Енлӧн ёртъясыс кутасны овны райын

Рай оз ло сэтшӧм, кутшӧм олӧмыс ӧні. Ен некор эз кӧсйы, медым муыс тырис шогӧн, дойӧн да майшасьӧмӧн. Локтан кадӧ Ен вӧчас мусӧ Райӧн. Кутшӧм лоас Райыс? Видзӧдлам, мый висьтавсьӧ Библияын:

Бур йӧз. Райыс лоас оланінӧн Енлӧн ёртъяслы. Найӧ кутасны вӧчны ӧта-мӧдныслы сӧмын буртор. Найӧ кутасны овны сідзи, кыдзи петкӧдлӧны Енмыслӧн веськыд туйясыс (Нӧдкывъяс 2:21).

Зэв уна сёян. Раяс оз кутны тшыгъявны. Библия шуӧ: «Лоӧ тырмымӧн нянь [либӧ сёян] му вылын» (Псалом 71:16).

Зэв бур керкаяс да лӧсьыд удж. Райскӧй му вылын быд семьялӧн лоӧ аслас керка. Быд мортлӧн лоӧ сэтшӧм удж, кодысь сьӧлӧмыд радлӧ (Исайя 65:21—23).

Му пасьталаыс мир. Йӧзыс оз нин кутны тышкасьны да кувны война вылын. Ен Кывйын висьтавсьӧ: «[Енмыс] дугӧдіс войнаяс» (Псалом 45:9, 10).

Бур дзоньвидзалун. Библия кӧсйысьӧ: «Весиг ӧти олысь [Раяс] оз шу: „ме вися“» (Исайя 33:24). Оз лоны чотысьяс, синтӧмъяс, пельтӧмъяс да кывтӧмъяс (Исайя 35:5, 6).

Бырас дой, шог да кулӧм. Ен Кывйын висьтавсьӧ: «Кулӧмыс оз нин ло, и бӧрдӧмыс, и ойзӧмыс, и дойыс оз нин ло. Важыс быри» (Восьтӧм 21:4).

Скӧр йӧзыс оз лоны. Иегова кӧсйысьӧ: «Тшӧктытӧмтор вӧчысьясӧс лоӧ бырӧдӧма му вылысь, да веритӧмсӧ жугӧдысьясӧс лоӧ вужнас нетшыштӧма сы вылысь» (Нӧдкывъяс 2:22).

Йӧзыс кутасны радейтны да пыдди пуктыны ӧта-мӧдсӧ. Оз нин ло веськыд туйысь кежӧм, дзескӧдӧм, горшасьӧм да мустӧмтӧм. Йӧз костын лоас лӧсялӧм, налӧн олӧмыс ладмас Енлӧн веськыд туйыскӧд (Исайя 26:9).