha erikokya ‘ly’omukali mukiru’ bakahira amalengekania w’okw’itsemera eby’eriyitsemesya ‘ebisihire’ aliwe eby’obubiso-biso. Ekikalhwiririramo ni hwera omwa “mirindi y’Ekulimu.” (Emi. 9:13, 17, 18) Ekyo ka kiri mbaghane okwa bakaligha erikokya erikalhua okwa “menge” w’okwenene! (Emi. 9:1) Thunemw’igha erianza ebya Yehova anzire n’eripona eby’aponire. (Esy. 97:10) Kandi thukabana erithekana omw’ikokya abandi nuku baghasirawe omwa “menge” w’okwenene. Thuli ng’abakabirikira ‘omo syosingyi sy’omuyi thuthi: Omukiru akithe muno.’ Emighisa eyo ithwe haghuma n’abakaligha erikokibwa thukabana si ya munabwire musa. Yikakotha, erileka ‘ithwabyaho’ kera na kera ‘thunemulendera omo nzira y’obwowika.’—Emi. 9:3, 4, 6. w23.06 24 enu. 17-18

Kyasande, Okwerikuminakughuma 16

Oyukayibombeka okw’ihithana owene kwilhaba ab’obuthoki; n’oyukathabalira ekirimu kiwe owene kwilhaba oyukahunga omuyi.​—Emi. 16:32.

Wukayowa wuthi oyowukakolha nayu kutse oyowukasoma nayu amakubulya okwa bya wikirirye? Wukanakwa engitsi? Abangyi omw’ithwe bakakwayo. Aliwe ekibulyo ekiri ng’ekyo kyangana leka ithwaminya amalengekania w’abandi kutse ebyo bikirirye, ikyathuha akaghisa k’eribabwira okwa ngulhu yuwene. Aliwe okwa bundi buthuku, omundu anganabulya ekibulyo erianza erikakalhukana nethu. Ekyo isikyathuswekaya. Kundi nibya abandi babiribwirwa amabehi okwa bya thwikirirye. (Emib. 28:22) Eryongera okw’ekyo, thuli omwa “biro by’enyuma-nyuma,” obuthuku omughulhu abangyi ‘sibeghanyira [“abathe lighirana n’owosi-wosi,” NWT]’ kandi nibya ni “batsibu.” (2 Tim. 3:1, 3) Iwangana yibulya, ‘Nangabya indi inganahehere kandi ingane w’olhukogho omundu amahakanisya ebya ng’ikirirye ebiseghemere okwa Biblia?’ Ni kyahi ekyanga kuwathikya? Obwolho. Omwolho syali hithana lhuba-lhuba aliwe akayikakiraya akaponesibwa kandi n’omughulhu akabya isyawithe eky’eribugha. w23.09 14 enu. 1-2

Kyabbalaza, Okwerikuminakughuma 17

Wasyayirabo mo bathabali omo kihugho kyosi.​—Esy. 45:16.

Okwa bundi buthuku, thukanabana erihabulha erikathutheghaya okwa bindu ng’erianza ebindu n’okw’ikolha emibiiri eyanga thuhira omwa kabi k’erithwa ebihano bya Nyamuhanga. N’omw’eki, thukatsumulhawa busana n’erighendera okwa busondoli obo Yehova akaha. (Isa. 48:17, 18; 1 Tim. 6:9, 10) Ahathe erithika-thika Yehova akendi lholha embere erikolesya abandu erimw’imanira erithuha obusondoli omwa buthuku bw’obulighe bunene n’erihika okw’Ithabalha ly’Emyaka Rukumi. Mbwino thunemwendi lholha embere erighendera okwa busondoli obo? Kutsibu-tsibu eki ikikendi thokekana thwamabya thunemughendera okwa busondoli obwa Yehova akaha lino. Kwesi mughulhu wosi ka thughendere okwa busondoli bwa Yehova, imwamune n’obwa abalhume abasombwerwe erithutheya bakathuha. (Isa. 32:1, 2; Ebr. 13:17) Kandi thukabya thukakolha ekyo, thukabya n’enzumwa nyingyi esyangaleka ithwayikethera Omusondoli wethu, Yehova, oyukathubalhaya okwa kabi k’obunyakirimu n’erithulholya aho thukaya—engebe y’erikotha omwa kihugho kihya. w24.02 25 enu. 17-18

Kyakabiri, Okwerikuminakughuma 18

Mwabirilhamibwa busana n’olhukogho lhwa Nyamuhanga.​—Efe. 2:5.

