Урок 13

Кыдзи аддзыны збыль религия?

Став религияыс шогмана Енлы али сӧмын ӧти? (1)

Мыйла му вылас сы мында религия, кодъяс шусьӧны христианскӧйӧн? (2)

Кыдзи тӧдмавны збыль христианаӧс? (3—7)

1. Исус пуктіс подув ӧти збыль христианскӧй религиялы. Та вӧсна талун Иегова Енлы збыль служитысьяслӧн вермас лоны сӧмын ӧти нырвизь, либӧ котыр (Иоансянь 4:23, 24; Ефесӧ 4:4, 5). Библия велӧдӧ, мый сӧмын этшаник йӧз мунӧны олӧмӧ нуӧдысь векньыд туйӧд (Матвейсянь 7:13, 14).

2. Библияын вӧлі водзвыв висьталӧма, мый апостолъяс кулӧм бӧрын христианалӧн собраниеӧ пырасны ылӧдлана велӧдӧмъяс да абу христианалӧн обычайяс. Сідзжӧ гижӧма, мый авторитета йӧз вӧчасны сідз, медым эскысьяс мунісны на бӧрся, а эз Христос бӧрся (Матвейсянь 7:15, 21—23; Уджъяс 20:29, 30). Со мыйла ӧні уна религия, кодъяс шуӧны асьнысӧ христианаӧн. Кыдзи тӧдмавны, коді збыль христианаыс?

3. Медтӧдчана пасыс збыль христианалӧн — тайӧ сьӧлӧмсянь ӧта-мӧдӧс радейтӧм (Иоансянь 13:34, 35). Збыль христиана пӧвстын оз велӧдны, мый йӧзыс ӧти расаысь либӧ кучик рӧмаысь бурджыкӧсь йӧзысь, кодъяслӧн мӧд раса либӧ кучик рӧм. На пӧвстын сідзжӧ оз велӧдны мустӧмтны олысьясӧс мукӧд странаысь (Уджъяс 10:34, 35). Та вӧсна збыль христиана оз мунны война вылӧ. Найӧ сьӧлӧмсяньыс радейтӧны ӧта-мӧднысӧ чойясӧс да вокъясӧс моз (1 Иоансянь 4:20, 21).

4. Нӧшта ӧти тӧдчана пас — Библиясӧ пыдди пуктӧм. Збыль христиана лыддьӧны сійӧс Ен Кывйӧн да эскӧны ставыслы, мый сэні гижӧма (Иоансянь 17:17; 2 Тимофейлы 3:16, 17). Енлӧн Кыв налы коланаджык мортлӧн велӧдӧмысь да обычайысь (Матвейсянь 15:1—3, 7—9). Найӧ пыр зільӧны овны Библия серти. Та вӧсна кывъясыс, кодъясӧс найӧ висьталӧны бур юӧр паськӧдігӧн, оз торъявны налӧн олӧмсьыс (Титлы 1:15, 16).

5. Збыль религия дор сулалысьяслы сідзжӧ колӧ бурӧ пуктыны Енлысь нимсӧ (Матвейсянь 6:9). Исус висьтавліс йӧзыслы Енлӧн ним йылысь — сы йылысь, мый Енмыслӧн нимыс — Иегова. Збыль христианалы колӧ вӧчны сідзжӧ (Иоансянь 17:6, 26; Римсалы 10:13, 14). Коді тіянладорын висьталӧ йӧзыслы Енмыслӧн ним йылысь?

6. Збыль христианалы колӧ висьтавлыны Енлӧн Царство йылысь. Тайӧс вӧлі вӧчӧ Исус. Сійӧ пыр висьтавліс Царство йылысь (Лукасянь 8:1). Тайӧ жӧ юӧрсӧ сійӧ тшӧктіс велӧдчысьясыслы паськӧдны му пасьталаыс (Матвейсянь 24:14; 28:19, 20). Збыль христиана сьӧлӧмсяньыс эскӧны, мый сӧмын Енлӧн Царство ваяс му вылӧ сӧгласа да лӧнь олӧм (Псалом 145:3—5).

7. Исуслӧн велӧдчысьяс оз участвуйтны тайӧ лёк мирыслӧн могъясас (Иоансянь 17:16). Найӧ оз сюйсьыны тайӧ мирыслӧн политикаӧ да социальнӧй зыксьӧмъясӧ. Найӧ оз босьтны тайӧ мирыслысь лёк олан сямсӧ, обычайсӧ да видзӧдлассӧ (Яковлӧн 1:27; 4:4). Верман-ӧ тэ шуны религияса нырвизь, кодлӧн, кыдз тэ тӧдан, эм збыль христианалӧн вайӧдӧм тӧдчана пасъясыс?

[Иллюстрации, страницы 26, 27]

Збыль христиана радейтӧны ӧта-мӧднысӧ, пыдди пуктӧны Библия да висьталӧны Енлӧн Царство йылысь.