Wunemwendi Kolha Obutemburi bw’Obuwathikya Omwa Kwakasathu Kutse Okwakani?

Wunanzire erikolha bingyi omwa mubiiri wa Yehova omwa buthuku bw’Eryibuka? (2Kor 5:14, 15) Omwa Kwakasathu n’Okwakani, abatemburi abawathikya bangana thwamu erikolha esyosaha 30 kutse 50. Wamabya iwangana thoka erisangira omwa mubiiri w’embaghane oyu, hereraya ab’Akathunga ak’Omubiiri ak’Ekithunga k’efomu yawu. Obuli kwezi, amena w’ababirilighirwa erikolha ng’abatemburi abawathikya akendibya akarangwa omwa kithunga. Omwa nzira eyi, ekithunga kyangana wathikya abatemburi omw’ithulira. Ithwe bosi ka thukolesaye akaghisa ak’obuthuku bw’Eryibuka eryuwania emibere yethu y’erithulira n’erihimbangana.​—1Tes 5:11.