Omukwenda Paulo mwatsemera engebe eyuwene omwa mubiiri wa Yehova, aliwe abya inianawithe ebitsibu bingyi eby’erirwanisya. Mughulhu mungyi Paulo iniakaghenda esyongendo nyiri-nyiri, kandi omwa biro ebyo emibere y’erighenderamo iyikalire. Omwa syongendo siwe, ihakanayira Paulo iniabana ‘obwiko bw’esyonyusi n’obwiko bw’abarahi.’ Kandi okwa bundi buthuku abahakani ibakamukolha nabi. (2 Kor. 11:23-27) Kandi mughulhu mungyi Abakristayo balikyabo isibalimusima busana n’akaghalha ako akahiraho eribawathikya. (2 Kor. 10:10; Fil. 4:15) Ni kyahi ekya wathikaya Paulo erilholha embere erikolera Yehova? Paulo mw’igha bingyi okwa mibere ya Yehova erilhua omwa Masako n’omwa byalhabamo. Paulo mwaligha ngoku Yehova Nyamuhanga amwanzire. (Abar. 8:38, 39; Efe. 2:4, 5) Kandi nayu mwanza Yehova ya kutsibu. Paulo mwakangania olhwanzo olhwawithire Yehova omw’ikolha n’erilholha embere ‘erikolera abandu ba Nyamuhanga.’—Ebr. 6:10. w23.07 9 enu. 5-6

Kyakasathu, Okwerikuminakughuma 19

Mukenge abathabli b’ekihugho.​—Abar. 13:1.

Abandu bangyi bakaligha ngoku thukayithagha esyogavumente sy’abandu kandi ngoku thutholere ithwanowa ebilhaghiro birebe ebyo “abathabali b’ekihugho” bakahiraho. Aliwe abandu iban’abo bangana ghana erighendera okwa kilhaghiro ekikabya nga siky’obulingirirania kutse ekikabya nga kikabayithaghako bingyi. E Biblia yikakanganaya ngoku esyogavumente sy’abandu sikaletha eriaghalhwa, siri omwa busondoli bwa Sitani, kandi sikisiya isyathoghothibwa. (Esy. 110:5, 6; Omu. 8:9; Lk. 4:5, 6) Kandi yikathubwira yithi “oyukalhwa n’abinye ehamuli akalhwa n’ekilhaghiro kya Nyamuhanga.” Ithwe erighondera abathabali b’ekihugho oko lhulengo lhulebe ni kitsweka ky’okwa mitheghekere ya Yehova eyiriho habw’akathuku kake ey’erihiraho obuyithondeke. Kwesi, thutholere ‘ithwaliha abosi b’eminda yabo,’ imwamuli emisolho, erisikya, n’obwowa. (Abar. 13:1-7) Thwangana lhangira ekilhaghiro nga kyamathusurusuthya, nga si ky’obulingirirania, kutse nga kikalire erighondera. Aliwe thukowa Yehova, kandi akathubwira athi thwowe abathabali aba bamabya isibathabugha bathi thuthwe ebihano biwe.​—Emib. 5:29. w23.10 8 enu. 9-10

Kyakani, Okwerikuminakughuma 20

Omulimu w’Omwami Mukulhu mwamuhikako n’amaaka.​—Abat. 15:14.

