Енлы паныд мунысьяс. Коді найӧ?

Енлы медыджыд паныд мунысь — Сатана Дявӧл. Сійӧ лов, коді кыпӧдчис Иеговалы паныд. Сатана водзӧ нуӧдӧ Енкӧд тышсӧ да вайӧ йӧзыслы уна шог. Сатанаыс скӧр. Сійӧ пӧръясьысь да морт виысь (Иоансянь 8:44).

Мукӧд ловъяс ӧтлаасисны Сатанакӧд, медым мунны Енлы паныд. Библия шуӧ найӧс пеж ловъясӧн. Пеж ловъяс, Сатана моз жӧ,— йӧзлы паныд мунысьяс. Налы кажитчӧ шог вӧчны йӧзыслы (Матвейсянь 9:32, 33; 12:22). Иегова бырӧдас Сатанасӧ да сылысь пеж ловъяссӧ нэмъяс кежлӧ. Налы колис этша нин кадыс шог вайны йӧзыслы (Восьтӧм 12:12).

Кӧсъян кӧ тэ лоны ёртӧн Енлы, тэныд оз ков вӧчны сэтшӧмтор, мый виччысьӧ тэсянь Сатана. Сатана да пеж ловъясыс мустӧмтӧны Иеговаӧс. Найӧ Енлы паныд мунысьяс да кӧсйӧны, медым тэ тшӧтш лоин Енлы паныд мунысьӧн. Тэныд колӧ бӧрйыны: кодлысь кывзысьны — Сатаналысь либӧ Иеговалысь. Кӧсъян кӧ тэ овны нэмъяс чӧж, тэныд колӧ заводитны кывзысьны Енлысь. Сатанаыс уна ног кужӧ пӧрйӧдлыны йӧзсӧ. Тадзи сійӧ унджык йӧзсӧ воштӧма тӧлк вывсьыс (Восьтӧм 12:9).