Урок 11
Религияса велӧдӧмъяс да обычайяс, кодъяс оз шогмыны Енлы
Кутшӧм велӧдӧмъяс да обычайяс лӧсявтӧмӧсь? (1)
Колӧ-ӧ христианалы эскыны, мый Ен — сійӧ Троича? (2)
Мыйла збыль христиана оз пасйыны Рӧштво, Пасха да чужан лунъяс? (3, 4)
Вермӧны-ӧ кулӧмаяс вӧчны йӧзлы лёк? (5)
Куліс-ӧ Исус крест вылын? (6)
Ёна-ӧ колӧ лоны шогманаӧн Енлы? (7)
1. Абу став религияса велӧдӧмыс да обычайыс омӧль. Но Ен оз ошкы найӧс, кодъяс воисны ылӧдлана религияысь да оз лӧсявны Библияын велӧдӧмлы (Матвейсянь 15:6).
2. Троича. Вермас-ӧ Иегова лоны Троичаӧн, мӧд ногӧн кӧ, куим вежӧра олысьӧн ӧти Енмын? Оз! Иегова — Бать — сійӧ «ӧти збыль Ен» (Иоансянь 17:3; Марксянь 12:29). Исус — Сылӧн медводдза чужысь Пи, Сылӧн служитысь (1 Коринфӧ 11:3). Батьыс ыджыдджык Письыс (Иоансянь 14:28). Вежа лов — абу вежӧра олысь, а Енлӧн удж вӧчан вын (Олӧм 1:2; Уджъяс 2:18).
3. Рӧштво да Пасха. Исус чужис эз декабрь 25 лунӧ. Сійӧ чужис октябрь 1 лун гӧгӧр — сійӧ кадӧ, кор войясын скӧт видзысьяс кутісны на ассьыныс пемӧссӧ восьсаинын (Лукасянь 2:8—12). Исус некор эз шулы, медым христиана пасйисны сылысь чужан лунсӧ. Мӧдарӧ, сійӧ тшӧктіс аслас велӧдчысьяслы век казьтывлыны сылысь кулӧмсӧ (Лукасянь 22:19, 20). Рӧштво да рӧштвоса обычайяс воисны важ кадся ылӧдлана религияясысь. Сэтысь жӧ воисны пасхаса обычайяс, кӧні вӧдитчӧны сэтшӧмторъясӧн, кыдзи кольк да кролик. Медводдза христиана эз пасйыны Рӧштво да Пасха, оз вӧчны тайӧс и ӧнія збыль христиана.
4. Чужан лунъяс. Библияын казьтывсьӧ сӧмын кык чужан лун пасйӧм йылысь. Найӧс пасйисны йӧз, кодъяс эз служитны Иеговалы (Олӧм 40:20—22; Марксянь 6:21, 22, 24—27). Воддза христиана эз пасйывлыны чужан лунъяссӧ. Тайӧ обычайыс воис важ кадся ылӧдлана религияясысь. Збыль христиана вӧчалӧны козинъяс да радпырысь ёртасьӧны ӧта-мӧдныскӧд во чӧж.
5. Полӧмлун кулӧмаяс водзын. Кулӧмаяс нинӧм оз вермыны вӧчны либӧ кывны. Ми налы нинӧмӧн ог вермӧй отсавны, а найӧ оз вермыны вӧчны миянлы лёксӧ (Псалом 145:4; Екклесиаст 9:5, 10). Душаыс кулӧ; сійӧ оз ов кулӧм бӧрын (Иезекииль 18:4). Но овлӧ, лёк ангелъяс, кодъяс шусьӧны шеваясӧн, асьсӧ петкӧдлӧны, быттьӧ найӧ — кулӧмаяслӧн ловъяс. Обычайяс, кодъяс чужтӧны полӧмлун кулӧмаясысь да ышӧдӧны служитны налы,— омӧльӧсь (Исайя 8:19).
6. Крест. Исус куліс эз крест вылын. Сійӧ куліс кер либӧ сюръя вылын. Греческӧй кыв, кодӧс Библия вуджӧдігӧн уналаын гижӧны «крест» кывйӧн — лоӧ кер. «Крест» символыс воӧма важ кадся ылӧдлана религияясысь. Воддза христианалӧн эз вӧв служитӧмас крестыс, и найӧ эз служитны сылы. Та вӧсна мӧвпалыштӧй: лоӧ-ӧ бур служитӧмын вӧдитчыны крестӧн? (Мӧд Индӧд 7:26; 1 Коринфӧ 10:14).
7. Вермас лоны, мый тані вайӧдӧмысь кутшӧмкӧ велӧдӧм либӧ обычай эновтны зэв сьӧкыд. Гашкӧ, матыссаясыд да ёртъясыд видласны кутны тэнӧ важ велӧдӧмъястӧ эновтӧмысь. Но коланаджык лоны шогманаӧн Енлы, а оз йӧзлы (Нӧдкывъяс 29:25; Матвейсянь 10:36, 37).
[Иллюстрация, страница 22]
Ен абу Троича.
[Иллюстрация, страница 23]
Рӧштво да Пасха воисны важ кадся ылӧдлана религияясысь.
[Иллюстрация, страница 23]
Абу некутшӧм подув служитны кулӧм йӧзлы да повны наысь.