Omughulhu Samusoni abuthawa, Abafilisitini babya ibanemuthabalha ekihanda kye Israeli kandi ibakakinubaya. (Abat. 13:1) Erithabalha lyabu eryabya mw’obutsurumi mulyalethera Abaisraeli b’eriaghalhwa linene. Yehova mwasombolha Samusoni “erilhamya Abaisraeli omo byalha by’Abafilisitini.” (Abat. 13:5) Eriberererya olhukwamirwa olhukalire olhu, Samusoni abya w’eriyikethera Yehova. Buthuku bughuma, amahe w’Abafilisitini abya iniabirisyahamba Samusoni e Lehi, kilhangirikire eyabya e Yuda. Abalhume be Yuda mububaha, neryo mubathwamu erighemulira Samusoni y’esyonzighu. Abandu ba Samusoni ibobene-bene mubamuboha ndeke omo bikoba bibiri bihya-bihya n’erimulethera Abafilisitini. (Abat. 15:9-13) Aliwe, “omulimu w’Omwami Mukulhu mwamuhikako n’amaaka” neryo Samusoni amathwa ebikoba ebyo. Neryo “mwabana omukese mubisi w’epunda,” mwimyagho, n’erikolesyagho eritha abalhume 1,000 Abafilisitini!—Abat. 15:14-16. w23.09 2 enu. 3-4

Kyakathano, Okwerikuminakughuma 21

Nyamuhanga mwakolha ebi ngoko ayisunza kera na kera, neryo lino abiriberereryabyo omwisi wa Kristo Yesu Omukama wethu.​—Efe. 3:11.

Yehova abiribya inianemubisulha omwa Biblia ‘mw’eriyisunza liwe erya kera na kera.’ Omwa nzira nguma kutse eyindi, abiribya inianemusingura kundi “abirihangika obuli kindu busana n’eritheghekania” kutse eriyisunza liwe. (Emi. 16:4) Kandi ebikalhwiririra omwa bya Yehova abirikolha bikendi syabyaho kera na kera. Eriyisunza lya Yehova ly’eryahi, kandi ni mbinduka syahi esyo abirikolha nuku aberererayelyo? Nyamuhanga mwabwira abandu biwe b’erimbere b’eriyisunza liwe busana nabu. Babya ‘b’eributha n’erikanyirira, erisulya ekihugho, erighondyakyo; erithabalha obuli kindu ekiriho’ okwa kihugho. (Enz. 1:28) Omughulhu Adamu na Eva bayisamambulha, erileka ekibi kingire omw’ihiika ly’abandu, eriyisunza lya Yehova mulithimana. Mwahindulha enzira eyo lyangaberereremo. Aho n’aho, mwathwamu erihira Obwami omwa lhubulha obwangaberererye eriyisunza liwe ery’erimbere busana n’abandu n’ekihugho.​—Mt. 25:34. w23.10 20 enu. 6-7

Kyamukagha, Okwerikuminakughuma 22

Kumbe Omwami Mukulhu athalinyiwathikaya, kumbe nabirighenda lhuba oko kihugho ekiyiherere.​—Esy. 94:17.

Yehova anganathuwathikya ithuthabikyako. Kyangana thukalira erilholha embere, kwilhabirirya thwamabya ithuwithe erilemererwa ly’olhughumerere. Okwa bundi buthuku erilemererwa lyethu lyanganabya nga lyamongera erikalha kwilhaba eryo omukwenda Petero aby’awithe. Aliwe Yehova anganathuha akaghalha nuku sithubikyeko. (Esy. 94:18, 19) Ng’eky’erileberyako, mughalha wethu mughuma mwasangira omo ngebe ey’ab’olhubutho lhughuma erikolhanako emyatsi y’engyingo ahabw’emyaka mingyi athali igha ekwenene. Mwathwiramo ighuma erileka emitse y’obutswatswa eyo. Nomwabine, ihakanayira iniarwanisya esyongumbu nyibi. Ni kyahi ekyamuwathikaya erithendi bikyako? Akasoborera athi: “Yehova akathughumaya.” Akongerako athi: “Omo buwathikya bw’omulimu wa Yehova . . . , nabiriminya ngoku kithokekene [erilholha embere] omo nzira ey’ekwenene . . . Yehova abirithoka erinyikolesya, kandi nomunganasobaya akalholha embere erinyighumya.” w23.09 23 enu. 12

Kyasande, Okwerikuminakughuma 23

Olhuhembo lw’oyukayikehaya n’eryubaha ly’Omwami Mukulhu, Ni bindu, n’erisikya, n’engebe.​—Emi. 22:4.

