Урок 12
Пыдди пуктыны олӧм да вир
Кыдзи миянлы колӧ видзӧдны олӧм вылӧ? (1) аборт вылӧ? (1)
Кыдзи христиана зільӧны видзны асьнысӧ лёк суӧмысь? (2)
Позьӧ-ӧ виавны пемӧсъясӧс? (3)
Кутшӧм велалӧмъясын абу олӧмсӧ пыдди пуктӧмыс? (4)
Мый висьтавсьӧ Ен законын вир йылысь? (5)
Пырӧ-ӧ законӧ и вир сюйӧм? (6)
1. Иегова — олӧм Сетысь. Став ловъяыс аслас олӧмӧн уджйӧза Енлы (Псалом 35:10). Олӧмыс вежа Ен синмын. Иеговалы зэв дона олӧмыс весиг чужсьытӧм на кагалӧн. Тӧдӧмӧн виӧм кынӧмын быдмысь кагаӧс — лёк Ен син водзын (Петӧм 21:22, 23; Псалом 126:3).
2. Збыль христиана зільӧны видзны асьнысӧ лёк суӧмысь. Найӧ старайтчӧны, медым машина вылын эз вӧв ӧпаснӧ ветлыны, а керкаын позис повтӧг овны (Мӧд Индӧд 22:8). Енлӧн служитысьяс оз сетны ассьыныс олӧмсӧ ковтӧм риск улӧ сӧмын гажӧдчӧм либӧ ёсь кылӧмъяс ради. Та вӧсна найӧ оз кутчысьны сэтшӧм спорт дінӧ, кӧні тӧдӧмӧн мортыслы вӧчӧны лёк. Найӧ видзчысьӧны гажӧдчӧмъясысь, кӧні ошкыссьӧ дзескӧдӧм (Псалом 10:5; Иоансянь 13:35).
3. Пемӧсъяслӧн олӧмыс сідзжӧ вежа Лӧсьӧдысь син водзын. Христианалы позьӧ виавны пемӧсъясӧс сёян да паськӧм ради, да сідзжӧ, найӧ кӧ висьӧны да мортлы вермӧны вайны вред (Олӧм 3:21; 9:3; Петӧм 21:28). Но вӧдитчыны накӧд лёка да виавны найӧс спортивнӧй интерес понда, либӧ тешитчӧм ради — абу бур (Нӧдкывъяс 12:10).
4. Христианалы оз позь куритчыны, курччавны арекӧвӧй кӧйдыс да вӧдитчыны гажӧдчӧм ради наркотикъясӧн. Ставсӧ тайӧс вӧчны — омӧль, сы вӧсна, мый 1) татшӧм велалӧмъясыс рабӧ пӧртӧны, 2) вайӧны лёк вир-яйлы да 3) пежӧсь (Римсалы 6:19; 12:1;2 Коринфӧ 7:1). Татшӧм велалӧмъяссьыс зэв сьӧкыд овлӧ мынтӧдчыны. Но тайӧс колӧ вӧчны, медым лоны шогманаӧн Иеговалы.
5. Вир сідзжӧ вежа Ен синмын. Ен шуӧ, мый вирын душа, мӧд ногӧн кӧ, олӧм. Юны либӧ сёйны вир абу бур. Сідзжӧ оз ло бур сёйны яй, кытысь вирыс абу петӧма кыдз колӧ. Пемӧсыс кӧ пӧдіс либӧ куліс капканын, то сійӧс сёйны оз позь. Сійӧс кӧ сатшкисны шыӧн либӧ лыйисны ружьеысь, пемӧссьыс колӧ ӧдйӧджык лэдзны вирсӧ, сӧмын сэки сійӧс позьӧ сёйны (Олӧм 9:3, 4; Левит 17:13, 14; Уджъяс 15:28, 29).
6. Оз ӧмӧй позь сюйны вир? Тӧд вылын кутӧй: Иегова тшӧктӧ, медым ми видзчысим вирысь. Сідзкӧ, миянлы некутшӧм ногӧн оз ков сюйны вир мукӧд йӧзлысь да весиг, кодӧс босьтӧма миянлысь да кӧнкӧ видзӧма (Уджъяс 21:25). Та вӧсна збыль христиана оз лэдзны сюйны вир. Найӧ сӧгласӧсь мукӧд бурдӧдчанторъяс вылӧ, шуам, виртӧм препаратъяс сюйӧм вылӧ. Христиана кӧсйӧны овны, но оз кутны мездыны ассьыныс олӧмсӧ Енлысь законъяс торкӧмӧн (Матвейсянь 16:25).
[Иллюстрации, страница 25]
Медым лоны шогманаӧн Енлы, миянлы колӧ видзчысьны вир сюйӧмысь, пеж велалӧмъясысь да ковтӧм риск улӧ пырӧмысь.