Эновт ылӧдлана религиясӧ!

Сатана да сылӧн пеж ловъясыс оз кӧсйыны, мед тэ служитін Енмыслы. Найӧ зільӧны вӧчны сідзи, мед некод эз служит Енлы. Кыдзи найӧ тайӧс вӧчӧны? Ӧти ног кӧ — ылӧдлана религия отсӧгӧн (2 Коринфӧ 11:13—15). Ылӧдлана религия — сійӧ религия, коді оз велӧд Библия серти збыльсӧ. Ылӧдлана религияыс пальшивӧй сьӧм кодь, коді видзӧдсьӧ настӧящӧйӧн, но некутшӧм дон оз сулав да вермӧ вайны уна шог.

Религиялӧн ылӧдлӧм некор оз кут шогмыны Иеговалы, збыль Енлы. Кор Исус вӧлі му вылын, вӧлі ӧти религия котыр, да сэтчӧ пырысьясыс кӧсйисны вины сійӧс. Найӧ чайтісны, мый веськыда служитӧны Енлы. Тайӧ йӧзыс вӧлі шуӧны: «Миян ӧти БатьУрок 1— Ен». Исус на дор лои али эз? Эз! Сійӧ висьталіс: «Ті аслад батьсяньыд, Дявӧлсяньыд» (Иоансянь 8:41, 44). Талун уна йӧз служитӧны Сатаналы да сылӧн пеж ловъяслы, кӧть и чайтӧны, мый служитӧны Енлы (1 Коринфӧ 10:20).

Кыдзи сісь пу вайӧ омӧль плод, сідзжӧ и ылӧдлана религия быдтӧ-велӧдӧ сэтшӧм йӧзӧс, кодъяс вӧчӧны лёк. Муыс тырис шогӧн сы вӧсна, мый йӧзыс вӧчӧны лёк. Татчӧ позьӧ пыртны лёк ног любитчӧм, кось, гусясьӧм, мортӧс дзескӧдӧм, виӧм да мырдӧналӧм. Уна йӧз, кодъяс вӧчӧны татшӧмторсӧ, эскӧны кутшӧмкӧ религиялы, но сійӧ оз ышӧд найӧс вӧчны бурсӧ. Найӧ оз вермыны лоны Енлы ёртъясӧн, кытчӧдз оз дугдыны вӧчны лёксӧ (Матвейсянь 7:17, 18).

Ылӧдлана религия велӧдӧ йӧзсӧ юрбитны идолъяслы. Ен оз тшӧкты юрбитны идолъяслы. Сійӧ оз весьшӧрӧ тайӧс шу. Кӧсъян-ӧ тэ, мед кодкӧ пыр сёрнитіс тэнад фотографиякӧд тэкӧд сёрнитӧм пыдди? Лоас-ӧ сэтшӧм мортыс тэныд бур ёртӧн? Оз. Иегова кӧсйӧ, мед йӧзыс сёрнитісны сыкӧд, а эз статуякӧд либӧ серпаскӧд, кӧні абу олӧмыс (Петӧм 20:4, 5).

Ылӧдлана религия велӧдӧ, мый позьӧ вины йӧзсӧ война вылын. Исус висьталіс, мый Енлӧн ёртъясыс ӧта-мӧдсӧ кутасны радейтны. Ми ог виӧй йӧзсӧ, кодъясӧс радейтам (Иоансянь 13:35). Миянлы весиг оз позь вины скӧр йӧзсӧ. Кор Исуслы паныд мунысьяс локтісны сійӧс арестуйтны, сійӧ эз лэдз аслас велӧдчысьяслы дорйыны асьсӧ (Матвейсянь 26:51, 52).

Ылӧдлана религия велӧдӧ, мый скӧр йӧз кутасны мучитчыны биа адын. А Библия велӧдӧ, мый мыжыс нуӧдӧ кулӧмӧ (Римсалы 6:23). Иегова — радейтысь Ен. Кутас-ӧ радейтысь Ен помтӧг мучитны йӧзсӧ? Дерт жӧ, оз! Райын лоас сӧмын ӧти религия — сійӧ, кодӧс ошкӧ Иегова (Восьтӧм 15:4). Став религияыс, кодӧс подулалӧма сатаналӧн пӧрйӧдлӧм вылын, бырас.