Baghalha bethu abalere, erikulha bunyakirimu sikiriyiletha. Mutholere imwasombolha eby’erileberyako ebyuwene ebyo mwanga gherererya, imwakulha-kulhania amaaka w’erilengekania, imwabya bayiketherwa, imw’igha erikolha ebyanga bawathikya, n’eriyitheghekera esyongwamirwa sy’obuthuku obukasa. Okwa bundi buthuku, wanganahwa amani wukalengekania okwa mibiiri ey’obuthuku obukasa. Aliwe wangana thoka. Wibuke ngoku Yehova anzire kutsibu erikuwathikya. (Isa. 41:10, 13) N’abalikyenyu omwa kithunga nabu bakendi kuwathikya. Wamabiribya mulhume oyukulire bunyakirimu, iwukendi bana emighisa n’eritsemera engebe. Thubanzire, inywe baghalha bethu abalere! Ambi Yehova iniabatsumulha munemulengaho lino eribya balhume Bakristayo abakulire bunyakirimu. w23.12 29 enu. 19-20

Kyabbalaza, Okwerikuminakughuma 24

Buyira erilholho.​—Emi. 19:11.

Thathera akasasani iwune okw’iyitsemesya n’abalikyethu. Mwabiritsemera haghuma, kandi imwatherwa ekisasani ng’egurupu. Neryo imwathasyatherwa ebindi bisasani bibiri eky’erimbere kyamabya isikyathuwana. Wamabirithunga ebisasani bisathu. Aliwe omwa kighuma ky’okw’ibyo, iwalhangira mughalha wethu iniabirihina. Neryo iwukendi kihamo kundi wunawithe ebindi bibiri ebyo obuli mundu omwa gurupu anasenyenyirye. Mughulhu mungyi thukibuka emighulhu eyuwene eyo thwaghunza n’abalikyethu. Aliwe thubughe thuthi okwa mughuma w’okwa mighulhu eyo, mulikyethu iniabugha kutse erikolha ekindu ekithe mw’olhukeri. Amalengekania ayo thutholere ithwakoleraghoki? Busana naki ithuthalengesya eriyilhusyaghomo ngoku wangana lhusya ekisasani ekyo ky’omwa bindi? (Efe. 4:32) Ithwangana thoka kundi thuwithe bingyi ebikatsemesaya ebyo thwabirisangiramo nayu. Ayo w’amalengekania agho thwanzire ithwabika n’erilhangira mwa w’obughuli. w23.11 12-13 enu. 16-17

Kyakabiri, Okwerikuminakughuma 25

Abakali nabo bambale esyongimba esitholere, . . . abakali abakayahulhamo bandu abakakenga Nyamuhanga.​—1 Tim. 2:9, 10.

Ekinywe ky’Ekigiriki ekikolesibirwe hano kikakanganaya ngoku esyongyimba sy’omukali Omukristayo sitholere isyabya sy’ekitsumbi kandi esikakanganaya kw’akatsomana eriyowa kutse amalengekania w’abandi. Ka thukayisyethera bali bethu abakulire bunyakirimu busana n’eriambalha omwa nzira eyitholere! Obuyitheghererya ni wundi mubere ogho bali bethu abosi abakulire bunyakirimu batholere ibakangania. Obuyitheghererya niki? Ly’erithwamu ndeke—amaaka w’eriminya ekihikire n’ekithahikire n’erithwamu erikwama enzira eyuwene. Thulebaye eky’erileberyako kya Abigaili. Mwira wiwe mwakolha erithwamu eryanga hambire nabi kutsibu okw’eka yiwe yosi. Abigaili mwalhuaho iniayira eky’erikolha. Erithwamu liwe eryuwene mulyalhamya esyongebe. (1 Sam. 25:14-23, 32-35) Kandi obuyitheghererya bukathuwathikaya eriminya omughulhu w’erikania n’omughulhu w’eribya bukuthu. Nibya likathuwathikaya eriminya aho thwanga subulira thukatsomana abandi.​—1 Tes. 4:11. w23.12 20 enu. 8-9

Kyakasathu, Okwerikuminakughuma 26

Thukatsema omo maha w’erisangira olhukengerwa lhwa Nyamuhanga.​—Abar. 5:2.

