Райыс матын!

Став омӧльторйыс, коді вӧчсьӧ ӧні му вылас, петкӧдлӧ, мый Райыс матын. Библияас водзвыв вӧлі висьталӧма, мый дзик Рай водзвылас ми аддзылам повзьӧдчана кад. Ӧні ми олам тайӧ кадас. Со кутшӧм лоӧмторъяс водзвыв вӧлі висьталӧма Библияын:

Ыджыд войнаяс. «Кыпӧдчас войтырлы паныд войтыр да царство вылӧ царство» (Матвейсянь 24:7). Тайӧ водзвыв висьталӧмыс збыльмис. 1914 восянь вӧліны кык мирӧвӧй да уна ичӧтджык войнаяс. Тайӧ войнаясас кулісны уна миллион йӧз.

Висьӧмъяс паськалӧм. Лоасны «эпидемияяс то ӧтилаын, то мӧдлаын» (Лукасянь 21:11). Збыльмисны-ӧ тайӧ кывъясыс? Да. Уна миллион морт кулісны ракысь, сьӧлӧм висьӧмысь, туберкулёзысь, малярияысь, СПИД-ысь да мукӧд пӧлӧс висьӧмъясысь.

Сёяныс абу тырмымӧн. Му пасьталаыс эм йӧз, кодъяслы оз тырмы сёяныс. Быд во уна миллион морт кулӧ тшыгъялӧмысь. Тайӧ бара жӧ петкӧдлӧ, мый регыд лоас Рай. Библияас шуӧма, мый оз кут тырмыны сёяныс (Марксянь 13:8).

Му вӧрӧмъяс. «Ӧтилаын то мӧдлаын... лоӧны му вӧрӧмъяс» (Матвейсянь 24:7). Тайӧ сідзжӧ лоис миян кадӧ. 1914 восянь миллионысь унджык йӧз кулісны му вӧрӧмъясын.

Скӧр йӧз. Йӧзыс лоасны «деньга радейтысьӧсь» да «асьсӧ радейтысьӧсь». Найӧ лоӧны «гаж радейтысьӧсь, но абу радейтысьӧсь Енмӧс». Челядьыс лоӧны «бать-мамлы кывзысьтӧмӧсь» (2 Тимофейлы 3:1—5). Сӧглас абу тэ, мый уна йӧз ӧні дзик татшӧмӧсь? Найӧ оз пыдди пуктыны Енсӧ, а мукӧдыслы, коді зільӧ тӧдмавны Ен йылысь, вӧчӧны лёктор.

Лёк вӧчӧм. Сідзжӧ «лёк вӧчӧм содӧ» (Матвейсянь 24:12). Тэ, кӧнкӧ, тшӧтш сӧглас, мый некымын во сайын та мында лёксӧ эз вӧчлыны, кыдзи ӧні. Быдлаын морттӧ вермӧны грабитны, пӧрйӧдлыны либӧ мӧд ног сылы лёк вӧчны.

Ставыс тайӧ петкӧдлӧ, мый Енлӧн Царствоыс матын. Библияын шуӧма: «Кор ті аддзанныд, мый тайӧ вӧчсьӧ, тӧдӧй, мый Енлӧн Царствоыс матын» (Лукасянь 21:31). Енлӧн Царство, мый сійӧ сэтшӧмыс? Сійӧ — Енлӧн енэжса правительство, коді вӧчас мусӧ Райӧн. Енлӧн Царствоыс вежас мортӧн лӧсьӧдӧм правительствояссӧ (Даниил 2:44).