Урок 5

Мый Енмыс мӧвпыштіс муыслы?

Мый вылӧ Иегова лӧсьӧдіс мусӧ? (1, 2)

Мыйла муыс ӧні абу рай? (3)

Мый лоӧ лёк йӧзыскӧд? (4)

Мый вӧчас Исус локтан кадӧ висьысьяслы? пӧрысьмӧмъяслы? кулӧмаяслы? (5, 6)

Мый вӧчны, медым босьтны локтан кадса бурсиӧмъяссӧ? (7)

1. Иегова лӧсьӧдіс мусӧ, медым сы вылын помтӧг да шудаа олісны йӧз. Сійӧ кӧсйис, медым му вылын пыр оліс радлуна, бурноголыся морт рӧд (Псалом 113:24; Исайя 45:18). Муыс некор оз ло бырӧдӧма; сійӧ лоас нэмъяс чӧж (Псалом 103:5; Екклесиаст 1:4).

2. Сыӧдз, кыдз вӧчны мортӧс, Ен бӧрйис му вылас места, кӧні лӧсьӧдіс мича рай. Ен шуис сійӧс Едем садӧн. Сэтчӧ сійӧ овмӧдіс медводдза мужичӧйӧс да нывбабаӧс — Адамӧс да Еваӧс. Ен кӧсйис, медым налӧн вӧліны челядь, кодъяс эськӧ овмӧдчисны му пасьталаыс. Вочасӧн йӧзыс став мусӧ эськӧ пӧртісны райӧ (Олӧм 1:28; 2:8, 15).

3. Адам Евакӧд лоины мыжаӧсь, кор тӧдӧмӧн торкисны Енлысь законсӧ. Та вӧсна Иегова вӧтліс найӧс Едем садысь. Рай лои воштӧма (Олӧм 3:1—6, 23). Но Иегова эз вунӧд, мый вылӧ лӧсьӧдіс мусӧ. Сійӧ кӧсйысьӧ вӧчны мусӧ райӧн, кӧні йӧзыс кутасны овны нэмъяс чӧж. Кыдзи Енмыс пӧртас олӧмӧ ассьыс кӧсйӧмсӧ? (Псалом 36:29).

4. Сыӧдз, кыдз му лоӧ райӧн, колӧ, медым бырисны лёк йӧз (Псалом 36:38). Тайӧ лоӧ Армагеддонын — Енлӧн тышын, кӧні лоӧ бырӧдӧма став лёксӧ. Сы бӧрын Сатанаӧс лоӧ дорӧма 1 000 во кежлӧ. Сідзкӧ, оз коль некод, коді эськӧ муыслы вӧчис лёк. Ловъяӧн кольӧ сӧмын Енлӧн войтыр (Восьтӧм 16:14, 16; 20:1—3).

5. Сэсся муӧн 1 000 во чӧж кутас веськӧдлыны Цар Исус Христос (Восьтӧм 20:6). Вочасӧн сійӧ бырӧдас морт вежӧрысь да вир-яйысь мыжсӧ. Йӧзыс лоасны сэтшӧм жӧ тыр-бурӧн, кутшӧмӧсь вӧліны мыж вӧчтӧдзыс Адам да Ева. Сэки оз ло висьӧмыс, пӧрысьмӧмыс да кулӧмыс. Висьысьяс мынасны висьӧмъясысь, пӧрысьяс бӧр лоӧны томӧн (Иов 33:25; Исайя 33:24; Восьтӧм 21:3, 4).

6. Исуслӧн Сюрс во Веськӧдлігӧн Енлы вернӧй йӧз став мусӧ пӧртасны райӧ (Лукасянь 23:43). Сыысь кындзи Ен ловзьӧдас овны му вылын уна миллион кулӧм мортӧс (Уджъяс 24:15). Кутасны кӧ тайӧ йӧзыс олӧмас пӧртны Енлысь тшӧктӧмъяссӧ, то кутасны помтӧг овны му вылын. Оз кӧ — найӧс лоӧ пыр кежлӧ бырӧдӧма (Иоансянь 5:28, 29; Восьтӧм 20:11—15).

7. Тадзи лоӧ бура вӧчӧма ставсӧ, мый Енмыс первойсяньыс мӧвпыштіс муыслы. Кӧсъян-ӧ тэ босьтны локтан кадас тайӧ бурсиӧмъяссӧ? Та вӧсна колӧ водзӧ тӧдмавны Иегова йылысь да олӧмӧ пӧртны сылысь тшӧктӧмъяссӧ. Таын тэныд отсалас Иеговалӧн Висьталысьяслӧн матысса Царство Залын чукӧртчылӧмъяс вылӧ волӧм (Исайя 11:9; Еврейяслы 10:24, 25).

[Иллюстрация, страница 10]

Воштӧм рай.

[Иллюстрация, страница 11]

Армагеддон бӧрын муыс бӧр лоӧ райӧн.