Енлӧн ёртъяс. Коді найӧ?

Исус Христос — Енлӧн Пи да сылӧн медся матысса, дона ёрт. Му вылын чужтӧдз Исус вӧлі зэв ён лов да оліс енэжын (Иоансянь 17:5). Сэсся сійӧ локтіс му вылӧ, медым тӧдмӧдны йӧзсӧ збыльторйӧн Ен йылысь (Иоансянь 18:37). Сійӧ сідзжӧ сетіс ассьыс морт олӧмсӧ, медым мездыны кывзысьысь йӧзсӧ мыжсьыс да кулӧмсьыс (Римсалы 6:23). Ӧні Исус — Цар Енлӧн Царствоын, енэжса правительствоын, коді вӧчас мусӧ Райӧн (Восьтӧм 19:16).

Ангелъяс — сідзжӧ Енлӧн ёртъяс. Ангелъясыс оз овны му вылын йӧз моз. Найӧс вӧлі вӧчӧма енэжын сыӧдз на, кыдзи Ен вӧчис мусӧ (Иов 38:4—7). Ангелыс уна миллион (Даниил 7:10). Тайӧ Енлӧн енэжса ёртъясыс кӧсйӧны, медым йӧзыс тӧдмалісны Иегова йылысь збыльторсӧ (Восьтӧм 14:6, 7).

Енлӧн эм ёртъяс и му вылын, сійӧ шуӧ найӧс аслас висьталысьясӧн. Висьталысь [свидетель] суд вылын висьталӧ сійӧс, мый тӧдӧ кодкӧ либӧ мыйкӧ йылысь. Иеговалӧн Висьталысьяс шуӧны мукӧдыслы сійӧс, мы́й тӧдӧны Иегова да сылӧн могъяс йылысь (Исайя 43:10). Иеговалӧн Висьталысьяс, ангелъяс моз жӧ, кӧсйӧны отсавны тэныд тӧдмавны Иегова йылысь збыльторсӧ. Найӧ кӧсйӧны, медым тэ тшӧтш вӧлін ёртӧн Енлы.