Omukwenda Paulo ahandikira ebinywe ebi by’ekithunga ekye Roma. Balikyethu b’eyo babya ibabir’igha oku Yehova na Yesu, ibabirikangania erikirirya, n’eribya Bakristayo. Neryo Nyamuhanga ‘mwabayira mwa bathunganene busana n’erikirirya,’ kandi mwabahakabya omwa mulimu abuyirire. (Abar. 5:1) Mubabana amaha mabuyanga, aw’okwenene. Enyuma waho Paulo mwahandikira Abakristayo abahakabibwa abe Efeso ebihambire okwa maha agho bahebawa. Amaha ayo mwabya eribana ‘omughisa mubuya ogho Nyamuhanga akalhagha abandu biwe.’ (Efe. 1:18) Kandi Paulo mwathasyakangania Abanya Kolosai amaha wabo ng’angabererere hayi. Mwahulhagho mo “amaha w’erilhama awabikire busana nenyu elhubulha.” (Kol. 1:4, 5) Neryo amaha w’Abakristayo abahakabibwa ali athi bakalhubukibawa okwa ngebe y’erikotha elhubulha eyo bakendi syathabalha haghuma na Kristo.​—1 Tes. 4:13-17; Erib. 20:6. w23.12 9 enu. 4-5

Kyakani, Okwerikuminakughuma 27

N’obuholho bwa Nyamuhanga, obulhabire amenge wosi, bwasyatheya emithima yenyu n’amaghanirya wenyu.​—Fil. 4:7.

Ekinywe ekyonyine-nyine ekya ‘eritheya’ kyabya kikakolesibwa omwa mahe kandi ikikakolesibawa erimanyisya abasirikali ababya bakatheya omuyi n’erilhangira bathi syali bambirawa. Ababya bakabya omwa muyi owatheghibirwe oyo ibakaghotsera buholho, ibanasi ngoku abasirikali bane okwa syongyo. Kuthya, obuholho bwa Nyamuhanga bukabya bukatheya omuthima n’obulengekania bwethu, thukathekana, ithunasi ngoku thune omwa butheya. (Esy. 4:8) Ngoku kyabya oku Hana, emibere eyathulimu nomuyangaghana erihinduka aho naho, thwanganathunga obuholho okwa lhulengo lhulebe. (1 Sam. 1:16-18) Kandi thwamabirithekana, mughulhu mungyi kikolhoba erilengekania ndeke n’erithwamu ndeke. Thwanga kolhaki? Omughulhu wuli omwa bitsibu, bwira omutheya wethu. Wuthi? Saba erihika aho wukendi banira obuholho bwa Nyamuhanga. (Lk. 11:9; 1 Tes. 5:17) Wamabya iwuwithe ekitsibu, yitsingirire omw’isaba, neryo iwukendi yilhangirira obuholho bwa Yehova bukatheya omuthima n’obulengekania bwawu.​—Abar. 12:12. w24.01 21 enu. 5-6

Kyakathano, Okwerikuminakughuma 28

Thatha wethu oyuli elhubulha, erina lyawu libye libuyirire.​—Mt. 6:9.

Eriyira erina lya Thatha wiwe mwa libuyirire, Yesu mwaghumira obuli eriaghalibwa, eritsumwa, n’erihangirirwa ebyamuhirawako. Abya inianasi ngoku abiribya inina mwowa oku Thatha wiwe omo myatsi yosi; syabya awithe eky’erikwira esisoni. (Ebr. 12:2) Kandi abya inianasi ngoku Sitani abya inialikumubambira kinyamwisi omwa syosaha esikalire esyo. (Lk. 22:2-4; 23:33, 34) Ahathe erithika-thika, Sitani aby’anzire erithwa obuthaleghulha bwa Yesu; nomwabine, Sitani mwalemerwa ighuma! Yesu mwakangania ndeke ngoku Sitani ni mubehi tsutsutsu kandi ngoku Yehova anawithe abaghombe abathaleghulha, abakamakirira erithunganene lyabu nibya n’omw’ilengwako erikalire kutsibu! Wunanzire eritsemesya Omwami wawu oyunemuthabalha? Lholha embere eripipa erina lya Yehova, eriwathikya abandi eriminya kwenene Nyamuhanga nga nindi. Wamakolha ekyo, wukabya iwamakwama olhughobe lhwa Yesu. (1 Pet. 2:21) Nga Yesu, wukatsemesaya Yehova n’erikangania ngoku enzighu Yiwe, Sitani, ni mubehi tsutsutsu! w24.02 11-12 enu. 11-13

