Мый лоӧ кулӧм дырйи?

Кулӧмыс — сійӧ, кор олӧмыс абу. Кулӧмыс — тайӧ быттьӧ чорыда унмовсьӧм (Иоансянь 11:11—14). Кулӧмаясыс оз кывны, оз аддзыны, оз сёрнитны да оз мӧвпавны (Екклесиаст 9:5, 10). Ылӧдлана религия велӧдӧ, мый кулӧмаясыс веськалӧны мӧдар югыдӧ, мед овны сэні аслас кулӧм рӧдвужыскӧд. Библия татшӧмторйӧ оз велӧд.

Кулӧмаясыс оз вермыны ни отсавны миянлы, ни лёк вӧчны. Уна йӧз вӧчӧны обрядъяс да жертваяс, кодъяс, кыдз найӧ эскӧны, бурмӧдӧны кулӧмаясӧс. Тайӧ вӧчӧмъясыс оз шогмыны Енлы сы вӧсна, мый найӧс подулалӧмаӧсь сатаналӧн ылӧдӧм вылын. Татшӧмторнас он вермы угӧдитны и кулӧмаяслы сы вӧсна, мый найӧ абу нин ловъяӧсь. Миянлы оз ков повны кулӧмаясысь да оз ков служитны налы. Миянлы колӧ служитны сӧмын Енлы (Матвейсянь 4:10).

Кулӧмаясыс выльысь кутасны овны. Иегова садьмӧдас кулӧмаяссӧ узьӧмсьыс, мед найӧ олісны райскӧй му вылын. Но тайӧ кадыс эз на во (Иоансянь 5:28, 29; Уджъяс 24:15). Ен вермӧ садьмӧдны кулӧмаяссӧ сідзжӧ, кыдзи тэ верман садьмӧдны узьысьӧс (Марксянь 5:22, 23, 41, 42).

Мӧвпыс, мый ми огӧ кулӧй — тайӧ ылӧдӧм, кодӧс паськӧдӧма Сатана Дявӧл. Сатана аслас пеж ловъяскӧд ышӧдӧны йӧзсӧ мӧвпавны, мый кулӧмалӧн лолыс оз кув да мӧдӧдӧ миян вылӧ висьӧм да мукӧд шог. Мукӧддырйиыс Сатана, мед пӧрйӧдлыны йӧзсӧ, сетӧ кутшӧмкӧ вӧтъяс либӧ аддзӧмъяс. Иегова мыждӧ йӧзсӧ, коді видлӧ сёрнитны кулӧмаяскӧд (Мӧд Индӧд 18:10—12).