Kyamukagha, Okwerikuminakughuma 29

Omwami Mukulhu nasyamuhaki kwehi? Busana n’ebibuya ebyosi ebyo akamba kwehi?—Esy. 116:12.

Ahabw’emyaka ithano eyihwere, abandu abalhabire omu muliyoni babiribatizibwa eribya Bema ba Yehova. Wukabya wukayihayo oku Yehova, wukabya iwamathwamu eribya mwigha wa Yesu Kristo n’erilhangira erikolha erisonda lya Nyamuhanga mwa kikulhu kutsibu omwa ngebe yawu. Eriyihayo ly’Ekikristayo likendi kuyithagha kwaki? Yesu mwabugha athi: “Omundu amanza erinyikwama, ayighane.” (Mt. 16:24) Ekinywe ky’Ekigiriki ekyahindulhawamo “ayighane” kyangana thasyahindulhwa mwa “erithendibyaho busana nawu iwuwene-wene.” Iwe ng’omughombe wa Yehova oyuyihereyo, wukendi yithagha erighana ekyosi-kyosi ekithehambangana n’erisonda liwe. (2 Kor. 5:14, 15) Ekyo mwamuli erighana ‘emikolere y’omubiri,’ ng’obusingiri. (Gal. 5:19-21; 1 Kor. 6:18) Mbwino ebikakiryo ng’ebyo bikendi kukalirya engebe? Ekyo sikyangabya wamabya iwunanzire Yehova kandi iwunalighire ngoku ebihano biwe ni by’erikughasira.​—Esy. 119:97; Isa. 48:17, 18. w24.03 2 enu. 1; 3 enu. 4

Kyasande, Okwerikuminakughuma 30

Namakutsemera ndeke.​—Lk. 3:22.

Yehova akaha omulimu abuyirire wiwe okw’abo abo akatsemera. (Mt. 12:18) Ithwangana yibulya, ‘Mbwino nganemuthoka erikangania emighuma y’okwa mikolere y’okwa kighuma ky’omulimu wa Nyamuhanga omwa ngebe yaghe?’ Mbwino wanabiryongera erighumisirizya abandi kwilhaba ngoku wabya wuthe waminya Yehova? Okwenene kuli kuthi, wukabya wuk’ongera erigha erikangania emikolere y’omulimu wa Nyamuhanga, kwa wukanongera wuthya eriyilhangirira ngoku Yehova akakutsemera!Yehova anzire abo akatsemera ibaghasirwa omwa ndongolya. (1 Tim. 2:5, 6) Aliwe ibbwa omuthima wethu amaghana eky’eribugha indi Yehova akathutsemera, nomwakine indi thun’ikirirye omwa ndongolya kandi thunabatizibirwe? Wibuke, mughulhu wosi sithwanga yikethera eriyowa lyethu, aliwe thwangana yikethera Yehova. Akalhangira ab’ikirirye omwa ndongolya ng’abathunganene embere siwe kandi akayilhagha eribatsumulha.​—Esy. 5:11; Abar. 3:26. w24.03 30 enu. 15; 31 enu. 17

    Ebitabu Ebiri Omwa Lhukonzo (1982-2026)
    Hulhuka
    Ingira
    • Lhukonzo
    • Ghaba
    • Ebyawanzire
    • Copyright © 2025 Watch Tower Bible and Tract Society of Pennsylvania
    • Eby'Erighenderako
    • Eribika Embiitha
    • erisetinga eby'embiitha
    • JW.ORG
    • Ingira
    Ghaba